التغطية المصورة لــ حفل الزرقان آل بريك بمحافظة الخرج - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 24-08-2015, 06:07 PM   #1
 
إحصائية العضو







الإداره غير متصل

الإداره is on a distinguished road


افتراضي التغطية المصورة لــ حفل الزرقان آل بريك بمحافظة الخرج




الحمد لله رب العالمين والصلاة والسلام على سيد الانبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته الى يوم الدين

إخواننا أعضاء وزوّار الموقع الرسمي لقبيلة الدواسر


أعدّ التقرير

عضو مجلس إدارة الموقع الأستاذ فهد بن هادي الغريري







يتناوب الرجال على فعل الكرم والطيب ويتسابقون في ذلك من باب التنافس الشريف ومن باب لم الشمل والمحبة ،ومن باب الإخاء بين القبيله .في ليلة فريدة وفي تجمع عـز وطاعة وفي لقاء أنس ومحبة ومن على جنبات محافظة الخرج ، في جو أخوي زاد من جماله ذلك التجمع الرائع بين أبناء الزرقان آل بريك وباقي قبائل الدواسر.وفي وسط حضور كثيف ومبارك من أبناء القبيلـة أقام الزرقان آل بريك حفل على هامش ملتقى آل بريك ، حيث حضر أبناء القبيلـة من كل حدبٍ وصوب للإلتقاء بأبناء عمهم وجماعتهم في قصر (المؤتمرات للإحتفالات ) بــ محافظة الخرج وذلك في ثالث ايام عيد الفطر المبارك فمن بعد صلاة المغرب بدأت الجموع من أبناء و وجهاء و أعيان القبيلـة تتوافد على مقر الحفل المزمع إقامته فيه ، ، كما توافد العديد من أبناء القبيلة ؛ وذلك للإلتقاء بأبناء عمهم ، الذين حضروا لكي يجتمعوا معهم في هذا الملتقى الرائع والجميل


من اليمين المقدم سلمان بن محمد بن بدر آل بريك وبجانبة رجل الاعمال محمد بن مطلق الزنيج آل بريك وبجانبة العميد بدر بن محمد بن بدر آل بريك وبجانبة الشيخ ابرهيم بن محمد بن بدر آل بريك










من اليسار الشيخ فاهد بن محماس آل سويلمة وبجانبة الشيخ مبارك بن مناحي آل بريك



الشيخ فيحان بن شجاع آل سويلمة


من اليسار الشيخ الزقروط بن ناصر آل بريك وبجانبة الدكتور محمد بن مران بن قويد وبجانبة الشيخ راشد بن فريج الشكرة



من اليمين الشيخ علي بن محمد بن مثقال آل بريك وبجانبة الشيخ مسفر بن شجاع آل سويلمة


الشيخ فيصل بن ناصر بن حفيظ



الشيخ الصييفي بن حمد الهواشلة


من اليسار الشيخ حسن بن ناصر بن حفيظ



من اليمين الشيخ هذال بن عقاب آل بريك


في المنتصف مسفر بن مطلق آل بريك


من اليمين الشاعر محمد بن محسن بن حشفل الخضراني






من اليسار الشيخ ابرهيم بن محمد الزنيج آل بريك وبجانبة الشيخ بتال بن عبدالله آل سويلمة



من اليمين الشيخ محماس بن فاهد ال سويلمة وبجانبة الشيخ محمد بن شجاع ال سويلمة








من اليمين الشيخ حنش بن مترك بن داهم آل بريك







































فـقـرات الحـفـل


الأعلامي راشد بن حماد الغريري

إنطلقت فعاليات الحفل المنبري عند وصول جميع الضيوف التي قدمها
الأعلامي راشد بن حماد الغريري وقد بدأ الحفل بآي من الذكر الحكيم





