الأمير لبنان بن مناحي آل حزيم الرجباني في لقاء مع موقع القبيلة الرسمي - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 06-07-2007, 03:45 AM   #1
 
إحصائية العضو







الإداره غير متصل

الإداره is on a distinguished road


افتراضي الأمير لبنان بن مناحي آل حزيم الرجباني في لقاء مع موقع القبيلة الرسمي






بسم الله الرحمن الرحيم


والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين


اخواني منسوبي موقع قبيلة الدواسر الرسمي ، كما عودناكم دائما ً يسرّنا اليوم ان نقدم لكم هذا اللقاء الشيق الذي أجرته ادارة الموقع مع احد شيوخ قبيلة الدواسر المعروفين ، الا وهو الأمير لبنان بن مناحي آل حزيم أمير آل راشد من الرجبان ورئيس مركز آل راشد بوادي الدواسر .


والأمير لبنان بن مناحي (حفظه الله) من أوائل الذين قاموا بتأييد موقع الدواسر الرسمي وتزكيته ممثلا لقبيلة الدواسر الرسمي على شبكة الانترنت ومن أوائل الذين تفضلوا بارسال خطابات رسمية بذلك .






الأمير لبنان بن مناحي آل حزيم الرجباني


أجرى اللقاء :
الأستاذ هايف بن مبارك العماني ، الشيخ أحمد بن ضيف الله الودعاني (أبو عبدالرحمن الودعاني)


حضر اللقاء :
الأمير محمد بن متعب بن درعان أمير الولامين الوداعين (رحمه الله) ، الأمير عبدالله بن متعب بن درعان الولامين الوداعين ، الشيخ عبدالله بن حنيف بن درعان الولامين ، الشيخ هزّاع بن لبنان آل حزيم ، الشاعر المعروف محمد بن فرّاج الدوسري .



من اليمين الشيخ عبدالله بن حنيف آل درعان ثم الشاعر محمد بن فراج ثم الأمير محمد بن درعان (رحمه الله)


الأمير لبنان بن مناحي وابنه الشيخ هزاع بن لبنان آل حزيم.



س : في البداية ياطويل العمر هل ممكن ان تعطينا نبذة شخصية عنكم ؟

ج : اسمي طال عمرك لبنان بن مناحي بن هجرس آل حزيم رئيس مركز آل راشد الرجبان ،




س : طال عمركم ، سمعنا بقصة جدكم (هجرس) رحمه الله مع ابن رشيد ، فهل تحدثوننا عنها ؟

ج : سالفة جدي طال عمركم ، هو أن جدي الله يغفر له واموات المسلمين تشاجر مع منصوب ابن رشيد بخصوص الزكاه ، ورفض جدي يعطي المنصوب الزكاه وكان يسميه (المذكور) ، وامر جدي الجماعه مايدخلون شي من الزكاه على منصوب ابن رشيد .

فقام منصوب ابن رشيد وكتب لابن رشيد وكتب عن جدي انه ( المقطّع ، المجنّى ، الخبيث، المنافق، ... الرافض للزكاه ) ، فطلب ابن رشيد شوفته او القبض عليه .

بعد سنتين او ثلاث سنين تغيّرت الاوضاع وتوسع حكم ابن رشيد ، وخاف هجرس على نفسه ، وراح صوب( محمد بن درعان ) شيخ الولامين الوداعين وكان له وجه وجاه عند ابن رشيد .

وقال هجرس لابن درعان : دخلني مع ابن رشيد وسنّعني .
فقال ابن درعان : وعدك الشهر الفلاني في (حائل) .

يوم جاء وقت الوعد ، ركب هجرس ذلوله مع ابن عم ٍ له في ظهور جيشهم (ابلهم) وراحوا لين نوخّوا عليه في (حائل) ، ولين محمد بن دعان قد اصلح الأمور في حايل عند ابن رشيد .

استقبلهم ابن رشيد وقبل عذرهم ،

و قال ابن رشيد لجدي هجرس : ( جابك الله ياهجرس تحسب ان الله مهو جاي ٍ بك ).
قال هجرس : اعوذ بالله من الشيطان الرجيم (( يايها الذين آمنوا أذا جاءكم فاسق بنبأ فتبينوا أن تصيبوا قوما ً بجهاله فتصبحون على مافعلتهم نادمين ))، انشد محمد بن درعان في جنبك! .

قال ابن رشيد : ماعاد فيه شرح انتهى الموضوع ، والله يحييكم .

