انـا مـن ورا يبريـن كنـي ورا بـيـروت=ويـاويـش عرفـنـا العبيـلـه ويبـريـنـي
الا يـأم سالـم جاوبينـي بزين الـصـوت=تريـنـي مغـيـر ادور الـلـي يلاحيـنـي
وتريني قصيرك فالخلـى مـا بنيـت ابيـوت=ولا عشـت بـيـن المـدرسـه والبساتيـنـي
ولاني مـن اللـي يعشقـون البحـر والحـوت=ولانـي باحـب الضعـف لاجـل الملاييـنـي
ولانـي بتاجـر زود ثـورً(ن) حياتـه قـوت=ابـي مـا يسـد الحـال واسلـم مـن الدينـي
ولاني باحـب اسهـر علـى طقـت البيلـوت=ولا قلـت قومـوا خـلـوا الــدور ياتيـنـي
ولا همني صـن اربـع اميـه معـى كبـوت=ولا قمت افـل اسـراي فـي جنـب خمسينـي
انـا ماتكلـم ليـن اشـوف الرجـال اسكـوت=علـى شـان كـلاً ينتبـه لــي ويوحيـنـي
ولا وصف الا وصف شـيً(ن) عليـه اثبـوت=مـن العاقـل اللـي كنـي أشوفـه أبعيـنـي
رقدت وصحيت وقمت خايـف يفـوت الفـوت=انـا مـيـتً(ن) مالقصروالـبـر يحييـنـي
هبايب صحـاري نجـد والبـر قبـل أمـوت=علـي الحـرام انـه الـدوا اللـي يداويـنـي
وعلى الجنب الايمن صنعت الروس تحت الكوت=لـي الله والاشـرم حـالـفً(ن) مايباريـنـي