شعراء يباركون تأهل الشاعر نايف بن مسرع بأبيات

[معلومات العضو راشد المسعري]

السلام عليكم ورحمة الله وبركاته:

أسعد الله أوقاتكم بالخير والمسرات

تفاعلاً مع خبر تأهل الشاعر نايف بن مسرع الدوسري في نهائيات شاعر المليون فقد هاضت قريحة شعراء كبار بأبيات تؤازر وتشد من همة أبومعزي وكذلك أبناء القبيلة.. أترككم معها علماً أن
الصفحة محدثة باستمرار


الشاعر صالح الصليبي الحقباني:

يانايف المنعور حييت حييت
وابشر بنا يالقرم في كل ميدان

حنا معك لامن نخيت وتعزويت
دواسرن يخضع لنا كل شيطان

وإن قاله الله نحتفل بك إلى جيت
والفوز فالك يابن مسرع كحيلان



الشاعر ناصر السعيد المسعري :

يانايف المسرع رفيع المهمات
انت جملها وانت مركا عمدها

انتا سفير المجد واهل الشهامات
رمز الدواسر كل دار بلدها

ربعن تبين فعولهم بالشديدات
فزعاتهم بالطيب كل شهدها

عقبالكم يانايف الفوز شارات
أنتا جملها وانت شذرة مددها




ويقول الشاعر لبنان بن عبدالله بن جايد الرجباني:

مبروك لك مبروك يالشاعر البيطار
تأهلك يانايف مع شاعر المليون

قصيدك كما البستان وتضلله الاشجار
وفي داخل البستان من كل شكل ولون

وتقطف لنا من طيب الورد والازهار
تصاوير بدعك مثل لوحة بعرض فنون

قصيدك نغم له رنتن كنه المزمار
تغطرف به الورقا تهيض به المفتون

وانا مقصر في القول بس ارتجي الاعذار
يامن نعرفه بالطيب والجود له مرهون




ويقول الشاعر سعد بن مسفر بن قرنين :

محمد الزايد بعدله ما يميل
من ورى عجمان لا ميناء دبي

للتراث يرز مبناه الأصيل
وجاه شاعرنا عريب المنسبي

ألف مبروك وعسى عمرك طويل
يوم جانا علمكم فابو ظبي

نايف المسرع يسوي المستحيل
في الثقافة بالخليج اليعربي

نايف(ن) باسمك وباشعارك جزيل
ادحم الشعار بجنب ومنكبي

دوسري(ن) كفو كساب الجميل
عز شان الزايدي و التغلبي

في الشعر بازغ مثل نجمة سهيل
وكانها تصويت فابشر.. وش تبي ؟

يالدواسر ياهل الوزن الثقيل
عزوتي خطلان الأيدي مكسبي

نبغي الفزعة بلا سيف(ن) وخيل
بالرسايل كل قوم(ن) تشعبي



ويقول الشاعر عبدالرحمن الجبابره الدوسري:

هلت تباشير الفرح واصطف تشكيل الحروف
تاخذ تراصف الابجدية في مراسيم ابتهال

في شاطي الراحة مكانها في مقدم الصفوف
ترسم على شكل الفرح " نايف " تحفز للنزال

ردوا معي قاف النشيد وارقصي له يالهنوف
البيرق دوسري بتوفيق رب العزة والجلال



ويقول الشاعر شافي بن راشد النتيفات:

على ابوضبي خيل سحاب الفرايد
ورا نوض برقه قام كل ن يخيله

ترادف خياله ثـم جالـه وقايـد
على شاطي الراحة حقوقه وسيله

وقامت تجهز له جميـع البدايـد
وكلن يجوّد محزمه فـوق خيلـه

زهمنا على الميدان راع العوايـد
عليك الشعر والصوت منا وسيله

يانايف وراك اللي تروم النوايـد
وراك الدواسر محزمك فالثقيلـة




ويقول الشاعر فارس بن سالم الدبالين:

