[ لله ثم للتاريخ ] يا دواسر - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 22-01-2007, 11:44 AM   #1
 
إحصائية العضو








نايف بن مسرع غير متصل

نايف بن مسرع is on a distinguished road


افتراضي [ لله ثم للتاريخ ] يا دواسر

الإهـــداء: لقبيلة الدواسر العريقة عامة
ولأمراء ووجهاء وأعيان وشعراء القبيلة على وجه الخصوص

ـــــــ ((((( لله ثم للتاريخ ))))) ـــــــ
**********
********
******
****
**
*
*
*
*

هواجسي نوادرك صفيها=ولامن طلبت اخيارها هاتيها
واياك ثم اياك غير الجزلة=ترى الهزيلة حالف(ن) مابيها
أبغى كلام(ن) ما يمله سامع=قصيدة(ن) يفخر بها ملقيها
ويطرب لها اللي للنوادر عاشق=واهل المعرفة لازم(ن) توحيها
قصيدة(ن) ما وجهت للتاجر=ولا رجيته حاجتي يقضيها
ولانيب أوجهها لراعي منصب=من شان كسب ارضاه في تاليها
وارفع قصيدي واحشمه واعزه=عن مدح ناس(ن) كان فيها.. فيها
نخيت هاجوس القصيد وجاني=وجهزتنا له دلة(ن) مركيها
جلست أنا وياه جلسة عاشق=اللي نديمه مهرة(ن) يغليها
وسريت ليل الشعر لين أصبحنا=وهواجسي عرفت وش حاديها !
ناديتنا لعيال جدي زايد=اللي حوت الامجاد فعل ايديها
أهل الفخر والمجد وأهل الشيخة=لا زعزع الملطوم جا واديها
وناديتنا لاهل المفاخر تغلب=أهل الظفر والعز من ماضيها
وأهل الكرم وأهل الجناب الطيب=واهل الفعول إلى دعا داعيها
دواسر(ن) وافعالنا مكتوبة=في صفحة التاريخ يا قاريها
دواسر(ن) وحدودنا معروفة=والسيف دون حدودها حاميها
دواسر(ن) دار الغناة اديارنا=ياما نواها طامع(ن) يبغيها
يهيم فيها طامع(ن) في خيرها=ولامن لقانا تاب من طاريها
دواسر(ن) وقفاتهم مشهودة=دون الدخيل إلى لفا ناصيها
ياما انطحوا دونه شيوخ ودولة=وقايع(ن) ما شك في راويها
نجلب نفوس العز دون وجيهنا=ونبيعها لامن حضر شاريها
دواسر(ن) للضيف يرخص مالنا=وذبح السمينة عادة(ن) نصخيها
وجيراننا تبطي وهي تذكرنا=بسلومنا اللي ماحدن يعطيها
ناسم عصا الجيران وسم(ن) بيّن=ويصير ضيف الدار هو راعيها
مع هل الطالات ناخذ حقنا=واهل الحقوق احقوقها نديها
ذكرت نقطة من محيط أمجادنا=من شان أذكّر واحد(ن) ناسيها !
ياعزوتي يالابتي يادوسر=في خاطري لي كلمة(ن) بابديها
بعد هدوء العاصفة يا ربعي=نار الفتن بيدينـّا نطفيها
وبعد خذا الشعار كلن قسمه=عندي شهادة حق يا باغيها
لا ثوّر الفتنة قليل الدبرة=اللي يصوّب يمّها ويخطيها
اللي يثوّر في خباه سلاحه=يبي يجيب علوم ويوديها
من بعد عام 2000 جانا فازع=بكراسته واقلامه يبرّيها !
يحكم على هذا.. ويدني هذا=وصار الخصم في المحكمة قاضيها
يرسم على كيفه ويرضي نفسه=نفس(ن) جهل شيطانها مغويها
وطويق ثابت والرياح اتدفه=والفرقدين بعيد... ياناويها !
الزايدي والتغلبي يا هذا=صفحة شرف بارواحنا نفديها
الزايدي والتغلبي من قبلك=صوارم(ن) تاريخها يكفيها
الزايدي والتغلبي حضارة=سادت وقو اعزومها مرسيها
العز جاهم كابر(ن) من كابر=ملاحم(ن) تبطي العدا تطريها
وباقي القبايل حقهم بالوافي=أهل الفعول فعولها تنبيها
محدن يحوش الطيب له بلحاله=أهل المكارم حقها نعطيها
وختامها.. باقول كلمة مخلص=به كلمة(ن) في خاطري مخفيها
إن( العماني) والعماني( هايف)=يستاهل البيضا وله نعليها
وإن (البليهي أحمد الضيف الله)=كلمة نعم له واجب(ن) نسديها
ربع(ن) توحد صفنا ماتثلمه=وافعالهم الايام ما تمحيها
ياما أتعبوا الاقدام شرق وقبلة=والمجد لاهله سكة(ن) تمشيها
والمدح ماهو حصر للي قلته=باقي النشاما طيبها كاسيها
هذي بيوت(ن) قلتها من هاجس=سريت به مع ليلة(ن) ساريها
أبي يقال: الله يبيض وجهه=من سامع(ن) لاقال: من راعيها ؟
خمسين بيت(ن) قالها ابن مسرع=وعلى الرجال الطايلة مهديها
فيا الله عساها في نظرهم جزلة=لأن الهزيلة حالف(ن) مابيها
((( وسلامة الجميع ))))

