|
هية آل مره على الدواسر في التوضحيه
غزوا ال عذبه على الهواملة علي راس شيخ من آلأ عذبه اسمي علي ابن نقادان الملقب بـ( المصطفي) وحصلت معركه شرسه عند ((التوضحية )) استبسلوا فيها الدواسر فانتصروا في المعركه ،وقتل فيها عقيد ال مـــــــره المصطفي وذبحه ناجي بن فنيس الهوامله الدوسري . وقيلت فيها كثير من القصائد ولم نحفظ سوي قصيدة مبخوت الرويبخ الشكره الدوسري
((المـــصـطفي)) جاب خيل الحف جاذبها= يبي العشاير ويحسب مالها قافي (( خلي طريح تدوسه في ملاعبها= ذا حق من زار يبغي حم الاشعافي )) لعيون ملحا طويل رسم غاربها=كن الجنايب عليها لبس الاشرافي ( 1) نطعن بخيل المعادي مانجنبها=ايماننا دونها ترمي بالاتلافي ((سحمي)) جواده علي السربة يقربها=طوع سبايا العزا من كل مزغافي (2) القصيده اطول من ذالك ولكن لم نحفظ سوي هذه الابيات 1- الجنايب: حبال شمالة ثدي الناقه 2-سحمي: امير الهوامله مزغاف : خفيفة الجسم سريعة الجري قصيدة بن جلعود العجمي :
يايام ماعند الدواسر لكم عار=ياكود حرباً ماتطفى ظويه تجمعوا يا يام على قب الأمهار=على فريقٍ ياكلون الشويه المصطفى خلي تعشاه الأطيار=خلي عشاً للذيب بالتوضيحيه كاتبه :تــــــــــــركـــــــــــي الـــــــــودعــــــــانـــــــي شكر وتقدير :للباحث التاريخي الرمح على الاضافات |
الله لايهينك على القصيده
وجعلك على القوه |
مشكور أخوي على الموضوع ..
والنعم فينا والنعم بعيال عمنا .. رياجيل وقت الشدايد صامدين .. مع تحياتي .. ابو يوسف 2005 |
ماقصرت ياتركي على الموضوع الزين
وعلومك دايم غانمه يالقرم ونعم بعيال عمنا واخوانا وعز الله انهم بيضو الوجه وماقصرو اخوك عبدالله الشكري |
لاهنت ياتركي على الموضوع الرائع دائما مبدع وفي انتظار المزيد
تقبل تحياتي ,,, |
نطعن بخيل المعادي مانجنبها=ايماننا دونها ترمي بالاتلاف سحمي جواده علي السربة يقربها=طوع سبايا العزا من كل مزغاف ابو هادي بيض الله وجهك والله لايهينك وعساك على القوه اقدم لك تحياتي اخوك ابو عبد الله الشكري |
لاهنت ياتركي على القصه والقصيده الرائعه جدا
وبيض الله وجهك اخوك: .............. . الفارس . ............... |
السلام عليكم ورحمة الله وبركاته بيض الله وجهك أخوي تركي على ذكر هذه السالفة والنعم بربعنا من غير قصور في آل مره ، بس على ما اعتقد ان المصطفى ذبح على يد الهوامله في هذه المعركة، وفي انتظار الأخ الرمح للتوضيح. تقبل تحياتي،، |
بيض الله وجهك ياتركي وعلومك دايما غانمة
|
صح الله لسانك ولسان قايلها الشكري وبيض الله وجهك على ماذكرت وليس بمستغرب عليك المجي بمثل هذه العلوم المشرفه تحياتي لك ياذيبااااااان ،،، |
لاهنت ياتركي على ذالسالفه
وبيّض الله وجهك وبالنسبه لسؤال ابومبارك الهوامله مذكورين في القصيده(سحمي) والله يعطيكم العافيه |
السلام عليكم ورحمة الله وبركاته
كفووووو والله . ولاهنت اخوي ( تركي الودعاني ) على هذه السالفه الطيبه . . . |
السباعي ولاشنت يالغالي علي مرورك
بالنسبه للمعركه دخل فيه من الهوامله ومن الدواسر عامه |
لاهنت تركى بس المصطفى من اي ال مره
|
العفووووووو اخوي ابو سيف وماعليك زود
|
عبدالله الشكري والنعم بحالك يالقرم ويسعدني مرورك
|
تركي الودعاني
ما شاء الله تبارك الله عليك ما قصرت قصص وبطولات وفرسان للدواسر تنبع من معلوماتك الجمّه بيض الله وجهك اخوك في الله محمد الغريري |
