العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 26-12-2010, 02:47 AM   #1
 
إحصائية العضو







الإداره غير متصل

الإداره is on a distinguished road


افتراضي الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.



الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

الإخوة الكرام أعضاء وزوّار الموقع الرسمي لقبيلة الدواسر العريقة


من مبدأ التعاون بين مختلف المنتديات الخاصة بأبناء القبيلة والموقع الرسمي لقبيلة الدواسر ، فإنه ليسعدنا أن نقدم لكم هذا اللقاء الأدبي والذي قدمه منتدى شاعرنا الأدبي لجميع أبناء القبيلة بمختلف أعمارهم بناءً على طلب ممن أجروا هذا اللقاء والقائمين على منتدى شاعرنا الأدبيّ وذلك بنقل للموقع الرسمي لقبيلة الدواسر العريقة إيماناً منه بالدور الفعّال من قبل الموقع هذا وذلك من خلال إنتشار اللقاء بشكل أكبر وعلى مستوى القبيلة وكذلك متذوقيّ الشعر .


مجالس شاعرنا الأدابية
www.shaerna.com/vb

فإنه ليسرنا في هذا اليوم أن نقدم لكم هذا اللقاء الأدبي مع أحد شعراء قبيلة الدواسر الكبار الذين لهم مشاركةٍ مختلفة في جميع ملتقيات قبيلة الدواسر ، وداماً ما تكون قصائد لها وقعٌ في فؤاد المتلقيّ مما أكسبة شهرةً واسعة على مستوى القبيلة بل وعلى المستوى الأدبي .

شاعر صاحب مواقف مشرفه مع قبيلته ، شاعرنا الذي نسلّط عليه الضوء اليوم هو شاعرٌ برز في محافل قبيلة الدواسر بجزالت شعره وطيب اخلاقه وهو شاعر من أسرة شعرية منذ القدم ، وطرق أغلب ابواب الشعر وأجادها . وشهد له الجميع بالجزالة وبأصالة القصيد .

وعلى الرغم من مشاغله الكثيرة فقد فتح قلبه الكبير مرحباً بالجميع وخصّنا بالحديث عنه وعن تجربته الشعريّة بمختلف أنواعها وطرح الأسئلة المتلهفين الكثير من متابعية بمعرفتها



ضيفكم لهذا اليوم هو الشاعر المتميز شافي بن راشد بن شافي النتيفات



ضيف اللقاء الشاعر شافي بن راشد بن شافي النتيفات



المشرف الفخري بالموقع هديبان بن عبدالله الشكرة (الشكري) يطرح الأسئلة المتنوعة لضيف اللقاء الشاعر شافي بن راشد النتيفات




أعدّ اللقاء وطرح الأسئلة :
المشرف الفخري بالموقع هديبان بن عبدالله الشكرة (الشكري) .



نسق اللقاء
عضو مجلس إدارة الموقع الأستاذ فهد بن هادي الغريري


الحوار :




س)في بداية اللقاء يا أبوشالح نحب نرحب بكم ونسعد بإجراء هذا اللقاء معك .. بالواقع بودنا تذكر لنا البطاقة الشخصية ؟

ج) بدايةٍ أحب ارحب بك يابوعبدالله وأنا والله سعيد بشوفك وأجراء اللقاء وعسانا نرتقي به من أفضل الى أفضل

اما البطاقه الشخصيه طال عمرك


الاسم: شافي بن راشد بن شافي النتيفات

العمر 33 سنة متزوج ولدي اولاد ولله الحمد



س) هل قصائد شاعرنا شافي النتيفات نتيجة لمواقف معينة او استنباط من الخيال وكيف يبدا معك مشروع القصيدة وما الذي يولد القصيدة لديك المطلع او الفكرة ؟




ج-) اكثر قصائدي نتيجة مواقف من اعجاب او العكس والذي يولد القصيدة الفكرة
قبل كل شي ودراستها جيدا قبل توظيفها




س) في أي الاماكن يفضل شاعرنا كتابة شعره وما الوقت المناسب لذلك ولماذا ؟


ج) لايوجد مكان ولا زمان لدي للقصيدة فالقصيدة هي من تفرض نفسها علي متى ما حان وقتها



س) شاعر تأثرت بشعره وكان له اثر على مسيرتك الشعرية ؟


ج) الامير محمد الاحمد السديري رحمه الله والشاعر سعد بن جدلان



س) ماهو البيت القريب الى نفسك وآخر تفتخر به وتردده وماهي الحكمة التي ترددها دائما ؟


ج) البيت القريب لي وافتخر فيه كذلك اقول فيه

ربعي نتيفات الى من ثارت الهية=يردون حوض المنايا وردة حيامي
الكل منهم تراهـا مـن مناويـة=يوم الجهل جمعنا ما هوب ينظامي



والحكمة التي ارددها



اشهد اللي يفعل الجود في من لايجود=مثل من حجج على غاربة ذباح ابوه




ابوعبدالله الشكري و شاعرنا شافي بن راشد النتيفات



س) قطار العمر يمر فماذا استفدت منه ؟



ج) معرفة الرجال شرواك يابوعبدالله



س) برايك هل هناك خطوط حمراء يجب على الشاعر عدم تجاوزها ؟




ج) كل امر في الدنيا له خطوط حمراء وحواجز يجب الوقوف عندها ومنها الشعر



س) ماهي الامور والقضايا التي يفضل شاعرنا تناولها في شعره ؟



ج) قصائد المناسبات والفخر والقصائد الاجتماعية




س) ماهي العلاقة بين المجتمع والشعر؟



ج)الشعر هو لسان وسفير المجتمع بما يحدث فيه ومعالجة اوضاعه بكلام مقفى وموزون وافكار جميلة مقبولة للجمهور



س)ما رايك بكثرة الشعراء والقنوات الشعرية هل هو مضر ام مفيد للساحة?