 

 

 

 

 

 

التوقيع

؟


alshamekh@msn
آخر تعديل نايف بن مسرع يوم 22-01-2007 في 11:58 AM.

    

رد مع اقتباس
قديم 22-01-2007, 12:34 PM   #2
 
إحصائية العضو







ابومبارك الدوسري غير متصل

ابومبارك الدوسري is on a distinguished road


افتراضي رد: [ لله ثم للتاريخ ] يا دواسر

الشامخ

رائعه بكل ماتعنيه الكلمه

صح السانك مليوووووون ولايكفوووووووو إبداع غير مستغرب من شاعر يروض الحروف الابجديه ..

صح فكرك ومنطوقك

ومن أجمل ماقرأت وتستحق التثبيت

لاهنت يانايف 00

لك الاحترام والتقدير

أخوك

المحبوب

 

 

 

 

    

رد مع اقتباس
قديم 22-01-2007, 12:49 PM   #3
 
إحصائية العضو







جمعاني_غييثي غير متصل

جمعاني_غييثي is on a distinguished road


افتراضي رد: [ لله ثم للتاريخ ] يا دواسر

الزايـدي والتغلبـي يـا هــذا
صفحة شرف بارواحنـا نفديهـا
الزايـدي والتغلبـي مـن قبلـك
صـوارم(ن) تاريخهـا يكفيـهـا
الزايـدي والتغلـبـي حـضـارة
سادت وقـو اعزومهـا مرسيهـا

رائــــــــــــــع رائـــــــــــــــع رائـــــــــــع يابن مسرع والله قصيدة جزلة من شاعر جزل بيض الله وجهك في مدح بني عمك
والمادح والممدوح يستاهلون الطيب كله
سجل اعجابي
اخوك / الغييثي

 

 

 

 

 

 

التوقيع

بالصدر ضيقه ونوم العين هملاجه
عينن من العام والسهر متولجها
نوبن سهرها دموع ونوب نهاجه
ومرن تكن الدموع ومر تزعجها
يالله ياللي بيدك الضيق وافراجه
ياخلق الخلق ياقضي حوايجها
تفرج لعينن اليا غضت بسوهاجه
تجهز عليها الطواري لين تزعجها

    

رد مع اقتباس
قديم 22-01-2007, 04:50 PM   #5
 
إحصائية العضو







مسفر المصارير غير متصل

مسفر المصارير is on a distinguished road


افتراضي رد: [ لله ثم للتاريخ ] يا دواسر

جزله جزله جزله جزله جزله جزله

جزله جزله جزله جزله جزله

جزله جزله جزله جزله

جزله جزله

صح ألسانك يا نايف

قصيده ولا اروع منها

سجل اعجابي بقصائدك الجزله

تقبل تحياتي

أخوك : مسفر المصارير

 

 

 

 

 

 

التوقيع

((( سبحانك اللهم و بحمدك .. أشهد أن لا إله إلا أنت .. أستغفرك و أتوب إليك )))

    