الله لايهينكم جميعاً
موضوع طيب من رجال اطيب وكفو بصبيان الهوامله وبالنسبه للمصطفى فهو بن نقادان امير آل عذبه وذبحه ناجي بن فنيس الهوامله حول التوظحيه الآن والشاهد قول الشاعر المصطفى خلي تعشاه الأطيار,,,خلي عشاً للذيب بالتوضحيه وانشألله سوف اورد ادله اكثر وقصائد متكامله حول الموضوع وتفصيل ادق للمعركه مشكور كل الشكر اخوي تركي,,, |
بيض الله وجهك اخوي الرمح على التوضيح
|
نايف ولا شنت يالغالي ويسعدني مرورك
|
بو عبدالله الشكري وجهك ابيض ويسعدني مرورك يالغالي
|
الشكر للقائمين على هذا المنتدى القيم واذا ما يصلح كلامي فارجو المعذره
الاخ العزيز تركي الودعاني يعطيك العافيه على المصداقيه في الخبر وفي ما تنشر وانا عندي سؤال او بالاحرى عدة اسأله واود ان تجيب عليهابما عهدنا منك وبكل صراحه السؤال الاول: اين العقيد سحمي وكيف مات رحمة الله عليه وعلى كل فارس شهم منا ومنكم والا الذليل خله يولي. السؤال الثاني:وين ال مكيسيره الان (ال حرشاء) ومن قائل مايلي: (مير خذ ال مكيسيره ودين عليها) السؤال الثالث:من هم اهل الثمان الركايب ومن قائل هذا البيت( (طمرت انا طمرتن تنسم بها الواني**في مكظم الريع يوم البر ضاق ابنا) وما مناسة هذا البيت السؤال الرابع:ماذا تعرف عن الفارس دعيكان بن حرب السؤال الخامس: من هو محمد السلط اللي تقول له معشوقته(تكفى يا محمد ما عليك منهم ترهم ذلان) وركبت معه على فرسه وهالحين عيالها فخيذه ومعروفين وخوالهم معروفين |
أخي تركي الودعاني لاهنت يالقرم على ماكتبت اوقلت كفو لاد زايد ولاهنت على القصه والقصيده قصه موثوقه ومعروفه عند القبايل من قديم الوقت ونرجو أن لا يتضايق اخونا ال مره معارفنا وجيرانا ولي فات مات |
اقتباس:
اخوي المري الله يعافيك يامرحبا ومسهلا هذي امور راحت مع اهلها اما عن قولك العقيد سحمي الهوامله فهو لم يقتل في اي معركه عندك دليل اما بخصوص اهل الثمان ركايب فهم الغيثات الدواسر وقد ردو ال مره علي راس شيخهم دعيكان وابن شريم وقد ضربوا مثل في الشجاعه والاقدام (( ثمانيه )) فقط السؤال الخامس ماعرف شي عنه اذا عرفته راح اقولك اول مره اسمع فيه دونك الرابط يالمري http://www.alduwasser.com/vb/showthread.php?t=11 http://www.alduwasser.com/vb/showthread.php?t=465 |
الاخ تركي الودعاني
اشكرك على الاسلوب الطيب الذي تمتاز به عن الكثير بالنسبه للعقيد سحمي فقد قتل في هيه للامره على الدواسر بعد مقتل عقيد ال مره وقد كان الهدف من الهيه هو قتل سحمي في العقيد اللي الدواسر قتلوا وعندما ادرك سحمي انه في خطر طلب من احد ال مره ان يمنعه والا قتله وكان المري من ال جابر وحاول انه يدخله في وجهه قبل ان يعرفه لانه كان يعرف ان هذه الهيه خاصة له فابى المري ان يعطيه وجه الا اذا عرف عن نفسه وعندما عرف عن نفسه قال المري (غضر وفقر وش ذا الهيه تحدا له ) وقتله هذا ما اعرفه والدواسر قبيله معروفه ومثلها مثل غيرها من القبائل لها ماضي حافل بالعلوم الطيبه والتراث الفاخر ارجوا ان تتقبل كلامي بروح رياضيه والله ثم والله ما ودي نخوض في مثل هذه المواضيع لانها قد تثير بعض الحساسيات بين ابناء القبائل ولكن على قولتك امور راحت مع اهلها وتقبل مني كل الاحترام والتقدير اخوك المري |
بسم الله الرحمن الرحيم
