علما فجعني زلزل القلب زلزال

[معلومات العضو مبارك ماجد ال ناهش]

مساكم / صبحكم .. الله بالخير جميع
انقل لكم هنا مرثية الشاعر شارع بن عايض ال ناهش في النقيب فهد بن ماجد ال ناهش رحمه الله

علما فجعني زلزل القلب زلزال=وعظام جسمي ياعرب وش بلاها
قالو بو ماجد بعد صار رحال=والموت قفا به وروحه خذاها
فقلت الله اكبر ويش ذا العلم يارجال=قالو صحيح ويجبر الله عزاها
عقلي يحوف يطير ويصيبني هبال=مما جرى نفسي تزايد عناها
ابكي على فرقاه والدمع همال=وعيني جفاها النوم ماعاد جاها
وضاقت بي الدنيا وهمي بعد طال=ولا عاد اميز مرها من حلاها
والارض ضاقت بي من الجال للجال=والنار في جوفي تواقد لضاها
وجريت من بين الزراجيف ولوال=من عبرة بالصدر يغلي غلاها
ومن ضيقتي يالربع جريت موال=موال يبرد حسرتي من شقاها
فهاضتني الفرقا على طيب الفال=وقلت اكتب بيوت الشعر في رثاها
فرقا الاحبه ياهل العرف قتال=واعلتي ياللي تعسر دواها
ارثي رفيقاً نادراً ماله امثال=وارثي فراقه في ليالي عزاها
نبكي فراقه والزمن دوم ميال=ايام حلوه بس لاخرى وراها
دنيا دنيه كل يوم على حال=بالسن تضحك والبلا في رداها
فرقا الشلي يرث على النفس والحال=ولا الردي ماينتحسف علاها
من مثل ابوماجد على مر الاجيال=حسبي على دنياً كثير غثاها
ولداً نشا من شبته خيرة اعيال=بالمرجله والطيب سيس ابناها
عزٍ لبوه وللثقيلات شيال=وقرمٍ شجيعٍ كل عليا رقاها
وايضا كريم ومجلسه دوم مدهال=وكريم سبلا مايحسب وراها
وليا هرج عند الرياجيل رجال=ولاهوب من ناس كثيرٍ لغاها
خفيف نفسٍ مامعه كبر وخيال=ساس المراجل كلها وابتناها
له عند ربعه كل قدرٍ ومنزال=من طيب ساسه والله اللي عطاها
فيابو حسن حنا معك درع وظلال=فاصبر وصابر واطلب الله رضاها
عسى مداه بجنة الخلد منزال=ويعوضه اجنان وسيعٍ مداها
فعزالله انه راح يالربع رجال=دارت عليه انياب بقعا رحاها

 

 

 

 

[معلومات العضو عبدالرحمن الشرافي]

عسى مـداه بجنـة الخلـد منـزال=ويعوضـه اجنـان وسيـعٍ مداهـا

أمييييييييين

ولداً نشا من شبتـه خيـرة اعيـال=بالمرجلـه والطيـب سيـس ابناهـا
عـزٍ لبـوه وللثقـيـلات شـيـال=وقـرمٍ شجيـعٍ كـل عليـا رقاهـا

هذه الدنياء ... يموت الرجال ولا يبقى الا فعله وصيته


أخوي مبارك بن ماجد ..


الله لا يهينك على نقل هذه القصيدة الجزلة والوافية

وصح الله لسان الشاعر/ شارع بن عايض ال ناهش

ورحم الله النقيب فهد بن ماجد ال ناهش

وغفر له ذنوبه وأسكنه الجنه




وتقبل فائق التحية والتقدير

 

 

 

 

[معلومات العضو ابومبارك الدوسري]

أبوماجد

صح لسانك ولاهنت علي نقل هالقصيدهـ

ورحم الله الفقيد وأدخله جناته

تحياتي

 

 

 

 

[معلومات العضو العماني]

صح الله لسان الشاعر والله يرحم فقيد القبيلة فهد بن ماجد آل ناهش ويسكنه فسيح جناته