الشيخ ابراهيم بن محمد بن بدر آل بريك

وبعدها القاء الشيخ ابراهيم بن محمد بن بدر آل بريك كلمة رحب بالحضور الكرام


الشاعر محمد بن مطلق آل بريك


لأن مثل هذه المناسبات لابد لـ الشعر أن يكون له حضوراً ، كيف لا والشعراء المشاركين بــ هذا الحفل من اجزل شعراء قبيلة الدواسر ولأن مثل هذه المواقف العظمى لابد أن تسجل وتدوّن بأبيات القصيدة . إستهل الشاعر محمد بن مطلق آل بريك

باسم ربعي مرحبا عد همال القنوف=من مشاعر شاعرٍ زايد الشوق يحداه

باسم زرقان المكارم مفرقة الصفوف=مرحباً ثم مرحباً بالطحاطيح الدهاه

مرحبا يالابتي يامخضبة السيوف=يـ هل العادات والمجد يـ عوق الطغاه

هيبة ال بريك للعز ياشم الأ نوف=ياهل الطولات ياللي لكم وجهٍ وجاه

ياكريمين اليماني مكرمة الضيوف=ياعطيبين المضارب مزبنة الجناه

اسمنا بين القبايل مجمل ومعروف=ومجدنا مجدٍ يشرف دواووين الرواه

حن متيهيت العشاير وحن ستر الهنوف=وحن حماة الدار والمعتدي نقعد صغاه

كم عقيد لا نوى القوم يبطش مايروف=لأعرفنا ثمنت عشره وعود وراه

ان بطشنا نبطش بكفٍ أقوى مالكفوف=بطشتن ترتج من قوها جبال السراه

وأن عفينا عفونا رحمه لبعض الضعوف=كبرياء شيوخ نصفح عن أخطا الرعاه

وان نصانا معسرٍ حدته شين الظروف=يبشر بعزه ويصبح من أصحاب الغناه

الصبي منا على كسبة الطوله شغوف=وكان رد العلم عنه ينومسنا نباه

والرجل منا عن الهينه دايم عزوف=نظرته عليا وشيمته ترفع مستواه

البريكي للمعادي دمار وحرق جوف=والبريكي للخوي عز ويذري ذراه




المنشد عبيد بن ذيب الرجباني ( شبل الدواسر)


وكان لنا موعد مع الأوبريت الانشادي مع المبدع المنشد عبيد بن ذيب الرجباني ( شبل الدواسر) الهب حماس الحضور بــ الشله الانشادية الجزله من كلمات
الشاعر محمد بن مطلق آل بريك::::::.::::::






الشاعر محمد بن سالم الخضراني

ثم ألقى الشاعر محمد بن سالم الخضراني قصيدةً بهذا الحفل
، حيث يقول في قصيدته :


