اكبر فخر لي انك سيد البيت =واكبر فخر انك مورثني صفاتي
يابوي يالغالي مهما سويت =اببقى مقصر بحقك لين مماتي
ياسنام الفخر بطيبك اسقيت =يابسات الصعايب في حياتي
كل ماجض بي صدري لقيت =قربك يدفعني لخوض الصعوباتي
وكل ماعلى الكربا مريت =لقيت كف طيبك يمحي ازماتي
مهما ذكرت عطاياك وصفيت =تبقى يابوي فوق العطايا والمكرماتي
يالابساً بشت الشهامة وتعليت =على الملوك والشيوخ بالسلطاتي
نفوذك ماهي دولة ولا سكة اسميت =نفوذك اساستها ذكر الله والطاعاتي
واكبر فخرنا انا واخواني انك خليت =ذكر الله بقلوبنا اول الالتزاماتي
اذكرك دايم في الاذان لامن اصريت =صلوا ياعيالي لاتتركون الصلواتي
ولامن نادى المأذن للفجر وصحيت =تتوضا للصلاة واتسابق الخطواتي
قبل تنزل الدرج لغرفتي مريت =قومي يابنيتي ادي الواجباتي
وماوصيج ترى الحي ابقى من الميت =ماوصيج بصلاتج وحسن العباداتي
لبستني ثوب الطهارة وتوضيت =بعذب طبايعك وسلومك المشرفاتي
وخليتني في كل درب به مشيت =يثنون لي العربان بخلقي وسماتي
ولامن على اللسون جابوني وانطريت =قالو كفو والله بنت عن كل البناتي
وقد قالت وحده دورت زيها مالقيت =بسنعها وجودها وباخلاقها وبالثباتي
طيب وكرم والاكثر اني تربيت =على العزة والشرف طول حياتي
ورثتني الاصالة والجود واقفيت =وكل ضلع يشهد لك لربي وتشهد ذاتي
حثيتني ع العلم وللعلا ارتقيت =وجبت لك اعلى وابرك النتيجاتي
شرفتني بحياتي وكفيت ووفيت =واكبر شرف لي انك ابوي وهذا اكبر شهاداتي
ماجور يابوي ماجوور ماحييت =يجيرك ربي ع تربيتك لاخواني وخواتي

المشاركة الأصلية كتبت بواسطة محمد بن سالم بن فهيد (المشاركة 466309) صح لسانك ولله يخلي ابوك وامك ويعطيهم طولت العمر لك تقديري واحترامي

المشاركة الأصلية كتبت بواسطة خيالية (المشاركة 466355) صـــح لساااااانك على هالقصيده الجميله ،، والله يقدرك على بر والديك احـــترامي ..

المشاركة الأصلية كتبت بواسطة ابوعبدالله الخييلي (المشاركة 466738) صح لسانك والله يخليك لوالديك ويقدرك على برهما....

المشاركة الأصلية كتبت بواسطة طلال بندر الهاجرى (المشاركة 466750) صح الله السانك يا شيهانه علي كف صقار ولاهنتي علي الكلمات الطيبه والجميله والديييك يستاهلووووون اكثر الله يعطيهم طالة العمروالصحه والعافيه انشاالله والف شكرلك تقبلي مرووووري وتحيااااااااااتي لك مع جزييييييل التقديروالاحتراام

المشاركة الأصلية كتبت بواسطة كلنا لآدم (المشاركة 500420) السلام عليكم انا ضيف جديد عليكم اسمي خالد سيف الحقباني اما بانسبه لأختي الشاعره فقصيدتها معبره في معناها وعن ما في قلبها ونسأل الله ان يرزقها رضأ والديها اما الشاعره اجادة في القافيه فقط واما الوزن وتطويع لبعض المصطلحات مثل نتيجاتي وغيرها وهناك كسور في القصيده ونتمنى لها مستقبل زاهر في عالم الشعر والنقد للفائده لها وفالها الجنه والتوفيق ووجميع اخواني القرأ وكل عام وانتم بخير

المشاركة الأصلية كتبت بواسطة شيهانه بكف صقار (المشاركة 466209) اكبر فخر لي انك سيد البيت =واكبر فخر انك مورثني صفاتي يابوي يالغالي مهما سويت =اببقى مقصر بحقك لين مماتي ياسنام الفخر بطيبك اسقيت =يابسات الصعايب في حياتي كل ماجض بي صدري لقيت =قربك يدفعني لخوض الصعوباتي وكل ماعلى الكربا مريت =لقيت كف طيبك يمحي ازماتي مهما ذكرت عطاياك وصفيت =تبقى يابوي فوق العطايا والمكرماتي يالابساً بشت الشهامة وتعليت =على الملوك والشيوخ بالسلطاتي نفوذك ماهي دولة ولا سكة اسميت =نفوذك اساستها ذكر الله والطاعاتي واكبر فخرنا انا واخواني انك خليت =ذكر الله بقلوبنا اول الالتزاماتي اذكرك دايم في الاذان لامن اصريت =صلوا ياعيالي لاتتركون الصلواتي ولامن نادى المأذن للفجر وصحيت =تتوضا للصلاة واتسابق الخطواتي قبل تنزل الدرج لغرفتي مريت =قومي يابنيتي ادي الواجباتي وماوصيج ترى الحي ابقى من الميت =ماوصيج بصلاتج وحسن العباداتي لبستني ثوب الطهارة وتوضيت =بعذب طبايعك وسلومك المشرفاتي وخليتني في كل درب به مشيت =يثنون لي العربان بخلقي وسماتي ولامن على اللسون جابوني وانطريت =قالو كفو والله بنت عن كل البناتي وقد قالت وحده دورت زيها مالقيت =بسنعها وجودها وباخلاقها وبالثباتي طيب وكرم والاكثر اني تربيت =على العزة والشرف طول حياتي ورثتني الاصالة والجود واقفيت =وكل ضلع يشهد لك لربي وتشهد ذاتي حثيتني ع العلم وللعلا ارتقيت =وجبت لك اعلى وابرك النتيجاتي شرفتني بحياتي وكفيت ووفيت =واكبر شرف لي انك ابوي وهذا اكبر شهاداتي ماجور يابوي ماجوور ماحييت =يجيرك ربي ع تربيتك لاخواني وخواتي اتمنى ان ابوي يقرا ها القصيدة وابيه يعرف اني مهما سويت ومهما حاولت اني اسوي ببقى مقصره بحقه هو والوالده والله يقدرني على طاعتهم وحسن معاملتهم ويقدرني اسعدهم واشوف الفرحة في عيونهم طول حياتي <<احبك يبه <<احبك يمه بوح:: شيهانه بكف صقارـ -يابــوي-