وبعدها جلسوا عند ابن رشيد مدّه ، وفي يوم من الأيام جاب ابن رشيد الطيور ، وجاب طيرين يورّيها اياهم ويوريها جدي وجدي صقّار ، يوم وراه اياها ، قال ابن رشيد : ويش اللي يقنّص من ذا الطيور؟!.
أشار جدي على واحد .
قال ابن رشيد : والله انه مايظهر على الجول ويروح منه وحده ، كم تصيد عندكم الطيور ياهجرس ؟
قال جدي : تصيد عشرين في اليوم .
قال ابن رشيد : مايصير مافيه طير ٍ بيصيد عشرين !!
قال جدي : صادها جنانا طير ، جناه اخوي لي من غضاه ، وهديناه وصاد العشرين ، وغدى(ضاع) ويقول فيه الشاعر .

قال ابن رشيد : ويش يقول ؟

قال جدي :
طيري غدى يوم اختلاف الورودي = واقفت به النكبا وعلوّت محامه
ياطير ياللي موكره بالنفودي = شرقي( ظبع) عند خشم العدامه
مناكبه كنها كرازي فرودي = ويشبه لسقّاي ٍ على جال قامه
مايظرب الا في النحر والعضودي = ومن ناشه المخلب فلا له سلامه
العين عين مجرب ٍ مايحودي = اللي ليا جاء الهوش شده غمامه

ظبع : جبل عندنا في الدحي.


قال ابن سبهان : مثل عين الرجيلي يوم المليداء يوم يفلك يدينه عن السيف عيّت تفلّت .
قال ابن رشيد : اسكت الله ياخذك ، هااه هااه

أكمل جدي :
العين عين مجرب ٍ مايحودي = اللي ليا جاء الهوش شدّه غمامه
يصيد عشر ٍ والدبش مايقودي = وعشر مع حلها عسير صرامه

قال ابن رشيد : اي والله يصيد عشر اول اليوم وعشر تاليه .



المهم كتب ابن رشيد لجدي في الزكاه ان هجرس يعطى :

ست مئة وزنه تمر
ثلاث مئة صاع بر
وثنيّـتين من الابل في الزكاه

مشت لين حتى دفعها ابن سعود ، ثم ثمّنت بفلوس تمشي مع الشرهه العاديّه .


س : هل صحيح قصة اصابة جدكم في احدى الغزوات ؟


ج : نعم ، غزى جدي هجرس الله يغفر له مع ستة خياله ومعهم زماميلهم ، وغاروا على ابل وخذوها ، ولحقوهم هل الابل وجنبوهم هل الابل وتوطوهم.

المهم يالله عند الخيل والزماميل .

الزماميل جلست وحالوا عليها القوم وهم بوارديه .

يوم شاف جدي انهم بيحولون عليها ، رد الفرس عليهم وعقروا فرسه وصوّبوا رجله ، ويرجعون عليه اثنين من الخياله ( الجهيمي) و(فالح بن دعامه الرجبان) ، واحد ٍ قرع الخيل وواحد ٍ اركبه ، سلموا ومنعوا رحولهم .

جاء يوم جاؤا ، والزماميل اخذت منهم ، فيلعب الشاعر ذياب بن همام آل حميد الرجبان يوم صوّب جدي:

تكفون ياهل الخيل مسوا شهرها = واخذوا بثار الشيخ وافي الخصايل
هذاك (هجرس) جعل يسلم قدرها = من شبته ضاري بكسب النفايل
والبيض للي عند ( هجرس) دهرها = يستاهلون البيض وسط القبايل



س : هل تحدثوننا عن دور والدكم الأمير مناحي بن هجرس رحمه الله في فتح نجران ؟

ج : غزوا الدواسر واللي معهم من الأجناب بناء على أمر من ابن سعود ، غزوا نجران لفتحها ، وحاصروا على نجران ولا احد دخلها ، وفي ليلة من الليالي خذى ابوي الله يرحمه اخوياه وسروا ودخلوا في قصر الشريف ( عويله ) منصوب نجران ، دخلوه فيه وذبحوا اهله ، وخيطوا العلم وزينوه ، ويوم اصبحوا الناس الصبح لين العلم يطرخ( يرفرف) فوق القصر والبندق تثور من بطن نجران.
انكسرت اهل نجران وهجت ودخلوا جيش ابن سعود ، وقعد ابوي وربعه في البيت مليان من كل كاف ومن كل نعمه والعالم يتشاوون الجلد ، لين جاهم سعود بن عبدالعزيز معوّد من (باقب) وسلّم ابوي مفاتيح قصر الشريف لسعود بن عبدالعزيز والأمير فيصل بن سعد آل فرحان معه.