رد مع اقتباس
قديم 22-01-2007, 04:53 PM   #6
 
إحصائية العضو







حنيان الدوسري غير متصل

حنيان الدوسري is on a distinguished road


افتراضي رد: [ لله ثم للتاريخ ] يا دواسر

أبي يقـال: الله يبيـض وجهـه
0000000000من سامع(ن) لاقال: من راعيها ؟
خمسين بيت(ن) قالها ابن مسرع
0000000000وعلى الرجـال الطايلـة مهديهـا
فيا الله عساها في نظرهم جزلـة
0000000000لأن الهزيلـة حالـف(ن) مابيهـا



بيض الله وجهك يابومـســرع

درة من دررك المعتادة بيّـنت لنا اصالتك وحبك للتوحد وقمعك للتفرقة

فبارك الله فيك وأكثر من أمثالك وهذا القصيد الذي يرفع الرأس ويسعد النفس

دمت متالقاً كما عرفتك والله يحفظك ويرعاك

 

 

 

 

 

 

التوقيع



Abu.Mubark


نشيط الوادي

    

رد مع اقتباس
قديم 22-01-2007, 10:42 PM   #7
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: [ لله ثم للتاريخ ] يا دواسر

ذكرت نقطة من محيـط أمجادنـا
من شان أذكّر واحد(ن) ناسيهـا !
..............................................

الشاعر المبدع: نايف بن مسرع

صح لسانك على هذه الجزلة ويستاهلون الطيب الدواسر كافة ولاهوب غريب عليك ذكر ربعك ومدحهم بما يستحقون ويستاهل اللي خصيتهم الإخوين العزيزين ( أحمد البليهي وهايف العماني ) دون قصور في باقي الإخوان أعضاء مجلس الإدارة فكلنا مكمل للآخر من أجل هذا الصرح الشامخ ولك وللجميع المودة والتقدير ،،،،

 

 

 

 

    

رد مع اقتباس
قديم 23-01-2007, 12:29 AM   #8
 
إحصائية العضو








ابو زابن المسعري غير متصل

ابو زابن المسعري will become famous soon enoughابو زابن المسعري will become famous soon enough


افتراضي رد: [ لله ثم للتاريخ ] يا دواسر

بيض الله وجهك ياشاعرنا الجزل ياراع الجزلات

كفيت ووفيت

لاهنت

ويستاهل المدح من دوره

تحياتي

 

 

 

 

 

 

التوقيع

لاصار حظك ردي والوقت ماياوي= مناطح الروس خيرا من مصافحها
وإن لم تكن ذيب في راس الجبل عاوي= اصبحت طمعة لعاويها ونابحها

    

رد مع اقتباس
قديم 23-01-2007, 02:04 AM   #9
 
إحصائية العضو







@الجابر@ غير متصل

@الجابر@ is on a distinguished road


افتراضي رد: [ لله ثم للتاريخ ] يا دواسر

صح لسانك يابن مسرع وقصيدة طيبه من وجهن طيب

 

 

 

 

 

 

التوقيع

يقول الرسول صلي الله عليه وسلم
كلمتان خفيفتان علي اللسان ثقيلتان في الميزان حبيبتان الي الرحمن
سبحان الله وبحمده سبحان الله العظيم

    

رد مع اقتباس
قديم 23-01-2007, 10:23 AM   #10
 
إحصائية العضو







سـعـد بن صهيّب غير متصل

سـعـد بن صهيّب is on a distinguished road


افتراضي رد: [ لله ثم للتاريخ ] يا دواسر


إيه بلاه جزله

صح لسانك يابن مسرع

وقصيدة طيبه من وجهن طيب

ولا هنت

 

 

 

 

    

رد مع اقتباس
قديم 23-01-2007, 11:00 AM   #11
 
إحصائية العضو







عبدالرحمن الشرافي غير متصل

عبدالرحمن الشرافي is on a distinguished road


افتراضي كفوووووووووووو والله يا نايف

أبـي يقـال: الله يبيـض وجهـه=من سامع(ن) لاقال: من راعيها ؟



اي والله تستاهلها


كفوووووووووووووووووووووووو يا ابن مسرع


وبيض الله وجهك


أخي الكبير والشاعر البحر/ نايف بن مسرع


بيض الله وجهك وصح الله لسانك واعتلا شانك يالسنافي على ما قدمة وأهديت لنا من

قصيدة جزلة و وافيه ومضمونها جزل وجميل وهذا غير مستغرب منك

فلك مني ومن جميع الدواسر الشكر الجزيل



وياليت فضلاًمنك يالقرم أنك تنزلها صوتيه إذا تكرمت



تقبل فائق التحيه والتقدير

أخوك الصغير/ عبدالرحمن الشرافي

 

