قصيدة ملتقى العمور الثاني - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 14-08-2014, 02:00 AM   #1
 
إحصائية العضو







شافي بن راشد النتيفات غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسم
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي قصيدة ملتقى العمور الثاني

توكل على الله ياهجوسي وانا شفقان
على شوفة اهل الطيب والسلم منقادي
عليك الهدو وانا ترى محزمي مليان
على القمة اللي جيت ثبتنا اشدادي
اسوق القدم صوب العلا واكسب الارهان
ولا اخضع لغير الواحد الرازق الهادي
والى من دعاني طيب جيتله طربان
عن اللازم اللي حان ماعنه مقعادي
وانا احمدك يالمعبود بأني فصيح لسان
ولانيب من يمشي طريقه وهو غادي
واحب المواصل بين ربعي وله ولهان
وذالليل عندي غالي ضمن الاعيادي
ولدعوتك يا عبدالله اخترتنا القيفان
عسى الله يجملني معك يابن لجوادي
رفيق ن كفو ومحنك وطيب ن وحصان
كريمن على المدات يمناك معتادي
وياشيخ انا في معرفة مثلكم كسبان
وخوتك عندي مالها شكل ن يشادي
علي الحرام انك سناد وذرى يافلان
وملاذا لمن حده من ايامه الحادي
تمثلت بفعالك بقول الكريم معان
وبيتك مدار اليوم مفتوح وتنادي
والى جاك مضهود من الوقت جيت كنان
ولعاد ينوي عقب طيبك بمعوادي
ياعبدالله بن فالح ترى معاندك منهان
الى نافسك بيطيح من راسه عنادي
ياعبدالله انته لك مكانه وصيت وشان
ولك سمعة ن عند الرجاجيل تزدادي
الى من مدحتك يالكفو ماني بغلطان
ترى مدح منهو مثلك لراسي قنادي
بمنزالك المعروف مثل القمر لا بان
يغطي نجوم الكون من نوره البادي
كما الحر لامنه شلع يكفخ الجنحان
تعشي مخاليبه ولايشكي ضهادي
يعز القصيد بطاري اسمك ولك عطشان
وقاف يجي في مثل شرواك ينشادي
انا اشهد شهادة حق ماقلتها طمعان
حليم ن كريم ن طيب الراس وسدادي
ومادام ابوك موسدك علمه كحيلان
فشي طبيعي يوم مكنت الاوتادي
تعلمت منه الطيب والجود والاحسان
وتعلمت كسب الطايله لا احتمى المادي
ولا استغرب وربعك هل الفوز فالميدان
زوحول وصناديد ومطانيخ واسيادي
من اسم يهز الكون ويقدي العميان
ليا قيل ياعمور السعد جوك ورادي
تسابق على حياض المنايا كما العطشان
وتردع خصيم جالهم طمع وقيادي
مضاريبهم ماتخطي الروس والامتان
تصييد لروس القوم ماهيب تنصادي
يجون العدو من قدم ماجاوه بختلان
تخير على وضح النقا جمع وافرادي
ياهل نخوة يدريبها اللي ورى الحدان
ليا جاكم الصياح تسبقه الامدادي
ويامزبن المضهود ياسترة الجيران
ياعز الخوي خويكم ما شكى الحادي
ياهل خوة ماهيب تمحى ولا تنهان
خوي السعد من كان خاواكم وفادي
تقومون بالواجب ليا جوكم الضيفان
وذا الفعل مانستغربه عندكم عادي
تواريخ تمرة سجلت وابهرت الاعيان
تنومس رجال الطيب وتغيض الاعادي
حموها وحالو دونها برمح ن وبسنان
مضاريبهم ماتخطي الروس بركادي
وكل يعرف بكون تمرة وفعل حان
تغشاكم البيضاء بفعل لكم بادي
ويا عمورنا ياهل المراجل لكم مسكان
على القمة الكم منزل يتعب ابدادي
ويا عمورنا ياهل الحمايا لياش كان
فيا سعد منكم له من الطيحة سنادي
سناد يسند ساده ويكسي العريان
ويبقى لكم في صفحة المجد مابادي
هل الاصل والمنسب ليا عدو الجدان
على ساس واصل طيب ماهو بغادي
يالاد العميري كل قاف بكم يزدان
ومدح ماهو في مثلكم ماله مرادي
على مدحكم ياربعي املك مية برهان
يامال الغنيمة ياشغاميم الاولادي
واعود واثني قبل لختم كلام زان
لعبدالله اللي لابدى موقف يفادي
تجملت في دعوتك ذالليل للخطلان
وجوك الرجال اللي لهم فعل ريادي
على ملتقى تمره واهلها لها عنوان
مواقيفهم ماهيب تحصى بالاعدادي
تبادلتو بفعل المراجل وفا واحسان
ودارت دلال الكيف من بعدها الكادي
اقوله وانا شافي ولي عزوة ظفران
نتيفات ن من جميله ومجدهم سادي
سلايل ملوك فالجهل تردع العدوان
بحكم ظهر من عقب غارات وجهادي
وربعي هل الطالات يرجح لها الميزان
من افعال ربعي دوم خطلان الايادي
بمدح الدواسر مايكفي مية ديوان
ويكفي فخر خوال لموسس بلادي
ولا انقص حقوق الناس في ذا الزمان اخوان
تحت راية بن سعود والخير يزدادي
عسى الله يطول عمر ابومتعب وسلمان
ويبقون ذخر الدار من كل الاضدادي
وعسى الله يحفظ دولة نهجها القران
ودستورها شرع النبي سيد الاسيادي
نهاية كلامي بيت بختم به القيفان
ويستاهله منهو ندر فعله وسادي
ابهديه عبدالله ويستاهل كحيلان
علي الحرام انك كفو يابن الاجوادي

شافي بن راشد النتيفات

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصوّرة للحفل التكريمي لقبيلة العمور برعاية الشيخ عماش والشيخ مصلح أبناء مبارك آل صغير العمور الإداره :: قسم اللقــاءات والفعاليات والتغطيات الخاصة:: 8 03-06-2014 03:18 PM
ملتقى قروبات قبيلة النتيفات على اليوتيوب كامل شافي بن راشد النتيفات :: قسم اللقــاءات والفعاليات والتغطيات الخاصة:: 0 19-09-2013 02:28 AM
التغطية المصوّرة لــ حفل قبيلة العمور برعاية الشيخ سعد بن مسفر آل طاقان العمور على شرف الشيخ علي بن صالح أبوليله وجماعته الغفران آل مره الإداره :: قسم اللقــاءات والفعاليات والتغطيات الخاصة:: 22 28-03-2011 08:07 AM
بعد إنتهاء قضية الشاب مبارك ، الوكيل لشرعي للشاب مبارك بن فيصل العمور الأستاذ خلف بن مبارك العمور والأمير محمد بن ردعان آل ردعان العمور يصرحون للموقع الرسمي لقبيلة الدواسر العريقة الإداره :: قسم اللقــاءات والفعاليات والتغطيات الخاصة:: 13 24-10-2009 11:49 PM

 


الساعة الآن 03:43 AM


Powered by vBulletin® Copyright ©2000 - 2024, Jelsoft Enterprises Ltd.
---