الأمير مناحي بن هجرس آل حزيم رحمه الله


مرفق : صورة خطاب سمو الأمير فيصل بن سعد آل فرحان رحمه الله تعالى وشهادته بأن الأمير مناحي اول من دخل قصر نجران ورفع الرايه فيه .




نص الخطاب :

الى من يهمّه الأمر

وبعد ، لقد طلب منا المدعو / مناحي بن هجرس آل حزيم التعريف عليه ، نفيدكم أن المذكور كان من رجال الملك عبدالعزيز وشارك معه في جميع مغازيه وكان معنا في نجران حيث أنه هو أول من دخل القصر ورفع راية الجيش السعودي عليه ، وانه أمير قبيلته وحسب طلبه اعطي هذا التعريف كشهاده على ماذكر اعلاه للمعلوميه .


فيصل بن سعد بن عبدالرحمن
(التوقيع)







س : والدكم رحمه الله شاعر مجيد فهل ممكن ان تعطونا بعض قصايده وقصصه ؟

ج : جاء مشكله بين الدواسر وبين قحطان على بير هنا يسمونه( القيعان) ، وتحاجينا وياهم وقطعنا صك وانا اللي خاصم ، قطعنا صك وانتهى موضوعها ، وبلّغوا بصك وهم مو تبعنا انّا تبع الرياض وهم تبع منطقة عسير .ركبوا القحاطين وصبّحونا على القيعان .
حصل بينا وبينهم رماية واصاويب ، وفك الله للأنفس ، وجت الحكومة وانهت الموضوع نهائيا وجعل حد بينا وبينهم ست عشر كيلوا محد يدخل في حد الأخر.

المهم قام واحد من الشيابين من عتيبه وهو جار لآل سويدان من قحطان وينفعونه ، وقال هذا البيت:

حوّل (الدندان) من راس الزريبه = جاه ربع ٍ حولوه من الزرايب

والعتيبي ماحضر المعركة اصلا ، والدندان هو الشاعر المعروف عبدالله بن محمد بن حزيم الحرارشه وهو منّا.

المهم رد عليه ابوي :

يذكر( ابن مقينع ) يطري الزريبه = لو حضرهم شاف وقع اهل الزرايب
شايب ما صاد خير ٍ في مشيبه = ظالم حظّه وهو بالعين غايب
ظالم حظّه ومترد ٍ نصيبه = ومن ردى حظّه تعرّض للسبايب
حامي للناس ومخل ٍ امصيبه = الحمايا كان عنده للقرايب
يوم ربعه يزهمونه ضاع طيبه = في اسفل (الظيرين) من تحت القلايب
جاه ربع ٍ جنبوه من صويبه = واختلف من ضرب عطبين الضرايب
طق ماعاد ارقب اللي يجي به = يحسب ان الموت ماعاده بغايب
ماتمرجل في شبابه قبل شيبه = كون في سرقه بعيد وفي القرايب
يوم راس العير بيّن كشف عيبه = يضربونه بالخضر ويقول تايب
فلو مع جاره حمى يبغي يثيبه = كان جاء معهم نورّيه العجايب
لين يقفي عايب ٍ ويبين عيبه = او يصيبه مثلهم بعض المصايب
جاه منحاش ٍ من الرقّه اصحيبه = مافزع له يوم شافه بالهبايب
ساري ٍ ليله وهو يزمل صويبه = ما امرح الا زابن ٍ عند آل شايب
طوّعه ربع ٍ مواقفهم اصعيبه = مرخصت الأرواح لاجات المصايب
جعل غمر ٍ مايقابل في مصيبه = جعل يركز له على قبره نصايب
الفتى لا قال قول ٍ يعتني به = لاهرج هرج وكاد ٍ يقال صايب



عبدالله بن محمد بن حزيم الحرارشة الرجباني ( رحمة الله عليه )
الملقب ( الدندان )


وقال الدندان :

