سليت سيف الغلا شاهر ومشموخ=على ذيك الرجوم ربى روخه

وصبيان الدواسر دولة اب ٍ وجدّان =لا شانت الأوقات هم ما يشينون
فالقوا الذي ياجي تراحيب صفطان = وقوموا بحقه لين عنكم يراضون
تراهم حمانا لا أجدبت جمع الاوطان = بالمال والشيمه علينا يجودون
ترى الضيف ضيف الله ويسعد بالاعوان = من يكرم الضيفان لوكان مديون
وحدان غامد راقبوها بالاعيان = ولموا عصا الشيمه مع اللي يلمون
ويا أولادي أوصيكم في السر واعلان = باكرم اهل العلم والفقه والكون
تراهم سراجا نقتديه في الاوطان = ونور لنا بالحق والرشد يهدون
و أوصيكم الله لا يفرق لكم خان =على زلة ابن العم دايم تغضون
وصونو مراجلكم بتعمير الاودان = تراها تخلي العرض عالناس مصوون

أعز نفسي عن هل الدون وأشوم = وأشوم في راس الشرف والمعزه
وأشوم عن ناس(ن) رديين وارخوم = وأخاوي اللي من الرذاله منزه

طال السفر..والمنتظر مل صبره=والشوق يا محبوب في ناظري شاب
رد النظر..خليت بالكف جمره=سعيرها في داخل القلب شباب
عز الخبر..والمهتوي ضاق صدره=يا من يرد العلم عن هاك الأحباب
طيفه عبر..ما أرسل مع الطيف عذره=هو خاطره من لوعتي ما بعد طاب
هو ما ذكر..أن الجفا فيه كسره=للخافق اللي من هوى صاحبه ذاب
يا ما سهر..طرفي على حبس عبره=اردها والوجد للدمع جذاب
دمعٍ حدر.. جاله على المنع جسره=عظيم وجدي للدمع شرع الباب
يوم وشهر.. عزاه والعمر مره=والناس واجد لكن الولف غلاب

قال السراب وقلت ظامي سـرابه =قال الهلاك وقلت لعيون الاحباب
يا لايمي في حب متـرف شـبابه =الموت حق ولاتبـرق في الاسباب

نجم سهيل

الله من قلب يزيد ارتهاجه=يلعب به الهاجوس مع كل فجي
كنه على موج البحر فوق ساجه=بعواصفي منها البحر مستجلي
والدمع من عيني يزيد انزعاجه=يشدي هماميل السحاب المحجي

الميدان

هلا بك عد ماهـبت هبايـب وانتثـر همـال =هلا باللي ليا جيته ضحك لـي ثـم هلابـي
هلابك والقصايد دامها في حضرتك تختـال =بيوت الشعر في وصفك عن الشعر ترقابـي
انا ماقول شعري جزل لكن الوصوف جـزال =غلب وصفك وصوف الغيد الاياقمة اعجابي
انا لامن كتبت الشعر في وصفك تذوب جبال =لا والله لاكتبتك فالقصيده ذابـت اعصابـي
احبك كلمة ٍ.... لكن ماهي في هواك تقـال =انا ودي بكلمه عن كـلام الحـب تزهابـي

يادرع حكام العرب يا شوق تلعات الرقاب =يانافع الناس بزمانٍ قلّت إبه المنفعه
سلامتك كثر البكا اللي ينزف بدعوة مجاب =وسلامتك كثر الدعا اللي رحمة الله ترفعه
وسلامتك كثر الغلا وكثر الملا وكثر العتاب= وكثر الزهر وكثرالمطر وكثر الشجر وكثر أفرعه
وكثر اللي ما بعده عدد.ولا يوصّل له حساب =وكثر اللي ما اعرفه ولا اسمع فيه.ولا راح اسمعه

ابيات من قصيده لي نشرة في مجلة قطوف

الكلمه المطلوبه

العرب

أنا ربتني الدنيا على جزل العطا والجود =ونفسي للوفا والطيب وفعل الخير جزامه
وأعارض منهج الهابط وأوافق للصعود صعود =وأسيّر نفسي بعقلي مدام النفس هدامه
ولا تثّر بي البسمة ولا كحل العيون السود =ولا يقوى على قلبي صغير الحسد وأجسامه
أردّ الجود بأمثاله وأقابل بالجحود جحود =وترى لا خير في رجلٍ يوطّي للردى هامه
وعندي مع أهل العِليا مواثيق وثلاث عهود =أوفي له مطاليبه وأودّه وأرفع أعلامه
أعايش مركب الدنيا على متن القدر مولود =أبعرف هو صحيح إنّ القدر بالناس دوّامه ؟
ومن وين الزمن مقبل وإلى وين الليال تقود =ومن في هالزمن يقدر يوجّه خطوة أقدامه
ومن له بالزمن غاية ومن عنده هدف منشود =ومن منّا قدر يعرف خفايا مقبل أيامه ؟
عرفت إنّ الشقا باقي ، عرفت إنّ الحسد موجود =عرفت إنّ القدر يفرض علينا بأسوأ أحكامه
لقينا بالعرب حاسد وشفنا بالعرب محسود =وبه ناسٍ لنا ضامت ، وبه بالناس منظامه
وينقص بعضنا خوّه وينقصنا وفاء وعود =مدام الحسد باقي وبعض الناس نمامه