جيت لـ طوال اليماني ولا ابغى لي وصاه=مرهي ٍ بـ مجمل الشعر ولساني فصيح

دعوة نفتح لها الباب مع كل اتجاه=ودعوة مردودها العذر بـ القول الصريح

ودعوة الزرقان عندي لها قدرٍ و وجاه=لابة تزهى أطلق الشعر وأنواع المديح

من هل الردات والراي والمجد ونباه=والفعول اللي لها الخصم صدره له فحيح

لاعتزو خيالة البل يبيعون الحياه =يسهجون الشره لأمن عجز منه النصيح

فزعة ال بريك ترهب طوابير الدهاه=هاكذا الافعال ولا يصح الا الصحيح

يومها بـ مصامخ الروس والدنيا رحاه=مالكم في نجد رادع ولا ند ونطيح

انتم اهل المجد وانتم حجى يذري ذراه=في ذراكم يرسخ العرس لا من هب ريح

ضربكم يفراء النحر ون لحق عظم شظاه=كم عطيب لـ الضواري على ثركم طريح

من حربكم يشرب المر من هم وطـــاه=ومن نخاكم راح فـاسع من الكون الفسيح

في نحاكم كم عقيد تقهقر في اخطاه =لا ارتكز لـ الخيل معصار والصايح يصيح

مجدكم يكفي عن الشرح له حكي الرواه=بـ الشجاعه والطناخه مع القرب المريح

بـ الكرم تندى يديكم ولـ السائل غناه =ماخبر فيكم بخيل ٍ ولا فيكم شحيح

مجدكم فعل ٍ صروحه تغلوي في سماه=وفعلكم يلهد كبود ٍ وَيَشْفاء به جريح

من يجاريكم على الطيب صعبٍ مبتغاه=لا عجز من فعلكم لا يكابر يستريح

استهاضت شرد ابيوت شعري فـ الدهاه=والثنى لهل الثناء والمدايح لـ المديح

جيت من دافع محبه ولابغاء لي وصاه=مرهي ٍ بـ مجمل الشعر ولساني فصيح




الشاعر عبدالله بن عبدالعزيز الغزي البدارين

ثم ألقى الشاعر عبدالله بن عبدالعزيز الغزي البدارين قصيدةً بهذا الحفل
، حيث يقول في قصيدته :



شاعر على الجزلات عندي جداره=اذا غدا ليل الشواعير ليلين
اقلط على الجزله بعزم ومهاره=واحمي مواقيفي بكل الميادين
ابدع بيوتً مثل قدح الشراره=تشوّش بروس الرجال الميامين
في مدحة اهل الطيب سقت البشاره=واشوم عن مدح العفون الرديين
ياربعنا ال بريك ياهل الصداره=السابقين الاولين الوفيين
اهل القنا والخيل واهل السطاره=لا دارت الهيه بيوم اللغى الشين
مع دربكم للحرب ثور غباره=تشبع وحوش الجو شهب الجناحين
ملجمين الضد لخلف مساره=بمشوكً يفري نحور المعادين
حلوين في تاره ومرين تاره=حلوين للصاحب وللضد مرين
حصيلكم ليما الوغى شب ناره=روس الشيوخ وكسب هنف العرانين
عدوكم ما حصل الا الخساره=يامعاند ال بريك رايح على وين
الى اعتزو ف بريك في كل غاره=كن ساحة الميدان فيها شياطين
وفالسلم فيهم عقل يرجح وقاره=بين البشر فيهم رجاحة موازين
الله خلقهم للظفر والنعاره=والله خلقهم ملحقين المخلين
والله خلقهم للنقا والطهاره =من اولً وافين واليوم وافين
اهل الحضاره في زمان الحضاره=وسط البلد ماكنُهم الا سلاطين
وان زان نبت الوسم وانوج خضاره=يتلون وضحً طاغياتً من الزين
اهل الكرم يوم المعاوش نزاره=يوم العرب تركب ظهور البعارين
مكرمين الضيف راع الخطاره=وريف الضعيف اللي شكى الهم والبين
فنجالهم للضيف غالي بهاره=وحيلً تقلط مع جنوب القعادين
شبو بسوق المجد ضو المناره=حتى اصبحو للمجد مثل العناوين
بالمختصر يعني صريح العباره=فعل البريكي نادر اول وذالحين
ابن البريكي وافياتً اشباره=عن موقفه ماينثني احمر العين
راسه يفوح من الحميه حراره=الى زهمته يرتمي دون تثمين
يفرق مابين الناس في طيب كاره=فالواجب اسبق من فروخ الشياهين
في غير سوق الطيب ماله تجاره=يكسب بسوق الطيب وحده وثنتين
طيب البريكي واضحً فيه شاره=الى طلبته عين يعطيك عينين
تدرون ولد ابريك وش هو شعاره=حياة عزً او ممات العزيزين
بريك ماخلف ياكون النماره=قومً على حمل الثقيلات راسين
ف صهيب في زايد وديع الاماره=زايد ملك مأرب طويل الذراعين
دواسرً فينا السطر والجساره=خطلان الايدي فالمهمات راهين
امجادنا ماهي تجينا استعاره=يشهد لنا السيف المصقل بحدين
فينا صلابة روس وقت القشاره=مامثلنا وقت القسى ناس قاسين
زايد معا تغلب طيور الصقاره=وجميله جميله كعام الضديدين
سلومنا نارً على راس قاره= تبقى يالين الله يبعث هل الدين
حنا ودينا جارنا من جداره=وحنا موسمت العصا للمجلين
مامثل فعل الدوسري عند جاره=مضرب مثل رغم خشوم الحسودين
يقولها اللي مااختلف في قراره=شاعر على ماقول عندي براهين
من لابةً تسقي الحريب المراره=لو كان قاسي راس غصبً انه يلين
المجد اخذنا منه ذروة فقاره=الجد عامر والقبيله بدارين





