غزوة الدويش وعساف ابو اثنين مع الغييثات وموقف الأمير وقيّان البطولي

[معلومات العضو العماني]

غزى الأمير المعروف عسّاف أبو اثنين بالجمالين ومن معهم من (سبيع) ، وتقابل مع واحدٍ من الدوشان غازياً بن معه من (مطير) ، فقال بعضهم لبعض ماورانا طمع ولاوراكم طمع لكن خلونا ويا الغييثات لأنهم مقفين من الربيع وخلونا ناخذ تاليهم .

وفعلاً لحقوا الغييثات وغاروا عليهم وكان مع الغييثات اهل بيت من السهول جيرانٍ لهم ومعهم ورع رضيع في ميزب معلقٍ على جنب بعير ، والميزب أداة يوضع فيه الأطفال حديثو الولادة ويعلّق على الراحله .

وغزى القوم على الغييثات ، ويوم هجة المظاهير من الخيل سقط الميزب وفيه الطفل السهلي وتركته امه ففي هذاك الموقف كل اراد النجاه بنفسه ولم تستطع الأم ان ترجع لانقاذ ابنها .

المهم رجع الأمير الهُمام (وقيّان بن نصّار) أمير قبيلة الغييثات بفرسه والقوم يرمونه والرصاص من يمينه ومن شماله ، وقام الأمير وقيّان وشل الطفل السهلي وتنجّده بكل بساله وشجاعه ، وطارد القوم ومعه فرسان الغييثات ، وظل الأمير وقيان متنجد الطفل السهلي حتى انتهت المعركة ، بانتصار الغييثات وحمايتهم لحلالهم واموالهم وطردهم للغزاه ، ضاربين بذلك اكبر دلائل الشجاعه والاقدام ، وضرب الأمير وقيان أروع مواقف وأمثلة البطوله والشهامه .

ويقال أن الأمير وقيان بن نصّار لم يمدح شخصا ً في حياته او اثنى على احد ، الا أنه في هذاك اليوم وبعد حماية الغييثات لحلالهم وانفسهم قال الأمير هذه الكلمة باللهجة الدوسرية : (لالا حسين لا لا حسين )

أي : لولا حسين لولا حسين.

وحسين هو الفارس حسين الدجران المناديع الغييثي من فرسان الغييثات المشهورين وقد ابلى بلاء حسنا ً في ذلك اليوم .

وبعد المعركة ورجوع الطفل لأمه قالت الأم السهلية هذه الأبيات تصف انتصار الغييثات وانهم بفضل رأي الأمير وقيان رعوا ابلهم بكل امان لايهابون احد ، كما وصفت موقف الأمير البطولي مع طفلها :

حنا في ذرى الله وفي ذراه ما نخاف= ومن راي ((اخو فرجه)) دبشنا يفلّي
جانا (الدوّيش) وزفلته قوم (عسّاف) = حتى الرضيع اللي على الديد خلّي
لين اثنى ((شيخ ٍ )) مع الضيق ينشاف= ودنق وشلّه والهوايا تهلّي
فرح عيون أم من الدمع ذرّاف= عسى يمين ٍ شلته ما تشلّي
تنجده (( شيخ )) الجهامه والاسلاف = وطارد وفك الحايره والمتلّي
((وقيان)) له بالعز والطيب ميقاف= وفعله يعمي عيون المغلّي
اللي نطح بساعته سبعة أرداف =ومن سربة (الدوشان) عيّا يذلّي

أخو فرجه : عزوة الأمير وقيّان بن نصّار أمير قبيلة الغييثات .

رحم الله الأمير وقيان واسكنه فسيح جناته .

كتبه هايف العماني

 

 

 

 

[معلومات العضو فهد الغريري]

الاخ العزيز الغالي :ابومبارك " هايف العماني "

جعل يمناك مايجها العطب ياعشير الماعير

كفو كفو كفو كفو.................. بالغييثات جعلهم المعزه

وافين وغالين جعلهم المعزه في كل هيه لهم رمح.

