|
وقعة بين الدواسر وقحطان وفعل الجهيمي مع بن عبود
غزا ذيب بن عبود شيخ ال مسعود من قحطان إبل فريق من الدواسر . وحصل بينهم
وبين الدواسر معركة عند الإبل وفي ذلك اليوم قتل من الدواسر حمود العجلاني من الوداعين . كما عقرت فرس فهاد بن عويس من ال وثيله . وأخذ المغيرين الإبل . فقام بن عبود وهجا الجهيمي الطوال . علما أن الجهيمي لم يكن حاضرا . ولكن بن عبود أراد الفخر على الجهيمي لما له من شجاعة وصيت ظاهر خصوصا عند قحطان . فقال بن عبود: ترى الجهيمي سار في منقود=مارد قطعان البنات يوم إن طحيسه عند تالي الذود=طار الستر من ذبل عسلات في معتركهن هملن حمود=خلي عشا للطير والسيات وبعدها بسنين كان بن عبود ومن معه من قحطان في وادي نساح . ونزل فريق من الرجبان في مكان بالقرب منهم . وذات ليل أغار بعض فرسان الرجبان على قحطان وأخذوا إبلا حيافه. فلحق بهم بن عبود ومن معه من قحطان . ولم يلحقوا بهم إلا وهم بالقرب من الرجبان ومن معهم من الدواسر. فتصدوا لهم الرجبان . وشاف الجهيمي ذيب بن عبود فلحقه . فهرب بن عبود حتى وصل بالقرب من الخرج فراحت فرس بن عبود . أما بقية خيل قحطان فوقعت في الأسر . ومن مشاهيرهم الذين أسروا في ذلك اليوم / جعفر بن عبود . ناصر بن مجدل من الخنافر . الشمال . وقد قال جعفر بن عبود : غوجي خذاها عويضة(1) الرجبان=يستاهله حامي البليد لاوالله إلا ذلوا الجذعان=ولاحموا خيل العبيد وقد قال فهاد بن جديع ال ثويمر : مندوب سلم لي على الجريان(2)=حنا نزلنا المربخ اللي هيب حنا قلعنا سرية اليمنان(3)=ماسلم منها الانقلها ذيب(4) ماقصروا من دونها الظفران=والبل خذيناها بليا طيب لعيون سارة..............=راعي جديل سامكه بالطيب وقد قال الجهيمي قصيدة وهي : ذيب تنقد عقب شوف العين=ولاثناها كون فرزان ولاثناها للربع الأدنين=روحه عليه ألزم من العربان قلع بن مجدل والشمال اثنين=حالة عليهم سربة الرجبان ــــــــــــــــــــــــــــــــــــــــــــــــــ ــــــــــــ 1/عويضة بن فهاد الطوال . 2/الجريان المساعرة وال بريك . 3/اليمنان يطلق على قحطان ويام . 4/ذيب بن عبود . |
كفوووو والله بصبيان الرجبان مقيدة الجمل ولاهوب غريبهم ، ولاهوب غريب على الفارس الشهير الجهيمي
اخوي العقيد سجل اعجابي بمواضيعك الجميلة دائما |
لاهنت يالعقيد وبيض الله وجهك
ونعم بصبيان الرجبان وننتظر منك المزيد تحياتي لك-- |
سر إلى الأمام لا كبا بك الفرس ولا كسر لك قلم وأعلم أن الكثير يتابع ما تطرح بشوق فلك جزيل الشكر
|
الأخ العقيد :
والنعم بصبيان الرجبان وسلمت يمينك يا العقيد وفي انتظار جديدك |
ا
لسلام عليكم ورحمة الله وبركاته العقيد الله يعطيك العافيه على السرد الطيب للوقعه المقرونه بالقصايد التي ثبت كل ما قلت ونعم والله با الرجبان فعلهم يرفع الراس ولك تحياتي اخوك المرتكي |
