معركة مريخ سنة1333هـ _1915 م

[معلومات العضو ولد عطا]

سمو الأمير سعود بن هذلول العوازم قتلوا الأمير فهد آل سعود المصدر تاريخ ملوك آل سعود تأليف سمو الأمير سعود بن هذلول أمير مقاطعة القصيم سنة1333هجرى _1915 م وأما العجمان فقد مالوا فى طريقهم الى عرب العوازم وبن خالد فهجموا عليهم 0 فنهض هؤلاء مدافعين وصدوا هجوم العجمان وقتلوا منهم عدة رجال بينهم الأمير فهد بن سعد بن سعود الذى كان خرج على ابن عمه عبدالعزيز ولجأ الى قبيلة العجمان 0 ( صفحة 108) ومن يريد التفاصيل عليه الرجوع الى الكتاب أعلاه 0 قلت : هذا ما قاله : سموا الأمير سعود بن هذلول آل سعود 0 وكان هجومهم على العوازم فى أول أيام العيد عيد الضحية فى تلك السنة أى سنة 1915 م وفى حينها أتت قبيلة بنى خالد من موقها من أماكن وجودهم ما بين أبو حدرية الى الجبيل فى الحمل والزمل وأنزلوا على العوازم فى موقع للعوازم يقال : لهو مريخ وهو ماء للعوازم خوفا من العجمان 0 وهم فخذ يقال له العماير 0 ونصر الله العوازم وبنى خالد على العجمان وقتل الأمير فهد بن سعد آل سعود على يد أحد أيدى قبيلة العوازم 0 قلت : على يد علي الشحيتاوي من فخذ المساحمة من العوازم 0 (1 )


ويقول الشاعر مطلق بن سويد الهيم العازمي في كون مريخ هذه القصيدة :

يالله اني طالبك يا الوالي منشي المخيل = عالمن كون الليالي وعالم غيبها
تنصر اللي باللقا فعلهم فعل جميل =يكرمون الجار عاداتهم من طيبها
ويوم جا ضيدان مشف على بوش العميل= جمع علينا جموع يبي يوفي بها
ول يا ضيدان وليت يالقلب الهبيل= ليه تجلب لابتك لين ضحي بها
المعادي ان عادنا سقيناه الغليل =كاس مر يسطح الكبد حين يصيبها
والعرافة طاح من ضربنا ماعاد شيل =هملوه بقاعة البير يوم إرمي بها
بالملاقي نذبح الشيخ والقبا الاصيل = لين خلينا الجنايز يكيف ذيبها
كم صبي في نحانا على راسه نميل=يعطي البندق وهو قبل مايصخي بها
وكم هنوف من سبب لابتي تشكي الحليل=من تنشدها المناكيف شقت جيبها
عقب رفقتها مع الشوق واللبس الجميل= جددت لبس الزرابيل عقب صحيبها
محتمين العرب من يوم بندقنا فتيل = جنوبها جعل تفدونها عيى بها
بأم خمس اللي تفرق عميل من عميل = من حضر فيها ا الايام يذكر طيبها
يارموق العين يا راعي القرن الطويل = ما سمعت عن عذاريبنا سجي بها
يا النشامي المرجله فيها في ظليل = والمذله مثل بير دمرها سيبها
هيه يالخطيب احذرك من بنت الذليل = خل بنت النذل ياشين وش تبغي بها

