بخصوص يوم العريق - نداء لكل دوسري - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: القسم الـتاريخــي الــعام ::

إضافة رد
انشر الموضوع
 
أدوات الموضوع انواع عرض الموضوع
قديم 29-06-2007, 02:23 AM   #1
 
إحصائية العضو







خيل البويضا غير متصل

خيل البويضا is on a distinguished road


افتراضي بخصوص يوم العريق - نداء لكل دوسري

السلام عليكم ورحمة الله وبركاتة


يالربع بخصوص هية يوم العريق فية موضوع في قبيلة العجمان حبيت انقلة لكم

موضوعة
: الدواسر يجحدون فزعة العجمان ويام في يوم العريق

سالفة يوم العريق الصحيحة اللي احذفوها مرتين ادارة منتدى الدواسر

وقعه العريق الشهيره ضد قبيله سبيع وهي فزعه العجمان للشكره والغييثات من قبيله الدواسر وهي انا امير الغييثات ناجي ابن وقيان قتل ابنه من قبل عريني على مارد ماء في العريق بالقرب من الصمان ثم نخى ابناء عمه من الشكره وعلى رئسهم سند ابن حفيظ ثم جاء نهار الطراد الاول وكسروا فيه الدواسر وقتل ابناء ابن وقيان وكانوا ال شامر محيلين في العرمه ثم قصد ابن وقيان قصيده في الشيخ معضد بن عامر بن خرصان وهي:



نصيت منهو يقطن المرقب العالي
معضد لمن اصتكت علوم الشين
خيالة السبلـى حمايـة التالـي
سعد منهو فزعته بالعسر واللين



ثم انتهض معضد وقال والله اني لاتقاضا لك يالدوسري لمطرت من سما ولا على جمه البير وعندما علم محمد بن دبلان قدم ومعه جمع ال مفلح والدامر ومعه ال ضاعن وابن سلامه وال قنيبر ثم عقل ناقه الشداد والبسها العطفه قاد معضد جمع العجمان الموجودين وتوجه الى العريق وتلقوا جمع سبيع على رأس العماني وابن شويه وابن خيوط شياله البيرق وعقرمعضد بن خرصان فرس العماني وقتلا ابناء ابن خيوط الاثنين وكسرت رجل غنيم ابن شويه وكسر سبيع وانتصروا العجمان فقال دغش بن عريمان الشياحين الغييثات:




يالله يالمطلـوب يـا عجـل النظـر
ياللـي علينـا مـظـفٍ جمايـلـه
حول على (السبعان)عجٍ لـه كـدر
طاح (العمانـي) فـي نحـا مخايلـه
(البسام) و(الذعذاع) (والحرق) انعثر
والكـل منهـم وسـدوه أصايـلـه
كل لعينـا العـرب حسكـات الوبـر
اللي على راس النسيم جـت مايلـه
تباشـرت بالـري والجـم الخضـر
شربـت غديـرٍ كـدرت حثايـلـه
دوس الزنايج كنهـا حـذف البجـر
ولا نخيـلٍ فــي بــلادٍ عايـلـه
ذيب الجلالية عوى يبغي ذيب الشجر
ويدعي طير السمـا مـن فضايلـه
والله لـولا الشيـخ حمـاي المـدر
والله لنوريهـم نـجـوم القايـلـه
نعـمٍ (بسنـد)ٍ فـي محلـه يعتبـر
يوم أشهـب البـارود كـل هايلـه
وفينا راعي سبلـى سـواق العبـر
(معضد بن عامـر) بانـت فعايلهـا
الاد (الحريجي) لابتي خزن الظفـر
في الهـوش كنهـم جمـالٍ صايلـه
الاد (آل عمار) لابس الجوخ الحمـر
هم درعنا الضافـي وحنـا بطاينـه
لاد الغييثـي علـى البـوش العفـر
اللي على المـوت الحمـر متمايلـه



فرد الطويل من الصمله من سبيع:




قـم يانديبـي فـوق نابيـت الظـهـر
ركابهـا هـرج المـجـازي شايـلـه
يا دغيش مثلـك غـط علمـه ماظهـر
تطـري العلـوم اللـي عليكـم مايلـه
ربعي هـل التومـان والجـوخ الحمـر
كسابـة النـامـوس فــي وهايـلـه
عينـت ربعـي يـوم ثـارات القـهـر
فعـل تشـوفـه لا أولــه والتالـيـه
وعينت علي فـي نحـا ربعـي عثـر
علـيـه قـبـره دهـمـوا نثـايـلـه
مع بـادي مـرذي الركايـب بالجمـر
ركــب ولاعــود عـلـى حلايـلـه
عيـا وقيـان يجـوز مــن القـشـر
لينـه كـوي كــي شـكـا ملايـلـه
ياالهيـس يـا..... مقطـوع الثـفـر
ياسعـد مـن مثلـي عـرف قبايـلـه
مير والله يا لولا جمع ( يام ) اللي حضر
لا ان نوريـكـم نـجـوم القـايـلـه



وقال جويعد الهواوي الشامري في يوم العريق:




وانا احمد الله وحنا هل الناموس والطاعه
يوم السبعان علـى الدواسـر ظفرينـي
جانا الغييثي يـوم ذبـح وشاينـن فالـه
تكفون يالمرازيق هـل العسـر واللينـي
وش لكم ماطوعتوا مـن يلبـس الشالـه
يوم قالوا ردوا لربـع همـال الودادينـي
جت جموعنا كما مزنن على العريق هماله
ونحرنا جيش العمانـي علـى المردينـي
يقودنا معضد لما كبرت بالعلـم والقالـه
يوم شلفنا على القيمان بلكـز مروينـي
طاح غنيم ووضحه على الـورك شمالـه
والخيوطي ذبح عليه الطيـور حايمينـي
كسروا سبيع وهم عـن الكـون خمالـه
بفعل ربع(ن) على ملح الجيش مشفينـي



خيل البل وانا ابن غياث نسو انا مزبنيين اميرهم راكان ابن حثليين من حاكم الجزير الملك عبد العزيز.

وولد راكان ابن حثلين

وابن مطرف

ونسو انا ساكنين في ديارهم وديار سبيع غصب مهوب طيب

ونسو انهم ذابحين ابن خصيب الله يرحمة ويسكنة فسيح جناتة غــدر وانة حط على قبر ابن خصيب 90حصاة سادا وكل وحدتن منها برجال من العجمان ولادرة سنتها الا بدالها 90 حصاة بيضا

ونسو ونسو ونسو ؟؟؟؟؟؟؟؟؟؟؟

والمشكلة اني لمن كتبت في منتداهم مسحو الرد

مير والله ان ذي عادة اليامي من طويلة

فبغيت منكم ياعصابت راسي ومن الأخ ابو مبارك هايف العماني بتحديد من دون قصور في باقي الربع الرد لأنهم متهمينة

 

 

 

 

    

رد مع اقتباس
قديم 29-06-2007, 04:37 AM   #2
 
إحصائية العضو







سالم بن محمد الشرافي غير متصل

سالم بن محمد الشرافي is on a distinguished road


افتراضي رد: بخصوص يوم العريق - نداء لكل دوسري

ياخيال البويضا انت تقول انه كلام زايف والزايف زايف وماعليك منهم هاذولى ناس تبي تسوي انفسهم ان لهم صولات وجولاات على حساب غيرهم

 

 

 

 

 

 