المنشد دغش بن حمد بن منصور الصخابرة

وكان لنا موعد مع الأوبريت الانشادي مع المبدع المنشد دغش بن حمد بن منصور الصخابرة( وجه الوفاء) الهب حماس الحضور بــ الشله الانشادية الجزله من كلمات الشاعرهادي بن زابن الودعاني::::::.::::::







الشاعر سعد آل بريك

ثم ألقى الشاعر سعد آل بريك قصيدةً بهذا الحفل ، حيث يقول في قصيدته :



من منصات المكارم وساحة الافتخار=اقلطوا من جود ربي ومن زود كرمه

ارحبوا عند الدواسر على جال الوجار = عند قوماً دايماً للكرم متولمه

بين بشات الشباب وتراحيب الكبار =نارهم في كل حزه توهج مشعمه

الوجيه الضاحكه من وقار ومن شنار = والصدور مشرعه والحمايا والمه

صبيهم لامن نصيته يقلطلك حوار =وعودهم لامن زهمته يجيله همهمه

ربعي الي فعلهم صار للعالم شعار = العصا توسم وينسى راع الخوف وهمه

قوماً اتضد المعادي ليا عزم وثار = انشدو قوز الشريف المسمى ورضمه

نعتبر اعرق قبيله ولا فيها احتقار=من رضى يرضى ومن ضاق نشرم برطمه

نفرح اليا جى المجنى طناخة وقتدار= هو كذا سلم الدواسر وربي يعلمه

ومحفلن ضم الرفاقه ورتبله وصار=في مقاديمه معزه وكلن يدعمه

عند ربعي محتمين النعم في كل دار =سمعتن اوضح من الشمس ماهي معتمه

عادة آل بريك من عادها ثار ومثار=نكسب جزال المراكز وغالي الاوسمه

حايزينن كل طاله ونكره الانحدار =كاسبين كل فعل مخلد وسهمه

لاعـتلـينـا من طـناخه على قب المهار=القصير انـدلـهـه والمـعـادي نـخـزمـه

ان تربعنا سلاطين وان فعنا حرار=وان نوينا نصرم الطيب يعني نصرمه

وان غزينا نغشي القوم في وضح النهار =ماغزينا بالتختل تحت ستر ظلمه

من بغانا سلم يبشر برفعه وانتصار = ومن حربنا والله ان قد يضيق به انسمه

ندجر اليامن سمعنا الزهم والشر ثار = ونفقد الاحساس والي نوانا نكعمه

ماخذين الموت في الازمه نهج ومسار = لاختلط عج المثاره وفي الجو قتمه

ننطح الموت المصفى اليا طار الشرار = وننشق البارود والروس تصفق مضرمه

وننثني دون خويانا بغاليت العمار =سِعد من صرنا في وقت الشدايد محزمه

ندحم كبار الهقاوي بلا سابق انذار = ماخلق فينا ضعيف ولا فينا رخمه

ومن جزانا طيب مره دبلناله امرار = ومن نوانا بالقشاره حرام ان نعدمه

ولا زبنا من زبنا مانتركله قرار= ننتحر ونموت دونه ولا ينثر دمه

