العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: القسم الـتاريخــي الــعام ::

إضافة رد
انشر الموضوع
 
أدوات الموضوع انواع عرض الموضوع
قديم 28-09-2010, 09:40 PM   #1
 
إحصائية العضو







حفيد كحيلان غير متصل

حفيد كحيلان is on a distinguished road


افتراضي سيرة الاميرالفارس شالح بن حطاب بن هدلان الخنفري لقحطاني

السلام عليكم ورحمة الله وبركاته...
حبيت انقل لكم قصة عن فارس وشاعر ,, و...الخ




... وهي نبذّه عن فارس وشاعر بنفس الوقت ... من جميع قبائل شبه الجزيره العربيه .... تحكي عن نشأته وفروسيتّه وشاعريتّه والأحداث المهمّه اللتي جرت في عصره ... وأتمنى من الله التوفيق ...



هذه هي الحلقه الاولى من موضوع الفارس والشاعر / شالح بن هدلان
هو الفارس المشهور / شالح بن حطاب بن هدلان بن قاشان بن قريان بن دراج بن حسن بن خنفر أل محمد .. الجحادر .. القحطاني
لايعرف تاريخ ميلاده بالتحديد ولكنه توفي سنة 1340هـ 1341هـ تقريباّ
نشأ شالح بين أفراد قبيلته الخنافره من قحطان فكان مثاليّا بشجاعته وامانته وصدقه وكرمه وحسن خلقه
وكان يحكم لحل المشاكل سواء ٍ كانت قبيلته اوّ فرديّه فكان محبوباّ عند قبائل قحطان والقبائل الاخرى
كان الفديع أصغر من شالح سنّا ولكنه يماثل اخيه شالح في كل شي بشجاعته باخلاقه وباالاضافه انه كان مغامراّ بفروسيتّه الى حدٍ بعيد ومطيعٍ لاخيه في كل شيئ والدليل على ذلك قصيده للفديع وهي كالتالي :
يابو ذعار افديك لونـي لحالـيواصبر على الدنيا وباقـي تعبهـا



وان غمّ اخوه معثريـن العيالـي@انا لخويـه سعـد عينـه عجبهـا



وان جنّ مثل مخزمات الجمالـي@كم سابقٍ تقزا وانـا مـن سببهـا



كم خفرةٍ قـد حرمّـت للدلالـي@لبست سوادٍ عقـب لـذّة طربهـا



وان جيت لي قفرٍ من النشر خالي@يفرج بي الحوّاز يوم أقبـل ابهـا



افديـك ياشالـح بحالـي ومالـي@يافارس الفرسـان مقـدم عربهـا



يامتيّـهٍ أبلـه بـروس المفالـي@ياللي حميت أحدودهـا ياجنبهـا



فتأثر شالح بما قاله الفديع فرد قائلاّ



واخوي ياللي عقب فرقـاه باضيـع @ كنيّ بما يجري على العمـر داري



اخـوي ياستـر البنـيّ المفاريـع @ ومطلق لسان اللي باهلهـا تمـاري



ماقـطّ يـومٍ شـد بيـن الفراريـع @ ياكود مابيـن الكمـى والمشـاري



ليته عصانـي مـرةٍ قـال ماطيـع @ كود انيّ اصبر يوم تجري الجواري



انشهد انّـه لـي سريـع المنافيـع @ عبدٍ مليـكٍ لـي ولانـي بشـاري



تشهد عليـه مناتـلات المصاريـع @ ومطلق لسان اللي باهلهـا تمـاري



يمناه تنثـر مـن دماهـم قراطيـع @ وعوق العديم اللـي بدمّـه يثـاري



جداّع سفريـن الوجيـه المداريـع @ خلي سروج الخيل منهـم عـواري



القلـب ماينسـى بعيـد المناويـع @ ليثٍ على صيد المشاهير ضـاري





ووقع ماتوقعه شالح عن مستقبل اخيه الفديع والذي قتل في احدى معارك قحطان مع عتيبه ورثاه بالقصيده المشهوره وهي كالتالي






