ياعايض بن شديد الفهادي

[معلومات العضو شافي بن راشد النتيفات]

الشعر في مدح الرجال يشادي=ريح البختري والنفل والكادي
وانا نظمته واستعين بربي=في مدح منهو تاج له وشدادي
المجد يفخر باسمه وطاريه=عون الخوي معزي الروادي
ساس الحمية والسطر والطالة=ياللي بجهدك للرفيق تفادي
يامكرم الضيفان لامن جولك=عقب الشحم والعود وجه بادي
حلحيل حلال الامور العسره=على الدروب الكايدات قيادي
ملجى الضعيف ومزبن المهمومي=قدام مافكرت في المعوادي
عذروبك ان كل يشيد بفعلك=والذم ماله يمتك ميرادي
اهل المراكز في القطاع الشرقي=ترفع لك البيضا على لشهادي
لي خمسة اعوام وعليها ايامي=معرفتي بك جعلها تنعادي
خمس سنوات ماتغير زموك=على طريق منتظم وحيادي
خمس سنوات ومنزلك مرموقي=ماتنزل الا تنشل المنصادي
حرا شلع شوف العشا بعيونك=ماخاب من باسمك وقف وينادي
تبغي كلام الصدق من عرافه=اللي ماينقد هرجه النقادي
من لا يخاوي في حياته مثلك=ياعايض بن شديد الفهادي
ماذاق طعم الخوة اللي تذكر=حمية ونخوة ووجه بادي
فزعة وشيمة والوفا لك عادة=شي تعدا الحد عندك عادي
ما اقول قول الا دليله حاضر=الطيب واجد وانت طيبك زادي

 

 

 

 

[معلومات العضو راشد المسعري]

تبغي كلام الصدق من عرافه>>>اللي ماينقد هرجه النقادي
من لا يخاوي في حياته مثلك>>>>ياعايض بن شديد الفهادي
ماذاق طعم الخوة اللي تذكر>>>>حمية ونخوة ووجه بادي
فزعة وشيمة والوفا لك عادة<<<<<شي تعدا الحد عندك عادي
ما اقول قول الا دليله حاضر>>>>>الطيب واجد وانت طيبك زادي



الله الله

لله درّك يابو شالح ، وصح لسانك

سلمت على هذه الجزلة والتي بالتأكيد قيلت في من يستحقها

ويستاهل الفهادي ماقيل فيه ، ويقول المثل " من قدّم الطيب يلقاه "

أكرر إعجابي بالأبيات الجزلة وبشاعرها

تقبل ودي وتقديري ،،،،

 

 

 

 

[معلومات العضو نايف العمار]

بيض الله وجهك قصيده يستحقها الفهادي
ونعم كذلك بصبيان الفهادي مشهود لهم بالخير
والكرم والعلوم الطيبه وآآآآفي صح الله لسانك

 

 

 

 

[معلومات العضو شافي بن راشد النتيفات]

المشاركة الأصلية كتبت بواسطة راشد المسعري

تبغي كلام الصدق من عرافه>>>اللي ماينقد هرجه النقادي
من لا يخاوي في حياته مثلك>>>>ياعايض بن شديد الفهادي
ماذاق طعم الخوة اللي تذكر>>>>حمية ونخوة ووجه بادي
فزعة وشيمة والوفا لك عادة<<<<<شي تعدا الحد عندك عادي
ما اقول قول الا دليله حاضر>>>>>الطيب واجد وانت طيبك زادي



الله الله

لله درّك يابو شالح ، وصح لسانك

سلمت على هذه الجزلة والتي بالتأكيد قيلت في من يستحقها

ويستاهل الفهادي ماقيل فيه ، ويقول المثل " من قدّم الطيب يلقاه "

أكرر إعجابي بالأبيات الجزلة وبشاعرها

تقبل ودي وتقديري ،،،،

صح الله بدنك ولاهنت على مرورك الرائع وكلامك الطيب يابومحسن

 

 

 

 

[معلومات العضو سفير ال فهاد]

بيض الله وجهك يا شافي بن راشد على القصيده الجزله


وبيض الله وجهك على ذكر ابو شديد بالعلوم الطيبه وهو ما سوى العلم الطيب الا في رجال يستحقون وهذا من طيبك

ولا هو غريب عليك

 

 

 

 

[معلومات العضو مبارك بن شافي النتيفات]

صح لسانك واعتلى شانك على هذه الجزاله الغير مستغربه من شاعر بحجم شافي بن راشد

وابو شديد عرفته بطاريه وذكره الطيب . ويستاهل الطيب راعيه

تقبل مروري المتواضع على هذه الشامخه

 

 

 

 

[معلومات العضو ابراهيم القربي]

شافي النتيفات

صح لسانك ملايييين ولايكفون

جزله من راس جزل

دمت بخير

 

 

 

 

[معلومات العضو ظافر الأمير]

رائع مبدع جزل مميز الله يصح لسانك مليون في مليون
انعم وكرم بالمادح والممدوح