السلام عليكم ورحمة الله وكل عام وانتم بخير ياوجيه الخير
ومبروك عليكم قرب حلول الشهر الكريم اعانني الله واياكم على صيامه وقيامه
ونيل المغفره والأجر والقبول من الله تعالى

وبعد هذي ثاني مشاركه بصفه عامه واول مشاركه في قسم الشعر النبطي

المواقف لها دور في رسم احاسيس ومشاعر الناس في كل ارض وتحت كل سماء ولو كانت
خارج القطر الاسلامي ومع اليهود والمسيح مالها دخل الا ان ترسم الانطباع
وانا هنا لم اكتب لوجه المجامله لكم لا والله ولستٌ شاعرً متمكن اجيد المديح
ببراعه لا بل اجتهاد مني في الرجال الطيبين ولله ماعديت ربع الى في الاجواد شرواااكم
ولاش اقصور في احد من سائر القبائل الاخري
اطلت عليكم الموضوع
بختصار اصلً اكبر شرف لي امتداح الكفوين من الرجال من سائر البشر
والموضوع وقصته
كان لي بعض امور الدنيا وعنزتلي على رجال منول
مرهي فيه ومحري بشي ما يتوقعه هو في نفسه وزلقت حبة الشمري
وكسرت الدريشه وراااه هههههههههههه بتاع مكتبه
ووقعت في مازق ونظرت يمين ويسار وشفتلي لي رجال عليه وقار الرجوله
وسمات العقلانيه الفذه الاصيله وسماحه الوجه
فسلمة عليه وقلت له
انت وش انت قال وش تبي ؟
قلت ابنصاك في علم, ان كان ونك رجال
فقال لي دوسري وقلت ووووووونعم
ونعم والمعذره منك بل انك من اوفاء
الرجال وعربها فشكيت له مشكلتي وفزع وماقصر والله انه ماعلمني بسمه
وهذا الي ماخلاني اذكر اسمه في القصيده
والمشكله انه ماهو عندي في نفس محافظتي التي اقطن بها بل في اخر الساحل الشرقي
وابعد عنه مسافه ولا مديني ماتركته كذي والله اني مااتركه ان شالله .
وكتبت كم بيت بعد ما قضالي حاجتي وعطيتهيه وشكرته
ومضيت في سبيلي والمعذرره والله منكم كلماتي( نقطه من محيطات علومكم الغانمه) ياوجيه الخير

وعذروني على التقصير مقدماً واخيراً

الله الله

اشهد ان بعض العرب ماينعنيله = ياحسافه انه من قوم وحمايل
يالدواسر والله انكم اطيب قبيله = فالعرب واطيب قبيله فالقبايل
يوم قدح الزند في راس الفتيله =يشهد التاريخ لكم اروع فعايل
لابتن شجعان ترقون الطويله = بالكرم والطيب وبكل المسايل
للخوي والجار والعاني دخيله =يومها بالسيف والخيل الأصايل
كاسبين الطيب هو وي الجميله = ستر دعجات العيون ام الجدايل
دوسري والنعم ماشي(ن) يحيله = وان تنخوابه خوي بفعل فعايل
مرويت حد السيوف اللي صقيله= يوم بعض الخلق مدري كيف قايل
يوم بعض الناس مافيها عقيله =وان بغت لطيب ضوت للفشايل
لن كف اهل البخل دايم بخيله =مابعد ضريت على كسب الجمايل
والليالي بين عدل وبين مايله = ذوقتنا المر وصنوف الهوايل
ذوقتنا الحنضله والزنجبيله = لننا مانتقن افنون التحايل
وش نسوي دام مافاليد حيله = واليالي بين حط وبين شايل
والسلام اختام والقصه طويله = والبروق اتلوح في غر المخايل