صبحونا طلعت الشمس وانباج السفر = في جموع ٍ ماعرفنا نعد احسابها
ثم زهمنا صلب جد ٍ يسوون العبر= خبرة ٍ كنهم أسود ٍ تعض اشنابها
مخروا سود من النيل سبلات النظر =مدبحات ٍ كن سود الحنوش رقابها
واشتبك شوب اشهب الملح وابليس ٍ حظر = وكل مدغوش ٍ يمينه على مقضابها
والله مافي الشبوا زود ٍ على خمسة عشر = واقعدوا ناس ٍ جموع ٍ تسن احرابها
نطحوهم مغرب الشمس والوارد صدر = وعاف منها عقب ماذاق سو اسبابها
ذا لعينا شمخ النيف حسكات الوبر = الفطير اللي تشادي الجريد رقابها
والله ان تسند مع الجوب لازاف الزهر = وان تعدي (جبجب ٍ) وانت ماترضابها
يانديبي وارتحل حايل ٍ فج النحر = حرة ٍ لا روّحت يعجبك صلاّبها
صوب صبيان (آل زايد) بمردود الخبر = سرهم بالعلم لاجيت ياركّابها
سعد منهم لابته محزمه خزن الظفر = هل فعول ٍ من عصور الجهل يدرى بها
بيض الله وجه من شاف بالعينه حضر = وحقه البيضا تنثر عليه اثيابها




يقول واحد من قحطان أيضا :

ياجاي( ابن حزيم) ترانا بالوعد = (والجزل) من صوب المناشي سايله
ورصاصنا يشبه لدندان الرعد = وناتي على وضح النقا في القايله

فيقول ابوي :

تهيّض النشّاد من قول ٍ يرد = اللي يقول( الجزل) تراها سايله
لاسالت( الجزلا) فيا ليل السعد = وذا من كرم ربي ومن فضايله
اهلها نصوها مثل مال لا ورد = في كنة الجازا عطاش ٍ حايله
يبغون ديرتهم وجّداد العهد= لا من كسا نور الزهر مسايله
وصية الشيبان حافظها الولد = وصغيرنا تبع لسلم أوايله
ذي دارنا من عصر جدان ٍ لجد = وقد قاله النشّاد في مثايله
قبليها الجزلا ليا خرب تحد = وتنحي على غرس عذوقه مايله
غرس رسخ من غير معروف ٍ لأحد = ومرسخينه بالسيوف العايله
بسيوف هند ٍ مترفات ماترد = ويقعد بها بالهوش بروس ٍ مايله
انشد على ندوان في يوم ٍ يعد = من سيف عود ٍ ورّخت فعايله
مع ظاوي ابن فهيد من قوم القعد = ومن سيف عمي والعيون تخايله
لاخير بهرج يقال بلا وكد = وقول نقوله ترده دلايله
اللي يقول انا لكم عند الوعد = لاجا الوعد ليلٍ ولا في القايله
غره مزاباته ونفاذ العدد = وجمعه على قرنبعه قبايله
هرج القفا مهوب ناموس ٍ لأحد =والزور مايرفع مقامة قايله
شرف مع البرقا عليناهم شرد = وماعاد ذاق الماء ونفسه سايله
عرض على القيعه بليله مارقد = وماردّه الا العنقري ياشايله
ومن غاب منا جعل يطوى باللحد = وياجعل تكسي دركته فعايله
وعين ٍ تبي بنته عساها الرمد = ماتوّخذ بنته وذي فعايله
الموت ماخلى الذليل ليا قعد = دلّه وهو متراكي ٍ في الذايله
ان كانهم يطرون سكّان البلد = فأهلها (وداعين) توطي العايله
حريبهم لاانتهى مارقد = ولاهو بعيد صوب ديرة وايله
التارده من كل مخّاذ ٍ ترد = وان كان ماقلته فكلن ٍ قايله


س : هل اشترك والدكم رحمه الله في معارك اخرى من معارك التوحيد ؟

ج : ابوي غزى (تربه) وهو عمره 15 سنه ، والرغامه والطايف ، وغزى أبها مع ابن عصيفان ، وغزى نجران ، ماقعد غزوة ٍ مع ابن سعود الا ماغطس فيها.

س : متى توفي رحمه الله ؟

ج : توفي رحمه الله عام 1408 هـ ، 1989م ، وعمره حول المائة عام .



الأمير محمد بن متعب بن درعان ( رحمه الله تعالى)

يتحدث الأمير محمد بن درعان رحمه الله :

الأمير مناحي رحمه الله رجل فاضل ومن ميزاته رحمه الله انه ابدا ً ماكان يسب احد نهائيا او يتعرض في احد ، والأمير لبنان ناهج على نهجه ، طبعا الأمير لبنان خالي وعمي حيث اني متزوج وحده من بناته ، وابن عم والله ماقد سمعته ساب ٍ احد .

