الفارس والشاعر سعد بن مدوس الفصام (جلحان ) - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـتـاريـخـيـــة .::: > :: قسم أمـراء وفـرسان وأعـلام الـدواسـر::

إضافة رد
انشر الموضوع
 
أدوات الموضوع انواع عرض الموضوع
قديم 09-03-2008, 08:33 AM   #1
 
إحصائية العضو







حضرة جنابي غير متصل

حضرة جنابي is on a distinguished road


:r-r-5: الفارس والشاعر سعد بن مدوس الفصام (جلحان )

اولا احب ان اسلم على الجميع

واتشرف بالانظمام لهذا المنتدى مع ابناء عمي وقبيلتي العزيزه المنيعه
ويشرفني ان اشارك بهذا الموضوع في اول محاوله لي لاثراء هذا المنتدى الراقي

واتحدث هنا عن قامه شامخه ومشرفه من ابطال وشعراء الدواسر

وهو الفارس والشاعر سعد بن مدوس الفصام المسعري الدوسري .. الملقب ب(جلحان)

ويقال ان سبب تلقيبه بهذا اللقب انه نطق بالشعر في سن صغيره جدا .

واعتذر مقدما عن قلة المصادر اللتي لدي عن هذا الشاعر الفذ
ولكن( الجود من الموجود)

نسبه :
هو من فخذ الفصاصمه من المساعره عيال صهيب بن زايد ال زايد الدواسر ..كما ورد في كتاب( واحة الشعر الشعبي) لعبدالله بن حمير بن سابر

هو شاعر وفارس شارك في كل فتوحات الملك عبدالعزيز في جنوب المملكه والحجاز وهو صغير السن
وله مواقف تشهد له في الشجاعه وقد ابلى البلاء الحسن في هذه المعارك اللتي ورد ذكر بعضها في قصائده .
وقد اشتهر ولعه بالقنص والصيد .. واشتهر عنه حسن الخلق والكرم والشهامه ..كباقي افراد قبيلته الطيبه .
وله مساجلات ورديات مع شعراء عصره .
توفي عام 1407 ه .. وله من العمر 80 عاما تقريبا رحمه الله وجميع موتى المسلمين.

ومن قصائده الشهيره ::





ياناشد عنا ترانا هل الخير=هل ديرة من قل ماله نحرها

حنا الدواسر مكرميـن الخطاطيـر=امدارنـا نعطـي حـلاوي ثمرهـا
وصحون تقـدم للوجيـه المسافيـر=من كثـر ماتعبـا تنـادي سفرهـا
حضر ليالي القيظ وان جا المخاضير=بدون نطـرد بالوسامـي زهرهـا
نهـد بالكلـب السلوقـي وبالطيـر=نسجهـا مـن برهـا اليـا بحرهـا
بخيل الى شدوا تبـاري المظاهيـر=من جا يبينا جـظ لاشـاف اثرهـا
بربعي هل الشول الصخاف المعاشير=الاد مسعـر مايـغـور ظفـرهـا
دون العشايـر مانهـاب الطوابيـر=الروح ماندرا بهـا عـن خطرهـا
ايماننـا ترمـي بسـو المقـاديـر=مسمومـة بالمـوت لا الله ومرهـا
تهدي شلاشيـل الرمـاح القناطيـر=شلف يغرق دمهـا مـن عصرهـا
لاقلت الاريـا وعمـس الاشاويـر=زيزومها ابن قويد يظهـر خبرهـا
في ترثته مـن يحتمـل للمخاسيـر=المرجلـه ياطـون كايـد وعرهـا
وقت مضى والوقت ذا فاتحة خيـر=عبد العزيز اللي بحكمـه عمرهـا




وهذه بعض الابيات اللتي قيلت في رديه بينه وبين الشيخ فيحان بن صامل من اشراف رنيه
(وهو ممن ساهم مع الملك عبدالعزيز رحمه الله في بعض حروب توحيد المملكه)
وقد قال الشيخ فيحان بن صامل هذه الابيات من ضمن قصيده في فتح تهامه والساحل وجيزان:

يقول الشيخ فيحان :





اول بادي مانقـول=صلاة على الرسول
عدد مالزم الحجول=واطاف بالبت الحرام
تقدم خالد في جيشه=متغانم لابهـا قـدام

(يقصد به الشريف خالد بن لؤي)
....



