|
بعد الغياب أطق على أقرب شاعر الباب!!
أقرب شاعر الله يعطيكم العافية ودنا نستانس معكم شوي الله لا يهينكم |
الظاهر إني باخصصها بدل ماهي عائمة! وين المسعري؟؟
وينك يا لمسعري ما نتقابل إلا مثل الشيبة في الراس والربع الظاهر إنك زيزومهم: استلم إنكانك حولي ولا أمسينا: ـ يابن مسعر كل ما عنّ للطاروق عنّه //// أتذكر صاحبن يعجب الشعار فنه وخزم مثلك عندنا صار يا ذيبان سنـه //// ولعوها نار والنار من شبابهــــــا يا لمسعري ذالليل مابه مسرا .......................... إلين تطلع مرغمــن واجبــاري بارسم لك المعنى لعلك تقـــرا .......................... يا لشاعر اللي بالمعاني داري |
ارررررررررررررررررررررحبوا
|
ابو زايد التغلبي والمسعري
الله الله وش ذالليلة المبروكة اللي جابتكم أكيد بيكون طعم المحاورة ذالليل شي ثاني خاصة بحضور الشاعرين الكبيرين شدوا حيلكم يالنشاما والله الله في اللعب الحماسي وتراني في صفك يابو زايد ، ازهل الصف ياسنايدي اللييييييييييييييييييييل يالمسعري |
مرحبا يالتغلبي عد همال السحايب=يارفيقاً صار لك مدتاً وين انت غايب وان بغيت الحرب يالتغلبي عودت خايب=ولعوها نار والنار من شبابها الليل مايجلاه كون القمرا=والتغلبي ذالليل وينه ساري لابد مانحداه بارضاً قشرا=ايلين يضهر علمه المتواري |
ارحب يالتغلبي وش ذا الليله المباركه اللي طليت علينا فيها ويييين الغيبه |
أبشر بالسعد
مرحبا يا لمسعري حيك وحي طاريك حي شوف المطر عقب الجدب ــــــــــــــــــــــــــــــــــــــــــــــــــ ــــــــــــــت أرحب تراحيب الحيا يا بو عبدالمحسن المسعري وشد حزامك وابشر بسعدك مادامك معي فلا تفكر فالمسعري لو معه مية مسعري مع احترامي الشديد هههههههههه جعلني ماخلا منكم كلكم بس لاتخليني من التنسيق ياخوك ترا ماعندك أحد |
طيب يابوزايد انت وابوعبدالمحسن
عسى الله يجيب الر بع لين تاقف الصفوف |
استلم
استلم لاهنت: يوم جاب العيد يا صاحبي ساعي البريد //// اعتزلت الشعر ومداعبة حلو القصيد غاضني بعض الرياجيل جعله ما يفيـــد //// ولعوها نار والنار من شبابــــــهــــــا لا تضيع يا مسكين وسط الغدرا ........................... وانا أحسبنك للرسايل قاري يومك مع أهل اللعب حقرا بقـرا ........................... أنا مع الشعار بايع شـــــاري |
ياسلاااااااااام
ياسلام على الشعار هذا اللعب ولا بلااااش شد حزامك يالمسعري انا في صفك دون قصور في ابو زايد عليك به تكفى يالمسعري الدعوى فيها تحدي ومسرى ========================== |
كان من جاب الهزيله يوثر في قرارك=صرت في عيني مثل حبتاًوسط الجمارك والجبل ماهزه الر يح في وسط المعارك=ولعوها نار والنار من شبابها ياللي تصلح غلطتاً لك حذرا=حذرا تعود ليلنا سماري يومك مع اهل اللعب خمسك عشرا=انا معاهم طايلات اشباري |
ارررررحب يالذيال والله وليده لعنبو غيرك تراني اقلعت والتغلبي الضحيه
|
لا تضيع يا مسكين وسط الغدرا ........................... وانا أحسبنك للرسايل قاري
يومك مع أهل اللعب حقرا بقـرا ........................... أنا مع الشعار بايع شـــــاري إييييييييييييييه يابو زايد ، صح لسانك ياسنايدي عطه القااااااااااااز خله يعرف المسرى صح ... |
إييييييييييييييييييييييييييييييييييييييييييييييييي ييييييييييه
خلووووووووووووووووووووووووووها : ـ لا تطالع فالسما وانت رجالن عما ///// والسراب يتيهك كان لعيونك زما يا نما قدامك التغلبي شف يا نما ///// ولعوها نار والنار من شبابهــــــا لا قصّرت يمناك ناد اليســرى .......................... قم واحتزم بمشوكن واسواري السيل بين بيوتكم له مجرى .......................... واليا جرفك السيل تمشي عاري |
أرحب يا بوعبدالمحسن وجعلك ذخر
لاهنت يا مشرفنا القدير بو عبدالمحسن المسعري تراك ذالليل مثل الوقود لي ومادامني أسمع حسك فازهل الشعار كلهم |
ياهووووووه ياعسل الذيال وصل...
