|
|||||||
16-04-2005, 02:34 PM
|
#1 | |||||
|
الشيخ محمد بن عبدالرحمن آل مطلقة رحمه الله
محمد آل مطلقة
مرحبا واهلين للي ياصل المدى=ياهل الطالات والفعل الهمام فوقها كل ابلج يحتذي حذو الظفر=نقلهم صنع الانجليز يقصن العظام ان ضربنا ضربة ماتصدف النحر=كم عقيد في نحانا عليه الطير حام ابن هضبان طريح مع خمسة عشر=وابن شاجع هو عشى الذيب بروس العدام وقصيدة(عبدالله الهجاج)رحمه الله ومن ضمن الحاضرين في الوقعة وهو يصفها في قصيدته
قال بن شاجع بلاقل وحضراني= ==================================وحنا اربعين وهـم ستيـن داقانـي= بعنا عليهم وباعو وانقضى الشانـي= يانعـم يالابتـى يـالاد ودعانـي= طق ابن عرفج وينخا الشيخ ورقاني= يذكر لنا الاجنبـى لاجيـت نجرانـي= كـن الجنايـز وسط الجـو طيحانـي= وهذا ابن عفراء زهم الشيخ ورقاني= شوف عينى بالفشق في الحد طيحاني= (قصيدة ابن وديان)
يالله ياعالـم ماخـفـا وماكـانـى= ============================من قام في الدين عزه عالي الشاني= غارو على حملة من مال ودعانـي= شد وعلى الهجن مزاور وحملانـي= مروا مع الرملة كنهن جول ظلماني= عقب رابع يوم باج الصبـح بانـى= قال ابن شاجع ترى ذا يوم قرصاني= انشى عليهم فحـال فيـه رندانـي= تخالطوفي المحطـه مابعـد زانـى= كله لعينا المطوع يوم جا عانـى= والذيب جا عانى من صوب نجراني= شاف المعونة وجاله مقسـم ثانـي= والذيب جاء مقسمه ولد بن هضباني= واما المرمه تراهـى لأم عثمانـي= مااظن بنبت نبات القـاع ريحانـي = والنبت لاخر يجى خـوج ورمانـي= سفران بن مويم آل راكان
أبدي بذكـر الله علـى كـل ماجـرى=وخط القلـم فـي اللّـوح مـن كـلام وعدد ما خلق ربيِّ في الأرض والسماء=واللـي ركــوع وسـجَّـدٍ واقـيـام على كـل حـال نعبـد الله ونشكـره=مــادام لـيـل ودامــت الأيــام فالـلـي عليـنـا ردّة الـــراس لله=الـلـي منحـنـا نعـمـة الإســلام أسدى لنـا حمـر النعـم نعمـةٍ لنـا=وأنعـام ماتحـصـى لـهـا لـقـلام وبعـث لنـا سيـد البرايـا محـمـد=علـيـة ألــف إتحـيـة أوســلام هو أفضل من سار في الأرض من بشر=وأكرم من وطـا فـي الخـد بالأقـدام رغمٍ على أنف اللي جحد في رسالتـه=سيـد العـرب والتـرك والأعـجـام أدى الأمـانـة والرسـالـة بامـانـه=وشـيـد بـهـا منـايـراً وأحـكـام وحـرَّض علـى درب الأئمـة لربعـه=عظّـوا عليـهـا بنـجَّـدٍ وأبـهـام فالحـوض واحـد يـاردونـه لَّـمـه=كــلٍ بعمـلـه تصـلّـه لـقــدام أرجو من الله مشربـاً منـه بالرضـاء=وأنفـوز بـه فـوزاً مــع الغـنَّـام فاللي كتابـه فـي يمينـه يفـوز بـه=يـدخـل بجـنـاتٍ بـهـا الأكــرام واللي كتابه فـي شمالـه يعـاق بـه=يدخـل جهنَّـم فـي عــذابٍ حــام وحنـا بجـاه الله حفـيـظ أعمالـنـا=ثـم فـي كنـف حكّامـنـا الحـكـام في أمن أبو تركـي ولسـلام نحمـده=فـي خيـر مايحصـى وكـل أنـعـام فبـا أطلـب الله وأمنـوا يامحـضـر=جعلـه يـطـول عـمـر ذا اليـمـام (عبـد العزيـز) الله يعـزه وينصـره=ولخـوان واللـي للشريـعـة قــام من دون بيـت الله فـدوا بارواحهـم=وفي سيـف جـدّه حاصـروا لقـزام فالله يعـز اللـي نصـر ديـن النّبـي=آمـيــن يـاعـزيـز يــاعــلام من عقب ذا باقول مالج فـي الحشـاء=مـن فكـر مشتـاقٍ لـزيـن كــلام قم يالمطـوع جعـل ربـي يساعـدك=قـرب إدواتــك وأبـرلـي لـقـلام إكتب حسين القول أوضـح مراسمـه=وأحـرص عليـه بيسمعـه حـكّـام مـن فكـر نشّـاد يعـدل القـوافـي=يختـار مـن جـزل الكـلام كــلام غزر المثايل مـن ضميـري تـواردت=ورد النَّـهـول المسبـعـات إحـيـام والآ الدّبـش فـي مربـخ زاف نايـره=صـاح النـذيـر وصـرهـا زهــام غبا طمام الشمـس مـن كثـر عجـه=عـفـرٍ وحـمـرٍ مقتفـيـه جـهـام وردن علـى بحـرٍ يسقـي الظوامـي=الطـرش يصـدر والبحـور إجـمـام فاخترت من المنقيـه ألفيـن عرمـس=وأشـوف مايبنـي علـيـه سـنـام هجنٍ رعت صـوب الـدروع وربعـت=من أرض البريمي إلـى جبـل سنـام شتر الفخوذ اللـي وسـاعٍ إنحورهـا=هضـع الرّقـاب ومشيـهـن قــدام شدّوا علـى كبـار الأباهـر أوكورهـا=بامواشـعـات شغـلـهـا تـمــام وأخروجٍ مـن (هجـر) جديـدٍ مغنهـا=مـن كـل كيـف وعــدةٍ واعـمـام ملبوس أهلهـا مـن بشـوت معلّمـه=وابـدال جـوخ ومـيـزر واحــزام أرسلتنـا لـرداف ياتـوا بخطمـهـن=ولـكـل منـهـن فــردةٍ واخــزام تنهض طلوع الشمس من قصر مشرفْ=قصـر الخماسيـن الرّفـاع إكــرام رزوا اللـواء عنـد الإمـارة ونوّخـوا=يجـيـكـم الـبــواب والـخــدام منصوب في قصر الإمام ابـن فيصـل=فالله يـعــزه نـــادرٍ واهـمــام لامـر علـى الخـدام قامـوا حطيبـه=والـكـل منـهـم بـالأمـيـر أولام أميـر ولاكـل المناصـيـب مثـلـه=جــودٍ ورايٍ وللصـعـب عـــزام مـن عادتـه تلقـى المناعيـر عنـده=بالضيـافـة حـيـة وجــودٍ تــام وامفطحات الضان صفـر إعصوبهـا=ولا فـقـار مــع إصـحـون أودام بالصحون يداري صفوها اللي يشيلهـا=تعـبـا بكيـفـاتٍ لـكـل إحـشـام في اللين ولا في القساء عنـد واجبـه=عـاش الأمـي الـوافـي المـقـدام الشيـخ عنـده بالشريعـة إمساعـده=حاشـا ولاهـوب للـعـرب ظــلام فلا من قضيتـوا يامناعيـر فأركبـوا=ترخصـوا ثــم ودعــوه ســلام خلّو وجيه الجيـش للشـرق مقفيـه=سبحـان صاخـر عاصـيـه لنـعـام فـاذا ركبتـوا فوقهـا فـاذكـروا الله=تظهـر لـكـم لخـبـار والأعــلام مروا علـى أولاد العياضـي وسلمـوا=وابـدوا لهـم عـذراً وهـي درهـام فلا