وهذى الشي لا يستغرب من اخو فرجه " الأمير وقيّان بن نصّار "

صيته ذاع في بوادي نجد بعلمه الغانم ونخوته التي يضرب بها المثل.

واسأل الله ان يرحمه وان يبارك في ذريته,,

وتقبل تقديري واحترامي في مقامك العالي

اخوك / فــهــد الغريري

 

 

 

 

[معلومات العضو ابو زيد الغييثي]

ابو مبارك
بيض الله وجهك
على ايراد هذا الموقف الشهير
والله ولو بس هذا الموقف افتخرت به الغييثات
لكفاهم الفخر
رحم الله هذا الامير الذي قاد الغييثات
من انتصار الى انتصار
تقبل تحياتي
ابو زيد الغييثي

 

 

 

 

[معلومات العضو ابوشجاع]

ونعم ونعم بالاد غياث

حموا حلالهم ولاهي غريبه عليهم

ونعم بالامير وقيان على فعله وتنجاده للطفل واسترداده لامه سالم وهذا ان دل فيدل على صلابة راسه وثبات موقفه وضرب بذلك مثل تفخر به العرب فما بالك بالدواسر

ونعم بالفارس حسين ابن دجران اللي امدحه الامير يوم شاف فعله

الله لايهينك يابومبارك على جهدك

 

 

 

 

[معلومات العضو تركي ال فنيس]

بيض الله وجهك يابومبارك علي السالفه الطيبه اللي ترفع راس كل دوسري وكلمة كفووووووووووووووووو للغييثات ماتوفيهم حقهم بني عمنا وافين جعلهم المعزه

 

 

 

 

[معلومات العضو بدر بن صقر العجالين]

أبــــــــــــــــــومــــــــــــــــــــــــبـــ ــــارك

بــيـــض الله وجـــهـــــــــك ولاهـــــــــــنــــــــت مــــــلــــــــيـــــــون

عـــــلـــــى ذكـــــــر الـــــــمــــــواقــــــــف الـــــــبــــــطـــــولـــــــيــــــه

لـــــــــــــرجــــــــــــال الـــــــغـــــــيـــــــيــــــــثـــــــــات.... ...

وكــــــــــــــــــــــفـــــــــــــوا والله...........

ومشكور يابومبارك وتقبل خالص تحياتي..........

 

 

 

 

[معلومات العضو سعد المقابله]

كفوكفوكفو

والله بصبيان الغياثات

والله لايهينك لاهنت لاهنت

والله يعطيك الف عافيه

على السالفه والقصيده

 

 

 

 

[معلومات العضو ابوعبدالرحمن الودعاني]

&#91align=center&#93 &#91size=5&#93&#91frame=&quot1 80&quot&#93 &#91align=center&#93&#91color=#CC3300&#93&#91size=5&#93&#91ft=Arial&#93 أخي وإبن عمي الحبيب الغالي هايــــــف العمانـــــــــــــــــــي كفو كفو كفو والله ببني عمي الغييثات جعلهم المعزه علومهم دوم ترفع الراس أحسنت وبارك الله فيك على هذا الجهد الطيب والمشاركة الرائعه نتمنى منك الإستمرار بإفادتنا بهذه المواضيع الشيقه &#91/color&#93&#91/align&#93 &#91/frame&#93&#91/size&#93 &#91/align&#93

[/size][/font]

 

 

 

 

[معلومات العضو عبدالرحمن الشرافي]

	والله ومليون نعم بصبيان الغيثات (( هل الثمان )) والله يرحم اخو فرجة على هذا الفعل المشرف للدواسر عموم .. وفعل الغيثات هذا ينومس كل دوسري .. (( طولت التميمي طولت لي )) وجعل يمناك مايجيها العطب يا ابو مبارك وبيض الله وجهك.. ننتظر جديدك وجديد رواتن في المنتدى .. تحياتي

 

 

 

 

[معلومات العضو العماني]