يومك مع اهل اللعب خمسـك عشـرا....انـا معـاهـم طـايـلات اشـبـاري أقول اسلم يالمسعري علي الحرااااااام إنك كفو عليك به تكفى لا تخليه يتنّسم ( تكفى ترى تكفى تهز المناعير ) نبيها ذالليل لوهي تشب حرررررررررررررررررريقة وتراني معك لين يذن الصبح وتطلع الشمس |
اقتباس:
أقول ياخوي الذيال: كيف الحال؟ وينك يا بوعبدالمحسن المسعري يامال الغنيمة وياك وياه وخلني والمسعري!! |
يالله انك لاتعيد الزمان اللي تغير =يوم شفت التغلبي ماسكاً سيفاًقصير يالبعيّر لاتطيح بخطامك يالبعيّر=ولعوهانار والنار من شبابها الحر ماخافه وغيط النسرا=والمحزم اللي قلت ماله طاري فرخ الحمامه فوق غصن الشجرا=ياشيب عينه يوم جاه الذاري |
اقتباس:
نوم عيني والله يالذيال ابشر بسعدك مادامك في الصف هو وابو عبدالمحسن اثنينهم ازهلهم |
اقتباس:
يهمك احد ازهل الصف ، وبالنسبة للتنسيق مايحتاج يابو زايد لو تكتب بدون تنسيق صدقني إنه واصل ووافي وكافي. اللييييييييييييييييييييييييل وبالنسبة للذيال إن طاعنا فيعرف لعمره ترى المسرى ماعاد هوب بعيد عنه هو والمسعري ، والليييييييييييييييييييييييييييييييييييل |
حي ذا الحجاج يا بوعبدالمحسن ولك عين تشوف العجب فيهم
استلم يا القرم : ـ ماسكن لك سكة(ن) ما حدن ماشاك فيها // وناصي(ن) لك ديرة(ن) ماخبر حي يجيها وام سالم حالفن حلف ما أثوّر علـــيـــــها // ولعوها نار والنار من شبــــــــــــــــابهــــا يا المسعري والسالفة ما تصرا ..................... الظاهر إنه جــــــاري(ن) لك جاري أحداك للعليا وترجع حــــــــدرا ...................... عطني السبايب والخبر وش صاري |
اقتباس:
إيه يالمسعري لا عدمتك يامحزمي عليك به ، ذالليل مافيه إلا كوي ياسنايدي. ابو عبدالمحسن الله يعينك لا يغرك سحاب الصيف تراااااااااه مايطوّل !!!! |
ماعرفنا وين سكتك ياراعي المطيه=ساعةً سليت للحرب سيف وبندقيه وساعةً ترجع علينا كذا مدري كذيه=ولعوها نار والنار من شبابها اما اختصرها يارفيقي خصرا=ولاتعالج من دوا العطاري واليا شفيت فهات لي بالبشرا=واعطيك علماًيفرح الدواري |
اقتباس:
لبى قليبك يالذيال ترا مادامك بصفي تراهم صفرين على الشمال بس انت شد حيلك وازهلهم |
خلوووووووووووووووووها
يبدو إنك يا طويل العمر في طريقك للنوم ، لذلك استلم قبل أن أقول لك تصبح على خير اسلم اسلم يا عميلي عسى عمرك يدوم //// واعرف إنك بيننا فارق(ن) مثل النجوم وجعل تفداك السلاتيح وعيال الرخــــــوم //// ولعوها نار والنار من شبابــــــــــــــهـا وجيه بعض الناس صارت صفرا ................... يا شينها لا طوّلت لسفـــــاري البنت بنت الشيخ بنت(ن)عـذرا ................... اتشوم لي بين العرب وتماري ولاهنت يا أبيض الوجه وجعل عمرك طويل ومشكور على الليل السماري وتقبل الود. |
السلامه مكسباً وانت من رؤوس المكاسب=يابن تغلب جعل يفدونك عيال المناصب والمحبه في القلوب سكنت لوكنت غايب=ولعوها نار والنار من شبابها خل اللكاعه يابعيد النظرا=خصمك لكيع وفاهماً لخباري البنت لي من دون كل البشرا=واللي يلاعبها يذوق الناري |
الضاهر ان ابو زايد سرى لاكن ماقرت يالذيت والله يعودك على اليوم ومثله وبيض الله وجهك يالقرم لاتطول علينا الغيبه ترا اللي مثلك ماله رخصه
اخوي الذيال بيض الله وجهك ماقصرت وجعلك ذخر ابو عبدالمحسن كمان ماقصرت ويعطيك العافيه ولكم الود والتقدير |
الشاعرين الكبيرين والمبدعين
ابو زايد التغلبي & والمسعري في الحقيقه محاوره قويه ومعاني عميقه وجزله ويسعدني ان ارحب با ابو زايد التغلبي عقب طول غياب يامرحبا يا ابو زايد تراحيب المطر ومن طول الغيبات جاب الغنايم وعزالله انها جات لاهنتوا يالنشاما على المحاوره الجزله ونشكر الصفوف على التشجيع لكم خالص الود وفائق الاحترام اخوكم/ ابن وتيد |
يالله حي ابن وتيد انت اللي من طول الغيبات جاب الغنايم وين الناس ياخي وينك سايقها فيه |
الله الله الله
مشاء الله عليكم يالشعار ابو زايد التغلبي والمسعري عزالله انها فاتتنا ذالليل المحاوره الجزله من شعار اجزل كان الله العالم مني بمسك صفه بس الجايات اكثر انشاء الله والله يعودكم على اليوم ومثله يادواهي الشعر |
اررررررررررررررررحبوا ثم ارحبوا
ارررررررحبوا
مرحبا بالشعار اللي اطرب لاشفت طاروقهم ويلي عليكم البارح امسك صف في جنب المسعري ولا ابو زايد مابيني وبينه زيانه :) لكن تراك يالتغلبي مانتب مسموح تغيب اللي مثلك مانسمح له عز الله انها محاوره جزله من الطرفين تقبلوا تحيات اخوكم فتى الجود |
الساعة الآن 08:03 PM
 |
Powered by vBulletin® Copyright ©2000 - 2026, Jelsoft Enterprises Ltd.
---