ج) كثرة الشعرا امر طبيعي وسببه كثرة الوسائل الاعلامية التي ساعدت على انتشارهم اما بالنسبة للقنوات فكثرها بدون شك مفيد للشعراء والمستشعرين وهو الذي سوف يسبب ضرر على الساحة ان لم يوضع حد لذلك وهو وضع اكفاء يعرفون الشعر الحقيقي على هذه القنوات




س) متى يزيد عطاء الشاعر ومتى يقل وهل يستطيع الشاعر الاعتزال?


ج) الشاعر شعره لا يزيد ولا ينقص لكنه يمر بلحظه فتور بعض الاحيان ويزداد عندما يتاثر له بموقف او يستدعيه امر ما ويجبره هاجسه ليعبر عنه اما بالنسبة للاعتزال فهذه مقولة غريبة كيف لشخص وهبة الله نعمة من عنده ان يستغني عنها هذا كلام غير صحيح الاعتزال للاعب والفنان وغير ذلك من المهن المصطنعه



س) رسالة توجهها لمن يهاجم الشعراء ويحط من قدرهم ?


ج) اهديهم بيتين لشاعر مساعد الرشيدي


بنـادم لاتعافـى علـى كفـه يبـوس=وش يبي بااعراض الاجواد يوم يسبهـا
لايحسب ان المراجل تجي درباي روس=ينتبه من جمـرة النـار لايلعـب بهـا




ابوعبدالله الشكري والأستاذ راشد المسعري و شاعرنا شافي بن راشد النتيفات



س) ماهي نصيحتك للشعراء المبتدئين ?


ج) في وجهة نظري اني ما بعد وصلت لمرحلة النصائح للشعراء ولكن اقول عليكم بما يرضي ربي اولا ثم ما يرضي ظمائركم



س) كلمة توجهها للاعضاء والمشرفين ولطاقم الادارة بمجالس شاعرنا الأدبيه?


ج) الف شكر على جهودهم واتمنى لهم التوفيق والنجاح والى الامام



س) نظرتك لشاعر المليون?



ج) سبق وان تكلم فيه الكثير واعطي حقه من النقد والاشادة وانا اعتقد انه برنامج ناجح يفيد الشعراء المظلومين اعلاميا وكذلك يهلك الجمهور المساكين بالتصويت




س) برايك لماذا دعم الشيخ محمد بن زايد العنصر النسائي في العام الماضي بالرغم من مشاركتهم في النسخ السابقة?


ج) لكسب اكثر عدد من التصويت من الجمهور النسائي .




س)ماهي سالفة هذا البيت ?


يدور في صدري هجوس صريحة=والغيظ نرجي عفو ربي لكانيـه




ج) كان فيه شخض لديه مناسبة وسالة واحد وانا جالس وقال له بتجيب في المناسبة شعار قال مانيب راعي هبال وصراحة جرحتني هذه الكلمة وقلت هذه القصيدة




اعز ما املك هو نتـاج القريحـة=لاقـام كـل يفتخـر فـي مباديـه
واللي ما يعرف قدره أنسى مديحـة=ما أريد وقفاته ولا مدحـه ارجيـه
يدور في صدري هجوسٍ صريحة=والغيظ نرجو عفـو ربـي لكانيـه
ابدي هجوسـي للوجيـه الفليحـة=اللـي تقـدر مـا نكنـه ونعطيـه
ما نيب من رافـق وجيـه قبيحـة=اللي ورا الرجال تبحـث خوافيـه
وما أجلس على المترديه والنطيحة=من شان ما يلحق عليّـه مشاريـه
ومن وقف بدربي عن الدرب أزيحة=ما همني وضعه ولو كـان نغليـه
اللي ورا الأدنيـن تسمـع نبيحـة=لو هو قريب لي واخو ما التفت فيه
من حقي افخـر بالعلـوم الفليحـة=إذا اعجب البنيان من كـف بانيـه
عقل الفتى مفتوح مثـل الشريحـة=احـداً براسـه كـل علـم يقديـه
واحداً براسه كـل علـم فضيحـة=والرابح اللي منهجـه مـا يخليـه
منهجه منهاج الوجيـه الصريحـة=منهجه منهاج الوجيـه الصريحـة
هذا علـى فرقـاه باذبـح ذبيحـة=القلب دالـه منـه والفكـر ناسيـه
احب فكـر كلمتـه لـي فصيحـة=لان الرجل فكره على الدرب واليه
وأنا بنـات الفكـر قبـل القريحـة=تظهر بشعر يرفع الراس طاريـه





س) ما رايك بالمسابقات الشعرية?


ج) مفيدة للشاعر مهلكة للجمهور




س) هل لك ظهور في المحافل القبلية?


ج) نعم في اكثر مناسبات قبيلة الدواسر وبعض القبائل المجاورة وهذا انا اليوم بين اخواني في دولة الكويت حضرت للمشاركة في مبرة الدواسر بدولة الكويت




س) هل لك ظهور في القنوات?


ج) نعم لدي ظهور في بعض القنوات الفضائية



ابوعبدالله الشكري و الأستاذ فهد بن هادي الغريري و شاعرنا شافي بن راشد النتيفات


س) ماهيا اول وسيلة اعلامية ساعدتك في الظهور الاعلامي?



ج) اول وسيلة هي موقع قبيلة الدواسر الرسمي واشكر جميع اخواني القائمين عليه من ادارة ومراقبين ومشرفين واعضاء كرام




س)متى كانت بداياتك مع الشعر ?


ج) قبل اكثر من عشر سنوات والله ما اذكر بالتحديد



س) هل تعتقد ان مسابقة شاعر العرب الاولى ظلمت الشاعر خالد بن مدعث والشاعر محمد الصخابرة بعدما انتشرت انباء في حصول احدهم على المركز الاول?



ج) المسابقة صار فيها مشاكل غير طبيعية وغيرت مجرا المسابقة واعتقد ان فيها مجاملة من اللجنة العليا للمسابقة لشعراء على حساب شعراء



س) رايك في المنتديات الادبية?


