هلا ومليون غلا فيك اخوي الغالي الشاعر محمد بن فراج الدوسري
اشكرك اخوي الغالي على هذه القصيده الرائعه والجميله وصح لسانك واليك الجواب
يالله ياللي تعلم السر والغيب==يارب سترك ياسريع الإجابه
يامن سقيت بغيثك ارض المجاديب==الحمدلك ماهل مزن السحابه
هيض ضميري شاعرن فيه تأديب ==في المنتدى الرسمي قرينا كتابه
تعبير شاعر خاض كل التجاريب==في المنتدى طالعت معنى خطابه
كل الصفات الطيبه في هل الطيب==واتهيض الخاطر بهرجن قرأبــه
من نسل دوسروافيين المواجيب==رجال شاعر خط مايعتنابـه
هذا أبوفراج وافي المواجيب ==فلا اختلط بارودها في ترابه
راعي الكرم والجود من دون تكذيب==راعي المكارم والوفاء والطيابه
أرحب يابو فراج يابن الأعاريب ==أهلا هلا ترحيب مااحصي حسابه
ياابن الاكارم عاليين المراتيب ==أرحبت يانسل الرجال المهابــه
هيضتني ياللي نظمت المكاتيب ==ياذيب ياعاوي بروس الشعاابه
قل لي وش اللي سبب إعواك ياذيب == ابشر بعزك ياسليل الذيابه
احنا هل الجودات وأهل المكاسيب == مقداركم ياذيب عالي جنابه
ياساعدالمحتاج وقت المكاريـــب== ياصاحب القيفان كنها عصابه
تنهش كياني نهش مثل المكاليب==طالعتها والقلب جدد مصابه
واتجددت فيه الجروح المعاطيب==ياونتي بليغ الإصابـــه
خلوه ربعه للعــــداء والتعــاذيب==في وقت خلانا هدف لإنقلابه
حطم قوانا في زمان التراهيب==يارب غالي يجهلوا في حسابه
أسباب منها شاع في راسي الشيب==وليل البلاء تمسي تعاوى ذيابه
ولحم الجوازي في بطون الثعاليب==ويامال صقرن ممتثل لإغتصـابه
داخل قفص مهتان ماله مخاليب==ياصاحبي يكفي السجين إنتحابه
لو يطلقونه من سجون الغياهيب==ياصاحبي ردي لكم في جوابه
وأرجو السموحه في قصور المكاتيب==ذا قول من له قلب شيب شبابه
والله يشهد كم طوتني المتاعيب ==واهدي تحياتي لكم بالنيابه
بالمسك والريحان والعطر والطيب==وصلوا المختارذي يقتدابه
محمد المختار واله لاقاريـــب ==صلاه ماتحصى بجملة حسابه
وأصحابه الأخيار قوم المشاهيب == اهل المكارم والوفاء والطيابه
وسلامتكم
ارجوالسموحه علىا لتقصير لاني مشغول شوي وكتبت هذه الابيات رد عليك تحياتي لك
اخوك المخلص علي بن درهم الاشول