امس الضحى عديت روس الطويلات @ وهيضت في راس الحجا ماطرالـي



وجريت من خافي المعاليـق ونّـات @ والقلب من بيـن الصناديـق جالـي



واخوي ياللي يم قارة ( خفا ) فـات @ من عاد من عقبـه بيستـر خمالـي



ليته كفانـي سـوّ بقعـا ولا مـات @ وانـا كفيتـه سـوّ قبـرٍ هيـالـي



وليته مـع الحييـن راع الجمـالات @ وانا فـدا لـه مـن غبـون الليالـي



واخوي اللي يوم الأخـوان فـلاّت @ من خلقتـه ماقـال ذا لـك وذالـي



تبكيه هجـنٍ تالـي الليـل عجـلات @ ترقب وعدها يـوم غـاب الهلالـي



وتبكي على شوفـه بنـيٍ عفيفـات @ ومن عقب فقـده حرمّـن الدلالـي



عوق العديم ان جاء نهار المثـارات @ والخيل من حسّـه يجيهـن أجفالـي




وبقى شالح حزينّا على أخيه فعزم بالثأر للفديع .. وبقى شالح يترقّب الفرص بالحمده من رؤساء عتيبه بعد ان تقابل الطرفين في احدى المعارك .. عمد احد فرسان قبيلة آل دراج الخنافر للفارس عبيد بن تركي بن حميد فقتله وهو الفارس مبارك بن غنيم آل كليفيخ .. فكبرت مصيبة الحمده على مقتل عبيد .. فقال ضيف الله بن تركي هذه القصيده :






ياونتـي ونّـة كسيـر الجـبـاره @ اليا وقف مااحتال واليـا قعـد ونّ



عليـك ياشبّـاب ضـوّ المنـاره @ عليـك ترفـات الصبايـا ينوحـن



من مات عقب عبيـد قلنـا وداره @ لاباكـيٍ عقبـه ولا قايـلٍ مــن



تبكيه صفـراّ البسوهـا الغيـاره @ وتبكيـه يـوم انّ السبايـا يعنـن



وتبكيه وضـحٍ ربعّـت بالزبـاره @ اليـا قـزن مـن خايـعٍ مايـردّن



الخيل عقب عبيـد مابـه نمـاره @ وشعاد لوّ راحن ووشعاد لوّ جـنّ



ياشيـخ ماتامـر عليهـم بـغـاره @ كود الجروح اللي على القلب يبرن



يقطـع صبـيٍ ماينـادي بـثـاره @ الى اقبلن ذولـي وذوليـك قفّـن



ياهل الرمك كلٍ يعسـف امهـاره @ والمنع مانطريـه لاهـم ولا حـن




فرد شالح بن هدلان على قصيدة ضيف الله بالقصيده التاليه :






ضيف الله اشرب ماشربنـا مـراره @ واصبر وكنّك شالـحٍ يـوم حـزّن



راح الفديـع اللـي علينـا خسـاره @ واخذ قضـاه عبيـد حامـي ثقلهـن



يمنىّ رمت بـه ماتجيهـا الجبـاره @ اللي رمـت بعبيـد فـي معتلجهـن



من نسل ابوي وضـاريٍ بالشطـاره @ يصيب رمحه يوم الأرماح يخطـن



وعبيـد خلـيّ طايـحٍ بالمـعـاره @ عليـه عكفـات المخالـب يحومـن



وعادتنـا بالصيـد ناخـذ اخـيـاره @ ثلاة الجذعـان غصـبٍ بـلا مـن



ياقاطع الحسنى ترى العلـم شـاره @ لابـد دورات الليـالـي يــدورن



حريبنـا كنّـه رقـيـد الخـبـاره @ خطرٍ عليه اليا توقّـظ مـن الجـن



مانـي بقـصّـادٍ بلـيّـا نـمـاره @ اجدع نطيحي بالسهـل وان تلاقـن



من حل دار النـاس حلـوّ اديـاره @ لابـد ماتسكـن ديــاره ويغـبـن



ومن شق ستر الناس شقـوّ استـاره @ ومن ضحك بالثرمان يضحك بلا سن



وان كان ضيف الله يعسّف امهـاره @ فمهارنا من عصـر نـوحٍ يطيعـن



تدنـا لصبيـانٍ ســواة النـمـاره @ شهـبٍ لماضيـن الفعايـل يعـنـن





وعندما جلس شالح وقت وهو حزين على موت الفديع ورضى بقضى الله وقدره ... أعاضه الله ........( بذيب ) ...........