ج) وسيلة انتشار محدودة اتمنى ان كل شاعر يكتب فيها ان يكتب باسمه الصريح وان يكون الطاقم الاداري مثل اخواني القائمين على هذا ا لموقع مجالس شاعرنا الأدبية ويشهد الله ان هذا الكلام ليس بمجاملة




س) اقرب قصيدة لقلبك?


ج)قصيدة في ديرتي الهمجة اقول فيها




ياللي تبون الشحم والكيف والدلـة=وياللي تبون النشامى طوال الايماني
نصوه دار الكرم والطيب في حلـة=دار تعز الخوي والضيف والعانـي
في عطف وادي الركا تلقالهم حلـة=الهمجة اللي لها تاريـخ يشعانـي
تاريخها يحمـل الامجـاد بسجلـة=يشهد لها قاصي العربان والدانـي
ستارها رجالها قـدم العـدو علـة=وحصونها ارواحنا في كل ميدانـي
لو كوكب سهيل يظهر عامنا كلـة=من دونها نهـدي الارواح مجانـي
ترى الطبيعة بدون رجـال منحلـة=والعمر لو طال لابـده بعـد فانـي
والطيب مثل الهدف ماكل ياصلـة=ماينكسـب بالرجـاوي والتمنانـي
لو قالوا اختار في وسط الخبر فلـة=والا بحـي العليـا حـط دكانـي
ما ابيع دار نشيت وعشت في ظلة=حبه مع الدم يجري وسط شريانـي




س) نريد ان نعرف هوايتك يابوشالح?



يوم كل عنده احساس وهواية=ودي بشوف النشامى وماشيها
احترامك للبشر يعتبر غايـة=واحترامك ذاتك اعداك يعميها





س) لك قصيدة منها هذا البيت ?

اليكم القصة وما شفته تمام=وسط العليا والمربع والنظيم



س )هل القصة حقيقية ام من وحي الخيال ونريد القصيدة كاملة ?



ج ) القصة حقيقية وشاهدتها ووقفت عليها نسال الله ان يهدي شباب المسلمين اجمعين والقصيدة



اقول فيها :


ياديريتـي ياديرتـي دار السـلام=دار الرخا والامن والحكـم السليـم
دار العدل والشرع دستور ونظـام=دار الوحي منزل بها كتاب عظيـم
قبلة جميع النـاس للبيـت الحـرام=فيها ومسجد سيد الخلـق الحكيـم
ارض وطاها من بعث يجلى الغمام=لبى ثراها من عمان الى الحطيـم
واصحابه اهل الفضل وانوار الظلام=والتابعين ومن تبعهـم مـن حكيـم
ائمـة الحـق ومرابيـع الـمـرام=ايامهـم مـا فيـه ليـل مستديـم
واليوم غيرنا الطريـق والالتـزام=اللي تبع نفسـه وشيطـان رجيـم
راح التقى والدين مع نوح الحمـام=والناس تاهت وسـط تيـار عتيـم
منهم فئة بخصهـم فـي ذا الكـلام=والمشكلة ماعينـوا منهـم خصيـم
اليكم القصـة ومـا شفتـه تمـام=وسـط العليـا والمربـع والنظيـم
والموت عند المملكة جنب الوسـام=شرق البنا شمالـي الخـط القديـم
في موتر تكسـي واظنـه برقهـام=شباب باع المرجلـة منهـا عديـم
من شافهم يبطي وعينه مـا تنـام=ويقول عـود جابهـم ليتـه عقيـم
قبوع مكيـاج وسلاسـل باهتمـام=ومشيـا غنـج ومقلديـنٍ للحريـم
ومحمرٍ خده عسى عمـره عـدام=والشعر منفوش كما جثـة هشيـم
اذا قعـد يعجـز مايقـدر فالمقـام=بينه وبين العـز نيـران وجحيـم
اعرابهم عكسه حروف الانحطـام=العين واليا والالف من بعـد ميـم
هذا رجل لا والله ان هـذا خمـام=مابه حيا ولا خلق عنـده صميـم
كرمكـم الله يالعزيزيـن الـكـرام=من ذكر جنس يقطعـه رب كريـم
نعـوذ بالله مـن حيـاة الانهـزام=والله حـرام بينـنـا ذولا تقـيـم
ياهيئـه الحسبـه عليكـم الانتقـام=منهـم وردوهـم لـدرب مستقيـم
والا على الدنيـا وهـذولا السـلام=ويالله عفوك وانت تـواب رحيـم





س) لكل شاعر بيتين يرددها ماهيا ولمن تهديها ?


مادامني خابرك ذخـر الشدايـد=والله لدوس الكايـدة واعتزيبـك
صايد على ماقيل يا ابا العوايـد=من صاد طيب في اللقا مثل طيبك
الجود بحلـوق النشامـى قلايـد=وانته خذيته ياولد مـن نصيبـك



واهديها لاخوي ابوعبدالله الثاقبي الله يبيض وجهه على حفاوة استقباله لنا في دولة الكويت فهو من منبع الطيب والكرم



س) مارايك في شعر الغزل في وقتنا الحالي ?