من بديتوا مع إحزيـم إبـن سنَّـهْ=عجليـن مايرخـي لـهـن إخْـطـام تكفـون ذودهـن بلرسـان واحـذروا=يفتـر لهـن سيـرٍ وهـي صلـهـام تشـدي لربـدٍ أكـدت شـوف ريبـه=قامـت تجـاول مثـل جـول نـعـام لاضـف بالجنحـان وارفـع قوايمـه=يخـاف مـن لقَّـاف حـول عــدام ولا القطـا مـن مـوردٍ بعـد مـورد=مـع كنـه الجـوزاء وهـن إحـيـام فلا جات (خيران)و(تمـره) فقهقهـوا=ردَّوا ســلام والـنـضـا هـمــام والداهنـه مـروا عليهـا وسلـمـوا=وخلـوا نضاكـم سيـرهـن قــدام فلا جـات جـر (المرقبيـة) فنوخـوا=طقـوا صـواويـن بـهـا وأخـيـام يجونكـم لاد (المبيعـيـج نـاصـر)=الـكـل منـهـم سـابـقٍ عـــزَّام قـولـوا لفينـاكـم بــرد رسـالـه=من عند (إبن مويم) شاعـر الإسـلام فاللـي معنَّيـنـا ســلام ومثـلـه=ومـن فعلكـم حزنـا رفيـع أوسـام فمـاب الكرامـة ياوداعيـن مشفـق=لكـن ساقنـي النامـوس والـغـرام فيهناكـم النامـوس ياسقـم الـعـدا=جعـلـه عليـكـم ســرة وسـنـام أنـا هضنـي قـوم تنحـوا لـدارنـا=(عقيديـن) ماهـب بالشبـب بالمـام جونـا شمـال وباغتـو حملـة لنـا=حول (المجدر) صـوب قصـر إحمـام تلافطوا بالرمـي مـع حـزة الغلـس=ميـر الله اللـي مـقـدي الأسـهـام مـن حظنـا والله نصرنـا بحكمـتـه=سلم( المطـوع) هـو (وابـن غنّـام) فيـا جعـل ماهـي ساعـة (لمحمـد)=ومن كان مثلـه فـي الأمـور إهمـام حـرٍ لنـا مـن الله نرجـي إنفوعـه=لاجـاء اهــداد فقـاطـعٍ صــرام عاد المشبب في الضحى يـوم دبـروا=نـصـا السلـيـل عـانـيٍ زهــام فلبوا لـه الضفـران فرسـان اللقـاء=ساطيـن فـي لطـم الحفيـف إعـدام تنهضت مـن جـر (صبحـا) مخيلـه=بسيـلٍ يـطـم الـعـرق والـعـدام صبت وانصبت وانصب ماها وصبصبت=بمشـوكٍ يفضـي صليـب إعـظـام لحقـوا غــزاةً طامعـيـن بحقـنـا=نـهـار ثـالـث باقـشـر الأيــام نجمٍ على العـدوان يرسـل صواعقـه=آلاد ودعــان رجـــال إزحـــام فأول هددنـا عشـرةً يـوم طلوحـوا=ضاعـت هقاويهـم مــع الأحــلام ومن جيشهم (خمس وثلاثيـن) نظـوه=ومن غيرهـا قسمـت علـى الغنّـام ويا نافدا ربعـاً عطـوا الضّـد حقـه=يـوم أمطـر البـارود مثـل إغـيـام كـن الجنايـز غـب يـوم التقيـنـا=هشيـم سمـرٍ عقـب عاشـر عــام في اللي حضر حقه دراميـح الشّحـم=واعصوب ضانٍ مـع إسيـور سنـام وبيضاء من المقزور تطرخ إنشورهـا=من باب (هجـر) إلـى حـدود الشـام فيعيـش ربـعٍ نومسونـا بفعلـهـم=خـلـوا فــي الـعــدام عـــدام عساهـم لاعـادوا يعيـدوا لمثلـهـا=يذوقون ماذاقـوا (بالمشيمـخ) ملعـام ذيبٍ رقا في راس ( فـرده ) وصـوت=وايقض إذايـابٍ فـي الحجـاز إنيـام يقول تبغيـن العلـف دونـك العلـف=متـراكـمٍ فــي شـقّـة أم عــدام وصـلاة ربـي عـد منـاض بـارق=عـلـى نـبـي ديـنـه الأســـلام وقال الشاعر محمد بن مشعي هذه القصيدة مفتخرا فيها وكان كذلك من ضمن الحاضرين في الوقعة
