امنتك الله حبيبي لاتخليني

[معلومات العضو رعاد]

	يــضـــيـــق بـــالـــي من الفرقى وطاريها =ويــرتـاح بالي بشوفك يا نظر عيني اشــغــلـــت فـــكــري حبيبي وش تواليها =وفــي غيبتك دمعة الحرمان تشقيني امشي مَعَ الناس لـــكـــن دون ما اوحيها =واشــلــون ابنساك وطيوفك تخاويني إليا طرى أسمك دموع العـــين اغطــّيها =خوفـــي من العاذل اللـّي ما يدانيني وإليا طرت لي وصــــوفـــك جل باريها =مــن فــيــض زينك توزّع للمزاييني تسبى النواظر بــنــعـــس اهداب تسبيها =ومن بسمتك تخطف قلوب الملاييني يا مهجة الــــــروح روحي كيف تشقيها =صمتك ذبحــنـي ونار الشوق تكويني اقرى الرســـايـــــل لأجل نفسي اسليها =وأثــــر الــرسايل عقب عينك تعنيني ما بـــاقـــــي الاّ طيور الورق الآحيها =اذكـــر بهــا احلى الليالي يوم تغليني بـــعـــت المحبه من اول كنت شاريها =وعلى الوصل والموده كنت توصيني ماتت ورود الغلا مـــاعـــدت تـرويها =ماتــت سبب قسوتك يا نازح البيني حتى العهود الـــقــديمه صرت ناسيها =ولاعاد بــاقـي سوى الذكر تقديني زادت جـــــروحي ولا غيرك يداويها =ليــتــك تـشوف الخفايا كان تبكيني ضــاقــــت علي الوسيعه مَعْ مبانيها =اطــوي سنين الرجا واقول يا ويني قــلـــبي يحـــبك وعيني ساكن ٍ فيها =لاتــنـــخــدع بالعواذل والشياطيني في روض قلبي ورودك ليت تسقيها =تعال واســقي ورود الحب واسقيني جاتك حروف الشّعر من قبل اسميها = دوّر عـــبــاره تواكب للمضاميني مــشــــاعر ٍ مـــا تبي يا كود غاليها =وامنــتـــــك الله حبيبي لا تخليني ..!! منقوله = تقبل فائق الاحترام وتقدير= اخوكم:- رعاد=

 

 

 

 

[معلومات العضو فهد الغريري]

الله

الله


الله


العزيز الغالي : رعــــــــاد

لا فض فوك على هذا الاختيار المعبر

اختيار موفق يالغالي جعل عمرك طويل على طاعته

وعز الله انها قصيده معبره وظاهره من القلب

وعسى الله يصبر اهل القلوب الصخيفه

اخوي رعاد ترفق علينا شوي ترانا منتحمل هذى القصيد.............

ارق التحايا القلبيه

اخوك / فهد الغريري,,,

 

 

 

 

[معلومات العضو رعاد]

مشكور اخوي فهد و أتمني ان تنال أعجبك وأعجب إخواني الأعضاء


وكما قال الشاعر

أنا أشهد إن الحب للروح قتالي،،،، دامها عجزت تحصل مطالبها

 

 

 

 

[معلومات العضو حنيان الدوسري]

الأخ الغالي : رعاد

صح الله لسان الشاعر وأدام لنا الناقل

قصيدة رائعة كروعة من نقلها

لك خالص الشكر والتقدير على جهودك

وفقك الله

.

 

 

 

 

[معلومات العضو رعاد]

مشكور اخوي ابو مبارك على مرورك الطيب
شكرلك عطر مرورك