الله لاهينك وهذا فخر لادواسر
|
ذيب تنقد عقب شوف العين=ولاثناها كون فرزان ولاثناها للربع الأدنين=روحه عليه ألزم من العربان قلع بن مجدل والشمال اثنين=حالة عليهم سربة الرجبان الرجبان ويل من عاداهم ( مقيده ركابها ) وفعلهم يهول ولا هوب مستغرب منهم الافعال الطايله الاخ العزيز / العقيد سلمت يمناك على ما نقلت من التاريخ المشرف وهذا نعتز به جميعا وبارك الله فيك ولا عليهم قاصر قحطان وننتظر منك المزيد اخوك ابو عبد الله الشكري |
مشاركه متميزه ومن افضل الى افضل بمشيئة الله والرجبان ذيابه وتاريخهم المشرف يشهدلهم ومثل ماقال الشاعر شلعان الله يرحمه((كلنا رجبان لاحل القشر))
....في انتظار جديدك يالقرم |
كفوووو والله بصبيان الرجبان مقيدة الجمل ولاهي بغريبه عليهم فعل الطيب ، ولاهوب غريب أيضاً على الفارس الشهير الجهيمي اخوي العقيد سجل اعجابي بمواضيعك الجميلة دائما جعل يمناك مايجيها العطب عاطر التحايا القلبية من محب الجميع : دغش البطي |
كفووووووووا والله يا بني عمي
ولا هي غربية على الرجبان ولاهنت يا العقيد على نقل الموضوع وننتظر جديدك اخوووووووووك/ فــتــى الافــــــلاج |
أصمعي الدواسر .
مشكور أخوي على المرور . وعلى الإطراء . وإنا طال عمرك ملزومين نكتب ماعرفنا من تاريخ قبيلتنا . وهذا واجب علينا . أخوك ......العقيد....... |
الأخوة : أبو شجاع . وأبو هلا .
مشكورين على المرور . وننتظر منكم كتابة مواضيع جديدة . أخوكم ......العقيد...... |
الأخوة :
الشكري . بن مشخص . محب الجميع دغش البطي . فتى الأفلاج . الله لايهينكم على المشاركة . وعز الله إنكم تحمسون على الكتابة . وماعليكم زود طالت عماركم . أخوكم .......العقيد....... |
العقيد لا هنت على مواضيعك الرائعه
و ننتظر جديدك يالغالي .......... |
خيال العبيه .
هلابك يالحبيب . ولنا وقت ماأمتعتنا بمواضيع جديدة . أخوك .......العقيد........ |
|
رد: وقعة بين الدواسر وقحطان وفعل الجهيمي مع بن عبود
كفوووو والله بصبيان الرجبان مقيدة الجمل
لاهنت يالعقيد وبيض الله وجهك كلنا رجبان لاحل القشر |
رد: وقعة بين الدواسر وقحطان وفعل الجهيمي مع بن عبود
كفو والله
وبيض الله وجيهم على مااسوو |
رد: وقعة بين الدواسر وقحطان وفعل الجهيمي مع بن عبود
العقيد
اقول انك ماقصرت يالذيب وتعداك الملام وجعل يمناك مايجيها العطب وجعل الرخوم فداك كفو والله بربعنى الرجبان لك اجزل واعطر التحايا من اخوووووك ابو زابن |
رد: وقعة بين الدواسر وقحطان وفعل الجهيمي مع بن عبود
كفوووو بالرجبان ويحرووون بها لاهنت العقيد وبيض الله وجهك |
رد: وقعة بين الدواسر وقحطان وفعل الجهيمي مع بن عبود
بسم الله الرحمن الرحيم...