يكمل الأمير لبنان بن مناحي :

وابوي قصائده كثيرا في هذا المعنى فهو يقول :

عيّنت انا الذم مايهفي الأجاويد = والمدح ماسر في رخو الجناحي
انا احمدالله عديمٍ في الأواليد = ومن (العييضات) صبيان الفلاحي

ويقول أيضا :

الذم في الأجواد مايهفي مبانيها = والمدح مايرفع اللي حيلهم واني
ترى حرار الجبل تعرف مجانيها = والبوم له موكر ٍ هو وام عثماني
ترى المراجل اهلها اللي تحاضيها = مهيب تهيا لسلتان وفلتاني


ويقول ايضا في واحد من جماعته زعل عليه :

لايحسب الاش هرجه يبعده منا = لاحتاجنا كن هرجه مادرينا به
اللي يبينا فحن منه وهو منّا = واللي يبي البعد منّا ماحسبنابه




س : ابومناحي عرفت عند الجميع ان مالك ابل وعاشق لها ، ولك قصايد جميلة فيها هل ممكن ان تعطينا بعضها ؟

ج : نعم ، عيالي حانيني من الابل والتعب عندها ، وانا أقول :


الابل هواها صبي ٍ مايغايبها = مهوب يقعد ويبغي الناس يكفونه
خليت كل المصالح من سبايبها = لعيون عفرا ً تحب الصوت مزيونه
الزين لادرّعوا فيها جنايبها = وضحا ً كما القلف لامنه صفا لونه
يازينها لا اقبل القلاف يندبها = قامت تهبد تقول اليوم مجنونه
لاقام يضرب زبدها في شواربها= كنها عقيد نهار الهوش ينخونه
وخطوات ملحا ً طويل الرسم غاربها = والذيل معسر طموح ٍ يوم يثعونه
عريضة الساق والهوبار يعجبها = وتكسر على الصوت لون البحر دونه
تهيا لغمر ٍ قروشه مايحسّبها = ومن طاوع اللي من اقرابه يعذلونه
حلفت انا ماتجي في السوق جانبها = مادمت حي ٍ ترى الأرزاق مضمونه
ابغي ليا لاحق برّاق نحول بها = وننزل بها القفر قدم البدو يرعونه


وأيضا ً أقول :

يازين شوف المغاتير سرّاح = لاجاك عساس في علم وكيدي
تاخذ على بعض المجاهيم مشواح = لاطولوا عقب القعاد الشديدي
وابرى لها من فوق زينات الأشباح = من وراد (الجيبان) توّه جديدي
نرعا بها نبت الوسامي اليا طاح = لو كان من دونه ديار ٍ بعيدي
لانيب لاشاوي ولانيب فلاح = ابغي المكان اللي نباته جديدي
يازينها لامن سرت عقب مرواح = علط الرقاب اللي سوات الجريدي
عقب الربيع وفرّعت والحيا طاح = على ديار منزحين الضديدي
مع كل منهو للمواجيب نطّاح = ربعي مقيدة الجمل بالحديدي
لاجاء نهار مثل هية الاميلاح = تبنى البيوت ولانووا بالشديدي
كم شيخ قوم ٍ في نحا خيلهم طاح = تضرب بحد السيف علم وكيدي
((رجبان)) تروي باللقا سرب الأرماح= وقول بدون افعال ماهومفيدي
اللي مجالسهم على الطيب فتّاح = والضيف يدخلها على مايريدي
مر على بر ٍ به السمن ينساح = ومر ٍ على حيل ٍ شحمها يزيدي




الأمير لبنان بن مناحي آل حزيم



الشيخ عبدالله بن حنيف آل درعان الولامين





وفي ختام هذا اللقاء الشيّق لايسعنا الا أن نتقدم بخالص الشكر والتقدير للأمير لبنان بن مناحي آل حزيم (حفظه الله) سائلين المولى عز وجل ان يمد بعمره على طاعته ويمتعه بالصحة والعافية .


موقع قبيلة الدواسر الرسمي
www.alduwasser.org/vb



 

 

 

 

    

رد مع اقتباس
قديم 06-07-2007, 04:10 AM   #2
 
إحصائية العضو








أبونواف الدوسري غير متصل

وسام التميز: وسام التميز - السبب: نظيرا ً لجهوده الكبيره في المنتدى
: 1

أبونواف الدوسري has a spectacular aura aboutأبونواف الدوسري has a spectacular aura about


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

أخواني الأداره

لكم جزيل الشكر علي هذا اللقاء مع الأمير لبنان بن مناحي آل حزيم الرجباني

والله يرحم الأمير محمد بن متعب بن درعان أمير الولامين...

عسي الله يوفقكم ويجعلكم لنا ذخرا في هذا المنتدي العزيز علي قلوبنا لجهودكم الكبيره في تعريفنا

بأمراء هذه القبيله ووجهائها ...

