ياخليف انا قلبي همومه تعوقه = عزي لقلبً مولعً جاه ماجاه
قلبي كما طيرً تتله سبوقه = يبي العشا ومجود الطير خلاه
وجـدي على ربـعً دبشها تسوقه = وجدي عليهم والحق الويل ويلاه
لاقالوا الصمان ناضت بروقه = من هجر ناتي بالمدلل ونرعاه
بجمعً ضريرً ماضيات طروقه = دايم طروقه من قديمً مخلاه
نهّاج جزلات الجماهي غبوقه = كم شيخ قومــن بالملاقات ناطاه
هواشم شبل الضرايا نعوقه = لازم كبير القوم تكثر نعاياه
وقصيرنا لناموس يمشي بسوقه = على الكرامه لين تقفي رعاياه
نشيل حمله من علاوي وسوقه = ومن بيننا يقلط على مؤخر الشاه

المشاركة الأصلية كتبت بواسطة شوق2 (المشاركة 144736) قلبي كما طيـرً تتلـه سبوقـه=يبي العشا ومجود الطير خـلاه المشرف المميز :نايف الخييلي بيض الله وجهك على النقل الرائع والاختيار الجزل0 تقبل مروري وشكري الجزيل0

المشاركة الأصلية كتبت بواسطة هايف العماني (المشاركة 144742) الله قصيدة شامخة مثل شموخ راعيها رحمه الله أخي وابن عمي الغالي بوفهاد بيض الله وجهك رحم الله شيبانك ، اختيار رائع يدل على ذوقك الرفيع وسلمت يمينك يالقرم تقبل تحياتي،،

المشاركة الأصلية كتبت بواسطة ابو زابن المسعري (المشاركة 145884) الاخ العزيز نايف الخييلي لاهنت يالغالي على نقل هذه القصيده صح الله لسان الشاعر اشكرك جزيل الشكر اخوووووك ابو زابــن