نعـم والله بالاخـوان=اهل اليمن واهل الشام
ابو لعثه في قحطـان=وابن مشيط في شهران
والمتحمي مع جرمان=والاد زايـد لـقـدام
واهل بيشـه والبقـوم=واهل المواتر عمـوم
قالوا جيـزان ملـزوم=لهـم تثنـاة السـلام
وامدح لك اهل اللنـج=كنهم مسقين في بنـج
فكوا محابيس الشنـج=طقوهم طقـة دهـام




( اهل اللنج ..يقصد بهم الدواسر بقيادة القائد فراج بن نادر من امراء ال حنيش الوداعين ..وكان قائد غزية من الدواسر .. فقد كان اهل جيزان ساجنين فهد بن زعير واخوياه بنية قتلهم لكن الدواسر اقتحموا عليهم السجن وفكوهم)



ربع مقودهـم فـراج=ماهابوا ضرب الامواج
والمدافـع ماتحـتـاج=الحق فيهـم يالفصـام


والقصيده اطول من ذلك

ويرد الشاعر جلحان الفصام معارضا قصيدة الشيخ فيحان بن صامل :




ركبنا لنـج بحركـات=يقطع غزيـر الغبـات
(يقصد باللنج : جيب الرنج ) مشينـا فيـه وسافرنـا=من جده ليلـة الاثنيـن
عايض مشى مقود قومه=نعم جمع هو زيزومـه
كلن يظهر على جنـده=ترى الظفرين منجيـن



(عايض : هو الفارس عايض بن حميدان بن درعان)

الى ان يقول :





ركب ابن درعان بابور=والفى مع ملفاه النـور
توسعنا عقب الضيقـه=قدنـا عليهـم شفقيـن
جونا واعتصمنـا بالله=واستشهد منا عبـدالله




(يقصد بعبدالله: عبدالله بن صقر بن درعان امير الولامين من الوداعين)



لعـل الجنـه مـاواه=يبني له فيها قصريـن
في المكان سعد وسعود=ربع في محل الجـود




(سعد : هو شقيق عبدالله , وسعود : هو ابن عمهما)



كل منهم طيـر نـادر=عساهم نصـر للديـن
ابطينـا وانـا وياهـم=لاجونا قمنا نركاهـم
ناخذ عليهم ساعـات=ذبحنا منهـم تسعيـن
سعد يضربهم بالفـرد=وسعود يطردهم طرد
كل منهم نعم الشارب=للحربية شوكت عيـن
كل منهم يزهم لاخـر=وعبدالله محزمهم لاخر
ياسعد اللي هم ربع له=كنهم دولـة سلاطيـن






نعم ياترثة درعـان=حرار مجنى حوران


<---- كفو والله


لاقلته ماني بمكذب=قول على الفعل زين







سعد يزهمني وابطيت=والله وبالله ماوصيت


<----- (يقصد ان سعد يناديه ليخبره باستشهاد عبدالله)



ادعوا على من تتقـى=لاجا شوف العين العين




(يقصد بهم بعض الاشخاص من بعض القبائال اللذين يتتقون من المواجهه)





علمني قمـت وبكيـت=وصديت عنهم واغضيت
تمنيت اني فـي جنبـه=على حكم الله راضيـن
كل قـام يتتقـى فينـا=صبرنـا حتـى والينـا
حطينا منزلنا الطـارف=صوب الحريب مواليـن
هذي علينا مخصوصـه=مارية كـل ونقوصـه



(يقصد انه هنا في هذا الموقف يبين الفعل صحيح وليس مجرد الكلام ! والمهايط !!)




ماجا ذبـح الا فينـا=يومنا للضو مصالين .




وله هذه الابيات من فن العرضه يقول :




يالنشامى اسمعوا لاجات من يمي=لي كـلام مليـح وانفتـح بابـه
ذا كلامي وانا به كنت مهتمـي=العبوا به تـراه يشـوق لعابـه
ياسلامي عليكـم كلكـم لمـي=مرحبا ياحضور الفين ترحابـه
ياسلامي عليكـم يابنـي عمـي=كل قرم حضر وانا درينـا بـه
ياسلامي على اللي موقفـه تـمي=الردي جنبه والطيب يشقى بـه
لابتي في الحرايب تنثـر الـدمي=ويل منهم عـدو لـه وحرابـه
من حربنـا سقينـا كبـده الـسمي=وان صلحنا كما السكر لشرابـه



وله قصيده ايضا على وزن العرضه يمدح فيها ابن كليب ..
وارى ان القصيده جميله جدا في وصفها (ركز على وصف السحاب في القصيده وهو مايدل على شاعرية هذا الشاعر العملاق)
يقول فيها :