ج ) الاجابة قصيدة اقول فيها



قالو تحب وقلت بالحيـل بالحيـل=هو فيه قلب ن من عنا الحب خالي
لكن اشوف الحب من بعد ذا الجيل=ينعاف واكثرهـم يعشـق الخيالـي
اما على الكرسي يجـر المواويـل=يزاعق بصـوت ن يهـد الجبالـي
والا على الهاتف يـدز المراسيـل=ويقول انا هايـم بحـب الغزالـي
اللي برت حالي وذقـت الغرابيـل=وخلتني من الناس عايش الحالـي
هو مابعد شـاف لحبيبـه مداهيـل=صوت ن على الجوال سبب هبالي
ياناس هذا العشق مالـه تفاصيـل=الا سراب ن عقب وقت الزوالـي
اسمع كلام ن غير هرج المهابيـل=ابعترف بالحب واسـرق حلالـي
مانيب من يرمي بيوت الرجاجيـل=وبيته قـزاز ن عرضـه للهيالـي
نظرات عينـه للهوى فيـه تعديـل=الناس شرق ن والضعيف شمالـي
راح الهوى العذري وجابله تبديـل=ضعيف نفـس ويحسبنـه مثالـي
لا لا بعد ويقـول ويـن المناديـل=دمعي من الفرقا على الخد سالـي
العشق له مفهوم غير الـذي قيـل=عشق الشرف عشق النقا والدلالـي
واضرب مثل لوكان ماهوب تنزيل=مجنـون ليلـى عذبتـه الليـالـي
ومحيسن وقبلـه رجـال حلاحيـل=عنتر وبن عدوان وايضا الهلالـي
ذولا رموز في الهوا جالهـم كيـل=على النقا كـل فتـح لـه مجالـي
واليوم كل حط في ساحتـه خيـل=ويقول ابويه ناشـدن مـن خوالـي
انسان لكنه علـى شكـل برميـل=( يشرخ ويمرخ في ذرا كل عالي )
ياللي تحطون المسامه على الفيـل=ماهيب له لـو جـودت بالحبالـي




س) اولا نبارك لك حصولك على المركز السادس في مسابقه منتدى الدواسر الرسمي الشعريه وماذا تعني لك هذه المسابقه وهل انت راضي عن المركز الذي حصلت عليه?



ج) الله يبارك فيك وحصولي على المركز السادس لست انا الذي اقيمة بل المشاهد والمطلع على المسابقة ومن حضرها هو الذي يقيم واكيد ان كل شاعر غير المركز الاول ماهو راضي على مركزه طموحنا كلنا المركز الاول ويستاهل اخوي الشاعر شاعر الوطن وشاعر العرب عبدالله بن فهد هذا المركز واقول له مبروك من كل قلبي



س) ما رأيك بالمسابقه بشكل عام وهل تتمنى لها الاستمرار الاعوام القادمه وهل لديك بعض الملاحظات التي تتمنى انهم يحققونها فالمسابقه القادمه?


ج) رايي فيها انها فكرة ممتازة وكل عمل ناجح لابد له سلبيات فاذا كانت الايجابيات اكثر من السلبيات فهذا شئ طيب وممكن معالجته وملاحظاتي اتمنى ان كل مسابقة يكون تقييمها مباشر امام اللجنة ويقيم القاء الشاعر وحضوره والقصيدة بشكل عام ولايفوتني ان اشكر الاخوان في موقع قبيلة الدواسر الرسمي على هذه البادرة الرائعة واتمنى لهم التوفيق



س) ما رايك بالاحداث الاخيرة التي حصلت بين الشاعرين خليل الشبرمي والشاعر محمد بن الذيب وما رايك فيمن عارضهم ?


ج) في وجهة نظري انه امر غريب اتمنى من المسئولين ان يضعو حد لمثل هذه المساجلات التي تعدت الخطوط الحمراء من كلام يستحي الرجل ان يذكره امام الرجال اما من عارضهم يطلق عليهم المثل ( لابغيت تذكر سو المنكر ).



ابو نواف الدوسري و ابوعبدالله الشكري و شاعرنا شافي بن راشد النتيفات



س) بما انك مراقب في موقع قبيلة الدواسر الرسمي ماذا يعنيلك هذا المنصب?



ج) بما انني في موقع يخدم القبيلة في جميع انحاء الخليج فهذا اكبر شرف واكبر فخر لي وعسانا نكون قد المهمة التي وكلت الينا والله يجملنا في عيون الرجال اللي شرواك يابوعبدالله



س) هل تؤيد لقب شاعر القبيلة وان وجد فمن هو?


ج) لا أويد هذه المقولة الا في حالة واحده وهي اذا كان الشاعر في مناسبة خارج القبيلة فهو يمثل قبيلته اما غير ذلك فالقبيلة مثل الدولة والشاعر مثل السفير وكل دولة لها اكثر من سفير وكل قبيلة لها اكثر من شاعر


س)ما رأيك بما يسمى شعر الحداثة?


ج) اذا كان مقفى وموزون فهو شعر له جمهوره احترمه واحترم جمهوره واما اذا كان غير ذلك فلا يطلق عليه شعر



س) هل لك مساجلات مع شعراء ?


ج) نعم لي عدة مساجلات واذكر منها على سبيل المثال ارسل لي الشاعر مسعود المقيبلي قصيدة



يقول فيها

يابو شالح قررب الزام يوم الصيف طاح=ونجد سال وصاحبك من ورى عرق الدخووول
عند كسب جدودنا بالهجاد وبالصباح=في هواها نطوي البعد لو انه يطول
ماتردد للمعالف على دمن المراح=ودونها بالمال لا اشتبت سنين المحول
في هواها نازلين ن ورى مركز سماح=وانتسفنا نبغي العرق قدام الذبول
ويوم طاح الصيف ماعاد هاوانا المراح=واجلعت تبغي دكاك يساقيه مهمول
في مقيض بارد مشربه عد قراح=مايقيض في قراره ياكود صخاف شول
وانت يا فزعت هل الطيب كساب المداح=وجهك ابيض قولي ..وكل رجال يقول
ياذخر كسابة الطيب بحراب الرماح=يومها بالخيل والشلف وبطيب الفعول
لا اعتزو لاد العميري ولجن بالصياح=وحذفن البيض بالستر في حال الذهول
فعلكم ستر العذارا بمفتوق السلاح=يشهد التاريخ مجد على سروج الخيول
وكسبكم فنس العرانين والوضحا الشناح=كل وضحا تجمع الوصف مع زين الدلول
والتحيه يابو شالح ونطلبك السماح=كان تقدر..طالبينك عسى الشده تزول


