|
رد: حضر يالطالب تراني شايفك تشارك ؟
استلم ياشنب
والاخوان شكلهم يبونا نستعجل الله ياقوي الحيل
الوقت هذى كلّ حاجه غريبه=طقاقه الحفلات صارت طبيبه دام الشهاده تشتريها الحبيبه=الناس تدرك حقها دونه تموت
هيكل السالفه رقمه ثمين=لو يغير بطرح اشكالها لو يحاول يقول محمدين=شاقرٍ بينها بفعالها |
رد: حضر يالطالب تراني شايفك تشارك ؟
الله يشرف مقدارك يالطالب :
علّم جحا وشلون عدّه وعدّه=يحسب على ماكان يبغا بودّه مايدري انّه بيّح الوقت سدّه=الناس تدرك حقها دونه تموت
هندوراس أصبحت مع ريّسين=ذاك رسمي وذا مغتالها والمواطن يعيش بحالتين===مادرى ويش جا باحوالها |
رد: حضر يالطالب تراني شايفك تشارك ؟
مشكووووووووووورين أخوااااااااااني والعذر منكم بطلع
وبكره راح أشوف محاورتكم إذا الله راد واسعدني متابعتكم |
رد: حضر يالطالب تراني شايفك تشارك ؟
اقتباس:
وسعدنا بمشاركتك |
رد: حضر يالطالب تراني شايفك تشارك ؟
لله درك ووبيض الله وجهك
حنان عشراوي من اول مذيعه=واللي يبي منها مقاله تبيعه لكنّها جابت مقاله شنيعه=والناس تدرك حقها دونه تموت
ليت من حجهم ذا سالمين=كان ما ضيّعت مدخالها من خبر عمرةٍ عن حجتين=علّم اللي عبث بعقالها |
رد: حضر يالطالب تراني شايفك تشارك ؟
ماتشوفين شر ,,, والظاهر اني طولت عليك ياالطالب
مع العلم كلنا نبي الممسى لكن بختمها ياكحيلان وتشرفت باللعب مع شاعر مثلك وآمل اني احاورك في الايام القادمه |
رد: حضر يالطالب تراني شايفك تشارك ؟
ووجهك ابيض :
قام المحيط اليوم يضرب محيطه=وابيات شعره بالوفا مستشيطه مادام صار الوضع عكس الخريطه=الناس تدرك حقها دونه تموت
ثوّرت فالخبا من حاجتين=والعرب طالعت في جالها من زرع ثوم يقطف حالتين=العنا والقهر تجوالها الرد الاخير عندك ,,, واستمتعت بهذه المحاوره معك ,, وتصبح على الف خير |
رد: حضر يالطالب تراني شايفك تشارك ؟
حياك يالغالي ولي الشرف باللعب مع امثالك
كنّا وكنّا يوم كنّا وكنّا=واليوم ماكنّا بقوله مكنّا وبعض الحكايا باللحا لكلكنّا=مانلحق الشرهات لو روّحن فوت
كبرّو فالعشر يامسلمين=جعل ربي يزّين فالها وصح بدنك ياشنب ملايين وسلمو ثمّ صلّوخاتمين=للنبي عدّ ذرّ رمالها وتشرفت باللعب معك يالغالي تصبح على خير |
رد: حضر يالطالب تراني شايفك تشارك ؟
السلام عليكم
الله الله ياسلام ياسلام واصل واصل صح الله السان الشعار صفوووووووووووووووووووووووووووف الليل الليل تحياتى للجميع |
رد: حضر يالطالب تراني شايفك تشارك ؟
وعليكم السلام
ياهلا يابدر ياخي وين ذا الحماس البارح والا ممسين بدري ؟ على العموم صح بدنك والله لا يهينك |
الساعة الآن 04:43 PM
 |
Powered by vBulletin® Copyright ©2000 - 2026, Jelsoft Enterprises Ltd.
---