زين السوالف والجميـع اقعـودي = ويا شينهـا وان عـوّدت للجِـدّي
ان الفتى من قال : فعل اعضودي = ليس الفتى من قال : سوّى جَـدّي

راس ياللـي تركـز شياطينـه = اقضب ارضك وخل الوضع هادي
حالف ٍ في هوى النفس لاهينـه = موتي اهون علي مـن تنقـادي

كسبت من دنياي بعض التجاريب = وأخذيت من الأيام درس وعبره
توي صغير وكاسيٍ راسي الشيب = من جور وقتٍ شفت حلوه وغدره

افتخر في رفقة زحول الرجـال = وابتعد عن رفقة اخطاة الدفـوش
كل خبلٍ مايعـرف الموجبـات = هيذري لسان ويكـت الفـروش

حبيبـي بدونـك شعرنـا فاقـد معنـاه = غلاكم سبب معنـى القصيـد وقوافيهـا
حبيبـي قسـم بالله ماغيركـم نهـواه = ولا غيرك اللي لأجله الـروح نصخيهـا

أترجم حروف من ذهب واحكمه باحكام = وعلى الطيب لآهل الطيب بالطيب قدمته
وعلى المنتدى واهله عموم بدون اقسام = وعليهم سلام الطيب بالطيـب قسمتـه

زمانٍ غدا فيه البطل يارجـال اهشـام = على منبر الإعلام.. ملعون مـن قالـه
خمامٍ على صدر الجريدة يـزف اخمـام = تنومس بفعله.. فـال ربـي ولا فالـه

بنخاك ياقاف(ن) على الصوت دنا = انشهد ان للشعر وقت(ن) يزينـي
مانيب شاعر كـل وقتـه يونـا = بس اتهيض من علوم(ن) تجينـي

مابي ورا مدح المناعير فكسار = ولا امات خمسً تنكتب في رصيدي
لدتني الدنيا بلا سابق انذار = وامشي لها واشوفها تستحيدي

من وطاه الوقت واحدث فيه رجه = لايلوم المبتلـي لاشـق جيبـه
كل ماقلت الزمن يركـد معجـه = بان قبرن ماعلى راسه نصيبـه

أبنا الكرام ايقدرون ابنا الكرام = وابنا الكرام ايراوزون النايفـه
وابن الحرام ايدوراعلوم الحرام = ودك ايداس وتلعـن طوايفـه

وعليكم السلام ورحمة الله وبركاته

اخوي العزيز الغالي ابن وتيد

ارررررررررررررحب ياذيباااااااااااااااااااان

وافي جعل من ارثك في الجنه

ابداع في ابداع يابن وتيد جعلك المعزه

وصح الله السان الشعار وانت اولهم ياعشير المناعير

تقبل تقديري واحترامي

اخوك / فهد الغريري