انتميز بالعلو والمعزه والوقار=وعيبنا مانعطي شوي نعطي مكرمه

والطلاقه ختم جوده ماهيب النا خيار =والوفا سجل بسمنا وصارلنا سمه

ومن يشكك في الحقيقة وفي الواقع جهار= علموه الصدق ماكل بيضا بشحمه

تشهد جزال الفعايل ومداتن كبار =ويشهد التاريخ لوما نطقها من ثمه

نبذتن تنبيك عن ربعي وجيه الحرار= وان بغيت ازيد ازيدك بما لا تعلمه

ربعي آل بريك من عادها ثار ومثار=نكسب جزال المراكز وغالي الاوسمه






الشاعر شافي بن راشد النتيفات

ثم ألقى الشاعر شافي بن راشد النتيفات قصيدةً بهذا الحفل
، حيث يقول في قصيدته :


في محفل شيد وكل عنا صوبه=من طيب راعيه كل اجل اشغاله
محفل زعيم على الطالات اذاعوبه=اللي لربعه وجمعاهم نذر ماله
بدراً على اسمه وكل يعرف دروبه=سعد الرفيق وبني عمه ومن جاله
ابومحمد ليامن حل ماجوبه=يسد في ماقفه لو كان بلحاله
هيلع يمينٍ وعاداته ومكسوبة=قولة كفو والنعم كم واحدٍ قاله
وان جاه شرهٍ يزوم وينفخ ذروبه=يقصر قياده بيمناً تلطم اسباله
شيخ دروب الوفا والطيب مطلوبه=حتى تعلا بذكرا طيب فاله
نادى بني عمه لحفله وفرحوبه=وجاوه هل الطيب كل يشعب رحاله
ماهمب في مثل ذالميقاف باجروبه=نطاحة الموقف وللحمل شيّاله
افعالهم في الملاقا دايم اعجوبه=زرقان ياويل حظ اللي تعدواله
زرقان لاعدو اهل الفعل محسوبه=لاوالله الا بعد للخصم عداله
لاد البريكي سنام المجد فازوبه=في كل دار وزمان تكسب الطاله
لاد البريكي ياويل اللي تمالوبه=تاطى على قوته وتقصّر آماله
ان عاد يعلن من اللي مرّه التوبه=وان راح يصبح عشاً للذيب وعياله
كم من عدواً نهار الهوش ضحوبه=شوفة عياله معاد تجول في باله
كم كايد صعب الى من جاوه ارهوبه=من قو عزم يدك طويق وجباله
اهل الكرم والسطر في ساعة النوبه=واهل الحمية ليا زهمو وهياله
قلته وربعي على عدوانها عقوبه=لاد العميري نهار الهوش صماله
من دون قاصر باخد كل بماجوبه=كل ورى الطيب دايم يشعب جماله




المنشد خالد بن محمد آل بريك

وكان لنا موعد مع الأوبريت الانشادي مع المبدع المنشد خالد بن محمد آل بريك الهب حماس الحضور بــ الشله الانشادية الجزله من كلمات الشاعرمحسن بن تركي آل بريك::::::.::::::





الشاعر جري بن شبيب آل بريك

ثم ألقى الشاعر جري بن شبيب آل بريك قصيدةً بهذا الحفل
، حيث يقول في قصيدته :