ورديت عليه اقول


مرحبا اعداد ما رف طير بالجناح=من هجوس في بحور الشعر تلقا قبول
مرحبا اعداد ماهبت انسام الرياح=يارفيق رفقته مادخل فيها ميول
عقب ماطاح المطر ياولد والشر راح=غايتك ماتقبل الصد و انواع الحلول
وابشر ابشر يابن عمي وحيا للفلاح =مطلبك واجب على اللي يعرفون الاصول
تبغي الرخصة على شف ذودك والفساح=يوم بعض الناس بلشه ولامنه محصول
البل البل ياهل البل مكامين النجاح =عند منهو يعرف حقوقها في كل حول
وانت من ربع خذت دونهأ تاح ووشاح=ربعنا الفرجان تثبت على قب الخيول
دونها بالمال ذالحين واول بالسلاح =محزم في الضيق ينشد به قول وطول
عادة فعل الدواسر نهار الاجتياح =تاقف وتقدم على الضد مامنه عدول
والعهد يابو سعد والوعد مني سراح =شد ببلك والوعد من ورا جو الدبول
واجنب اجنب للدحي لاكتست ذيك الفياح=ديره شرحه ولا بينك وبينه محول
خلنا نزورك بها ونتشرف للمراح=والمعزه طبعكم جعل طبعك مايزول


س: نبغى وجهة نظرك في شعر المدح يابوشالح?


ياهاجسي لك ثلاث شهور وزياده=صايم عن الشعر واليوم أستعن بالله
خابرك لك في الفضا منزال ورياده=بنيت فله ورى فله ورى فله
يوم إن بعض العرب حط الشعر عاده =المقدي الله معه والضايع ندله
والشعر في المدح يبغى فن و إراده=ويساق صوب الرجال إللي تبين له





شاعرنا شافي بن راشد النتيفات و ابوعبدالله الشكري



س: نبغى قصيدة ?



ياوقتنا اللي ميل التاج وانعاج=ياوقتنا اللي قام يكثر عجاجه
اركيتها يوم ان مافيه مخراج=ما احدا من سهومك ظمن له خراجه
عزيل من ظفته وهو فيك محتاج=ما انته بقاضي لازم له وحاجه
ماتعرف القله ولاتعرف افواج=وماتراعي احدا كيف ميزة مزاجه
اليافتحت الباب من دون مزلاج=ارواحنا ياوقت صارت زلاجه
اخبارك من اول مع كل هراج=عنا بعيد وحي ذيك البلاجه
واليوم صرت تحوفنا مثل الامواج=والموج لامن ماج ماله مواجه
اللي تفرشله حرير وديباج=عندك كما اللي عاش يطرد نعاجه
لامنك لافكه ولامنك منهاج=لاهيب لاغدر ولاهي سماجه
والرابح اللي فيك بالخير دواج=مافيه قفر ممحل الا وداجه
يحط له في الضيق ونسه ومفراج=في ساعة الظلمه ينور سراجه
واليا خلطها طيب ذي فلة حجاج=دين ورجوله تطلع افضل دماجه
ياوقتنااللي تحمل هموم وازعاج=اليوم في تالي سنينك حلاجه
فيك اربع وديبها تحمل التاج=الدين وهو اهم من كل حاجه
والمرجله والمرجله طوق وسياج=ياللي تريد الطيب لاجاك واجه
والعافيه لاصرت ياوقت لجلاج=والامن بالاوطان من دون راجه
هذا ما اريده واعرف الباقي انتاج=وكل على ماقيل يحمل انتاجه



س: كذلك نبغى قصيدة?
الوقت مال وقام يطوي حباله=والموت باب مارصد دونه قفول
الموت كل ذايقه لا محاله=والتالية من فوق الاكتاف محمول
شي مقدر مير عندي رساله=مامات من خلف رجاجيل وزحول
يحيون ذكره بالفعل والجماله=مثل الندى لاناش له عرق مذبول
يحييه من تحت الثرا باكتماله=يظهر طري من الصواديف منخول
تحت الثرا بين النشامى مجاله=الفعل والفاعل نتج عنه مفعول
فيا سامع قدام تدني رحاله=الاجتهاد بما تحت يدك وتطول
من يبذر الريحان يلقا بداله=مثله وذا اللي فادله خير محصول
ومن يبذر الحنظل يواجه عباله=ماتنفعه لو بالعدد صار مدبول
امور في وقت سريع انحلاله=والا ترا اللي بعد ربي لنا حول
لابن آدم الى من توسد سباله=ذاك العمل لاصرت في القبر مسئول
ماينفع بن آدم بنيه وحلاله=الكل يرجع والعمل معه مرسول
ان كان ذو تقوى ودين وعداله=يقبل وماقدم لصاحبه مقبول
وان مات ميتة جاهل في ظلاله=مع صاحبه في البرزخ يصول ويجول
حتى يجي يوم شديد وباله =يوم القيامه يوم ماينفعك زول
معاد فيه اظهر ولو بالكفاله=موقف عاري ضعيف ومشلول
احدا سعيد قد نجح في سواله=وتصير دنيا الموت عنده كما حول
واحدا كتابه يستلمه بشماله=ماينفعه عذر ولا ينفعه قول
واحدا كتابه باليمين استواله=دربه ومن كل الغرابيل منسول
واللي كتابه بالشمال احتماله=مالك وتله في جهنم على طول
فيالله لقنا جواب سواله=من ربك ودينك ومن جاك مرسول





الشاعر الراحل : دخيل الله بن محمد الشكره رحمه الله



س)بالنسبه للشاعر دخيل الله بن محمد الشكره رحمه الله هل اطلعت على قصائده؟ ماهي اقرب قصائده رحمه الله لك؟




ج) نعم اطلعت عليها والشاعر دخيل الله بن محمد من اعلام القبيلة اللي نفتخر فيهم رحمه الله ويشهد الله ان يحتار الفكر في انتقاء قصائدة لكن هذه الأبيات اعجبتني اللي يقول فيها

ما كل من تنخاه يامنيف ينفعك = ولاكل رجال يسد اللزومي
لا صرت محتار وتخالف روابعك = انص الذي يجلون منك الهمومي
ازهم عيال قروم حتى تسنعك = ولايقضي العازات كون القرومي
اعيال حر في هداده يشجعك = ولا يصيد الا كبار اللحومي
وترى الرجال وصوفها مثل اصابعك = والفرق بين ما يبيله علومي




س) بالنسبه للفلم الوثائقي الذي تم عمله له وتم بثه على بعض القنوات التلفزيونيه ماهي ايجابياته بشكل عام سواء كان ذلك للشاعر او الشعر وماهي سلبياته?


