السوالف الثمان التي اشتهر بها الوداعين

[معلومات العضو حمد الودعاني]

السوالف الثمان التي اشتهر بها الوداعين
هذه الثمان السوالف خاصة بالوداعين وهم يشتهرون بها ويلقبون باهل الثمان سوالف وهي فخر لجميع الدواسر

القصة الاولى :

ولد ناصر المبيعيج الودعاني يلعب مع ولد جاره يوم عيد الاضحى وكان طفلا وقد شاهد ابوه وهويذبح ضحايا العيد فاحب ان يقلدة وقال لولد جاره وهو يلعب معه في الشارع تريد اوريك ويش ابوي يسوي بالضحايا
قال نعم فقال نم على الارض واخذ السكين وذبحه به فخرجت ام الطفل المصاب وشاهدت ابنها وحاولت انقاذه ولكن النزيف ارهقه وتوفي على اثر ذلك ولم يكن هناك اطباء ولا حالات اسعاف وسمع ناصر المبيعيج الصوت والصياح فخرج وشاهد ابن جاره ينزف دما فسال عن الامر فقيل له ان ابنك هو الذي فعل هذا الفعل وذهب يبحث عن ابنه فوجده عند امه وحاولت منعه من اخذه فنهرهافذهب به وذبحه على جثة ابن جاره وقال لزوجته اخرجي ابكي مع جارتك فقال الغوينمي في قصيدته المذكوره بذكر فعل ناصر المبعيج

الأوله منها المبـيـعـيـج نـاصــر = زلّت غرير سببت لاجــــالها

جـره عليه ولاط حلـقـه فوقـــه = وقال الثيار حلاتها عجـــالها

القصة الثانية :

خرج رجلين من قبيلة قحطان من الوادي يريدون اهلهم في البر وكان يرافقهم شخص من قبيلة ال عويمر الوداعين فزين له الشيطان خيانتهما وقتلهم
فعدى عليهم وقتل احدهم وهرب الاخر حتى وصل الى الوادي الى قبيلة ال عويمر ةاخبرهم بما حصل من خويهم فخرجوا معه حتى وصلوا الى محل معركتهم وتأكدوا من خيانة خويهم لهم فبحثوا عنه حتى قبضوا عليه وربطوه وقالو للقحطاني اقتله فتهيب (خاف منهم)من قتله فقام والد الجاني واخذ السيف وضربه به حتى قتله
وقد اشار الى ذلك الغوينمي في قصيدته حيث قال

والثانية لا باق واحدا في سيره = اذبحوه ذبح الشاة في احلالهـا
يبغون مثلـه مايهـم بمثالهـا = ولا الديه سترلهـا وجمالهـا
واللي فعل ذا الفعل لاد عويمر= وهم فحول المرجله وزحولها

القصة الثالثة :
سقط طفل من قبيلة ال عاطف من قحطان وهو نازل مع أمه وإخوته وقت القيض عند الولامين وكان يريد استخراج الماء من البئر عند المسجد فأراد الله وسقط في البئر ومات ودفع سعد بن حسن بن محمد بن ولمان الوداعين لاسرة المتوفي ديتين مثارا في سقوطه في مسجد قبيلة الولامين وقد ذكر ذالك الغوينمي في قصيدتة المشهور فانشد قائلا

والثالثة يوم طاح العاطفي في حسينا = عطـاه سـعـد الـديـة ومثالـهـا
وامـه عجـوز ظامـي حوشـهـا = راحت تشيـل احمولهـا باجمالهـا

القصة الرابعة:

سقط شخص يقال له بيان بن سليم وهو نازل عند مانع بن منصور بن محمد بن ولمان الوداعين في بئر لمانع وصار في جبهته من اثر السقوط شجه فما كان من مانع الا ان اعطاه فرس صفرا لمثار عن سقوطه في البئر العائده له
وذكرها سيف الغوينمي في قصيدته حيث قال

والرابعه منها بيان ابـن سليـم = في البير طاح وطق راسه جالها
ظهر لناالـى فيـه فعـلٍ بيّـن = في جبهته مطرح ثلاث اقفالهـا
هو جار كساب المراجل مانـع = كـسابــهـا فـيـادهـا ختالـهـا
عطاه صفـرا سابـق معلومـه = صفرا تشوق العين في خيالهـا
أول فوالتهـا أربعيـن جذيبـه = إبل المريخي يوم ربـي زالهـا

القصة الخامسة :

يلقبون بوداية جارها من اجدارها أي انهم دفعوا لجارهم الذي سقط عليه الجدار ومات بسببه دية كاملة والذي دفع الديه من الدواسر هو فايز بن خليف الودعاني

يقول الشاعر سيف الغوينمي في بيت من قصيدته استدل به على ماذكرت عن ادأ الدية الى الجار الذي سقط عليه الجدار

والخامسةالجدار منها وادا ابن اخليف = عطاه الدية وقف(ن)بغيـر امهالهـا
فهـذي خمسـا مافعلهـا غيـرهـم = من طلعت البيضـاء الـى حوالهـا