وأيضا قال بهذه المعركة شاعر الجزيرة العربية فهد بن جافور هذه القصيدة

نحمد اللي عزنا يوم جونا عايلين = يوم جونا واردين لطمناهم حيام
مشرب مبطن على الكبد شين من سنين = نلطم العييل والشره ينشق الكمام
يوم ابن حثلين ضيدان ماهاب القطين =والعرافة يضرب الطبل مع صبيان يام
واظهروا له لابتي ما توانو له بحين = واحمضوا ربعي وربي جلاعنا الغمام
يوم جانا جاه كما رش الغشين = من مخابيط القريزي مشبضت العظام
كل شغموم نهار الملاقي صيته يبين = جمعنا الدلال بالصيف يارد العلام
كم صبي طاح بنحورهم جر الونين =من تقدم طاح في وجه هدتنا وشمام
يحسبنا يوم شفنا البيارق خايفين = ما درى ان خوض المنايا يوم حام
لابتي يوم الملاقي هل الجمع الرزين=كان عقلت المظاهير جا هرج وتمام
دبروا يوم القريزي لباروده رنين= ليا مشوا لين جمعهم مثل دولات النظام
خابرين افعولنا من عصور الاولين= من سنين ماضيه محتمين هالجهام
انطحوهم لابتي عند حلوات الشنين =والعمار مجلبه مالها سوق تسام
ثم صارت عرصه شيبت بالمرضعين=نومست ربعي وعدوانهم راحو عدام
من حضر منهم تعذر وسد الغايبين = حق ربعي بالملاقي الفقاره والسنام
نعم في جمع العماير كعام العايلين = كاسبين الطيب والمرجله يوم الزحام
يوم تمت هللو كلكم يامسلمــــــين = عقبها على محمد صلاتـــي والســـــلام

وقال أيضا الشاعر شبر الصابري العازمي هذه القصيدة

هاضني مع صلاة الصبح يامية = والعرافة مع العجمان يقداها
يوم جونا يبون العرب حلية = من قديم وحنا ماعطيناها
وإبلنا دونها ملح القريزية = بالمناويخ نرعاها ونقداها
يوم سرنا بصبيان عواجيه = قامت البيض تنهم كل من جاها
واستوت ذبحة عند أول الهية =خيلهم ردت أولها على أتلاها
همل الكسب والعجمان رجليه = وسابقة في مناره قام ينخاها
خابر فعلنا يوم العليمية= هية الطف ما يمديه ينساها
إن صفينا مع الحاكم لنا نية = لو وطى جمرة ملزوم ناطاها

ولشاعر : مبارك الحريص هذه القصيدة فى مريخ0

أنا أحمد المحمود يا (سيف) طيله = اللي عدلها عقب هاك الدهاويل
جت من جماعتنا علومٍ جميله = يفرح بها اللي قبلها يسهر الليل
ياعفيت يا مقحمين الدبيله = لين انها راحت على الرجل والخيل
خلا الجنوبي حامل من جفيله = عن الشمال أسند يمة سهيل
حاديه ضرب يوم يوحي عويله = مثل القنوف اللي تصب المخاليل
ثقيل ماينحال اللي يحيله= عن الغنم والبل والبيض والشيل
خلص وهو ماكان يرضى الفشيله = غدا عليه الصبح من لابتي ليل
ذيب الشنيفيه تردى هذيله = ملا جحاره من ثنادي الرجاجيل

(1) المصدر تاريخ ملوك آل سعود تأليف سمو الأمير سعود بن هذلول أمير مقاطعة القصيم صفحة 108 ((وكذلك ذكرها الزركلى فى كتابه الموسوم فى شبه الجزيرة فى عهد الملك عبدالعزيز 0 صفحة 227 )) ومصادر مصورة
وثائق مصورة من كتاب الخبر والعيان لخالد الفرج








والسـلام عليـكم ورحمـة اللـه وبركـاته

 

 

 

 

[معلومات العضو مبارك الخييلي]

لاهنت علي الموضوع ونعم والله أعيال عطا
تقبل ودي والتحيه معاها
مبارك الخييلي

 

 

 

 

[معلومات العضو أبونواف الدوسري]

لاهنت علي الموضوع ونعم والله أعيال عطا

تقبل تقديري وأحترامي

أخوك أبو نواف الدوسري

 

 

 

 

[معلومات العضو مبارك الدموخ]