غاروا على حملت (بـن دحيـم 1)ياميـة=فيها العقيد بن شاجع وبـن هضبانـي وصل المصيح بعد يوميـن عصريـة=من التعب والرهق يصيـح عطشانـي هل ميـتٍ مـن سلايـل يـام منقيـه=مـا فوقهـا الا مذاهبهـا و هولانـي ركبـوا وراهـا وداعـيـنٍ فـدوايـه=لحقوا عليهـم قبـل يجـون بخرانـي القوم واجـد وفزعـة ربعـي شويـه=وردوا عليهـم ورد العـد ضميـانـي مـا بيـن ذولا وذولا جـا عكيلـيـه=لين اظلم الجو مـن البـارود دخانـي كـن الجنايـز خشـب دار سناوية=في الهيج الاول من الرصاص صرعاني قاموا بصنـع الكفـر بنـدق وجنبيـه=يامية فـي اللقـا مـا هـم بذلانـي تزاهـمـوا لاد زايــد يالعواجـيـه=وردوا لسلاتهـا وشـتـب نيـرانـي خفوا وخلـوا للطمـع هيـل وبريـه=قفـوا علـى ضمّرجيـاد وسمـانـي خلـو مشايخهـم للـذيـب وجــريه=ياكلهـم الثعلـب والذيـب سرحانـي راحوا هريب جنـوب بـدون حسيّـه=ركبوا على هجنهم تشـدي الغزلانـي وقـف ابـو حامـد تفـاق مـزويـه=تقفى يابـو حامـد مضرابهـم زانـي اول نـدب طيـرت راعـي العمانيـه=غتما مضاريبها في القـوم قـد بانـي يعيش ابـو حامـد ريـف الخلاويـه=واللي حضر كلهـم مـن لاد ودعانـي اولا طعنهـم كلـوهـم ذا اليمانـيـه=مـا بيننـا وبينهـم سـد وحـدانـي كلـه لعينـاك يالبـنـت السنافـيـه=اللي شعث ذودهـا تزهـم الحمدانـي قد غار مجهار فـي تسعيـن منقيـه=على ابلها يومنا فـي الظـل نعسانـي ضربت خمس وانا في الظـل وقافـيه=والخمس ما اخطتهم بتدبيـر رحمانـي كلـه لعينـا فحلهـم شامـخ نـيـه=والعيون نـوره مـع حلـوات للبانـي يعرفـون غتمـاي ماتثـور مرميـه=لازم يطيح الهدف من حيث مـا كانـي قد كـد منهـا عقيـد القـوم بالحيـه=شيخ يبي ذودنـا مـن ديرتـه عانـي ياما حضرنا بهـا صبـح وعصريـه=وفي كل وقـت اثيـب اللـي بينخانـي لـونٍ مجهـار يـدري بالدبـش ليـه=والله يجنـب مفاليـهـا ولا جـانـي ما توخذ الابل وانا عينـي بعـد حيـه=وان اخذت الابل ترى الفنجـال يعدانـي ولا يقـدم لــي الفنـجـال مثنـيـه=زودٍ على اللي نها ر الهوش ما بانـي لي بندق من خضـاب الصيـد مطليـه=احب عندي مـن القاصيـن والدانـي ما يامن البل واهلهـا كـون حربيـه=لاقيـل هـذا فريـق فـلان وفلانـي كـل يخلـي الدبـش يرعـى مفاليـه=ترعى ولو ما قفاهـا كـون رعيانـي وبيوتنا مـن لحـوم الصيـد ممليـه=وان جا ضيوفٍ جعلنا معـه خرفانـي اقـول واطـول مـن ربـعٍ عواجيـه=الاد زايـد و انـا مـن لاد ودعانـي 1-(ابن دحيم)المقصود في القصيدة هو الشيخ محمد بن عبدالرحمن رحمه الله وقد اشتهر والده بالعلم الواسع في امور القضاء والدين في عهد الملك عبدالعزيز طيب الله ثراه وكان على صلة وارتباط وثيق معه في ذلك الوقت وكانت تجري بينهم بعض المراسلات والمكاتيب والوثائق