والشكر موصول للأخوان الأستاذ هايف بن مبارك العماني رئيس مجلس الأداره و الشيخ أحمد بن ضيف

الله الودعاني (أبو عبدالرحمن الودعاني) المدير العام لجهودهم الطيبه لعمل هذا اللقاء.....

لكم تقدير وأحترام

أخوكم أبو نواف الدوسري

 

 

 

 

 

 

التوقيع

    

رد مع اقتباس
قديم 06-07-2007, 05:44 AM   #3
 
إحصائية العضو







سعـد بن الأشيب غير متصل

سعـد بن الأشيب is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

أخــــــــــوانـــــــــي الأداره

لكـــم جــــزيل الشكر علي هذا اللقاء مع الأمير لبنان بن مناحي آل حزيم الرجباني

والله يرحم الأمير محمد بن متعب بن درعان أمير الولامين

عسي الله يوفقكم ويجعلكم لنا ذخرا في هذا المنتدي العزيز علي قلوبنا لجهودكم الكبيره في تعريفنا

بأمراء هذه القبيله ووجهائها

والشكر موصول للأخوان الأستاذ هايف بن مبارك العماني رئيس مجلس الأداره و الشيخ أحمد بن ضيف

الله الودعاني (أبو عبدالرحمن الودعاني) المدير العام لجهودهم الطيبه لعمل هذا اللقاء



وتـــقبل ودي وحـــــتـــــــرامـــــــي :::

 

 

 

 

 

 

التوقيع

    

رد مع اقتباس
قديم 06-07-2007, 02:15 PM   #4
 
إحصائية العضو








ابو زابن المسعري غير متصل

ابو زابن المسعري will become famous soon enoughابو زابن المسعري will become famous soon enough


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

بسم الله الرحمن الرحيم
اخواني اعضاء الاداره الكرام
السلام عليكم ورحمة الله وبركاته وبعد
بيض الله وجيهكم والله لايهينكم فلكم مجهودات تشكرون عليها
واخص بالذكر هايف العماني وابو عبدالرحمن الودعاني
جعلهم يسلمون على هذا اللقاء الشيق
مع الامير لبنان بن مناحي آل حزيم الرجباني
استمتعنا ونحن نقراء هذا اللقاء فلكم جزيل الشكر
وبيض الله وجوهكم
اخوووووكم
ابو زابـن

 

 

 

 

 

 

التوقيع

لاصار حظك ردي والوقت ماياوي= مناطح الروس خيرا من مصافحها
وإن لم تكن ذيب في راس الجبل عاوي= اصبحت طمعة لعاويها ونابحها

    

رد مع اقتباس
قديم 06-07-2007, 08:50 PM   #5
 
إحصائية العضو







al_meteb غير متصل

al_meteb is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

اخواني منسوبي هذا لصرح العملاق بامجهوداتكم الكريمة اشكركم على هذا اللقاء الشيق مع الأمير/لبنان بن حزيم اطال الله في عمره وعماركم جميعا ورحم الله الأمير/محمد بن درعان وادخله فسيح جناته وشكرألكم اخوكم (المتعب)

 

 

 

 

 

 

التوقيع

اللهم اغفر لي ولوالدي
ابو متعب هزاع
أحب الصالحين ولست منهم ,,,لعلي أن أنال بهم شفاعة
وأكره من تجارته المعاصي ,,,ولو كنا سواء في البضاعة

    

رد مع اقتباس
قديم 06-07-2007, 09:18 PM   #6
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

أخــــــــــوانـــــــــي الأداره

لكـــم جــــزيل الشكر علي هذا اللقاء مع الأمير لبنان بن مناحي آل حزيم الرجباني

والله يرحم الأمير محمد بن متعب بن درعان أمير الولامين

عسي الله يوفقكم ويجعلكم لنا ذخرا في هذا المنتدي العزيز علي قلوبنا لجهودكم الكبيره في تعريفنا

بأمراء هذه القبيله ووجهائها

والشكر موصول للأخوان الأستاذ هايف بن مبارك العماني رئيس مجلس الأداره و الشيخ أحمد بن ضيف

الله الودعاني (أبو عبدالرحمن الودعاني) المدير العام لجهودهم الطيبه لعمل هذا اللقاء


أخوكم / ابــو زيــد

 

 

 

 

    