وكان لشالح ستة ابناء ( ذعار . وذيب . وحسن . وسداح . وعبدالله . ومحمد ) رباهم شالح على مكارم الأخلاق وعلى الفروسيه وتبيّن لأب من سيعوضه بالفديع فكان ذيب محط اهتمام والده حيث بزغ نجم الفروسيه به والشجاعه والرجوله من الصغر
وبرز ذيب واصبح مضرب المثل بشجاعته بين قبائل الجزيره العربيه
وذات يوم اجتمع ابناء عمه السفارين وتأخرو في توجيه الدعوه اليه ... فغضب شالح من ذلك الأمر وقرر الرحيل وقال هذه القصيده المشهوره:







انا ليا كثرت الأشاويـر ماشيـر @ حلفـت ماتـي بـارزٍ مادعانـي



وانـا رفيقـه بالليـال المعاسيـر @ والا الرخا كلـنٍ يسـد بمكانـي



وشوري ليا هجّت توالي المظاهير @ شلفاّ عليهـا رايـب الـدم قانـي



شلفّا معوّدهـا بجـدع المشاهيـر @ يـوم السبايـا كنهـا الديدحانـي




ماني بخبـلٍ مايعـرف المعاييـر @ قدني على قطع الفرج مرجعانـي



ان سندوّ حدرت صوب الجوافير @ وان حدروا سنـدت لمرييغانـي



تاخذ بخيـران المريبـخ مساييـر @ ومادبر المولى على العبد كانـي





فرحل شالح بعد هذه القصيده الى قبيلة الدواسر ... واثناء وجود شالح مع الدواسر أغار فرسان عتيبه على الدواسر وكان عمر ذيب 14 سنه وكان والده قد اعد فرساّ من الخيل ودربه على فنون القتال لانه يعلق عليه امالاّ كبيره
وكان الدواسر قد لحقو بالمغيرين وارتدوّا ابلهم ومعهم ابن جارهم ذيب بن شالح والذي دفع بجواده الى فارس من فرسان عتيبه فضربه بالرمح واخذ جواد الفارس وتعتبر غنيمه واللتي اتضح بعدها انه لايعادلها شي من خيل اعتيبه وربما نجد ايضّا
وعندما علم الأمير محمد بن سعود بن فيصل ومحمد بن رشيد امير حائل ارسل كلٍ منهما رساله لطلب الفرس الغنيمه من شالح ... ولكنه اعتذر وقال هذه القصيده :







ياسابقي كثرت اعلوم العرب فيـك @ اعلوم الملوك امن اولٍ ثـم تالـي



لاني بـلا بايـع ولانـي بمهديـك @ وانا اللي استاهل هدوا كل غالـي



وانتي من الثلث المحرّم ولا اعطيك @ وانتي بها الدنيـا شريـدة حلالـي



ياما حلى خطو القلاعـه تباريـك @ افرح بها قلب الصديـق الموالـي



وياما حلى زين الندا في مواطيـك @ في عثعثٍ توّه من الوسـم خالـي



وياحلو شمشولٍ من البـدو يتليـك @ بقفرٍ به الجـازي تـرب الغزالـي



الخير كلّه نابـتٍ فـي نواصيـك @ وادله ليا راعيـت زولـك قبالـي



بالضيق لوجيـه المداريـع نثنيـك @ وعجله وريضه من خلال التوالـي



حقك عليّ اني مـن البـر ابديـك @ وعلى بدنك الجوخ أحطّه اجلالـي



يانفدا اللي حصلك مـن مجانيـك @ جابك عقاب الخيل ذيـب العيالـي



جابك صبيّ الجود من كف راعيك @ في ساعةٍ تذهل عقـول الرجالـي



ياسابقـي نبـي نبعّـد مشاحـيـك @ والبعـد سلـم مكرميـن السبالـي



صوب الجنوب وديرته ننتحي فيك @ لربعٍ من الأونـاس قفـرٍ وخالـي




ورحل بعد ذلك الى الربع الخالي مبتعدا بالجواد االذي كسبها ابنه ذيب.
وفي هذه الفتره سطع نجم ذيب بن شالح واتجهت له الأنظار وزاد حب ابوه له وادرك شالح بانه مفارق ذيب لا محاله وقال شالح وهو يرثي ذيب بالقصيده المشهوره وهو حياّ !!! :