غابت الجوزا ودنـى علـى ثرهـا الرقيـب=واتنبـا مـن ديـاري ولاجـانـي قـطـاب
يامجيـب الداعـي انـك لعبـدك تستجيـب=استجب لـي يامنشـي مراديـف السحـاب
يالله اني طالـب منـك فـي ليـل عجيـب=مدلـهـم مــردف مـثـل الـهـضـاب
يضبـط الفرعـه ويمطـر عليهـا مايهيـب=من ضدا اليا مكرش الدحي يجرح في الرغاب
سيـل الهـدار ماقالـوا ان سيلـه جـذيـب=فيض القلبـان واشبـت وجـا فيهـا شبـاب
للبديع انحـى وهـو بارقـه يلعـب لعيـب=الطفل منـه يتعـزل ويشبـك فـي الربـاب


<------(صوره رائعه في وصف السحاب)




رح لابن كليب كثر عليه من الصبيب=حقه البيضا مع اللي يسوقون الركاب
والله اني في كلامي على حق مصيب=سبّل الما والنخل يقطعه لو هو حباب





وهنا اورد قصيده للشاعر عبيد ابن حمدان بن عجعج الدوسري يذكر فيها الفارس سعد الفصام (جلحان)
ويمدحه فيها يقول ابن عجعج :





راكب(خمسـة عشـر حايـل) امتيهـات=توهـم غفـل معفـات ماجـن بالحـوار
رعيهن لازاف عشب رعن زيـن النبـات=دايمـا ولـف يحبـن مطاميـن الزبـار
لين جات احجوزهن والحصايـر مايـلات=واصبحت ماهمها الجري وابعيـد الديـار
كن وصوف اوروكهن والوسوط مخمصات=ضمر في غايـة الركـب لبعيـد المـزار
من حرار اعمان كم قربن بعـد الفـلات=كامـلات وافيـات بتوصيـف العـمـار
ماحلاهـن كلهـن بالصرايـم والـمـات=كاملات بالكلايـف علـى شـف الغمـار
هيه يالركـاب شيلـوا عليهـن بالزتـات=وافهموا هرجي وردوا علي قبـل الثـوار
وانحروا (جلحان) حامي عقاب الجاذيـات=عيدهن لا مااقبلن من يمين ومـن يسـار
لالفـن (جلحان)قـلـط ادلال متعـبـات=دايمـا تلقـا ادلالـه تباغـش بالبـهـار
وافـي خطـه بكـل العلـوم الطيـبـات=كامل هشهـوش قـرم وصيداتـه اكبـار
بلغوه ازكا سلاما من اعـداد السامـرات=او عدد ماهبت النـود فـي ليـل ونهـار

وهناك له قصيده في مدح الوداعين اثناء معركة القوات السعوديه في حرب اليمن
اذكر منها بيت واحد (واعتقد اني اخطات في بعض مفرداته في الشطر الاول)


يقول :


يوم شب المعركه واشتبك بارودهـا=دوموا فيها الوداعين مرخصة العمار






واخيرا اضيف ان الكثير من شعر هذا الشاعر للاسف ضاع ولم يجمع
واتمنى على اقاربه جمع شعره في ديوان خاص به لحفظه من الضياع لاني اعتقد انه مازال بالامكان ذلك حاليا لانه مازال بعض الرواة من كبار السن يحفظون بعض شعره .. قبل فوات الاوان .

(اعدت الموضوع لترتيب النصوص بطلب من احد اقارب الشاعر ..اللذين عرفني بهم هذا المنتدى الراقي ...

وشكرا لكم مرة اخرى

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 5 ( الأعضاء 0 والزوار 5)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
علي الحرام إني ماحس الحمامة*وانا معينها على مراح جمحان راشد المسعري :: قسم قصايد مدح وفخـر في الــدواسـر :: 27 30-05-2011 10:50 AM
الفارس عامر بن طامي بن خليان ال ناهش من فرسان الدواسر والوداعيين مبدع :: قسم أمـراء وفـرسان وأعـلام الـدواسـر:: 6 28-03-2011 09:23 AM
مرض الفصام domokh :: قسم الأسـره والمـجتمـع :: 6 27-07-2010 08:47 PM

 


الساعة الآن 12:59 AM


Powered by vBulletin® Copyright ©2000 - 2024, Jelsoft Enterprises Ltd.
---