كاتب الموضوع/ (ابن محمد الودعاني )
|
|||||
|
|
|
|
16-04-2005, 04:17 PM
|
#2 | ||||
|
رحم الله محمد بن عبدالرحمن بن مطلقة واسكنه فسيح جناته
|
||||
|
|
|
|
16-04-2005, 06:04 PM
|
#3 | ||||
|
اخوي وابن عمي العماني لاهنت على مرورك الكريم اللي يشرفني
|
||||
|
|
|
|
16-04-2005, 11:30 PM
|
#5 | ||||
|
بيض الله وجهك يا بو محمد الودعاني على النبذه الطيبة وعن العم الغانم اللي تذكره واللي يتنومس بها كل دوسري اخوك في الله محمد الغريري
|
||||
|
|
|
|
16-04-2005, 11:43 PM
|
#6 | ||||||
|
بيض الله وجهك يابو محمد الودعاني ونعم فى ابن مطلقة وربعة ولاهنت يالذيب
آخر تعديل ابن محمد الودعاني يوم 17-04-2005 في
12:39 AM.
|
||||||
|
|
|
|
17-04-2005, 01:11 AM
|
#10 | |||||||||||||||||
|
بو محمد علومك غانمه
وتسر وبيض الله وجهك وعساك على القوه
|
|||||||||||||||||
|
|
|
|
17-04-2005, 01:14 AM
|
#11 | ||||||
|
اخوي وابن عمي الشكري
|
||||||
|
|
|
|
22-04-2005, 11:00 PM
|
#12 | ||||
|
حم الله الشيخ محمد بن مطلقة وشكرا لك اخوي ابو محمد الودعاني
اخوي ابو محمد الودعاني لاهنت على ذكر هذه القصة للشيخ محمد بن مطلقة الودعاني ولا تخلينينا من مما في لديك وتعرفه من القصص التي تنومس من يقرأها ، وعساك على القوة دائما.
|
||||
|
|
|
|
23-04-2005, 02:22 AM
|
#13 | ||||||
|
بيض الله وجهك يابو محمد الودعاني
|
||||||
|
|
|
|
23-04-2005, 06:05 PM
|
#14 | ||||||
|
ابو عبد المحسن المحسن المسعري
|
||||||
|
|
|
|
23-04-2005, 06:08 PM
|
#15 | ||||||
|
البراق ووجهك ابيض
|
||||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 9 ( الأعضاء 0 والزوار 9) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اعملوا بها وثوابكم عند الله... | محمد بن فهد الرجباني | :: القسم الإسلامـــي :: | 17 | 03-06-2013 09:37 PM |
| اللقاء التاريخي مع الأمير علي بن محمد بن وقيّان أمير قبيلة الغياثات | الإداره | :: قسم اللقــاءات والفعاليات والتغطيات الخاصة:: | 57 | 17-04-2013 10:52 PM |
| قبيلة الدواسر ومحاولات التأليف عنها | مسفر بن محمد الشرافي | :: قسم تاريـخ قــبـيـلة الــدواسـر :: | 40 | 29-05-2012 02:11 PM |
| أعلام الدواسر في الدولة السعودية الأولى | ماء السماء | :: قسم تاريـخ قــبـيـلة الــدواسـر :: | 5 | 20-10-2010 05:31 PM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 12:27 AM
