ياليت ربي يكشف القلب للغير = وكلا يشوف بداخل القلب قدره
ويصير صدري للمخاليق تعبير = تعبير من جاني وانا اشوف صدره
ويكون قلبي من قزازه بتصوير = ويشاف مافي القلب لو كان بذره
وراع الوفاء يالقى من القلب تقدير = والا الردي ماله مع القلب عشره
واصير انا واضح ومن دون تزوير = واعرف قدري عند غيري بنضره
من دون لا مجامل وشرح(ن)وتفسير = ولا حد(ن)على فعل المطاليق يشره
بعض العرب واضح ويبغى لك الخير = للغير يبغى الخير ماهو يغدره
ينفع ولا يرضى لغيره مخاسير = واشكال هذا في المخاليق ندره
وبعض العرب غامض مثل قاعة البير = ما تعرفه ياكود تاصل لقعره
ما تقبله نفسك ومن جنسه تحير = وليا عرفته زين نفسك تعذره
وبعض العرب يسحر بزين التعابير = يطرحك في مده وياخذك جزره
في مقصده يبغي يدمرك تدمير = ويفرح ليا صابك مصاب(ن)وكسره
ما كل طير(ن) يملك الريش بيطير = والعقب كل الناس عجزو بصقره
ماقول انا عنتر ولا سالم الزير = والله جعل للخلق وعظ(ن) وعبره

صح لسانــــــــــك قصيده جداً جداً رائعه .
فائق احترامي وتقديري ..

المشاركة الأصلية كتبت بواسطة راشد سفر النتيفات (المشاركة 598260) ياليت ربي يكشف القلب للغير = وكلا يشوف بداخل القلب قدره ويصير صدري للمخاليق تعبير = تعبير من جاني وانا اشوف صدره ويكون قلبي من قزازه بتصوير = ويشاف مافي القلب لو كان بذره وراع الوفاء يالقى من القلب تقدير = والا الردي ماله مع القلب عشره واصير انا واضح ومن دون تزوير = واعرف قدري عند غيري بنضره من دون لا مجامل وشرح(ن)وتفسير = ولا حد(ن)على فعل المطاليق يشره بعض العرب واضح ويبغى لك الخير = للغير يبغى الخير ماهو يغدره ينفع ولا يرضى لغيره مخاسير = واشكال هذا في المخاليق ندره وبعض العرب غامض مثل قاعة البير = ما تعرفه ياكود تاصل لقعره ما تقبله نفسك ومن جنسه تحير = وليا عرفته زين نفسك تعذره وبعض العرب يسحر بزين التعابير = يطرحك في مده وياخذك جزره في مقصده يبغي يدمرك تدمير = ويفرح ليا صابك مصاب(ن)وكسره ما كل طير(ن) يملك الريش بيطير = والعقب كل الناس عجزو بصقره ماقول انا عنتر ولا سالم الزير = والله جعل للخلق وعظ(ن) وعبره