ج )هذي فكرة جميلة ورائعة لشاعرنا رحمه الله ويستاهل وبيض الله وجه من سواها وان شاء الله ماهناك سلبيات تذكر



س)ما جديدك في الساحة الشعرية,؟


ج) في القريب العاجل ولا استطيع ان افصح عن شئ الان



س) و مارأيك في الساحة الشعبية اليوم؟


ج) في عصرها الذهبي من ناحية الاعلام ولا اخفيك انها بحاجة لبعض المعالجة والتصفية




س) وينك من الامسيات الشعرية.ولماذا شعراء الدواسر بعيدين عن الامسيات والإعلامهل المشكلة أنها لاتوجه لهم دعوات أو توجه لهم ولايحضرون؟



ج)والله انا في مناسبات القبيلة اتواجد ولكن بقلة اما من ناحية شعراء الدواسر وقصتهم مع الاعلام فهذا شئ صحيح انهم بعيدين عن الاعلام ولكن في الاونة الاخيرة بدأو يظهرون والسبب عندما ظهر اعلاميين من القبيلة ووسائل اعلامية من القبيلة لانهم من اول بعيدين عن الاعلام ولالهم معرفة مع القائمين على الوسائل الاعلامية وحط تحت معرفة خطين




س) هل أصدرت ديوان شعري كيف نجده أو لحد اليوم ما فكرت في الموضوع؟


ج )الفكرة موجودة في اصدار ديوان مقرؤ ولكن مابعد جا وقته وكذلك مسموع




س)من من الأسماء الشعرية المظلومةإعلامياً ترى أنه يستحق أن يكون له نصيب كبير من الإعلام والبروز ؟


ج) شعراء كثر وخاصة من قبيلة الدواسر ولا استطيع ذكر اسماء




س) ما رأيك بالشاعرات المشاركات بشاعرالمليون بجميع مواسمه !! ومن التي تستحق لقب شاعره!! وهل هناك اسماء شاعرات تعجبك قصائدهم؟


ج) مشاركة المرأة بشاعر المليون انا ضدها تماما اما عن شعر النساء فهناك شاعرات وتعجبني قصائدهن



س) هل الاعلام والاضواء يغير من نمط الشاعر ويغير أسلوبه الشعري لمواكبته سواء من أفكار القصائد أو حتى القائها?


ج) ابدا الشاعر شاعر قبل الاعلام وبعده ولايطور الشاعر سوى القراءة في الكتب الثقافية وقراءة وحفظ قصائد كبار الشعراء السابقين والحاليين



س) ما رأيك في وضع المجلات الشعبية ومن تفضل منها ؟


ج) في الوقت الحالي قل المتابعين للمجلات بسبب القنوات والمنتديات وافضل مجلة البادية والمختلف




س) من هو الشخص الذي عجزت حروفك إن تكتب فيه قصيده؟


ج )الوالد عسى الله يطول بعمره



س) ما مدى مساحة الخيال لدى الشاعر شافي عند كتابة أي نص , أي بمعنى أن الخيال ركن أساسي من أركان النص ؟


ج )ابشرك ولله الحمد واسعه وكل قصيدة لها ظروفها فهناك اغراض لاتستدعي الى بعد الخيال





س) هل على الشاعر أن يكتب في كل أغراض الشعر بنفس الجودة و الدقة أو أن بعض الأغراض لا يتقنها أو لا يستسيغها الشاعر ؟


ج) الشاعر الجيد يستطيع ان يكتب في كل المجالات لكن هناك اشياء يبدع فيها ويتميز عن الباقية فمثلا شاعر لايملك الابل وشاعر يمتلك الابل وكلهم في الشعر سوا يستطيعون ان يكتبون كلهم في الابل لكن صاحب الابل سوف تتميز قصيدته عن اللي لايمتلكها وهكذا




ابوعبدالله الشكري و شاعرنا شافي بن راشد النتيفات



س) ما مدى صحة مقولة "يجوز للشاعر ما لا يجوز لغيره" ؟


ج) مقولة غير صحيحة فالشاعر انسان مثله مثل باقي الناس والشئ الذي لايجوز للغير لايجوز للشاعر الا في بعض قصائد الخيال فمعروف ان هناك قصائد تبنا على الخيال ولافيها شئ لكن بالعامية(( يازين الحقيقه))



س) هل على الشاعر محاكاة جيله بلغةجيله أم بلغات الجيل القديم لكي يقال عنه شاعر شعبي?



ج) على الشاعر محاكاة جيلة بمفردات مقبولة للجميع والشاعر الجيد هو الذي يستطيع ان يأقلم نفسه في كل زمان ومكان



س ) وهل تحديث المفردات بمايناسب العصر الحالي عيب من عيوب الشعراء برأيك ؟


ج) بالعكس الا امر مطلوب ومرغوب اذا كان هذا التحديث بعيد عن التكلف




س) هل تفكر في خوض أي من المسابقات التي تجرى في بعض المحطات الإذاعية والتلفزيونيه ؟


ج) أي مسابقة فيها تصويت لايمكن ان ادخلها






في ختام هذا اللقاء الممتع لايسعنا الا نتقدم بخالص الشكر والتقدير للشاعر شافي بن راشد بن شافي النتيفات على اتاحه هذه الفرصة لنا وعلى اريحته وعلى سعة صدرة واجابته على جميع الأسئلة ، سائلين المولى عز وجل أن يوفقه ويسدد على طريق الحق خطاه .