المشاركة الأصلية كتبت بواسطة فهد الغريري

الاخ العزيز الغالي :ابومبارك " هايف العماني "
جعل يمناك مايجها العطب ياعشير الماعير
كفو كفو كفو كفو.................. بالغييثات جعلهم المعزه
وافين وغالين جعلهم المعزه في كل هيه لهم رمح.
وهذى الشي لا يستغرب من اخو فرجه " الأمير وقيّان بن نصّار "
صيته ذاع في بوادي نجد بعلمه الغانم ونخوتها التي يضرب بها المثل.
واسأل الله ان يرحمه وان يبارك في ذريته,,
وتقبل تقديري واحترامي في مقامك العالي
اخوك / فــهــد الغريري

الأخ الغالي بوراشد

ماعليك زود يابوراشد والله لايهينك على الرد الطيب والله يرحمه ان شاء الله ويسكنه الجنه

تقبل تحياتي،،

 

 

 

 

[معلومات العضو سالم الغريري]

ونعم ونعم بالاد غياث

حموا حلالهم ولاهي غريبه عليهم

ونعم بالامير وقيان على فعله وتنجاده للطفل واسترداده لامه سالم وهذا ان دل فيدل على صلابة راسه وثبات موقفه وضرب بذلك مثل تفخر به العرب فما بالك بالدواسر

ونعم بالفارس حسين ابن دجران اللي امدحه الامير يوم شاف فعله

الله لايهينك يابومبارك على جهدك
وكتاباتك التاريخيه

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

العزيز الغالي : هايف العماني

يامرحبا والله ومسهلا يالقرم إبن القروم

لاشلت يمناك يالقرم على ماكتبت لنا في هذا الموقف البطولي والمشرف

والذي ليس بغريبٍ على رجلٍ بحجم وقيان بن نصار الغياثات

رحم الله الأمير برحمته الواسعة وأسكنه فسيح جناته

الذي خلد التاريخ الأبيض مواقف هذا الرجل الكبير والعظيم

كما لاننسى موقف الفارس الشجاع حسين الدجران المناديع

أبو مبارك جعل عيني ماتهل عليك يالقرم على هذا الموضوع الجميل

والذي يشرف كل دوسري وليس الغياثات فحسب

تقبل ودي وتحياتي العطره لمقامك العالي

محبك ومحب الجميع : أبو محمد

 

 

 

 

[معلومات العضو العقيد]

أبو مبارك بيض الله وجهك.


وكفووو بصبيان الغياثات هل الطالات.

والله يرحم الامير وقيان بن نصار على هذا الفعل البطولي.

 

 

 

 

[معلومات العضو الأشعف]

كفو والله بلغييثات

لاهنت أخوي هايف على توثيق الأحداث

وعسى الله يرحم الأمير وقيان ويسكنة فسيح جناته

تحياتي

 

 

 

 

[معلومات العضو رعاد]

	حنا في ذرى الله وفي ذراه من خاف= ومن راي ((اخو فرجه)) دبشنا يفلّي جانا الدويش وزفلته قوم عسّاف = حتى الرضيع اللي على الديد خلّي لين اثنى ((شيخ ٍ )) مع الضيق ينشاف= ودنق وشلّه والهوايا تهلّي فرح عيون أم من الدمع ذرّاف= عسى يمين ٍ شلته ما تشلّي تنجده (( شيخ )) الجهامه والاسلاف = وطارد وفك الحايره والمتلّي ((وقيان)) له بالعز والطيب ميقاف= وفعله يعمي عيون المغلّي اللي نطح بساعته سبعة الارداف=ومن سربة (الدوشان) عيا يذلّي ونعم ونعم بالاد غياث حموا حلالهم ولاهي غريبه عليهم ونعم بالامير وقيان على فعله وتنجاده للطفل واسترداده لامه سالم ومشكور اخوي هايف والله يعطيك العافية تقبل فائق الاحترام وتقدير اخوك :- رعاد