جعل الحيـا مـا يجـي دار سحيمـاني=اخذ إلى الحول مـا سالـت جوانبهـا
علامك تدعـي عليهـا يـا مريسانـي=تبغي صحاري الرمال اللي ربيت إبهـا
ديرتك مصقوعـة ضلـوع وشعبانـي=والرابح اللـي بعيـدٍ مـا يحـل ابهـا
تدعي على زبـن اللـوا يـا قحيلانـي=وجبالهـا لا وزا المجـرم يلـوذ ابهـا
جبالهـا دايـم مـدهـال سرقـانـي=ضيفانها في الدجى تسـرق مزاهبهـا
يسرق بـلاه لابـات الليـل جيعانـي=ويعيّـش أمٍ تشيلـه فـوق غاربـهـا
راعي الإحسان يجازونـه بالأحسانـي=ما يلحق جـزا أمـه لـو يحـج ابهـا
يادوسري لا يجيك الذيـب سرحانـي=هم يا خذ شواك على زقمه ينيـر ابهـا
مدحت نفسك ومدح النفـس نقصانـي=وانّـا نعـرف الذيابـة مـن ثعالبهـا
والله لطـارد بحـد الرمـح والسنانـي=ليـن تصـلـح لـنـا ولا نخربـهـا
والله لو كان رمحـك رمـح راكانـي=ياعقب نجـد تشيلـك فـي مخالباهـا
أرش جـالـك ونيـرانـك تعـدانـي=أبغيهـا تخـف ونـارك زاد لا هبهـا
قطّب حزامك وشوف لك محزمٍ ثانـي=الأجواد لا جا اللقـا قامـت بواجبهـا
أنـا أبغـا العافيـة وانـت تحـدانـي=أبا انكس الحربه اللي كنا نهوش ابهـا
الذل في بعض الأشياء يا بن شيبانـي=ينجيك من تهلكة مـوتٍ تـروح ابهـا
طبيت أنـا فـي بحـر والله انجانـي=في غبةٍ من هـوا فيهـا يـروح ابهـا
نجاك ربي عزيـز الوجـه والشانـي=مير انتبه من بعض الاشياء لا تزل ابها

البراق

لاهنت على المحاوره الطيبه

وكل يوم يزود برقك يا البراق