رد مع اقتباس
قديم 07-07-2007, 01:04 AM   #7
 
إحصائية العضو







بعيدالهقاوي غير متصل

بعيدالهقاوي is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

الله انه يوفقكم على هالمعلومات المفيده خصوصا للي ماهم من هل الوادي
والا الامير لبنان معروف
ملاحـــــــــــــــــــــــــــــــــــظة
تشاجر مع منصوب ابن رشيد بخصوص الزكاه ، ورفض جدي يعطي المنصوب الزكاه وكان يسميه (المذكور) ، وامر جدي الجماعه مايدخلون شي من الزكاه على منصوب ابن رشيد .
فقام منصوب ابن رشيد وكتب لابن رشيد وكتب عن جدي انه ( المقطّع ، المجنّى ، الخبيث، المنافق، ... الرافض للزكاه ) ، فطلب ابن رشيد شوفته او القبض عليه
والسؤال هل بن رشيد حكم الوادي حتى يدفع له الزكاة؟؟؟؟؟؟؟؟؟؟؟؟؟؟ظ

 

 

 

 

 

 

التوقيع

آخر تعديل بعيدالهقاوي يوم 07-07-2007 في 01:14 AM.

    

رد مع اقتباس
قديم 07-07-2007, 01:50 AM   #8
 
إحصائية العضو







@الجابر@ غير متصل

@الجابر@ is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

أخــــــــــوانـــــــــي الأداره

لكـــم جــــزيل الشكر علي هذا اللقاء مع الأمير لبنان بن مناحي آل حزيم الرجباني

والله يرحم الأمير محمد بن متعب بن درعان أمير الولامين

عسي الله يوفقكم ويجعلكم لنا ذخرا في هذا المنتدي العزيز علي قلوبنا لجهودكم الكبيره

 

 

 

 

 

 

التوقيع

يقول الرسول صلي الله عليه وسلم
كلمتان خفيفتان علي اللسان ثقيلتان في الميزان حبيبتان الي الرحمن
سبحان الله وبحمده سبحان الله العظيم

    

رد مع اقتباس
قديم 07-07-2007, 02:15 AM   #9
 
إحصائية العضو







فيصل بن جزاء غير متصل

وسام صدى نبض القصيد: صاحب المركز الأول للمجارةفي صدى نبض القصيد - السبب: صاحب المركز الأول للمجارة الثانية في صدى نبض القصيد
: 1

فيصل بن جزاء is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

أخواني الأداره

لكم جزيل الشكر علي هذا اللقاء مع الأمير لبنان بن مناحي آل حزيم الرجباني

والله يرحم الأمير محمد بن متعب بن درعان أمير الولامين...

عسي الله يوفقكم ويجعلكم لنا ذخرا في هذا المنتدي العزيز علي قلوبنا لجهودكم الكبيره في تعريفنا

بأمراء هذه القبيله ووجهائها ...

والشكر موصول للأخوان الأستاذ هايف بن مبارك العماني رئيس مجلس الأداره و الشيخ أحمد بن ضيف

الله الودعاني (أبو عبدالرحمن الودعاني) المدير العام لجهودهم الطيبه لعمل هذا اللقاء.....

لكم تقدير وأحترام

 

 

 

 

    

رد مع اقتباس
قديم 07-07-2007, 07:03 AM   #10
 
إحصائية العضو








نايف الخييلي غير متصل

نايف الخييلي is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

الاداره الكريـــمه


الله يعطيــكم العافيه على هذا اللقاء الرائع والطيب مع الشيخ لبنان بن مناحي الرجباني


حوار ممتع وثمين بيض الله وجيهكم على جهودكم الواضحه والمثمره فبارك الله فيــكم


وسدد على طريق الخير خطاكم

 

 

 

 

    

رد مع اقتباس
قديم 07-07-2007, 09:24 AM   #11
 
إحصائية العضو







سعد هذال غير متصل

سعد هذال is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

السلام عليكم ورحمة الله وبركاته
الأخوة الكرام في إدارة منتدى الدواسر الرسمي نشكركم على هذا اللقاء الشيق مع أمير من أمراءنا الكرام . الامير لبنان بن حزيم أطال الله في عمره وأعمار القراء الكرام والقائمين على هذا المنتدى كما أسأل الله أن يتغمد الأمير محمد بن درعان برحمته ويدخله فسيح جناته . وشكرا

 

 

 

 

    

رد مع اقتباس
قديم 07-07-2007, 12:51 PM   #12
 
إحصائية العضو








فهد الغريري غير متصل

فهد الغريري is a jewel in the roughفهد الغريري is a jewel in the roughفهد الغريري is a jewel in the rough