الاخوان اعضاء المنتدى الاخ المري السلام عليكم ورحمة الله وبركاته تصفحنا ما كتبه الاخ تركي الودعاني وما كتبته انت يالمري حبيت اعلق علا وفات العقيد سحمي الهوامله اتصلنا باحد كبار شيبان الهوامله مسلم ابن داجي البدره الهوامله وقد افادنا ان لا صحه في مذكر المري عن وفات سحمي لقد توفي العقيد سحمي الهوامله في منطقة السليل موت افراش وعلا ذالك اثياتات موثقه. اخي المري ارجو التكرم في عدم اثارت الشوشره واتأكد اخي الفاضل قبل الكتابه في هذاي الاموار. ومني لكم جزيل الشكر اخوكم راعي مكحوله |
اقتباس:
يامرحبااااااا فيك اخوي المري وهذي امور راحت مع اهلها واحنا الحين الحمدالله علي نعمة الاسلام اخوان اخوي الغالي بس حبيت ابين نقطه ان سحمي الهوامله لم يقتل في معركه ابد بل مات علي فراشه اخوي راعي مكحوله نشد الشيبان وانا كذالك نشدت واتضح لنا انه لم يقتل في معركه سوا مع ال مره او غيرهم من غير اقصور في يال مره انتوا قبيله عزيزة الجانب اقتباس:
تقبل فائق احترامي وتقديري |
الفارس ولاشنت يالقرم وجهك ابيض ويسعدني مرورك
|
وعليكم السلام ورحمة الله وبركاته
بومبارك وجهك ابيض وماعليكم زود وبيض الله وجهك علي الاظافه الرائعه |
اقتباس:
اخوي المري اوردت هذا النص ولا ادري مالسبب هل هو للتذكير او لفتل العظلات,, اخي انا لا ارى سبب لذكر آل مكيسيره ولا لذكر اهل الثمان ولا لذكر دعيكان بن حرب الموظوع عن سحمي وابن نقادان تقابلو وجهاً لوجه وكل منهم عقر فرس الآخر الا ان ابن نقادان اصاب سحمي في قدمه على جنب الفرس ولا نجحد هذه القصه وكلاً منهم الحقوه ربعه وقتل ناجي بن فنيس الهوامله المصطفى ذللك اليوم ولا عليه اختلاف وعقروا آل مره حصان بن نصار وسمي موقع الحصان خريمة الحصان الى يومنا وقيل في هذه المعركه قصائد منها قصيدة بن جلعود العجمي وهو مع الهوامله يايام ماعند الدواسر لكم عار,,ياكود حرباً ماتطفى ظويه تجمعوا يام على قب الأمهار ,,على فريقٍ ياكلون الشويه المصطفى خلي تعشاه الأطيار ,,خلي عشاً للذيب بالتوضحيه الى آآآخرها معروفه عند آل مره قبل الدواسر اما من ناحية الأبل آل مكيسيره يكفيك تسعين حوضٍ جفيت بام اثله اسأل شيبانك عنها وآل الكحلى تكلامت بن عواد كحلى آل نابت وهي سبب وسم الحنوه للصخابره اما الشيوخ فحدث ولا حرج المصطفى ..عويضه الأدرم ,,الظويلع,,المرضف.....الخ |
عبدالله الودعاني وجهك ابيض ويسعدني مرورك يالغالي
|
ابو فهيد وجهك ابيض ويسعدني مرورك وكلامك الطيب يالغالي
|
ابوشجاع وجهك ابيض ويسعدني مرورك يالقرم
|
لاهنت يابوهادي على ذا السالفه والقصيدة
وبيّض الله وجهك |
لاهنت وبيض الله وجهك
|
بيض الله وجهك على كل حال يالودعاني .
|
تسلم يمينك
وبيض الله وجهك أعلومك غانمة يذيب |
تركي الودعاني جعل يمناك مايجها العطب لاهنت يالقرم على هذه القصه والقصيده وعلمك دامً غانم تقبل شكري وتقديري مــنــيــر آل راكـــــــــان |
بيض الله وجهك ياتركي ولاهانو الهواملة
|
رد: هية آل مره على الدواسر في التوضحيه ومقتل ابن نقادان
يايام ماعند الدواسر لكم عــار=ياكود حرباً ماتطفـى ظويـه تجمعوا يا يام على قب الأمهار=على فريقٍ ياكلـون الشويـه المصطفى خلي تعشاه الأطيـار=خلي عشاً للذيب بالتوضيحيـه بيض الله وجهك ياتركى بن فنيس على ذكر الهيه |
الساعة الآن 11:48 PM
 |
Powered by vBulletin® Copyright ©2000 - 2026, Jelsoft Enterprises Ltd.
---