(صوت قبيلة الدواسر)
منتدى قبيلة الدواسر الرسمي
www.alduwasser.org/vb

 

 

 

 

    

رد مع اقتباس
قديم 26-12-2010, 05:32 AM   #2
 
إحصائية العضو







مناديه غير متصل

مناديه is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

قد تعجز الكلمات ان تسطر اروع عبارات الشكر
لك منهما ولكن الابداع والثقافه والادب
لرقي دليل واضح هنا
الله لايحرمنا منهم ولا من ابداعهم

 

 

 

 

    

رد مع اقتباس
قديم 26-12-2010, 09:21 AM   #3
 
إحصائية العضو








محمد.الودعاني غير متصل

وسام الدواسر الفضي: للأعضاء المميزين والنشيطين - السبب: النشاط والتميز
: 1

محمد.الودعاني is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

اارحب اارحب يابو رااشد وصح لسانك واعتلى شانك وبيض الله وجه الادراه على هذا اللقاء الراائع والجميل وبيض الله وجهك

 

 

 

 

 

 

التوقيع

[الهلال ثابت والبقيه متحركون.! ]

    

رد مع اقتباس
قديم 26-12-2010, 09:46 AM   #4
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

لقاء مميز وممتع وأبدع فيه أطراف اللقاء حتى خرج لنا بهذا الشكل

ابو شالح شاعر بارز وشخصية محبوبه اسأل الله ان يوفقه ويسهل اموره

وابو عبدالله أدار اللقاء بنجاح ويحسب له مثل هذه اللقاءات المميزه

تقبلوا ودي وتقديري ،،،،

 

 

 

 

    

رد مع اقتباس
قديم 26-12-2010, 10:06 AM   #5
 
إحصائية العضو







مبارك بن شافي النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

مبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to behold


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

بيض الله وجهك يابوراشد

لقااا رااائع استمتعت بقراءته

والشكر كذلك موصول للادراة الكريمة على النقل

بيض الله وجيهكم

دمتم بحفظ الرحمن

 

 

 

 

    

رد مع اقتباس
قديم 26-12-2010, 04:53 PM   #6
 
إحصائية العضو







أبو ريم غير متصل

أبو ريم is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

واضرب مثل لوكان ماهوب تنزيل
مجنـون ليلـى عذبتـه الليالـي
ومحيسن وقبلـه رجـال حلاحيـل
عنتر وبن عدوان وايضا الهلالـي
ذولا رموز في الهوا جالهـم كيـل
على النقا كـل فتـح لـه مجالـي



لقا متميز مع شاعر كبير واكن له كل الاحترام والتقدير ومن ربع غالين

لاهنتم

 

 

 

 

    

رد مع اقتباس
قديم 26-12-2010, 06:40 PM   #7
 
إحصائية العضو








عبدالله الحافر الغييثي غير متصل

وسام الدواسر الذهبي: للأعضاء المميزين والنشيطين - السبب: لنشاطه الملحوظ ومشاركاته المميزه بالموقع
: 1

عبدالله الحافر الغييثي is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

بيض الله وجه ابوعبدالله على هذا اللقاء اللذي امتعنا مع احد شعراء قبيلتنا العريقه ..
والكلام في ابوشالح يحتاج مني الكثير والكثير وشهادتي فيه مجروحه..لكن ما اقول الا انت نجم الجدي اللي دايم ثابت والله يوفقك في مسيرتك الشعريه والى الامام.

 

 

 

 

    

رد مع اقتباس
قديم 26-12-2010, 07:33 PM   #8
 
إحصائية العضو








عبدالرحمن بن فلاح آل بريك غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

عبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to allعبدالرحمن بن فلاح آل بريك is a name known to all


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.



لقاء ممتع وشاعر متمكن .

يعطيك العافيه أبو عبدالله على الصياغه الجميله للأسئله

وأيضاً الشكر موصول للشاعر :شافي بن راشد النتيفات على سعة صدره وإجاباته الدبلوماسيه .

ويعطيكم العافيه إدراتنا على نقل اللقاء لنا .

ودمتم بخير دائماً .

 

 

 

 

 

 

التوقيع

    

رد مع اقتباس
قديم 26-12-2010, 09:21 PM   #9
 
إحصائية العضو







عبدالكريم العماري غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

عبدالكريم العماري is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

لقاء مميز وممتع مع الشاعر شافي بن راشد النتيفات
أشكر مجالس شاعرنا الأدبي وموقع قبيلة الدواسر الرسمي على اللقاء

تحياتي وتقديري

 

 

 

 

    

رد مع اقتباس
قديم 26-12-2010, 11:21 PM   #10
 
إحصائية العضو







دغش محمد الصخابرة غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

دغش محمد الصخابرة is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

لقاء مميز ووراااااااائع مع الشاعر شافي بن راشد النتيفات

واخونا شافي شاعر كفو وجزل

وأشكر الاداره على اللقاءالممتع والله يعطيهم الف عافيه

تحياتي وتقديري

 

 

 

 

    

رد مع اقتباس
قديم 27-12-2010, 12:39 AM   #11
 
إحصائية العضو







محمد بن فهد الرجباني غير متصل

وسام الخيمة الرمضانية 1430هـ البرونزي لصاحب المركز: الوسام البرونزي لصاحب المركز الثالث بالأفضلية بالخيمة الرمضانية 1430هـ طيلة شهر رمضان المبارك - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

محمد بن فهد الرجباني is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

من اجمل اللقاءات التي شهدتها لقاء رائع وجميل خاصة مع شاعر كبير واخ عزيز فبيض الله وجهك اخوي ابو شالح وعلمك دايم غانم رحابة صدر وصح الله السانك لقاء ممتع وبارز ومهما قلت فشهادتي فيه مجروحه اخوي شافي ويعجز اللسان عن ذكر محاسنه ولا هنت ياذيبان..