 

 

 

 

 

التوقيع

    

رد مع اقتباس
قديم 23-01-2007, 11:41 AM   #12
 
إحصائية العضو







عبدالله أبن مصلح غير متصل

عبدالله أبن مصلح is on a distinguished road


افتراضي رد: [ لله ثم للتاريخ ] يا دواسر

الزايـدي والتغلبـي يـا هــذا
صفحة شرف بارواحنـا نفديهـا
الزايـدي والتغلبـي مـن قبلـك
صـوارم(ن) تاريخهـا يكفيـهـا
الزايـدي والتغلـبـي حـضـارة
سادت وقـو اعزومهـا مرسيهـا
العز جاهم كابـر(ن) مـن كابـر
ملاحم(ن) تبطي العـدا تطريهـا

الغالى / ابن مسرع صح لسانك وعتلا شانك , كفو كفو كفو كفو
وختامها.. باقول كلمـة مخلـص
به كلمة(ن) في خاطري مخفيهـا
إن العمانـي والعمانـي هـايـف
يستاهـل البيضـا ولـه نعليهـا
وإن البليهي أحمـد الضيـف الله
كلمة نعم له واجـب(ن) نسديهـا
ربع(ن) توحـد صفنـا ماتثلمـه
وافعالهـم الايـام مـا تمحيهـا
ياما أتعبوا الاقدام شـرق وقبلـة
والمجد لاهله سكـة(ن) تمشيهـا
والمدح ماهو حصـر للـي قلتـه
باقي النشامـا طيبهـا كاسيهـا

صدقت انشهد انهم يستاهلون ترفع لهم البيضا وكلمة ونعم شوى فى حقهم
من غير قصور فى الباقين
هذي بيوت(ن) قلتها من هاجـس
سريت به مع ليلـة(ن) ساريهـا
أبي يقـال: الله يبيـض وجهـه
من سامع(ن) لاقال: من راعيها ؟
خمسين بيت(ن) قالها ابن مسرع
وعلى الرجـال الطايلـة مهديهـا
فيا الله عساها في نظرهم جزلـة
لأن الهزيلـة حالـف(ن) مابيهـا

اى بالله بيض الله وجهك , واى بالله انها جزله جزله جزله
الغالى / نايف بن مسرع صح لسانك للمره الثانيه وقصيده لها روح
والله لايهينك يالقرم
اخوك / سعود الخييلات

 

 

 

 

    

رد مع اقتباس
قديم 23-01-2007, 12:34 PM   #13
 
إحصائية العضو







ابن محمد الودعاني غير متصل

ابن محمد الودعاني is on a distinguished road


افتراضي رد: [ لله ثم للتاريخ ] يا دواسر

كفو كفو كفو

وبيض الله وجهك وتلرفعلك البيضاء

مدح ذكرته في بني عمك وقبييلتك انا اشهد انهم يستاهلونه

ويستاهلون ابو مبارك وابو عبدالرحمن الثناء والمدح على جهودهم لقبيلتهم


وصح الله السااااانك ملاين يابو مسرع
تحياتي

 

 

 

 

 

 

التوقيع

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
حنا دواسر والعلوم أسماني لاحم دت نت :: قسم قصايد مدح وفخـر في الــدواسـر :: 3 11-11-2010 01:56 PM
الشاعر الكبير تركي بن هذّال بن نيف الودعاني في لقاءٍ (حصري) مع الموقع الرسمي لقبيلة الدواسر العريقة . الإداره :: قسم اللقــاءات والفعاليات والتغطيات الخاصة:: 33 29-09-2010 05:54 PM
دواسر من فعلهم يشبع الطير ناصر الشكره :: قسم إبداعات شعراء المنتدى ومساجلاتهم :: 23 22-08-2010 02:16 AM

 


الساعة الآن 02:15 AM


Powered by vBulletin® Copyright ©2000 - 2024, Jelsoft Enterprises Ltd.
---