التوقيع

[poem font="Simplified Arabic,5,tomato,normal,normal" bkcolor="transparent" bkimage="http://www.alduwasser.com/vb/images/toolbox/backgrounds/21.gif" border="double,6,tomato" type=2 line=0 align=center use=ex num="0,black"]
جعل الشرافا يامناحـي يعـزون لا جاهم النـزال مـا يسفهونـه
خشيرهم في عينته لا غدا لـون ولا الصرام إلين تقفي ضعونـه
والدول بين بيوتهم مـا يملـون دول الشرافـا دايـمٍ يذكـرونـه
لاد الحزيمي مروية كل مسنـون لا زارهم حـف توطـو جنونـه
والى وزاهم طاير الثوب مديـون في راس عيصى لين تبرى ديونه
يالله عساهم رايـحٍ منهـم ودون حدر على الرمله تلاعج مزونـه[/poem]





    

رد مع اقتباس
قديم 01-07-2007, 04:47 AM   #3
 
إحصائية العضو







خيل البويضا غير متصل

خيل البويضا is on a distinguished road


افتراضي رد: بخصوص يوم العريق - نداء لكل دوسري

أبن صادرة أنور الموضوع بمرورك الكريم طال غمرك مير وش تقول وش تخلي ولاحظة في منتداهم مهوب الموضوع ذا الي محرف وبس فية مواضيع ثانية

 

 

 

 

    

رد مع اقتباس
قديم 31-08-2014, 11:54 PM   #4
 
إحصائية العضو







شمسان الودعاني غير متصل

شمسان الودعاني is on a distinguished road


افتراضي رد: بخصوص يوم العريق - نداء لكل دوسري

السلام عليكم ورحمه الله

بخصوص العريق وما العريق فمن وجهة نظري هاذي تعتبر هوشات وليست حروب

ومغازي كون ان بعض من الدواسر هنا وهناك حصلت عليهم مصادمات من بعض من افراد

القبايل ولا اعتقد لها اهميه كبيره ولا تسمى حرب الحرب يعني ازاله قبيله من

ارضها او انعدامها من الوجود كحال بعض القبائل لا اريد ذكر اسمائها.

اما العجمان فهم قبيله عزيزة ولا يغير مواقفنا منهم كلام صبياني وصغار سن في منتداهم .

وللعلم قد حصل منهم الفاض واتهامات ضد قبيله الدواسر في منتداهم وقلب

الحقائق وتزييف الاحداث وهم ينكرون التاريخ وماسجله ان الدواسر حاضنه


للعجمان ومزبان وملجئ للدواسر ودايم العجمان في ذرى الدواسر في الشدايد

عندما تحين ساعات الخطر في كل الاحوال فالدواسر زبنت اميرهم راكان بن

حثلين ايام حكم الدوله السعوديه وهم مازبنوه كون هذا اميرهم وعقيدهم

ناهيكم عن يوم خان فيه الحساوي وسلمه للاتراك وينهم العجمان مافكوه من

الاتراك ترى الحكي واجد والاخبار كثر ولو بغينا نهرج ونجيب العلوم تراها تزعل العجمان وهم عزيزين .

 

 

 

 

    

رد مع اقتباس
قديم 02-09-2014, 09:26 PM   #5
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: بخصوص يوم العريق - نداء لكل دوسري

هوشه هههههههههه لاحول ولاقوة الا بالله اذا هذي تسميه هوشه وفيها من القتلى ما الله به عليم فهذه مصيبه!!!!!!

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 12 ( الأعضاء 0 والزوار 12)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
انا دوسري وحب طاري الدواسر ثقل الدوسري :: قسم قصايد مدح وفخـر في الــدواسـر :: 3 07-08-2010 08:28 AM
الهلال يتزعم أفضلية الفرق ورئيسه ومدربه والجابر وهوساوي في المقدمة محمد.الودعاني :: القسم الرياضي :: 12 09-06-2010 11:48 PM
نداء الى الدواسر ، نداء الى خطلان الأيدي انقذوا رقبة ابن عمكم محمد بن فهد الصخابره الإداره :: قسم مناسبات وأخــبار الـدواسـر :: 71 25-07-2008 04:10 AM

 


الساعة الآن 05:31 PM


Powered by vBulletin® Copyright ©2000 - 2024, Jelsoft Enterprises Ltd.
---