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

اتقدم بالشكر الجزيل للامير لبنان بن مناحي آل حزيم الرجباني

على سعة صدره وكرم اخلاقه وإتاحة هذه الفرصه لتعرف عليه اكثر

واشكر الاخ هايف العماني والاخ ابوعبدالرحمن الودعاني

بيض الله وجيهكم وماقصرتوا

 

 

 

 

 

 

التوقيع

    

رد مع اقتباس
قديم 07-07-2007, 03:32 PM   #13
 
إحصائية العضو








محمد بن الأشيب الغريري غير متصل

محمد بن الأشيب الغريري is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

الاداره الكريـــمة

الله يعطيــكم العافيه على هذا اللقاء الرائع والطيب مع الشيخ لبنان بن مناحي الرجباني


حوار ممتع وثمين بيض الله وجيهكم على جهودكم الواضحه والمثمره فبارك الله فيــكم


والشكر موصول للاخ هايف العماني والاخ ابوعبدالرحمن الودعاني

بيض الله وجيهكم وماقصرتوا






وسدد على طريق الخير خطاكم

 

 

 

 

 

 

التوقيع

[poem font="Simplified Arabic,5,crimson,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
صليب الراس وعزوتي لاد الغريري = من جميلات تغلب من سلاطين وايل[/poem]

    

رد مع اقتباس
قديم 07-07-2007, 04:12 PM   #14
 
إحصائية العضو







ابن محمد الودعاني غير متصل

ابن محمد الودعاني is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

جــــزيل الشكر علي هذا اللقاء مع الأمير لبنان بن مناحي آل حزيم الرجباني

والله يرحم الأمير محمد بن متعب بن درعان أمير الولامين


والشكر موصول للاخ هايف العماني والاخ ابوعبدالرحمن الودعاني

بيض الله وجيهكم وماقصرتوا


وجهد ولقاء مميز

والله يوفق الجميع

 

 

 

 

 

 

التوقيع

    

رد مع اقتباس
قديم 07-07-2007, 07:28 PM   #15
 
إحصائية العضو







سالم الغريري غير متصل

سالم الغريري is on a distinguished road


افتراضي رد: الأمير لبنان بن مناحي آل حزيم الرجباني في لقاء مع موقع القبيلة الرسمي

بيض الله وجيهكم والله لايهينكم فلكم مجهودات تشكرون عليها
واخص بالذكر هايف العماني وابو عبدالرحمن الودعاني
جعلهم يسلمون على هذا اللقاء الشيق
مع الامير لبنان بن مناحي آل حزيم الرجباني الذي اسعدنا تواصله مع منتدى قبيلة الدواسر الرسمي

وعلى رحابة صدره وكرم وطيب اخلاقه

استمتعنا ونحن نقراء هذا اللقاء فلكم جزيل الشكر
وبيض الله وجيهكم

 

 

 

 

 

 

التوقيع

    

رد مع اقتباس
إضافة رد


الذين يشاهدون محتوى الموضوع الآن : 8 ( الأعضاء 0 والزوار 8)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مشائخ وأعيان وأدباء وشعراء قبيلة الدواسر وبعض ضيوف القبيلة (يثنون ويشكرون) على المسابقة الشعريّة الأولى للموقع الرسمي لقبيلة الدواسر الإداره :: قسم المسابقة الشعرية السنوية للموقع الرسمي لقبيلة الدواسر :: 9 12-02-2011 10:11 PM
التغطية المصورة لحفل المسابقة الشعرية الأولى لموقع قبيلة الدواسر الرسمي الإداره :: قسم المسابقة الشعرية السنوية للموقع الرسمي لقبيلة الدواسر :: 17 11-12-2010 11:09 PM
القرآن لا يغيِّب البسمة ! أبوبندر الحطيم :: قسم المـواضيع الـعامــة :: 2 09-11-2010 06:01 PM
التغطية المصوّرة (الحصريّة) لحفل الصلح بين فخذيّ آل سويلم وآل عرفج النتيفات بحضور أمراء ومشائخ قبيلة الدواسر . الإداره :: قسم اللقــاءات والفعاليات والتغطيات الخاصة:: 28 16-07-2010 04:54 PM
التغطية الـمصّورة للحـفل الثـاني لموقع الدواسر الرسمي برعاية الغرره الإداره :: قسم اللقــاءات والفعاليات والتغطيات الخاصة:: 29 18-08-2007 06:40 PM

 


الساعة الآن 11:34 PM


Powered by vBulletin® Copyright ©2000 - 2024, Jelsoft Enterprises Ltd.
---