ماذكر به حيّا بكـى حـي ياذيـب @ واليوم انا ببكيـك لـو كنـت حيّـا



وياذيب يبكونك هل الفطر الشيـب @ ان لايعتهـم مثـل خيـل المحـيّـا



وتبكيك قطعـانٍ عليهـا الكواليـب @ وشيّال حمـل اللـي يبـون الكفيّـا



وتبكيك وضـحٍ علقوهـا دباديـب @ ا ن رددت من يمّـة الخـوف عليـا



ويبكيك من صكّة عليـه المغاليـب @ ان صاح باعلى الصوت ياهل الحميّا



ننزل بك الحزم المطرّف الى هيب @ ان رددوهـن ناقلـيـن العصـيّـا



انا اشهد انك بيننـا منقـع الطيـب @ والطيـب عسـرٍ مطلبـه ماتهـيّـا




وبعدها كان ذيب جالس عند والده وكان شالح يمازح ذيب بهذه الأبيات ... ولكن ذيب اخذ الأمر بجديّه : وهذا ماقاله شالح بممازحة ابنه ذيب :






ياذيب انا يابـوك حالـي تـرداّ @ وانا عليك امن المواجيب ياذيـب



تكسب لي اللي لاقحٍ عقب عـداّ @ طويلة النسنوس حرشا عراقيـب



تجر ذيـلٍ مثـل حبـل المعـداّ @ وتبري لحيرانٍ صغارٍ حباحيـب



واشري لك اللي ركضها ماتقـدا @ ماحدٍ لقى فيها عيوب وعذاريب



قبّا على خيل المعـادي تحـدا @ مثل الفهد يوثب عليهـم تواثيـب



انشهـد انـك باللـوازم تسـدا @ اوانشهد انك خيرة الربع بالطيب



ياللي على ذيب السرايـا تعـدا @ لو حال من دونه عيال وعواطيب



ليثٍ على درب المراجل مقـدا @ مافيك ياذيب السرايـا عذاريـب




وبعد ماسمع ذيب قصيدة والده عزم على الغزو ومعه شبّان من قبيلة قحطان نحو عتيبه وعندما قصدوا منهل يرتاده عتيبه ... لمحه احد الرماه هو ورفاقه فاطلق عليه النار واصابت ذيب بن شالح اصابه قاتله .... فعندما سمع شالح بهذا الخبر .. كبرت مصيبته بفقد ابنه ذيب وقال هذه القصيده المشهوره :






ياربعنا ياللي على الفطـر الشيـب @ عزالله انـه ضـاع منكـم وداعـه



رحتو على الطوعات مثل العياسيب @ وجيتوا وخليتـوا لقلبـي بضاعـه



خليتـو النـادر بـدار الاجانـيـب @ وضاقت بي الافاق عقـب اتساعـه



تكدرن لـي صافيـات المشاريـب @ وبالعون شفت الذل عقب الشجاعـه



ياذيب انا بوصيـك لاتاكـل الذيـب @ كم ليلـةٍ عشـاك عقـب المجاعـه



كم ليلةٍ عشّـاك حـرش العراقيـب @ وكم شيخ قومٍ كزتّـه لـك ذراعـه



ويضحك ليا صكذت عليه المغاليـب @ ويلكد على جمـع العـدو باندفاعـه



وبيته لجيرانه يشيّد علـى الطيـب @ وللضيف يبنى في طويـل الرفاعـه



جرحي عطيب ولا بقى لي مقاضيب @ وافخت حبل الوصل عقب انقطاعه



كني بعد فقـده بحامـي اللواهيـب @ وكنيّ غريب الدار مالـي جماعـه



من عقب ذيب الخيل عرجٍ مهاليـب @ ياهل الرمك ماعـاد فيهـا طماعـه



قالو تطيب وقلت وشلـون بطيـب @ وطلبت من عند الكريـم الشفاعـه




ندم شالح على قصيدته اللتي ادت لغزوة ذيب المشؤمه وكانت من اسباب مقتل ذيب .. وقال شالح هذه القصيده النادره واللتي لم تشتهر كقبيلاتها من القصائد المشهوره وهي كالتالي








