باالهون ياقوس الفراق المـسري

[معلومات العضو تآج روس السلاطين]

يـامــل قـلــبٍ عـــن ربــــاع الــتــورّي
اقفا به حصان العيـاف الجموحـي..
طـــوّل وقــوفــي يـاعـزيــز الـتـحــرّي
هاذي معـاذيـري وهــاذي شبـوحـي..
عـيّــت مــوازيــن الـلـقــاء تـسـتـقـرّي
مابين سلهـامـه وقـلــبٍ شـفـوحـي..
بالـهـون يــا قــوس الـفـراق المـسَـرّي
سريت هاجوسـي وعنـيـت روحــي..
تـرهـق مـجـاريـرك سـبـيـب الـتـطـرّي
وتوقض مافي الخافق نيام الجروحي..
وتكـثـر عـلـي مـــن الـــزّرا والـتــزرّي
ونا بلـيـاهـن كـفـانـي سـروحــي..
صـلـف الـفـراق الـلـي مـزونـه تــورّي
عين المـفـارِق بــارقٍ مـــا يـلـوحـي..
طـاحــت مـقـاديـم الــــوداد الــمــذرّي
ونزعت رسيّه ما بقـى لـه صروحـي..
الـصـبـر غـــدرا. والتـمـانـي تـجــرّي
دمعً تــردد. مـــا تـــردد مـزوحــي..
يـالـيـت دمـعــي بالـمـحـاجـر يــقــرّي
ماداج سيلـه بالـمـداج الشبـوحـي..
مــا دام لا يـقـضـي ولا هـــو مـبــرّي
دون الستـيـره راضــيٍ بالنـزوحـي..
الـبـعـد كـــيٍّ بالـضـمـايـر مــضــرّي
ومـزعن وقـوعـه بالحـشـا ماتـروحـي..
البـوح عقـب السـتـر شــاف التـعـرّي
والصدرمـن نـار التوجّـد يفـوحـي..
وجـدي علـى مامـون جهـري وســري
الـي لفحـنـي بالجـديـل اللفـوحـي..
دونـــه غيـاهـيـب الـزمــان الـمـصــرّي
على الـمـفـارَق والمـعـنّـى يـنـوحـي..
يــا الله بلقـيـا تنـعـش الــروح بـالـرّي
ياباعثً يـوسـف ومـوسـى ونـوحـي..
هـذي هـي علومـي وخـيـري وشــرّي
وهاذي تماثـيـل الـمـودّ النـصـوحـي..


ناصر مـنقره البلوي