قرّبوا لي دفتري جت يالعوّيل=جزلةٍ من جيز جزلاتٍ تنادي
القوافي في فضا فكري تميّل=يالله اني طالبك عطني مرادي
مطمعي ما هوب في الغاز المسيّل=لا و لا همّي هلالي و إتحادي
جيت ألبّي دعوةٍ لأهل السليّل=ربعي اللي تنثني وقت الطّرادي
حبّهم في ضامري ما هو قليّل=هم بني زايد إلا إشتب الزّنادي
يوم ابن فرحان ما قال الحليّل=مكرم الضيفان في ليل الهجادي
عودٍ أزرق عقب فنجالٍ مهيّل=و الشحم تلقاه بصحون و بوادي
الدواسر عزوتي فوق التخيّل=أشهد إنهم كيف راسي و القنادي
مسّسين المجد ما جاهم تحيّل=بالصخا و الجود و سيوف الهنادي
من حربهم ينكتب حظّه منيّل=و إن وزاهم مجرمٍ حطّ الوسادي
و ان عطوا يعطون وزنٍ ما يكيّل=واسمينٍ للعصا سلم إنفرادي
إسمهم ثلث الجزيره به مذيّل=ما ذِكِر غير الدواسر فيه وادي

المشاركة الأصلية كتبت بواسطة ماجد بن رويه (المشاركة 254497) اخي عبدالله بيض الله وجهك ولاهي غريبه من شاعر مثلك هذا النص فالسلّيل (قلعه حصينه) من قلاع الوطن الغالي حباها الله بكل ماتتمنى 000فارضها ذهب 00ومائها عذَب 00ورجالها00 فخر العرب بارك الله فيك اخي عبدالله --مدحت من يستاهلون المدح ويلبسون تاجه (ال فرحان )واخص بالذكر اخونا العزيز فرحان بن فهد اخي عبدالله مهما كتبت فلن اوفيك حقك ولكن مما يريح الواحد انك مامدحت الاّ ديرتك ولابتك ونعم فيك وفيهم وعسى الله يجمعنا وياكم على العز والطاعه دمت مبدعا