بيض الله وجه كاتب الموضوع الشيق والذي يفخر به جمييع الدواسر .. وبيض الله وجيه الجميع والله لا يهينكم وكلنا اخواان وعيال عم .. وتقبلو تحياتي وفائق احترامي // محمد بن رسام بن حسيان الرجباني |
رد: وقعة بين الدواسر وقحطان وفعل الجهيمي مع بن عبود
كفو كفون بكم يا الرجبان ومهيب غريبه عليكم والله لا يهينك يا العقيد
|
رد: وقعة بين الدواسر وقحطان وفعل الجهيمي مع بن عبود
اقتباس:
أشكرك اخوي العقيد ولاكن عويضه المقصود في القصيدة هو عويضة بن عبيد الفراوين الطوال مع العلم أن عويضه بن فهاد فارس من فرسان الطوال المعروفين |
رد: وقعة بين الدواسر وقحطان وفعل الجهيمي مع بن عبود
بسم الله الرحمن الرحيم
اخي المحترم العقيد اخواني اعضاء المنتدى الشامخ السلام عليكم ورحمة الله وبركاته عويضة بن فهاد احد فرسان الطوال كما ذكر سابقا ولكن المقصود بعويضه بالقصيده السابقه هو (عويضه بن عبيد الفرواني الرجباني) وهو والد الفارس المعروف ( ذيب بن عويضه بن عبيد الفرواني الرجباني) المعروف بـ ذيب الخيل لذا ارجو تغير الاسم حتى لايحصل هناك لبس او تغيير في الحقايق وحتى يحفظ التاريخ واهل التاريخ شكرا لكم |
رد: وقعة بين الدواسر وقحطان وفعل الجهيمي مع بن عبود
اخي طالب ومختلف لايوجد في الطوال فارس اسمه عويضه بن عبيد!
الفارس المعروف والمشهور هو عويضة بن فهاد هذا للتوضيح فقط وتقبلوا تحياتي |
رد: وقعة بين الدواسر وقحطان وفعل الجهيمي مع بن عبود
اخي طالب ومختلف لايوجد في الطوال ولا نعرف فارس اسمه عويضه بن عبيد!
الفارس المعروف والمشهور هو عويضة بن فهاد هذا للتوضيح فقط وتقبلوا تحياتي |
رد: وقعة بين الدواسر وقحطان وفعل الجهيمي مع بن عبود
اقتباس:
ابوحسن حياك الله وبياك هناك فارس من الطوال اسمه عويضه بن عبيد الفرواني وله من الابناء ذيب (ذيب الخيل)- زبنان - فهاد - عبيد - فيحان وقد توفي صغيرا وهناك قصة للطوال حينما قامو احد افخاذ القبائل لتسوية حلف مع جماعة الطوال خرج عويضة بن عبيد قائل انا ماني معكم انا بغزي وبكسب ان كسبت فمالكم دخل فيني وان اخذو ابلي او كسبوني فلاتردون لي ابلي فكان معروف بالكسب وكان معه ابنه ذيب الخيل والسالفه الي مذكوره فوق في عويضه بن عبيد الفرواني وعويضه بن فهاد من فرسان الطوال ولكن هذي السالف ماهي عليه اما قضية مافيه احد من الطوال بهذا الاسم فهذاي مشكلتك انت ابنه فهاد عليه من الذكور(حويزي - ذيب - عويضه) عيال فهاد بن عويضه بن عبيد الفرواني ابنه زبنان عليه من الذكور ( فيحان ) بن زبنان بن عويضه الفرواني ابنه عبيد فعليه من الذكور ( زبنان - عبدالله ) عيال عبيد بن عويضه بن عبيد الفرواني ابنه ذيب فعليه من الاناث فقط ابنه فيحان مات صغير وليس عليه احد وهم معروفين بال عويضه من الفراوين كيف تقول مافيه من الطوال احد بهذا الاسم راجع حساباتك بارك الله فيك |
رد: وقعة بين الدواسر وقحطان وفعل الجهيمي مع بن عبود
اشكرك اخوي المختلف على الرد اما مشكلة اخوي ابوحسن لو رجع لمن هم اعلم منه في الأنساب والتاريخ قبل الرد لكان افضل له وللاخوه القراء
|
الساعة الآن 01:51 AM
 |
Powered by vBulletin® Copyright ©2000 - 2026, Jelsoft Enterprises Ltd.
---