ذيبٍ عوى وانا على صوتـه اجيـب @ ومن ونتي جضّت ضواري اسباعـه



عزالله انيّ جاهـلٍ مااعلـم الغيـب @ والغيب يعلـم بـه حفيـظ الوداعـه



يالله يـارزّاق عـكـف المخالـيـب @ يامحصـيٍ خلقـه ببحـره وقاعـه



تفرج لمن صابه جـروحٍ معاطيـب @ وقلبه من اللوعـات غـادٍ اولاعـه



ان ضاق صدري لذت فوق المصاليب@ ماني بمـن يشمـت فعايـل ذراعـه



صار السبب مني على منقع الطيـب @ ونجمي طمن بالقاع عقـب ارتفاعـه



ياطـول ماعجيتهـن مـع لواهيـب @ ولاني بداري كسرها مـن ضلاعـه



وياطول مانوختّهـا تصـرخ النيـب @ وزن البيـوت اللـي كبـارٍ رباعـه



واضوي عليهم كنهم لـي معازيـب@ اليا رمـى زيـن الوسايـد اقناعـه



واضوي عليهم واتخطـى الأطانيـب@ وأخـذ مهاويـة الجمـل باندفاعـه



ابنذر اللي من ربوعي يبـا الطيـب @ لاياخـذ الا مـن بيـوت الشجاعـه



يجي ولدهـا مـذربٍ كنّـه الذيـب @ عـزٍ لبـوه وكـل ماقـال طـاعـه



وبنت الردي ياتي ولدها كما الهيـب @ غبـنٍ لبـوه وفـاشـلٍ يالجمـاعـه



يكبر زولـه عنـد بيـت المعازيـب @ متحـريٍ مـتـى يـقـدّم متـاعـه




وبقى شالح حزين على ابنه ذيب ... وذات ليله سمع بشخص يدعى الهويدي من قحطان ينشد عن طيره ويصوّت .. من عيّن الطير ... فهاضت قريحة شالح وقال الأبيات التاليه :








ان كان تنشد يالهويدي عن الطير @ ا لطيـر والله يالهويـدي غدالـي



طيري عذاب معسكرات المسامير @ ان حل عند قطيعهـن الجفالـي



ان جاء نهارٍ فيه شرٍ بـلا خيـر @ وغدا لهن عند الطريح اجتوالـي



ان دبرٍ خيـلٍ وخيـلٍ مناحيـر @ وغدن مثل مخزمـات الجمالـي



على الرمك صيده عيالٍ مناعيـر @ وشرّه على نشر الحريب الموالي



يضحك الى صكّت عليه الطوابير @ طير السعد قلبه من الخوف خالي



خيالنا وان عرجـدن المظاهيـر @ وزيزوم عيراتٍ طواها الحيالـي



غيثٍ لنا وان جت ليال المعاسير @ وبالشح ريفٍ للضعوف الهزالـي



يسقي ثراه امن الروايح مزابيـر @ تمطر على قبرٍ سكن فيه غالـي




وفي احد الأيام ... كانت احدى بنات الهدلان ... عندما سمعت جماعه من ال ذيبه ال حسن الخنافر يصوتون لراعي لديهم اسمه ذيب واخذو يرددون اسمه وينادونه فاثارت شجون بنت ال هدلان على ذيب بن شالح وقالت :







ليت ال ذيبه مادعو عندنـا ذيـب @ يـومٍ قلبـي سـج منـه ونسينـاه



فإن ذيبهم ذيب الغنم والمشاريـب @ إن ذيبنا نمرٍ على الخيـل ينضـاه



ذيبٍ شفا الادنى وجوع الأجانيـب @ على النقا والسـرق ماهـو بيدنـاه



لا واقمحي يافارك العرف بالطيب @ اتجر ثوب القـز والقـرن تشعـاه



لا واقمحي يامناتـلات المصاليـب @ والهجـن عقبـه نيّهـا زاد مبنـاه



الجد بن مزحم تراثة هـل الطيـب @ فـي قولهـم والا بعـد مالحقنـاه



وابوه شالح شوق بيض الرعابيـب @ قلايعـه خمـس وثمانيـن مسمـاه



ياكم عزل من جـل ذودٍ حنازيـب @ وكم ذود مصلاحٍ تخـرّج خلايـاه



ذيب النضا ذيب الرمك منقع الطيب @ ومن مات يالدحّـام عقبـه نسينـاه





ومن اخبار شالح بن هدلان :



