دقت هواجيسي على المعنا ويالله يامعين=على البيوت اللي تنومسني ليا عديتها
رصيتها وصفيتها لين اصبحت عقد ثمين= يلمع بجيد اللي تجي عندي ليا ناديتها
بنت من افكاري ليا جت حزة اللازم تبين=رهن الاشارة ماتشوف الساعة وتوقيتها
لها شهر وشوي ترتع من ورى حصن حصين= واليوم زاعت تبغي الصيدة وانا هديتها
تطلع مطاليع الحرار اللي على الضلع المكين=وتقلط على صفر الدلال اللي لها صبيتها
وانا معودها على الجزلات والقاف السمين=ولاّ الهزيلة ماتجي عندي وانا ماجيتها
وان كان لامن جبتها ماسرت المتذوقين=نذر علي اني لموت ولابعد غنيتها
لكن انا ادري انها كفو يطرب لها القلب الحزين=ولو كان ماادري انها كفو ارتحت ماسويتها
ماجبتها لجل الغرام ولجل صافية الجبين=ولاهمني لجنة ولا ناس ابي تصويتها
كله لعينك يارفيع القدر ياطلق اليمين=دعوتك من باب المحبة والغلا لبيتها
لنك كسبت الاولة مع الرجال الغانمين=ومدات جودك تخجل المعطين لامديتها
يشهد لك التاريخ وزحول القبايل خابرين=كم حاجة شحوبها اللي يكنزون اموالهم واعطيتها
تعطي لوجه الله وتقدير الرجال الطيبن=هذي تبينها والاخرى للحساب اخفيتها
وانا مدحتك وامدحك وابامدحك في كل حين=وشلون ماامدح وانت رجلك سقتها واحفيتها
على دروب المرجلة بالعزم والعقل الرزين=وصعب العقد باللين واسلوب سهل حليتها
وان قلت عبدالله تجي كلمة نعم في كل حين=وان قلت ابوفهاد جبت المرجلة من بيتها
تدري وش اللي ميزك ؟ اخذ الخير علم يقين= انك صبي قدام وعيون الحسود اعميتها
وباقول مادامي وقفت ووقفة الرجال دين=وانا ليامني تدينت الديون اوفيتها
يامرحبا ترحيبة تشمل جميع الحاضرين=قد قلتها قبلي وانا بسمك هنا ثنيتها
ترحيبة ماتذكر الا للرجال الوافيين=عد النجوم اللي يقدي فالغداري ليتها
يامرحبا باللي حضر يقلط على سمن وسمين =من فعل شيخ قدّر رجال يذعذع صيتها
قبيلة الاشراف تعرف من قديمات السنين=وافعالهم يكفل لهم مجد العرب تثبيتها
يوم العجم ترطن على جثة معاديها رطين=افعالهم ياليت من هو شافها ياليتها
قامو بعون الله صبر والله وكيل الصابرين= لين اختلط حمر الجنايز حيها مع ميتها
يردون حوض الموت والمشروب من ماء معين=ومن دون بيت الله هلا بالحرب لادنيتها
وان جيت ابكمل يعجز التعبير يملي الكاتبين = وتجف محبرة الكتابة مابعد وفيتها
وحنا على نفس السجية لا يسار ولا يمين = قبيلة تخضع صناديد العرب لطريتها
دواسرٍ لا وقفو لابد للقاسي يلين=وليا غزو قوم كتب رب الملا تشتيتها
اللي هرب وانحاش واللي مات بالسيف السنين= واللي جلس يجبر كسور مانفع توتيتها
هذا قبل يوم العرب متناحرين وتايهين=تلعب بهم بقعا بفرحتها على تنهيتها
واليوم فضل الله جعلنا تحت قايدنا الامين=القايد اللي صورته لاشفتها حييتها
حييت يابومتعب وحياك رب العالمين=كمٍ جروح غايرة ياسيدي داويتها
وحنا معك وامر وتلقانا جنود مخلصين= نقلط على حمر المنايا لاقدح كبريتها
ماهمنا هرجة مضل ولا صياح الضايعين=اللي تفجر في المرة والطفل ديناميتها
يبغون عز الدين في ذبح العباد المسلمين؟=للد درك يامليك العز يوم انهيتها
وقبل النهاية ودي انصح دام لي عقل فطين=وبقول اربع من ملكت العقل ماخليتها
افدى الوطن والدار واصلي وابر الوالدين=هذي هي اللي تبعد الضيقة ليا سويتها

تدري وش اللي ميزك ؟ اخذ الخير علـم يقيـن=انك صبـي قـدام وعيـون الحسـود اعميتهـا

وقبل النهاية ودي انصح دام لـي عقـل فطيـن وبقـول اربـع مـن ملكـت العقـل ماخليتهـا افدى الوطن والـدار واصلـي وابـر الوالديـن هذي هي اللـي تبعـد الضيقـة ليـا سويتهـا