وقعه موثقه بارك الله فيك ولكن قصتها ليس كما ذكرت او ذكر المصدر وعندي عده قصائد لقبيلة العماير من بني خالد في هذه المعركه


المشقى بـدا فـي راس مابانـي
يبدع القاف في عالـي مراقيبـه
يالله انا طالبـك ياعالـي الشانـي
يافهيـمِ وسـد الغيـب تدريـبـه
عز ربعي على من زارهم عانـي
صايلٍ بالظعن والجمـع يزميبـه
يوم جونا كمـا دولات سلطانـي
مثل سيل تحـدر مـن محانيبـه
والتقوهم نهـار الـورد خلانـي
علط الارقاب نحالـن مقاضيبـه
يوم جانا يدوث الجمـع ضيدانـي
زار اهلنـا بخلانـه وأجانيـبـه
وإلتقـوه الحماقـه بـام سيـلان
لابتي كسبت النامـوس تحريبـه
كيف ضيدان فينا يقطـع العانـي
عقب مافات هذا اللـي يجازيبـه
ماذكر هيـة الوفـره بالاكوانـي
يوم جتنا الشلايـل مـع مناديبـه
حن عطيناه حقه يـوم جاءعانـي
ليت من ينشده عن فعل اصاحيبـه
جمعنا لامشـى ماهـو بخوانـي
سيف هنـدِ عطيبـاتِ مضاريبـه
من جزانا بطيـبِ نرجعـه ثانـي
نعطي الحق والمعـروف نثنيبـه
ساعةِ واستـوى للملـح دندانـي
حام طير الهوا من صايح الريبـه
واستوى فوق جال العد عكلانـي
الدخـن ساكـبِ والعـج يوميبـه
كم هنوفِ هواهـا كـل ديقانـي
عقب حجيرها كثـرت خواطيبـه
شوقهـا طايـحِ للخيـل ميدانـي
توها مع نكـوف القـوم تدريبـه
تمحش الدمع من منقوش الاوجاني
عقب جرحِ جديـدِ فاريـن جيبـه
كان ذيب الردايف بـات جيعانـي
بشـروا دار عـدِ عاويـن ذيبـه
بشرو بالعشـا خيـلِ وصبيانـي
يوم سوق الغلا باعـوا جلاليبـه
ذا جوابي علـى مايلفـظ لسانـي
زين قولِ علـى حلـه وترتيبـه



ولهم ايضا


مزتـةٍ هلـت وجالـه غثيـر
وختلط عجـه وملـح القهـر
يوم جا الحربي بقـومٍ كثيـر
والعـوازم حذفـو بالغـتـر
يوم ضاع الشور والمستشيـر
عزمـو بالله وراي الظـفـر
دون شعلٍ بالمضامي صجيـر
سرحوها يوم جاهـا النضـر
ولين شربت من قراحٍ غديـر
عقب مركاضٍ بصنـع الكفـر
وأم خمسٍ والهنـادي شطيـر
كنهم فـي ساعـة المحتشـر
وجبرهم في كل دربٍ عسيـر
وليتنـا معهـم بخيـرٍ وشـر
وخشرةٍ معهم على مايصيـر
بالحرايب يـوم ربـي اومـر
جمعنـا بالكـون مايستقـيـر
صامل الهده اليا مـن حضـر
وخبر الـي مـادرا يابشيـر
وسط لـم النـاس رد الخبـر
وكان قالو هرجتـك ماتصيـر
قل هذا البيرق وهـذا الفخـر
وحن هل المنزل اليا جا النذير
دايمـاً ابيوتـنـا بالخـطـر
ومن بقى درب الرخى والمنير
حـط فينـا خونـتٍ وعتـذر
وكيف نمشي مع جناحٍ يطيـر
في هقاوي ضايعيـن النظـر
وحافر الما مايصـح المجيـر
ومن حفر بيرٍ عليـه انقعـر
ومن نقل يسـفٍ بليـا جفيـر
ندقـم حـده وعرضـه دثـر
وعزنا مـن عزكـم يالاميـر
ولا غبا علمـاً وعلـمٍ ظهـر
ودام ابو تركي عليهـا يسيـر
هو هوانا من جميـع البشـر