تجاور شالح بن هدلان وظافر الحوير القحطاني وغزو الاثنين معاّ ... فخالفهم الجدري على اهلهم ومات الكثيرون ومن ضمنهم زوجة شالح وزوجة ظافر .. واتفقو الأثنين ان لايتزوجوا الا جميعاّ ... فتزوجوا جميعاّ وبعد فتره تواجها وكلٍ يسأل الثاني عن ماواجهوو ... وقدّ توفّق ظافر بزواجه عكس شالح ..فقال شالح :






لاوهنـيّـك يالحـويّـر هنـيّـاه @ يوم انت في شوقك لقيت البدايـل



وانـا وليفـي مالقينـا حـلايـاه @ لو دوجوبي فـي قفـارٍ وحايـل



وليفي اللي كـل ماجيـت بنسـاه @ دعـو سميّـه ذاهبيـن الحمايـل



يفز قلبي كل مااوحيـت طريـاه @ فز المحيب من خشـوم الفتايـل



قلت اظهره يالقبـر ليـن اتحـلاه @ وحال اللحد من دون سمر الجدايل



ياطول ماني في ذرا البيت ويّـاه @ من بيننا ينشـر جثيـل الجدايـل



قال انت شالح : قلت له ايه ايّـاه @ قال انقلع لا عاد عنـدي تخايـل



مادام في شقـراء دلالٍ مراكـاه @ ومادام فالحوطه غروس ٍ ظلايـل




ومادامت الحضران للبـر تـذراه @ ومدامت البدوان تقنـي الرحايـل



ومادامت الحجاج للبيـت تنصـاه @ ومادامت الحكّام تقنـي الأصايـل



كن الزباد الخلص داخل شفايـاه @ من مبسـمٍ مايدهلـه كـل سايـل





كان لشالح صديق من اهل الحوطه يدعى فوّاز صاحب نخل وفلاحه وكان شالح يزوره بين وقت واخر وفي احدى الزيارات عرض صديقه عليه ان يترك الباديه ويبيع النخل وينزل عنده فقال شالح هذه القصيده الذي يذكر فيها حبّه للباديه وفرسه العبيّه :







يادار ابو موسى عليـك التحيّـه @ راعي دلالٍ باشقر الكيـف بـراّز



شيخٍ ولـد شيـخٍ فعالـه طريـه @ ملفى لاهل هجنٍ من البعد عجّـاز



والله يالـولا حـب لامـا العبيّـه @ ان اتحضرا فالبلـد عنـد فـوّاز



والله لـولا الـرب يـزرا عليـه @ لا اقول فضه والرمك غيرها ابياز



شبهتهـا بالجـوخ والقرمـزيـه @ ادميةٍ عدّت على حشـم محـواز



صخيفة الذرعـان هجفـا عريـه @ كنها المداري جرها كـل نشـاز



والسـاق ناعـور تعاقـب دليـه @ عليه بدوان تلاحـو علـى القـاز



يازينهـا والشيـخ يكمـي كميـه @ الى غدا جمعٍ ورا جمـعٍ اركـاز



تركـد الـى ركدتهـا للـرديـه @ واعجل من اللي حركو فيه مكزاز



وان حدت السربه على المعسريه @ والكل منهم من طريق الهوى جاز



رديتهـا لعيـون جثـل الزويـه @ بشلفا وريع من هوت فيه ما نـاز



حـق لجـدي ثـم لبويـه وليـه @ ماكر حرار ما وكر فيهن البـاز



خيالنـا يـارد حيـاض المنـيـه @ يروش شباة السيف ماهوب هواز



هل فرسة من عاد بقعـاء صبيـه @ لا جاء النذر نرسي ولاحن بنراز





كما انه رثاء الشيخ جعمل بن سفران بهذه القصيده:






ياصبر عينـي جمـل الله عليـه @ ياصبرها مما وزا فـي فـوادي



قلت آه مـن كيـة عقـب كيـه @ وقلت آه من حر الكوايا الجدادي



يا شيخنا اللي مـا تهبـا ضويـه @ ضوي لسراي الغـداري اتنـادي



من جـاه منـا مشفـي للعطيـه @ ما يعطي الا من كبـار الثنـادي



عليك يا نطـاح خشـم السريـه @ تضرب بها خشم السريا العمادي



ان جات من عي نطحهـا بسيـه @ وان جات من مقدي نطحها قوادي



حامي الحصان اللي تسالس وطيه @ تخاوزنـه شايشـات المـقـادي



عسى يجي من صلب جده لديـه @ ويقوم حظه عنـد رب العبـادي








وهذه نوادر ومقتطفات لحياة فرسان ال هدلان الآخرين:الفارس ذعار بن شالح بن هدلان له العديد من شعر الحدي الذي شارك به في العديد من الوقعات والحروب
ومن المعروف ان الفارس ذعار شارك في فتوحات الموحد المغفور له بإذن الله الملك عبدالعزيز ومنها فتوحات الحجاز والجنوب وسيتم التطرق الى ذلك انشالله لاحقا..



يقول :







نرعا الحما في شف كل اسناد
ما قبلنا حي رعا به جـوس
يبرا لهـا قـب عليهـا آلاد
وسيوف هند ضربها فالروس
كلـه لعنـا قاعـد الانهـاد
بيني وبينه من قديم ارمـوس





كما مما قال في الحدي:







ياعبود سلمي لي على الشيخان
ترا بوشهم عشب السهل يبغيه
عقب الحفر مقياضها عقيـلان
ولا هابو المثيب رعينـا فيـه
كلـه لعنـا الفاطـر السمـان
لامن بغينا امـر بتعنـا فيـه




كما يقول :






يا عشبة بين الهضوب
نرعا نبات وسوقهـا
من بين نجد والجنوب
والخيل نحمي سوقهـا




اما الفارس محمد بن شالح بن هدلان فشارك في العديد من الوقعات وكان من بينها وقعة وهو ما يقارب السابعة عشر
شارك ومعه ثلاث ارماح التي جندل بها اثنين من الفرسان وصوب ثالث بعد ان انكسر الرمح فيه
وعندما علم الشيخ حسن بن سفران استغرب ذلك وقال مستغربا ( ليس صحيح ان محمد لم يقتل الا اثنين وصوب الثالث) وذلك لضرواة محمد وشجاعته ،فكان توقع بن سفران انه سوف يقتل اكثر من ذلك الا ان محمد عندما علم بذلك اخذ يحدي ويقول :






تعذرو لي مـن لميـر
رمحي من الجب انكسر
اليا ركبنا اللي ظهيـر
ما نطعـن الا فالنحـر
لعيون من نهده صغير
يطمح اليـا رد الخبـر





وقد قتل الفارس محمد بن شالح في احد المعارك وهو مازال في مقدمة شبابه..




اما الفارس سداح فقد مرض في اول شبابه وقد ذهب به الشيخ شالح لعلاجه فالكويت وقال هذه الابيات:






يابنت انا واياك وامـك وسـداح
متقابليـن مـا احـد راح ديـره
ماحن معا حضر ندور للاربـاح
ولاحن معا بدو نقدي المغيره





وعندما شفي رجعو به الى نجد وكان مطيعا بارا مقتديا باخوانه الذين اشتهرو بطاعتهم وبرهم لوالديهم
وقد قال فيه احد شعار آل روق:





هني من له في العرب مثل سداح
حر ومر وان زهمتـه شفانـي
للجـال سقـاي وللبيـر ميـاح
وخيال لمن ركب بنت الحصاني






وقد قتل في احد المعارك بعد ان استبسل وقتل العديد من فرسان الاعداء

 

 

 

 

    

رد مع اقتباس
قديم 28-09-2010, 10:17 PM   #2
 
إحصائية العضو








ابو زيد الغييثي غير متصل

وسام التميز: وسام التميز - السبب: لمشاركاته المتميّزه وجهده الطيب في المنتدى
: 1

ابو زيد الغييثي is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني

لاهنت يا كحيلان عل هذه النبذه الطيبة عن

الفارس الشجاع / شالح بن هدلان

و كان الشيخ شالح صديقا ً للشيخ / الهلقمي المخاريم

و شارك معهم في رد غزو للعتبان

أخوك / ابو زيد

 

