انا اللي سحرني زين ضحكه وزين حكاه

[معلومات العضو سعد بن شارع]

انا الي سحرني زين ضحكه وزين احكاه
وانا الذي نفسي على القرب *منصرمه
*
كما صرم زرع مبطين ماجرا مسقاه
تحطم وشابه حال روحي بعد غرمه

بديت الطويل وكيف بجوز من مرقاه
وانا لي وليفن ساكنن من ورا الخرمه

انا احيا على ذكره وانا موت من فرقاه
وكني سجين بالخطا ماعرف جرمه*

وعلى الهون يالي تعذل القلب عن مشهاه
وعلى الهون يامن قال كب الهوا وارمه*

انا اضرم علي شوفه واشتاق له واضماه
ومثل اشقر التنباك راعيه له خرمه

عقدت الحبل عن جملت الابيض مع ذكراه
وبرمت الحبل واوثقتنا العقد والبرمه

عسى الله يجيبه لين عقب الفراق القاه
وترتاح نفسن من هنا الوقت منحرمه

سعد بن شارع

 

 

 

 

[معلومات العضو ابومبخوت الدوسري]

صح السانك يابو شارع
اول شي الله يحييك في منتداك ومحلك
والثانيه ابدعة بهذه القصيده الجميله

ولا تكفينا هذي منك وننتظر المزيد

يعطيك العافيه ولاهنت

وتقبل تحياتي ،،،

 

 

 

 

[معلومات العضو الكاتم]

انا احيا على ذكره وانا موت من فرقاه
وكني سجين بالخطا ماعرف جرمه



صح لسانك ملاييييييين
ابدعت ياسعد

 

 

 

 

[معلومات العضو فهد الغريري]

صح الله السانك ي سعد ومرحبا ومسهلا فيك وفي شعرك الجزل تقبل تقديري واحترامي

 

 

 

 

[معلومات العضو محبكم الدوسري]

شاعرنا الجزل
سعد بن شارع
صح لسانك واعتلا شانك يالقرم
لاهنت ولا هان منطوقك