دعوني بني عمي وهم ربعنا الزرقان=لحفلة بني عمي عسى الله يقـويـها
وقلت أبشروا حاضر وأنا للرفيق مدان=لويطلب عيوني كلها قلت هـاكـيـها
وذي من عوايدنا يال بريك ف أياً كان=وكل الدواسر عزوتي ذي مـبـاديها
ما يغلى على الطيب مايطلب من الشجعان=من طًـيبه تثـمن طلبته يوم يـبـديـها
وأنا جيت يدفعني لكم قلبي الولهان=لشوفت بني عمي وأرحب بطاريها
هلا ومرحباً ترحيبةًٍ شانها أكبر شان=تـعم الحضور وعودٍ أزرق يـباريها
تصافح يمانيكم فـلانٍ وراه فـلان=من أدنا الجليسه لين تاصل لقاصيها
ترحيبة غلى وإخلاص قبل دلة الرسلان=وعودٍ يدور وعًـقبـها الخـير قـافيها
من حـشو العطـّايا اللي وهـبها لنا الرحمن=إتٌـبرك لـكم فـوق الصـياني مثـانيها
هذا نفـعله لوجيهكم من غلى وصفطان=أقوله بإسم ربـعي وتـسـلم يـمـانـيها
هذا لـيـلٍ مـبارك وجـو المـشاعر زان=عندي ومعي ربـعٍ أشـوف السعد فيها
من ترحـيبهم لا شافوا الربع والضيفان=يـشـوّش بـنا ترحـيـبهم يوم نلـفـيها
وهم ربعنا الزرقان ويا نعم ياالزرقان=ياقـومٍ فـعايلها اتـنـومس من ايجيها
كريمن الأيدي فعلهم ف المراجل بان=وحاضر مراجـلهم شـهاده لـماضـيها
نشاماً مـجالسهم مـسـووا لها بـيـبان=من خوف أيتـقيد من ورى الباب ناصيها
خـلوها مضوفٍ دلـته تقـعد العمسان=ويلقا الشحـم فيها مضيّـق صيانيها
كريمين الأيدي فالمراجل مهب بخلان=ماحـاشت يمانـيـهم للعليا ثـعوا فيها
نشاماً مواقـفهم مـاتـلقى بها نقصان=وفـوا والله الوافي ونشكر مساعيها
لهم أرفـع اعقالي مع الشكر والعرفان=وهـاذي تحـية شاعـرٍ قـام يلـقـيها
لكم يابني عمي على كل شيءٍ كان=تجاه الشيوخ اللي حضرت صوب داعيها
طوال اليماني محزمٍ بالفشق مليان=يـنومـس من ايـشـله لكـثرت بلاويها
حزامي وأنا أفخربه شيوخٍ ومن شيخان=حرارٍ يـنـومس فـعـلها يـوم نـطـريها
ايـشوش بكًـم رأسي وأقـوم أصـخر القيـفان=في سـيـرة فـعايـكم ولا نيب موفيها
آل بريك مـجـدٍ للـمـكـارم وله عنوان=شـمـخ جـعـلني فـدوة لحاها وطاريها
وأكـرر لكم شكري ياآل بريك والضيفان=على إسـتـجابـتـكم للـدعـوة وأهاليها







المنشد ذعار بن حمود آل بريك

وكان لنا موعد مع الأوبريت الانشادي مع المبدع المنشد ذعار بن حمود آل بريك الهب حماس الحضور بــ الشله الانشادية الجزله من كلمات الشاعرابرهيم بن محمدالزنيج آل بريك::::::.::::::





ثم ألقى الشاعر محسن بن تركي آل بريك قصيدةً بهذا الحفل
، حيث يقول في قصيدته :


