|
ناموا الشعار
ناموا الشعار والنوم لو انه يطول=حكمه الاعدام والليل ليلن سرمدي من تقدم ماتندم يقول اللي يقول=سطّر الاقلام والليل ليلن سرمدي |
اقتباس:
صح لسانك يابو شجاع وننتظر اخوانا الشعار ونبيها عيديه يا شعارنا اشكرك يابو شجاع اخوك وقصيرك ابو عبد الله الشكري |
صح لسانك يابو شجاع وننتظر اخوانا الشعار ونبيها عيديه يا شعارنا |
جاوك الشعار...
اقتباس:
حركوا ذالمنتدى عقب ماجاه الخمول = عقب شهر صيام والليل ليلن سرمدي أرحب أرحب يارفيقي عسى دربك قبول = وارفع الأعلام والليل ليلن سرمدي |
البقا يابوعبد المحسن ومن العايدين والفايزين واستلم يالذيب
صابته عين العدو صابته عين العذول=منتدى الاكرام والليل ليلن سرمدي والبقا ثم البقا جعل شمسك ماتزول=شرق والا شام والليل ليلن سرمدي |
ارحب يابوعبدالله
والله لايهينك على التشيجيع والمتابعه اللي تعودناها منك وابشر بالعيديه اخوك-ابوشجاع |
حياك الله يابوفهيد
ولاهنت على مرورك الطيب وابشر بالعيديه |
أرحب يابو شجيّع... والمعذرة على التأخير
اقتباس:
ماتصيب عيونهم لو حسود ولو نضول = دامنا قدام والليل ليلن سرمدي سرها ياصاحبي لو تبيها عرض طول = واحرق الأفلام والليل ليلن سرمدي |
شعراء المنتدى والمشرفين الافاضل
الله يعطيكم العافيه ومشكورين على هالابيات الطيبه وسروها معاكم ابوشجاع ابوعبدالمحسن المسعري |
ارحب يالمقيبلي ...
الأخ سعد المقابلة الله يحييك ويعطيك العافية على المتابعة والتشجيع اللي يبث الحماس ودمت سالما. ولك مني الود والتقدير ،،، |
سوقها حط المسامه على ظهر الذلول=واحسب الايام والليل ليلن سرمدي طيبكم يالاد مسعر مداغيش الفعول=والشّبل ضرغام والليل ليلن سرمدي |
ارحب ياسعد المقابله
ووجودك معنا وتشجيعك يكفي الله لايهينك |
الله يعيطكم الف عافيه
لاهنتوا لاهنتوا |
اقتباس:
صح الله لسانكم يا شعارنا الاخ العزيز / ابو شجاع الرجباني والاخ العزيز / ابو عبد المحسن المسعري بيض الله وجيهكم وبارك الله فيكم على الرديات الطيبه وانتو اهلها ولا فيه قصور على باقي ربعنا عساكم على القوه دايم |
بيض الله وجيهكم ..
الأخ وابن العم : ابو عبدالله الشكري هلا والله ومنوره المحاورة بوجودك من غير قصور فإخواننا الباقين ، تشجيعك يشجع أي شخص على الإستمرار والإبداع . فلك مني ومن أخوي ابو شجاع كل الود والتقدير ،،، |
سقتها يامسندي ...
اقتباس:
سقتها يامسندي خابرك منتب جفول = شيخ من حكام والليل ليلن سرمدي يامقيـدة الجمـل يالصناديد الـزحـول = علموا صدام والليل ليلن سرمــدي |
ارحب يامسندي
من رقى قمة جبل لايفكر بالنزول=يتعب الاقدام والليل ليلن سرمدي لو يعدون السنه كلها اربع فصول=والشهور ارقام والليل ليلن سرمدي |
سوقها حط المسامه على ظهر الذلول=واحسب الايام والليل ليلن سرمـدي طيبكم يالاد مسعر مداغيش الفعـول=والشّبل ضرغام والليل ليلن سرمدي
سقتها يامسندي خابرك منتب جفول=شيخ من حكام والليل ليلن سرمدي يامقيدة الجمل يالصناديد الزحـول=علموا صدام والليل ليلن سرمـدي ياسلالالالالالالالالالالالالالالالام على الأبداع منكم ياأثنين شاعرين بارعين تحلقان في سماء الأبداع
من رقى قمة جبل لايفكر بالنزول=يتعب الاقدام والليل ليلن سرمـدي لو يعدون السنه كلها اربع فصول=والشهور ارقام والليل ليلن سرمدي صح الله ألسنتكم جميعاً يالمطاليق وواصلو وأمتعونا وأزهلو الصفوف تحياتي لكما محبكم دغش البطي |
أرحب يابو بطي ...
أرحب يابو بطي يالشاعر الناقد المحلل المحنك ، وتسلم على هذا الحضور والتشجيع وجعلنا ما نخلا منك يالقرم. |
استلم يابو شجيّع...
لاهنت يابو شجاع واستلم طال عمرك على طاعة:
القمم يا صاحبي يمها صعب الوصول = حلم ضمن أحلام والليل ليلن سرمدي من قصر من دونها يشتريله صحن فول = والخبوز إيدام والليل ليلن سرمدي |
ارحب يابوعبدالله حي ذالعين
وجودك وتواصلك ومتابعتك معنا تكفي القرم تحياتي لك-- |
سعد المقابله
الله لايهينك على تواصلك معنا يالذيب تحياتي لك-- |
ياسلام عليك يادغش البطي(ابومحمد)
تحليل ونقد واشاده نفتخر فيها لاصارت منك الله لايهينك ويامرحبا الف تحياتي لك-- |
ارحب يابوعبدالمحسن والله لايهينك استلم-
بالركاده والصبر ماتبي رجل (ن) عجول=والرجال اقسام والليل ليلن سرمدي ياصلاة الله على خاتم الرسل الرسول=هديه الاسلام والليل ليلن سرمدي صح الله السانك يابوعبدالمحسن المسعري والله لايهينك على ابياتك الجزله ياشاعر الجزاله ولنا لقاء ثاني ان شاء الله وكل عام وانت بخير ياوجه الخير والله لايهين من شارك وتواصل معنا ونور الصفحه تحياتي لكم --ابوشجاع |
الله يبيض وجيهكم
والله لايهينكم وماقصرتوا والله ياشعار المنتدى |
ومن قال مايهون ياسعد المقيبلي وبيض الله وجهك على هذا الحضور والمتابعة التي تشجع وترفع الراس ، ولاهنت ولاهان من حضر . الأخ الغالي : ابو شجاع صح بدنك ومن قال مايهون والجزالة منكم وفيكم والشرف لي باللعب مع شرواك وعسانا مانخلا من المشاكيل شرواك. |
الساعة الآن 07:21 PM
 |
Powered by vBulletin® Copyright ©2000 - 2025, Jelsoft Enterprises Ltd.
---