مغاتير عميّق بن فهيد الغييثات

[معلومات العضو مسعود المقيبلي]

لا أبتدى عرض ألمغاتير بشر يابشير=والبشاره وقفةٍ ماعنيت الا لها
ياعمييق نحفي الرجل ونحث المسير=لادعتني وقفة الطيبين.. انا لها
ياذخر كسابة الطيب باليوم ألعسير=ما لصعبات المواقف ياكون رجالها
أنده الوضح المواليف بالصوت الجهير=تحتمي عاداتها والسعد في فالها
فال وضح كن فيها تمشاع الغثير=لا اقبلت طش البرد مثل ندر اجهالها
وضح ترهي على الخصم باليوم الكبير=تقصر حبال المغاتير دون حبالها
لا اعترضها راعي الصنف في عرفه يحير=مخطر ينسى خويه وهو يبرالها
كل وضحا طافحة لحي مولاع نظير=عرض خدتها زها خشمها وسبالها
مارق الغارب سناد تنهض بالمسير=مع تسناد رقبتها تحسب فصالها
مالها بالرقم الأول من الأول خشير=من عصور شرهة البل على خيالها
كسب خطلان اليماني مخظبة الشطير=يوم فرق رجالها قبل فرق ريالها
نقوة من ساس وضح لها ماظ شهير=مايفحل بالمغاتير كون عيالها
أظهرت رمان مغني رعى الذود الفقير=نصف ذيدان الجزيره تهد سلالها
من خذا من صوب رمان له هدرة بعير=جاب له وضح يشوف السعد بقبالها
في هوا ألبل مانطاوع ولا نسمع مشير=جعل مرزمة المخايل على مدهالها
دارها يوم المخافات والشر الشرير=وان نزح وبل الوسامي نزح منزالها
في ذرى خطلان الأيدي مدلهة القصير=لابةٍ من فعلها راجحٍ مكيالها
الدواسر عزوة الطيب زبن المستجير=عزوة يوم الملاقا يضل ضلالها

 

 

 

 

[معلومات العضو غازي المسعري]

صح السانك يامسعود

ويستهاهل عميق بن فهد ما قيل فيه

لاهنت اخوي.,

 

 

 

 

[معلومات العضو فهد فارس الصخابره]

صح لسانك يالجزل
ويستاهل الممدوح

 

 

 

 

[معلومات العضو عبدالله الحافر الغييثي]

صح لسانك واعتلى شانك ياالمحيط ويستاهل ابوفهيد وتستاهل بنات رمان ذا القصيده من شاعر بحجم مسعود بن سعد المقابله
والله يوفقه في هذا المحفل الدولي.

 

 

 

 

[معلومات العضو شافي بن راشد النتيفات]

صح لسانك يابوسعد ابيض وجه وشاعر كبير مافيك حيلة
وفالك الجنة ويتاهل بن عميق ما قيل فيه وفي مغاتيره

 

 

 

 

[معلومات العضو ناصر بن فهد]

صح لسانك وآعتلى شانك
ويستاهل المدح والطيب عميق بن فهيد

 

 

 

 

[معلومات العضو مسعود المقيبلي]

صحت ابدانكم جميع ولااااااهنتوا

 

 

 

 

[معلومات العضو العماني]

الشاعر الكبير ابوسعد

صح الله لسانك يابوسعد على القصيدة الجزيلة ، ودائما معودنا على القصيد الجميل والجزل ، أبيات جميلة ومعبرة ووافية مثل راعيها . والله يبارك لعميق في حلاله .


تقبل تحياتي،،

 

 

 

 

[معلومات العضو دغش بن حمد بن منصور]

وضح ترهي على الخصم باليوم الكبيـرتقصـر حبـال المغاتيـر دون حبالهـا

لا اعترضها راعي الصنف في عرفه يحيرمخطـر ينسـى خويـه وهـو يبرالهـ

صح الله السسسانك وجمل الله حالك يابو سعد

قصيده جزله من شاعر كبير والكبير الله سبحانه

والله يبارك لعميق في حلاله وفاله الناموس مقدمآ

 

 

 

 

[معلومات العضو غـــادهـ بنت ناصر]

صح لسساااانك

قصيده راائعه بابياتها العذبه

تحياتي لك

 

 

 

 

[معلومات العضو مسعود المقيبلي]

صحت ابدانكم جميعاً

 

 

 

 

[معلومات العضو فارس الدبالين]

ابوسعد صح الله لسانك ملايين

والله انك تشرف وتشوش الراس بقصيدك يالمحيط

تحياتي واحترامي.

 

 

 

 

[معلومات العضو مسعود المقيبلي]

صح بدنك ولا هنت وتسلم على كل حاال..

 

 

 

 

[معلومات العضو مبارك بن شافي النتيفات]

مسعود المقيبلي

صح لسانك واعتلى شانك عزالله انك ابدعت واجزلت يالقرم

ويستاهل بن عميق

تحياتي وتقديري

 

 

 

 

[معلومات العضو مسعود المقيبلي]

صح بدنك ولاهنت..