|
ابداح الصليبيخ البرازي واخيه والشيخ فلاح بن حثلين
السلام عليكم ورحمة الله وبركاته وبعد
توجه بداح الصليبيخ واخيه بداح بتسكين الدال للعجمان ونزلو على الشيخ فلاح بن راكان بن حثلين نتيجة خلاف مع جماعتهم ومكثو معهم ما يقارب الاربع سنوات لهم مالهم وعليهم ماعليهم حتى اصبحو منهم وفي احد الايام عزم ابن حثلين على الغزو كعادة القبائل في سابق الزمان وتوجه ومن معه من قومه وبداح واخيه الى منازل البرازات وايقن الاخوين بالامر وان تلك الغاره على البرازات وعند توقف الجيش لاقتراب الليل وقربهم من البرازات اشار بعض من الرجال على ابن حثلين بقوله تغزي البرازات ومعنا اثنان منهم اربطهم او امنعهم من الغزو وارجعهم فقال هؤلا اصبحو منا وكيف اربطهم او امنعهم ضعو عليهم رقيب وحدث ذلك وقد اتفق الاخوين ان يذهب احدهم يخبر جماعته وبقى الاخوين يتمثلون النوم حتى اقبل الفجر وأستئمن الرقيب البشري منهم ونام فقام احدهم وتوجه لفرسه واخذ يقتادها مشيا بهدو خشية ان يستيقظ احد من صوت الفرس حتى ابعد عنهم وتوجه لجماعته وابلغهم وعند الصباح واستعداد القوم للتحرك سئل عن بداح فلم يعلم احدا عنه وتوجهت الغزيه لمسارها وعن الاقتراب شاهدو الفرسان على ظهور الخيل مستعدين للمواجهه منهم فارس نجد المشهور عرهان ابن باتل البرازي وشلاش بن لحيان فأيقن ان القوم لديهم علم وابلغ الموجود معهم ان شئت ان تذهب او تبقى وتوجه لجماعته وحصل الصلح وبعد فتره توجه بداح واخيه لابن حثلين فأكرمهم واعطاهم حلالهم الموجود مع العجمان قبل الغزوه وعادو وقال في هذه المناسبه شاعر من البرازات جانا على الهجعه نذير // القوم في راس النباه ناوي مع الغبشه يغير // فلاح وجموعه وراه ربعي برازاتن تجير // لا زعنفة روس العداه تشهد على قولي مطير // واللي ورا هاك الحصاه |
رد: ابداح الصليبيخ البرازي واخيه والشيخ فلاح بن حثلين
كفوووووووووووووووووووووووووووووو
بالسهول والعجمان ولاكن السوال هل فلاح هذا ابن الامير الشاعر راكان ابن فلاح بن حثلين ؟؟؟؟ اخوووووووووك ابوووو زيد الغييثي |
رد: ابداح الصليبيخ البرازي واخيه والشيخ فلاح بن حثلين
اهلا وسهلا بك
ماعليك زود واعتقد انه اب الامير والفارس راكان بن حثلين |
رد: ابداح الصليبيخ البرازي واخيه والشيخ فلاح بن حثلين
لا هنت يا كحيلان على ذا السالفة والنعم بالجميع وفلاح هو ابن راكان اما ابوه فأسمه فلاح بن حزام بن حثلين وهذه إحدى قصائد فلاح بن راكان بن حزام بن حثلين
الشيب يا خالد بدا قبل حله=فانكان ذا كبر فلاني بجزاع مدري بلاه مفارق الخل خله=والا البنادق يوم ناتي لها انصاع ياما نطحنا من جموع مظله=وياما عشقنا من حسينات الاقناع وياما خذينا دق ذود وجله=ماعاد ينفع فيه صايح وفزاع تشعاه قوم صابحت منزل له=مثل السباع اللي مضاريم وجياع ولحقوا هل البل مانوونا بذله=على ظهور مجاذبت كل مصراع وقدها ورانا واحتما الهوش كله=ثم اعترض بالسوق شاري وبياع وردوا بني عمي بخل وسله=ترجف حوافرها ويرجف بها القاع اليا اقبلت كنها القنوف المظله=ولا زعزعوا مرزوق ياتنك ارياع ترمى الجنايز مثل رمي الأجله=يشبع بها ذيب الدويه الا جاع اقفا كبير القوم كونه يشله=اما قدم والا صويب ومرتاع من ضرب ربع للمقاتل امدله=عجمان لامنه وقف عابر الصاع نواسة الحربي ليا شان دله=لينه يجي عقب الصعاطير مطواع خصيمنا جمعه غدا فيه خله=لاهوب للجه ولاهوب للقاع حرب مشينابه على كل مله=بفرنجي ضربه يجي له تنيزاع وان بكر الوسمي بحسب الهله=نرعى الخطر غصب على كل طماع حريبنا يقفي وكبده مغله=اليا ذكرنا في حلا النوم يرتاع واليا عقد عقد لزوم نحله=وليا ذرع ذرع جزيناه بالباع وان صاح صياح على راس تله=جينا على قب سريعات الافراع والطير الأبرق ماينجيه ذله=لا جاه حر لأبرق الريش شلاع تقبل الود والتقدير |
رد: ابداح الصليبيخ البرازي واخيه والشيخ فلاح بن حثلين
بيض الله وجهك يا كحيلان على السالفه الجزله
|
رد: ابداح الصليبيخ البرازي واخيه والشيخ فلاح بن حثلين
لا هنت يا كحيلان على ذا السالفة
والنعم بمطير والعجمان |
رد: ابداح الصليبيخ البرازي واخيه والشيخ فلاح بن حثلين
بيض الله وجهك يا كحيلان على السالفه الجزله
اشكرك جزيل الشكر اخوووك ابوزابن |
رد: ابداح الصليبيخ البرازي واخيه والشيخ فلاح بن حثلين
حياك يالنمر
ولاهنت على القصيده |
رد: ابداح الصليبيخ البرازي واخيه والشيخ فلاح بن حثلين
كفو والله بالجميع
ولاهنتوا على السالفه وعلى القصيد |
رد: ابداح الصليبيخ البرازي واخيه والشيخ فلاح بن حثلين
ربعي برازاتن تجير // لا زعنفة روس العداه
كفوووووووووو بالسهول يقول الشاعر سعد بن جدلان في محاورة مع شاعر سهلي : انتم برازات السهول المؤمنون **** بعض المراضى عندك طبٍ لها :) ولاهنت يا كحيلان على هذه القصة اللي تحمل بين طياتها العديد من مظاهر المرجل والشهامه تحياتي لك |
رد: ابداح الصليبيخ البرازي واخيه والشيخ فلاح بن حثلين
لاهنت يابن وتيد تشرفت بتعليقك
|
رد: ابداح الصليبيخ البرازي واخيه والشيخ فلاح بن حثلين
يامرحبا راعي الذكرى
واشكرك على تشريفك |
رد: ابداح الصليبيخ البرازي واخيه والشيخ فلاح بن حثلين
ابو زابن المسعري
شاكرلك على تشريفك |
رد: ابداح الصليبيخ البرازي واخيه والشيخ فلاح بن حثلين
كحيلان لاهنت على الموضوع
وكفوووو بالسهووول وكفوووو بالعجمااااان ولاهان الاخوان اللي اضافو على الموضوع تقبل خالص التقدير والاحترام |
رد: ابداح الصليبيخ البرازي واخيه والشيخ فلاح بن حثلين
والنعم فيهم كلهم
|
الساعة الآن 04:09 PM
 |
Powered by vBulletin® Copyright ©2000 - 2026, Jelsoft Enterprises Ltd.
---