لا اله الا انت ياواحدن ماله مثيل =نعبده وندور رضاه جـلّ وعلا

بسمه ابدا اصخر القاف واعد الجزيل=وجعلني من نور هديه وعفوه ما اخلا

مرحبا ترحيبتن وزنها وزنن ثقيل=نغمتن يصدح صدى صوتها قدم الملا

تنطح الضيفان ويشوفها الطرقي دليل=وتحتويهم بالحفاوه هلا وامية هلا

وتفتح ابواب المحبة من البال الطويل=وتنثني لجل الاكارم تحفّـاي وغلا

بسم قومن فالمواقف تعدّل كل ميل=ربعي الزرقان مجدن تساما واعتلا

لابتن من يوم الامجاد بالسيف السليل=وقعهم يشبع به الطير وسباع الخلا

من يديهم كم خليلن بكت عينه خليل=ومن صلابة روسهم كم عقيدن ماسلا

ومن سطرهم كم عميلن تخلا عن عميل=قدمهم تستجبن ابطال وتخون عملا

نوم عيني ياشبا شذرة السيف الصقيل=ياكيذا الامجاد يامحزمي ولا فلا

من سلايل روس قومن تعسف المستحيل=ندر ترقى الطويلات وتهوم العلا

ربعي ال بريك كسابة العلم الجميل=لابتن في قمة الفخر والعز نزلا

الوفا والطيب ماعنهم وعنّه محيل=والفخر والعز بايع لهم بيعة ولا

والدواسر ساس الامداح مزبان الدخيل=عزوتن للمجد والجود والطيب وكلا






المنشد عبيد بن ذيب الرجباني ( شبل الدواسر)


وكان لنا موعد اخر مع الأوبريت الانشادي مع المبدع المنشد عبيد بن ذيب الرجباني ( شبل الدواسر) الهب حماس الحضور بــ الشله الانشادية الجزله من كلمات
الشاعرسعد آل بريك ::::::.::::::






الــتــكريــــم


قام اهل الحفل بتكريم الشعراء والمنشدين والاعلاميين المشاركين بالحفل والشخصيات البارزه من الحضور الكرام











































تفاعل الحضور مع الشلات
















لقطات عامة من الحفل



في المنتصف رجل الاعمال عبدالله بن مطلق آل بريك

















































































































ختاماً، تتقدم إدارة الموقع الرسمي لقبيلة الدواسرتتقدم بخالص الشكر والعرفان لــ الزرقان آل بريك على الإحتفاليّة وإن هذا ليس بمستغرب عليه أبداً والشكر على حسن التنظيم والترتيب المسبق المعدّ لهذه الإحتفاليّة المتميزه





(صوت قبيلة الدواسر)
موقع قبيلة الدواسر الرسمي
www.alduwaser.org/vb



 

 

 

 

 

 

التوقيع


حسابنا في تويتر

@alduwaser1

    

رد مع اقتباس
إضافة رد


الذين يشاهدون محتوى الموضوع الآن : 4 ( الأعضاء 0 والزوار 4)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
التغطية المصورة لملتقى قبيلة آل بريك الأول بـــ وادي الدواســر الإداره :: قسم اللقــاءات والفعاليات والتغطيات الخاصة:: 5 07-01-2014 01:02 PM
التغطية المصورة لزواج المراقب العام الأستاذ عبدالرحمن بن فلاح آل بريك الإداره :: قسم اللقــاءات والفعاليات والتغطيات الخاصة:: 19 17-09-2012 04:08 AM
التغطية المصوّرة للحفل السنوي الخامس لقبيلة الدواسر بإستضافة ورعاية الشيخ فيحان بن شجاع بن محماس بن سويلمه آل بريك حفظه الله ورعاه. الإداره :: قسم اللقــاءات والفعاليات والتغطيات الخاصة:: 39 30-04-2011 02:03 PM
التغطية المصوّرة لــ حفل الشيخ ناصر بن مبارك بن قريع ال بريك بأم رقيبة الإداره :: قسم اللقــاءات والفعاليات والتغطيات الخاصة:: 18 10-02-2011 05:17 PM
التغطية المصورة لموقع قبيلة الدواسر الرسمي لمهرجان الخرج لمزايين الأبل لعام1427هـ الإداره :: قسم اللقــاءات والفعاليات والتغطيات الخاصة:: 26 18-02-2008 12:00 AM

 


الساعة الآن 01:12 PM


Powered by vBulletin® Copyright ©2000 - 2024, Jelsoft Enterprises Ltd.
---