يامدورين الطيب ماهو بالمنا=الطيب عند الغانمين أقسام
الذل يرضى به من الناس خامل=والحر عاف الخاملات وشام

الأمير عبدالله الفيصل

كامل الأوصاف زينـك مستثيـر وجمـا=والعذر كل العـذر للقلـب مـن آهاتـه
لاتزيـده لاتزيـده فـوق همـه هـمـا=مابقابـه طاقـة(ن) للهم مـن عثراتـه
داخلٍ(ن) باللي منزل مع تبـارك عمـا=اكسبي اجر الكريم وحصلـي حسناتـه
شوفي جروحٍ(ن) بقلبي مارضت تلتمـا=شتت الهجر المولـع مالقينـا شتاتـه

لامت من همي ولا عشت مرتاح = لاحدن نظر فيني ولاحدن درابي
سترت همي لا تبدّى بالامزاح = ورضيت في همي وهو ما رضابي
يا ويش اسوي كل ماقلت ينزاح = عني تشبث وانتهض والتوا بي
ماكنه الا الطير لا شاف تلواح = وما كني الا صيدته لا عثا بي

ماللرفيق إلا رفيقه إليا إعتاز =إما نفع وإلا بلاش الرفاقه
أحدن لنا في مكسر الساق معكاز =وحنا له المعكاز في كسر ساقه
وإلا الردي إسكب على صحبته قاز = إحرق غلاه ولا يهمك فراقه

عامر الجعيدي

كل شئ غير ربك والعمل=لو تزخرف لك مرده للزوال

ياخوي انا شيمتي ماني مضيعها =ورزقي علي خالق الذره ومحيها
وكرامتي غاليه ماني ببايعها = اغلي من المال والدنيا ومافيها
وان شفتها مقفيا ماني بتابعها = الحبل في عنقها والقيد بيديها
دنياك هذي قصيفات مطامعها =والروح مثل السلف والموت جافيها
لها عميلٍ حدا الايام ينزعها= لو انه امهل لها ماهو مخليها
ونفس الفتي طبعها يغلب تطبعها = وكلٍ علي السكا اللي كان ماشيها

ماكل عين تذرف الدمع بأحزان = وماكل من يضحك يعيش بسعاده
كم واحد دمعه على الخد هتان = من زود همه يذرف الدمع عاده
يحاول انه يبتسم قدر الامكان =ويضحك ونار الحزن تحرق فؤاده