ياالله ياللي في السموات نرجيه

[معلومات العضو الوهابي]

lor="transparent" bkimage="backgrounds/29.gif" border="ridge,4,gray" type=0 line=0 align=center use=ex num="0,black""]
السلام عليكم ورحمة الله وبركاته وبعد

يالله ياللي في السموات نرجيه=ياواحد كل المخاليق ترجوه
يامالك الاملاك محد يماريه=يامهلك اللي من خلايقه ماروه
ياعالم باللي خفا ويش مخفيه=مظهر سراير ما خفا يوم خفوه
يامدبر عبدك على الخير هاديه=والناس لو معها من الخير مااهدوه
يامصبر عبدك على جور مغثيه=وناس بنقل الكذب والزور غثوه
افرج لقلب هم الايام حاديه=عام ورا عام على الهم حدوه
اشوف بالدنيا غرابات ياهيه=هذا كلامي كان توحون ياهوه
اخذوا المثايل ذا كلامي واغنيه=واللي معي لاشلتنا القاف غنوه
احد سفيه شرع ربي معاديه=واحد نظيف مع هل الخير عدوه
واحد تقي واجب الله يصليه=واحد على درب العثرات صلوه
واحد تحب الناس علمه وطاريه=وتفرح الى من المخاليق طروه
واحد يدل الطيب واحد يخليه=الله يقلع دارهم يوم خلوه
واحد يسم الحال محد يدانيه=وكل على ماقيل بالجرم دانوه
واحد يسر الحال طيبه يباريه=من كل عيب جملة الناس بروه
واحد على الغرات عينه تقديه=واحد على ستر العذايب قدوه
واحد تكبر على جاره وموذيه=ويثور لامنه حصل شي واذوه
خلق ذميم ويش اوصف واحليه=حرمه رب البيت والناس حلوه
واحد عرف حده ولامن يقريه=واحد تعدى الحد والناس قروه
واحد سديد الراي رايه يسريه=ربعه معه لوضيع الراي سروه
واحد ضعيف الراي راسه يدربيه=ربعه معه لو سنع الراي دربوه
واحد على الوقفات قلبه مضريه=ربعه على شعم المواجيب ضروه
واحد على الهزلات قلبه مربيه=ربعه على درب السفاهات ربوه
واحد قليل الهرج هرجه مصفيه=مثل العسل حالي وصافي وصفوه
واحد كثير الهرج هرجه موطيه=ومن طاح في الرجلين عنهم توطوه
واحد مريض ندعي الله يشافيه=واحد يحسب الناس عمي وشافوه
لاتحتقر غيرك وتهزا وتبليه=اللي تبلى الخلق عنهم تبلوه
واحد يقدر قاصي من عوانيه=وايضا بعد هو لو شكا الضيم عانوه
واحد قطع رحمه ولاقال وش فيه=ولو صار ولا صار واحتاج مااشفوه
واحد رفيق له مود يداريه=واليا حصل فيه الزلل منه داروه
واحد رفيق له مود وجافيه=ويزعل الى من المخاليق جافوه
يعطيك من زين المثايل ويبديه=واللي خفا بالصدر خلوه ماابدوه
قلبه صدى واسود من الليل معميه=يتبع كلام الزور والعذل واعموه
من قدم الحسنات ربي يجازيه=ومن قدم السيئات بالمثل جازوه
ومن رافق الخيب يعيبه ويهفيه=ومن رافق زحول الرجاجيل مااهفوه
(ومن قارب المجروب يجرب ويعديه)=ومن عاود المجدور بالجدر عادوه
(ومن طاول اطول منه ضاعت هقاويه)=ماينفعه من بالمسرات هقووه
كل على نقل المهمات يمديه=ومن فاخت اهل الحل والراي ماامدوه
ومن ينشد المفتي يجاوب ويفتيه=ومن ينشد الاشباه والله ماافتوه
اشره على اللي يستحق المشاريه= ولا الردي والله ماالحقه مشروه
هذا كلامي تم يامن يجاريه= يامرحبا باللي على الطرق جاروه [/p

oem]

 

 

 

 

[معلومات العضو راشد المسعري]

الوهابي

الجزالة مقرونة بإسمك طال عمرك

متى ماتواجدك قرأنا الجزالة في حروفك

صح لسانك وسلمت يالجزل

قصيدة مليئة بالحكمة والجزالة

تقبل ودي و تقديري ،،،،

 

 

 

 

[معلومات العضو بدرآني]

صح لسانك واعتلا شانك / وبيض الله وجهك على هالجزله

 

 

 

 

[معلومات العضو الوهابي]

مشكور اخوي ابو محسن ولاهنت على المرور والدوريات
الشكر موصول لاخوي البدراني
اتمنى لكم التوفيق

 

 

 

 

[معلومات العضو شافي بن راشد النتيفات]

اي والله جزل يالوهابي صح الله لسانك ملاييين على هذه الدرة الشامخة الممتلئة بالحكم والشعر تحيااااااااتي لك

 

 

 

 

[معلومات العضو أبونواف الدوسري]

بارك الله فيك ..وبيض الله وجهك

وصح السانك يا الوهابي...

 

 

 

 

[معلومات العضو محمد راشد النتيفات]

الوهابي

لاهنت على القصيدة الرائعة\\

ومن ابداع الى ابداع انشاء الله

 

 

 

 

[معلومات العضو دوسري هلالي]

صح لسآنكـ
قصيدة رائعة

بالتوفيق للجميع

..

 

 

 

 

[معلومات العضو الوهابي]

الاخوان /شافي بن راشد ابونواف محمد بن راشد
دوسري هلالي

اشكر لكم مروركم وكلماتكم الطيبة
دعائي لكم بالتوفيق دائما

اخوكم الوهابي

 

 

 

 

[معلومات العضو مبارك بن شافي النتيفات]

صح لسانك واعتلا شانك وبيض الله وجهك على هالجزله