يالابتي ياهل السيوف الرهايف
ياجب علينا وقفتن للقبيلة

تكاتفو يالابتي لاجل نايف
الشاعر اللي مايجيب الهزيلة

نايف على اسمه عاشق للنوايف
مايهتوي ياكود بدع الجزيلة

من لاذ بحماكم فلاهوب خايف
عاداتكم ياكاسبين النفيله

اللي نبي شي(ن) ولا به كلايف
نبغا الرسايل مثل وبل المخيلة




ويقول الشاعر سالم بن عبدالله الشكره:

مبروك يانايف تأهلك مبروك
إل شاعر المليون في دار زايد

تستاهل البيرق ليا منهم اعطوك
مبدع وفكرك جاب زين الفرايد

شاعر مفوه تكتب الشعر محبوك
وتمثل بشعرك كل تغلب وزايد




ويقول الشاعر فارس الفصام :

بإسم الوطن وأيضا باسم القبيلة
آلاد زايد تفتخر في ولدها

يانايف إن شفت الحمايل ثقيلة
اصدح ولا لك في الحمول ونكدها

حنا نشيل الحمل حنا نشيله
لك لابتن مهيب تذخر جهدها



ويقول الشاعر صالح بن عبدالله بن ربيعان الدوسري:

السفير اللي يمثل له قبيلة
والله إنه كفو للبيرق يشله

دوسري(ن) قرم وعلومه جزيله
ضارين بالطيب قسمه منه كله

نايف اللي كل حمل يرتكي له
لا ورد عد(ن) لزوم إنه يعله

 

 

 

 

[معلومات العضو محمد بن سالم الخضراني]

صحت السنت الشعار وبالتوفيق لممثل القبيله الشاعر نايف بن مسرع

ولاهنت ياراشد وان شالله نحتفل جميعا

 

 

 

 

[معلومات العضو حفيد الأمراء]

صح لسان الشعراء

وفال الشاعر نايف البيرق

وحنا لنا سنين وحنا ننتظر بيرق دوسري

ودمت لنا اخي العزيز/راشد المسعري

 

 

 

 

[معلومات العضو غازي المسعري]

ابيات قمة الروعة

صحت السنت الشعراء ولا هي غريبة على ابناء الدواسر الكرام وقوفهم جنب ابن عمهم نايف المسرع

شكراً ابو محسن من الاعماق

 

 

 

 

[معلومات العضو مبارك بن شافي النتيفات]

صحت السنت الشعرا وبيض الله ومجيههم

وابومعزي يستاهل

لاعدمناك يابومحسن

 

 

 

 

[معلومات العضو راشد محمد المقابله]

صح ألسنت الشعراء ويستاهل الشاعر نايف وبالتوفيق له

 

 

 

 

[معلومات العضو نآصر البدراني]

صح ألسنة الشعار ويستاهل ابو عبدالعزيز


الله يوفقه ويحقق البيـــــــــرق ..


لاهنت أخوي رآشد .

 

 

 

 

[معلومات العضو شافي بن راشد النتيفات]

صحت السنت الشعار وبالتوفيق لممثل القبيله الشاعر نايف بن مسرع

ولاهنت ياراشد وان شالله نحتفل جميعا

 

 

 

 

[معلومات العضو عبدالرحمن بن فلاح آل بريك]

صح السنة الشعار وبإذن الله نحتفي بأبو معزي والبيرق ..


لا هنت أبو محسن على الموضوع الرائع ..

 

 

 

 

[معلومات العضو ابو زابن المسعري]

الله يصح السنت الشعار ويوفق نايف

لاهنت ياراشد على النقل وبيض الله وجهك

 

 

 

 

[معلومات العضو فهد المقابله]

صحت السنت الشعار وبالتوفيق لممثل القبيله الشاعر نايف بن مسرع

ولاهنت ياراشد وان شالله نحتفل جميعا

 

 

 

 

[معلومات العضو محمد بن حمد الشكرة]

صح الله ألسنة الشعرا على ابياتهم الجزلة والتوفيق ان شاء الله حليف ابو معزي فاله البيرق والناموس ان شاء الله

 

 

 

 

[معلومات العضو راشد المسعري]

الله لا يهينكم جميعاً ويبيض وجيهكم على التواجد المثمر والردود المميزه

تقبلوا ودي وتقديري ،،،

 

 

 

 

[معلومات العضو الاعلامي]

شي طيب وتفاعل ليس غريب من الدواسر