والشكر لابو عبدالله ومجالس شاعرنا الادبي على هذا اللقاء المميز مع شاعر كبير ومميز فيعطيكم العافيه..

وكل الشكر لاخي ابو راشد والادارة الكريمة على عرض هذا اللقاء التاريخي الرائع والمميز فيعطيكم الله العافيه..

تحياتي وتقديري~ْ،

 

 

 

 

 

 

التوقيع

تستاهل مراقب وتستاهل الطيب=ياللي على خدمة بني عمك حضاب
ياذيب ياللي جيت فوق المراقيب=وياحر ياللي ماكرك عالي هضاب
يابوفهد عداك لوم وعذاريب=في طلتك مثل الجدي مابعد غاب
من لابة هداتكم تشبع الذيب=تقدم نهار الهوش وتقيد ركاب
ماهيب ترسل للمعادي مناديب= تقدم لامن ولد الردي وقف وهاب

الشاعر/شافي النتيفات


    

رد مع اقتباس
قديم 27-12-2010, 10:24 AM   #12
 
إحصائية العضو







بوراجس المشاوية غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

بوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to beholdبوراجس المشاوية is a splendid one to behold


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

لقاء مميز وممتع وأبدع فيه المحاورون

ابو شالح شاعر بارز وشخصية محبوبه اسأل الله ان يوفقه ويسهل اموره

وابو عبدالله أدار اللقاء بنجاح ويحسب له مثل هذه اللقاءات المميزه

تقبلوا ودي وتقديري ،،،،

 

 

 

 

 

 

التوقيع






اللهـــم إغفر لأمي وإرحمها وأجعلها في عليين برحمتك يا أرحم الراحمين - يا مال الجنة يا نور عيني

    

رد مع اقتباس
قديم 29-12-2010, 04:48 PM   #13
 
إحصائية العضو







ابومبخوت الدوسري غير متصل

وسام الدواسر الذهبي: للأعضاء المميزين والنشيطين - السبب: لنشاطه الكبير وجهوده الطيبه في خدمة الموقع
: 1

ابومبخوت الدوسري has a spectacular aura aboutابومبخوت الدوسري has a spectacular aura aboutابومبخوت الدوسري has a spectacular aura about


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

السلام عليكم ورحمة الله وبركاته

الأخ والشاعر المبدع والجزل / شافي بن راشد النتيفات الدوسري

صح لسانك ع القصائد الجميله والرائعه وتسلم يمناك يالقرم
وكفو يابوراشد والنعم بك وبأهل الهمجه الكرام ..
وافي ووافي ووافي يابوراشد جعلك تسلم

استمتعنا بهذا اللقاء الجميل والتاريخي
وبيض الله وجه الاخ القدير والاستاذ الخلوق
ابوعبدالله الثاقبي على هذا الحوار واللقاء وصراحة كفى ووفى
جعله يسلم الله يعطيه الصحة العافيه على مجهوده الطيب والمثمر ...
وتحيــــه خاصة منى لابوعبدالله الثاقبي ( الشكري )

وكل الشكر والتقدير للاداره منتدى الدواسر الرسمي على هذا التعاون الطيب وعز الله ان هذا المنتدى الرسمي يعتبر الركيزه الاساسيه للقبيلة واللذي له بصمات كبيره في جميع الامور ومنها ابراز شعراء القبيلة الذين يستحقون الظهور اعلامياً ..

وختاماً اسال الله التوفيق والسداد لشعراء القبيلة الابطال ..

وتقبلوا خالص تحيــــاتي وتقديــــري

 

 

 

 

    

رد مع اقتباس
قديم 30-12-2010, 09:30 AM   #14
 
إحصائية العضو







علي العبدالهادي غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

علي العبدالهادي has a spectacular aura aboutعلي العبدالهادي has a spectacular aura aboutعلي العبدالهادي has a spectacular aura about


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.


لقاء ممتع وشاعر متمكن .

يعطيك العافيه أبو عبدالله على الصياغه الجميله للأسئله


وأيضاً الشكر موصول للشاعر :شافي بن راشد النتيفات على سعة صدره .

ويعطيكم العافيه إدراتنا على نقل اللقاء لنا

 

 

 

 

 

 

التوقيع

للمتابعة على تويتر

https://twitter.com/#!/09765as

    

رد مع اقتباس
قديم 30-12-2010, 05:21 PM   #15
 
إحصائية العضو








فارس الدبالين غير متصل

فارس الدبالين is on a distinguished road


افتراضي رد: الشاعر شافي بن راشد النتيفات يصافح الجميع عبر لقاء يتحدث من خلاله عن خبرته وتجاربة السابقة ويستعرض من خلاله قصائدة قديماً وحديثاً.

الاخ العزيز والشاعر الجزل/شافي بن راشد النتيفات

صح الله لسانك واعتلا شانك اشهد بالله انك من فحول الشعر

وهذا اللقاء عرفنا عليك اكثر وبين للجميع ثقافتك واسلوبك الراقي وردودك وتعليقاتك اللتي تدل على فكرك الواسع

كفو كفو يابوشالح وانت من الشعراء الذين تفتخر بهم القبيله واتمنى لك التوفيق في جميع امورك

ونشكر الاداره الكريمه والاخ الكريم ابوعبدالله الثاقبي على اجراء هذا اللقاء الممتع والجميل

وتقبلوا جزيل الشكر والعرفان.

 

 

 

 

 

 

التوقيع

ياللي تقول انك سلايل هل الطيب=تمدح وتفخر في فعايل جدودك
حقك ..ولكن في فعول المواجيب=خلك على الهقوات واثبت وجودك


Twitter@ALGZL

اتشرف بمتابعتكم

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 10:17 PM


Powered by vBulletin® Copyright ©2000 - 2020, Jelsoft Enterprises Ltd.
---