آآآآآآه يا طـول صـبـري

**معلومات** **العضو** · 22-11-2010, 05:47 PM

السلام عليكم ورحمه الله وبركاته

حبيت اشاركم هالقصيدة وعساها تنال على اعجابكم.

آه يا طول صبري يا الله انك تعَين=باح سدي وصبري من المخاليق باح ‍
كل ما قلت هانت كم يوم وتزين=جدد الهم في قلبي جميع الجراح ‍
لا تذكرت وقت لي مضى من سنين=نحت نوح الحمام اللي على الدوح ناح ‍
كيف ابسلى وانا همي على كل حين=ليتني طير وأكفخ يا فهد بالجناح ‍
آه يا وجد قلبي وجد عود حزين=عقب ذيب المعارك ما أهتنا بالمراح ‍
كلما حل طيفه صاح يا من يعين=وكلما جاء بياقف انكسر ثم طاح ‍
او كما وجد منهو في المخافر سجين=راح عمره وهو يرجي العفو والسماح ‍
يا عيوني عليك الله لا تذرفين=دمعك اللي من الضيقه تحدر وساح ‍
ويا عيوني ترى والله دمعك ثمين=وش يفيد التوجد و الأسى و النياح ‍
طال ليلي وعيت شمس فرحي تبين=مير أبنشد طوال الليل لين الصباح ‍
يا الله انك عويني يوم مالي عوين=ترحم اللي سقاه الهم سم ذحاح

تقبلو مروري سعد بن هادي