::: مـنتدى قبيلـة الـدواسـر الـرسمي ::: - الله من فكر من الهم منداش (للمرحوم عجب بن حمد القواسيه المخاريم)

اقتباس:

الله مـن فكـرِن مـن الهـم مـنـداش
و يا عيـن ياللـي لـذة النـوم تشنـاه
اتعبت رجلـي بيـن مسـرا و مغبـاش
واللـي تمنـى خاطـري مـا وصلنـاه
و اصداقنـا بـارو ولاعـاد معـنـاش
وشح الزمـان ولا بقـى بـاب بنصـاه
ياما عطينـا يـوم مـا يعطـي الـلاش
و يا مـا نخانـا ضاميـاً ثـم سقينـاه
اذكارنـا بالطيـب مـع كـل طـرّاش
طيب مـن اجـدادي و ابويـه ورثنـاه
من عقب قـل المـال ماعـاد نسـواش
مـن فضـل ربـي لا بغينـاه جبـنـاه
لو ناشنـا مـن جـور الايـام مانـاش
اصبر وغيـر الله تـرى مـا رجينـاه
منصى الذي لا شافنـا صـد وانحـاش
مـن صـك بابـه دوننـا مـا طرقنـاه
ولو حاجتي عند الـردي بـارد الجـاش
اموت انا افضـل مـا ترجيـت حسنـاه
ولو هو قريب الجـد مـا ينفـع الـلاش
ولو كان عضو مـن اعضانـا قطعنـاه
مـن باعنـا بالرخـص بعنـاه ببـلاش
حتى ولو يصعب علـى القلـب فرقـاه
من بـاع طيبـه بالدنانيـر مـا عـاش
وش هـي حياتـه والمراجـل تـعـداه
خسران في دنياه خسـران مـا حـاش
الا النمـايـم بـيـن هــذا و هــذاه
الطيب ما هو طاش ما طاش يا طـاش
الطيـب طيـب منبعـه طيـب مجنـاه
الطيب لأهل الطيب ما هـوب يخفـاش
و مـع التجـارب كـل شـي عرفنـاه
قـد قالهـا عمـي محمـد ولا عــاش
خـذاه مـا خـذا والـدي يـوم يرثـاه
تشرب جروح الوقـت قافـه و تعتـاش
زيـن المثايـل فـي قصيـده لقيـنـاه
ابديت ما فـي القلـب ينهـش تنهـاش
مـن واهـج الدنيـا و جـرح كنينـاه
جرح بقلبـي ميـر مـا ظـن يبـراش
عـزي لمـن راحـت حياتـه معانـاه
و صلوا على من وجهه ابيض من الشاش
محمـد رســول الله نبـيّـن تبعـنـاه

يا سلام قصيده عملاق من عمالقت الشعر رحمه الله
لاهنت يا شافي على طرحها