وحنا على نفس السجية لا يسار ولا يمين = قبيلة تخضع صناديد العرب لطريتها
دواسرٍ لا وقفو لابد للقاسي يلين=وليا غزو قوم كتب رب الملا تشتيتها
وقبل النهاية ودي انصح دام لي عقل فطين=وبقول اربع من ملكت العقل ماخليتها
افدى الوطن والدار واصلي وابر الوالدين=هذي هي اللي تبعد الضيقة ليا سويتها

المشاركة الأصلية كتبت بواسطة سالم بن صمهود (المشاركة 387335) تدري وش اللي ميزك ؟ اخذ الخير علـم يقيـن=انك صبـي قـدام وعيـون الحسـود اعميتهـا عزالله ان الممدوح كفو وانت صح الله لسانك على ماقلت وابدعت

المشاركة الأصلية كتبت بواسطة هايف العماني (المشاركة 387338) الشاعر المبدع سلطان المسعري صح الله لسانك مدد مهوب عدد على القصيدة الجزله الجزله الجزله ولاهوب غريب عليك بدع الجزال ، ويستاهلون الاشراف ويستاهل الشيخ عبدالله الفصام بوفهاد. تقبل تحياتي،،

المشاركة الأصلية كتبت بواسطة نايف الخييلي (المشاركة 387347) صح لسانك ياسلطان على هذه الدره الرائعه , وعز الله انك ابدعت ولاهوب غريبً الإبداع من اهل الإبداع والجزاله , ويستاهل عبدالله الفصام المدح على افعاله الطيبه المعروفه لدى القاصي والداني , صح لسانك مره أخرى ولله يعافيك على طرحك لهذه الرائعه.

المشاركة الأصلية كتبت بواسطة عبدالله الدوسري (المشاركة 387376) سلطان المسعري صح لسانك كفيت و وفيت و لا هفيت و يستاهل الفصام تقبل صافي الود و كل عام و أنتم بخير،،،،

تطلع مطاليع الحرار اللي على الضلـع المكيـن=وتقلط على صفر الـدلال اللـي لهـا صبيتهـا
وانا معودها علـى الجـزلات والقـاف السميـن=ولاّ الهزيلـة ماتجـي عنـدي وانـا ماجيتهـا
وان كـان لامـن جبتهـا ماسـرت المتذوقيـن=نـذر علـي انـي لمـوت ولابـعـد غنيتـهـا

كفو كفو وانا اشهد انك جزل والقصيده تسر من يقراها ويستمعها

......................................

وانا مدحتك وامدحك وابامدحك فـي كـل حيـن=وشلون ماامدح وانت رجلك سقتهـا واحفيتهـا
على دروب المرجلـة بالعـزم والعقـل الرزيـن=وصعب العقد بالليـن واسلـوب سهـل حليتهـا
وان قلت عبدالله تجي كلمة نعم فـي كـل حيـن=-وان قلت ابوفهاد جبـت المرجلـة مـن بيتهـا
تدري وش اللي ميزك ؟ اخذ الخير علـم يقيـن=انك صبـي قـدام وعيـون الحسـود اعميتهـا

ويستاهل ابو فهاد الجزل من القصيد علمه طيب وصيته كبير
وطيبه شامل القبيله كلها عند القبايل الثانيه
يستاهل يستاهل والله يطول بعمره

.........................


لاهنت يا سلطان

تحياتي وتقديري

المشاركة الأصلية كتبت بواسطة نجــــــــــديه (المشاركة 387380) صح لسانك وعلا شانك قصيده جزله ووافيه يسلمووو دمت بخير

المشاركة الأصلية كتبت بواسطة محمد الولامين (المشاركة 387405) صح لسانك ياسلطان على ماقدمت من ابداع ماهو مستغرب عليك وبيض الله على القصيده الطيبه ويستاهل الفصام كل علمن غانم

[B]
ارحب يا محمد

وصح بدنك ولاهنت على المرور يالغالي

شكري وتقديري[/B

المشاركة الأصلية كتبت بواسطة ابو خالد الودعاني (المشاركة 387410) الشاعر المبدع سلطان المسعري بارك الله فيك على هذه القصيده الجزله التي ابدأ اول مشاركاتي بالرد عليها واسال الله لك التوفيق اخوك ابو خالد الودعاني

المشاركة الأصلية كتبت بواسطة king (المشاركة 387416) صح السااانك ياسلطان مدد بلاعدد وجزله من جزل وجزاك الله خير على اللفته الطيبه باخر القصيده وابشر بالجنه ان شاء الله هي اهم شي

المشاركة الأصلية كتبت بواسطة حنيان الدوسري (المشاركة 389138) سسسسسسسلطان صح الله لسانك وبيض الله وجهك عــلى هالقصيدة الجزلة في من يستحقها وفقك الله