هذه القصص الخمس ما فعلها الا رجال من قبيلة الوداعين الدواسر وقد ذكرالشاعر ايضا ثلاث امور اخرى يمتازون بها الدواسر ولكن هذه الثلاث يشاركهم فيها غيرهم من كرماء قبائل العرب في الجزيرة

وقد ذكرها الغوينمي في قصيدته المشهوره

والسادسه لاجات السنين الممحله = وإن كف من وبل السماء همالها
منصى ومناخ لمن ركبو النظـا = لا مختلط عقب القفـال احبالهـا
يالقـون بشـاشـه وهشـاشـه = وفرش يقلـط فوقهـن ادلالهـا
وصحون سريٍ وبينهن نحوتهـا = سمن يـداري دفقهـا شيالهـا
وشحوم ضانٍ فوق صفرفتاتهم = والافقـار دايـم يعبـا لـهـا
والسابعه زبـن المجنـا لاوزى = يامن ويبسط في بـراد ظلالهـا
ولا يطوله كـل منهـو طالبـه =ويحط علوى فوق روس جبالها
والثامنـه حمـايـه بجنـودهـا = تحمي ولا تعتاز من يحمي لها
مثـل الخلاصـه يـوم يـوقـد = تنفٍخ وكل قد عـرف غربالهـا

ويقول الشاعر عبدالله بن حسين الودعاني الدوسري

بامر الولي فتنا القبايل كلهـا = بثلاث معاني وافي ميزانهـا
الاوله افهم جوابـي يافتـى = اداى جار البيت من جدرانها
والثانيه التارده توخـذ بيـان = على القبايل حضرها وبدوانها
والثالثه الضيف عاينوجبته = مثلوثة تعبا عزيـزا شانهـا

ويقول احد شعرا الوداعين

انشدوا من سيف جده الى الطور الخضر=من هو اللي يدي الجار مـن جدرانهـا
تالى ضربنـا العظـم صوابـه ماجبـر = ننشـي لاجـا الملاقـا وكثـر اكوانهـا

وتقبلو تحياتي.

 

 

 

 

[معلومات العضو العماني]

والنعم والله بصبيان الوداعين ومهما قلنا فيهم ما راح نوفيهم حقهم

لاهنت اخوي حمد على ذكر هذه السوالف اللي تعتبر فخر ليس فقط للوداعين بل لكل دوسري

تقبل تحياتي،،

 

 

 

 

[معلومات العضو حمد الودعاني]

ماعليكم زود يابن غياث

وهذى مافيه شك فخر للدواسر كلهم ال زايد وتغلب والجميلات

العماني لاهنت على المرور.

 

 

 

 

[معلومات العضو ابـو مــحــمــد]

ونــعم في الوداعــيــن لاهنــت يالقرم على الموضوع

ابو محمد

 

 

 

 

[معلومات العضو الشكري]

حمد الودعاني


علوم الوداعين كلها فخر


وجعلك والله تسلم


ولاهنت وعلمك غانم

 

 

 

 

[معلومات العضو تركي ال فنيس]

حمد الودعاني لاهنت يالقرم

 

 

 

 

[معلومات العضو محمد ال بو زمام]

( بسم الله الرحمن الرحيم )

السلام عليكم ورحمة الله وبركاته اما بعد :




الله يعطيك العافيه على هذا الموضوع اخوي حــــــــمـــد .

ونعم في الوداعين والدواسر جميع

انا هذه اول مشاركه في هذا المنتدى ومبروك وجعله يكون منتدى مبارك انشاءالله

وانمنى من الله ان يوفق جميع الااعضاء ... ألف مبروك ..

والى الامام

والسلام ختام

 

 

 

 

[معلومات العضو محمد الغريري]

كفووووووووو و ونعم والله بالوداعين


عز الله ان ذكرهم الطيب في كل محل نلقاه



اخوك في الله

محمد الغريري

 

 

 

 

[معلومات العضو أبوفهيد الودعاني]

كفـــــــو ونعم وسبعة انعام بصبيان الوداعين


لاهنت ياحمد على ذكر اشهر القصص


دمت متألقا يالقرم ،،، ،، ،،،

 

 

 

 

[معلومات العضو حمد الودعاني]

ابو محمد
ماعليكم زود والاانت يالذيب ويشرفني مرورك

تقبل تحياتي,,,,,,

 

 

 

 

[معلومات العضو حمد الودعاني]

الشكري
الله يسلمك ماعليكم زود وانتم تاج راسي يابني عمي
تقبل تحياتي,,,,,

 

 

 

 

[معلومات العضو حمد الودعاني]

تركي الودعاني

ولاانت يالذيب وتسلم على المرور
وتقبل تحياتي,,,,

 

 

 

 

[معلومات العضو حمد الودعاني]

محمد ال زمام
ارحب يالله حية وش علومك يالشمالي
مشكور على المرور والله يعطيك العافية
تقبل تحياتي,,,,,

 

 

 

 

[معلومات العضو المبيعيج]

لاهنت ياحمد على هذه المشاركة وبيض الله وجهك

 

 

 

 

[معلومات العضو ابن غياث]

كفو والله يالوداعين