|
رباعيه xرباعيه
السلام عليكم ورحمة الله وبركاته اخواني الشعار الله يمسيكم بالخير والمسرات اليومين هذي ماشاء الله تبارك الله قسم المحاوره مولع والبركه في الأخوان اللي انظموا لنا مؤخراً _بدر ابن نايف _وسام العصا _وابوناصر2 وعساهم على القوه والله يخليهم ذخر لعيال عمهم .. فاليوم ودنا نلعب رباعيه من بعد العشاء مباشره والتسجيل محدود لاول ثلاثه يسجلون والموال راجع للشعار اللي يبي موال يبين في آخر التسجيل يالله رقم1/المسعري |
المسعري
ارحب يالقرم تراحيب المطر رباعيه رباعيه يالقرم ليش لا والشعار متحمسين ومستعدين ان شاء الله في انتظار الشعار المتواجدين والي ماجود ماهوب مقصر ونحن من المتابعين في انتظار تتمه الشعار الباقين لاكمال هذه الرباعيه |
السلام عليكم ورحمة الله وبركاته
يامرحبا بالرجال ونبت عن ربعي = شاعر واميز طبوع الناس عن طبعي وسط الملاعب نصيب الكاس للسبعي = الراس مرفوع والريات مرفوعـــــــــــــــــــــــــه يالالالا وين شعار المعانى يالالالا=يالالالا وين خصمى والحليفي يالالالا يالالالا من يبي يوقف وزانى يالالالا=يالالالا يلبس الثوب النضيفي يالالالا |
جيتك مكيم واعد اليوم طبلوني = من يوم جاء للملاعب رسم وفنوني وبقراء على اللي بهم ريحان وجنوني=والراس مرفوع والرايات موفوعه يالالالاجاكم سهيل اليماني يالالالا=يالالالافي الربيع وفي الخريفي يالالالا يالالالامابقى غير الثواني يالالالا=يالالالاجاكم الغزو العنيفي يالالالا |
خلووووووووووها
يامرحبا بك يابن نايف وسهليني = ترحيب مشتاق لامن شاف غاليني للديرة الواحدة مافيه شيخيني = والراس مرفوع والرايات مرفوعة يالالالا صدق ماهي بالتماني يالالالا= يالالالا جاك يالجندي عريفي يالالالا يالالالا ترجع العشرة ثماني يالالالا = يالالالا لاقدمنا مانخيفي يالالالا |
ارحبوووووووووووووو
|
هلا والله بالمسعري
من طول الغيبات جاب الغنايم ( أدورك من زماااااااان ) اررررحب على كل حال ، فكني فالنشاما تكفى ياالمسعري [b] |
يامرحبا يابدو وش لون الادباشي=عيني تشوفك زمان اول على الماشي واليوم اشوفك تصدق هرجه الواشي=والراس مرفوع والرايات مرفوعه يالالالامانشوفك من زماني يالالالا=يالالالافي الخبر ولا القطيفي يالالالا يالالالامن رفاعاً في طماني يالالالا=يالالالاحايفاً واحذر تحيفي يالالالا |
الجمهور ملح المحاورة
وين الصفوف أحيونا ولا أمسينا شجعونا لكان مجاملة !!!! |
صح الله لسانكم جميع وازهلوا الصف
|
ارحب يالمسعري شد حزامك انا معك ذالليل لين الفجر
صح لسانك |
وينك يابدر سرى الليل
|
ياإخوان المفروض إن حنا كلنا سجلنا في الموعد اللي حطه الأخ المسعري عشان نكون موجودين
لأن الفرق بين دخول كل شخص عن اللي بعده حول نص ساعة وهذا ضيع وقت كثير . بدر إن كانه موجود بيجيكم الحين. ونحن في انتظاره عشان نكمل هالأمسية الرائعة ويالله التوفيق . |
الله الله
بدر بن نايف البدوي ماجد الدوسري المسعري صح الله السنتكم ، ماشاء الله عليكم على هالليلة الطيبة اللي أبدعتو فيها من البداية وونتظرها على أحر من الجمر حتى النهاية. شعار كبار ماشاء الله عليكم وأتمنى للجميع التوفيق ، ولكم الود و التقدير ،،، |
الله الله الله صح الله السان الشعرا
|
مرحبا والله ومسهلا با الجميع شعار كبار ما شاء الله عليكم واصلوا وازهلوا الصف (( سرو الليل )) كنت اتمنى أن اشارككم لكن ما الله كتب بدر بن نايف البدوي ماجد الدوسري المسعري صح الله السنتكم ونحن متابعين لكم إلى الامام تقبلوا تحياتي أخوكم : مسفر المصارير |
ارحب ياعابر سبيل اسفرت وانورت يوم شرفت الملعبه |
الله يبقيك يالبدوى
|
يالربع بدر ابن نايف شكله سرا وذالليل اشوف الشاعر الكبير عابر سبيل منور المنتدى فبعد اذنكم بلعب معه ولا جاء نايف ابوسعد امون عليه برجع لكم |
صحت السنتكم ياشعار
والله لايهينكم ونتمنى الالتزام بالمواعيد لاكتمال الملعبه وكلن له اظروفه وان مااكتملت اليوم تكنمل بكره ان شاء الله سجلوني من المتابعين تحياتي للجميع--= |
السلام عليكم ورحمة الله وبركاته
الله الله الله الله ياماجد العذر منكم يالربع جانى مااشغلنى عنكم العذر والسموحه استلم لاهنت ياماجد دام البقا والمعانى زان مرماهااااااااا .. بعد استوت لى وجات الناس بسماهاااااااااا .. وان كان ماجد يكحلها ولا اعماهاااا .. الراس مرفوع الرايات مرفوعــــــــــــــــه يالالالا شاعر وحامى مكانى يالالالا يالالالا حامين حدى بسيفي يالالالا يالالالا لاكبا فيك الحصانى يالالالا يالالالا طحت يالوزن الخفيفي يالالالا |
الأخوة الافاضل
مسفر المصارير عابر سبيل ابو شجاع تسلمون على هذا التشجيع المميز من قبلكم يابني عمنا عساكم بالوجود دايم . صح لسانك يابدر بن نايف وعسى الله يجيب البدوي عشان يمشي الدور . |
الله يعطيكم الف عافيه
ولاهنتوا |
صح لسانكم جميعا على الرباعيه الجزله
الصفوف موجوده في انتظار الشعار |
اقتباس:
ارحب اتوقع ان الدور عندك ولكن اللى ودك تقبل تحياتى |
اقتباس:
ارحب يالشاعر الله يعافيك لاهنت على تواجدك تقبل تحياتى |
اقتباس:
ارحب صح الله بدنك ولاهنت على التشجيع تقبل تحياتى |
اشكر الجميع على هذا الحضور المشرف وأشكر اخوي بدر بن نايف ولاهنت على هذه المحاورة
الشيقة والتي كان بودنا ان نكملها رباعية ولكن حضور الشعار فيه اختلاف واضح واللي يبدولي يابو نايف ان الدور على خويك البدوي ثم انا بعده ثم بعدي خويي المسعري وهكذا .... مرة اخرى اشكر الجميع على اللعب ا لطيب والتشجيع الرائع ونعوضكم برباعية اجمل إن شاء الله وشكرن للجميع . |
الساعة الآن 02:10 AM
 |
Powered by vBulletin® Copyright ©2000 - 2025, Jelsoft Enterprises Ltd.
---