 

 

 

    

رد مع اقتباس
قديم 28-09-2010, 11:49 PM   #5
 
إحصائية العضو







خالد المطيري غير متصل

خالد المطيري is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني

اخوي حفيد كحيلان الله لايهينك على ايراد سيرة شيخ وفارس وشاعر جزل من اعلام نجد والجزيرة العربية تناقلة الركبان اخبارة وعندما ذكرة لي اخوانة ذعار وسداح وغيرهم تذكر اخوهم ذيب وعمهم الفديع وهذا مايستغرب عليهم لأنهم ماكر طيب والطيب مايستغرب من أهله

.....تقبل تحياتي .....

 

 

 

 

    

رد مع اقتباس
قديم 17-10-2010, 12:25 AM   #6
 
إحصائية العضو








الـجـمـانـي 505 غير متصل

الـجـمـانـي 505 is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني

حفيد كحيلااااان


مشكور ع القصة احد شجاعنا وفارسنا وشعار قحطااااان


لاهنت

 

 

 

 

    

رد مع اقتباس
قديم 02-11-2010, 03:00 PM   #7
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني

" الله يغفر للفارس شالح وذريته ويرحمهم "



بيض الله وجهك : حفيد كحيلان :


على سرد بعض من سيرة الفارس :


شالح بن حطاب الخنفري القحطاني



والقصائد الجزلـه كجزالة شعرائها



لاهنت يالذيب

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 01-03-2011, 08:51 PM   #9
 
إحصائية العضو







حفيد كحيلان غير متصل

حفيد كحيلان is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني

اقتباس:
المشاركة الأصلية كتبت بواسطة ابو زيد الغييثي مشاهدة المشاركة
لاهنت يا كحيلان عل هذه النبذه الطيبة عن

الفارس الشجاع / شالح بن هدلان

و كان الشيخ شالح صديقا ً للشيخ / الهلقمي المخاريم

و شارك معهم في رد غزو للعتبان

أخوك / ابو زيد
الف شكر يابوزيد يشرفني مرورك
ونعم واللة بالهلقمي

 

 

 

 

    

رد مع اقتباس
قديم 03-03-2011, 01:28 AM   #10
 
إحصائية العضو







ابو سلطان. غير متصل

ابو سلطان. is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني

لاهنت حفبد كحيلان والله يوفقك......

 

 

 

 

 

 

التوقيع

[IMG][/IMG]

    

رد مع اقتباس
قديم 03-03-2011, 01:34 AM   #11
 
إحصائية العضو







فهد المقابله غير متصل

فهد المقابله is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني

لاهنت على ايراد قصص وقصائد للفارس شالح بن هدلان

تحياتي وتقديري

 

 

 

 

 

 

التوقيع

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

سبحان الله وبحمده سبحان الله العظيم

    

رد مع اقتباس
قديم 06-03-2011, 11:18 PM   #12
 
إحصائية العضو







خالد المشاويه غير متصل

خالد المشاويه is on a distinguished road


افتراضي رد: سيرة الاميرالفارس شالح بن حطاب بن هدلان الخنفري لقحطاني



وان كان ضيف الله يعسّف امهـاره @ فمهارنا من عصـر نـوحٍ يطيعـن
تدنـا لصبيـانٍ ســواة النـمـاره @ شهـبٍ لماضيـن الفعايـل يعـنـن


الله على هالبيتين

رحم الله ابن هدلان شاعر علم من اعلام الجزيره العربية

ولاهنت والله يعطيك العافيه

جزيل الشكر والتقدير

 

 

 

 

 

 

التوقيع

ماني من اللي زلة الصاحب لاجاته تفرحه = بعض البشر ماميّزت باصحابها وخصومها
وان جا يحرّث جمر صحبة عمر بالطيب اطرحه = لي عادةٍ يوم العرب بطبوعها وسلومها
يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها
والقرم فعل الغانمة عند اللوازم مشلحه = والا الضعوف ضعوف لو تكشخ بكل هدومها

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 12:05 PM


Powered by vBulletin® Copyright ©2000 - 2021, Jelsoft Enterprises Ltd.
---