ولهم ايضا


بديت باسـم الواحـد الفـرد الرقيـب
والدين ديـن الله ومـن يشـرك كفـر
الخالـدي مبـداه بالـقـول العجـيـب
مثايل(ن) يشتـاق لـه راعـي النظـر
قم يانديبـي فـوق عجـلات الخبيـب
حيل(ن) مراديم(ن) رعن نبـت الزهـر
هن منوة المشتاق بالـدرب الصعيـب
ومكلفـات(ن) فـي مراسيـل الخبـر
تلفـى بنـي عمـي اكعـام للحريـب
لارزت الرايـات والنشـر الخـضـر
خوالـد(ن) تـرد المعـارك ماتهيـب
وردوا حياض المـوت يـوم الله ومـر
بامتوجات ضربهـن ضـرب عطيـب
ومشوكـات ضربهـن يفـري النحـر
وسيوف هن(ن)د تكسر العظم الصليـب
مضرابهـا لاصـاد عظـم ماجـبـر
من ضرب جمع(ن) لانطح جمع الحريب
يـوم الملاقـى ماتتـقـي وإعـتـذر
يوم إمتلى الميـدان شبـان(ن) وشيـب
ارعد رصاص(ن) سيله الـدم الحمـر
ياذيـب ياللـي بالخـلا تقنـب قنيـب
تصبح مـن الشـوان تنحـاك الجعـر
ابشر بصيد(ن) من بعيد ومـن قريـب
عقايـر تـاكـل بـهـا دب الـدهـر
ياهيـه يالمجمـول ياعيـن الربـيـب
ياللـي تحـط الـروس بالجلـد العفـر
لاتعشقيـن الا مصلـيـت الحـريـب
اللـي فعايلهـم يشـد بهـا الظـهـر
من فوق جال مريـخ شرقـي القليـب
حـل المثـارا واشتعـل سـو القهـر
يلعب بها القاطع سعـد لعـب عجيـب
بأفعال ربعـه شايـف منهـا الدجـر


وسلامتكم

 

 

 

 

[معلومات العضو عبدالله أبن مصلح]

الاخ / ولد عطا

ونعم بك وبالقبيلة اللى انت منهم

احسنت ولاهنت على ذكر هذه المعركه

وحسب ماسمعت من كبار السن انهم يسمونها( مشاش العرافا )

والمشاش هو مورد ماء , والعرافا كنيه لابناء الامام سعود بن فيصل .


تقبل منى صادق الود

 

 

 

 

[معلومات العضو مبارك الدموخ]

مشاش العرافا هو المكان الذي قتل به او المدفون فيه بعد معركه مريخ

 

 

 

 

[معلومات العضو ناصر بن بجاد الخييلات]

لاهنت علي الموضوع

ونعم والله أعيال عطا

أبو سعود الخييلي

 

 

 

 

[معلومات العضو فارس بني ودعان]

تسلم عالمجهود الطيب

 

 

 

 

[معلومات العضو ولد عطا]

لأ هنــتو جميـع على المـرور

 

 

 

 

[معلومات العضو عبدالله بن قويد]

لاهنت علي الموضوع ونعم والله أعيال عطا

تقبل تقديري وأحترامي

أخوك أبو نواف الدوسري

 

 

 

 

[معلومات العضو ولد عطا]

ولا أنت .. شاكر لك على المـرور

 

 

 

 

[معلومات العضو بنت الشايب]

لاهنت على هالطرح المفيد

دمت بود

 

 

 

 

[معلومات العضو ابو شامه الوايلي]

لا هنت اخوي على الموضوع ونعم بالجميع العجمان والعوازم وجميع القبايل