|
سلام يمشي ثمانينٍ ورى الميه
السلام عليكم ورحمة الله وبركاته
اقرب شاعر نلعب معه
سلام يمشي ثمانينٍ ورى الميه=يضفي على المنتدى بالورد والكادي نويت لي نيةٍ ياناس ببنيه=ابنيةٍ كل خلق الله لها تنادي |
اقتباس:
الله الله الله الله ياسلام ياسلام بترك المجال للشعار ياخذون دورهم متابع تحياتى لك |
استلم
يامرحبا ياهلا واهلين ياحيه = يامرحبا بك وسهلا يابن الاجوادي شد العزايم وحاول تزبط النية = واحزم حزامك ترى الجمهور نقادي |
ارحب ياماجد تراحيب المطر
استلم لاعدمتك
يامرحبا ياهلا بالشاعر العيه=لكن مستور قال الموت بشدادي ياصاحبي نارناً من يومها حيه=خلك على الدرب والمطلوب ينقادي |
الشاعر الكبير/بدر ابن نايف
ارحب يالقرم مرورك شرف يالقرم لاعدمتك |
العافية طيبة..
دايم سوالفك ياصدام نارية = لوكان فالمحكمة والحبس الافرادي العافية طيبة والفية الفية = ولا اشعل النار لين النار تزدادي |
استلم جعلني ماذوق حزنك
سوالفي بالفعل يافلان مبنيه=ماجد يشوف الفعل ويقول جحادي من عقب ماجيتني بزيد فالكيه=ممشاك ياصاحبي فالخط متحادي |
ابن وتيد & ماجد الدوسري
متاااابعين وازهلوا الصفوف والليل الليل راشد النتيفات |
راشد النتيفات
ارحب تراحيب المطر راشد صف بلحاله لاهنت يالقرم |
لو الفعل بالسوالف رحتنا ضحية = ماجد من اسبابكم بيشوف الازهادي والناس ذالوقت ياستّار مبلية = اللي براس الجبل يحذف من الوادي |
الله الله على النشاما ...
اخواني الشعار المتألقين: ابن وتيد ماجد الدوسري صح الله السنتكم يالذيابة واصلوا وترانا ماسكين الصف معكم ومتحمسين والله الله في العلم الطيب وإن جاء اللعب بيميل فعدلوه نافداكم وشدو الحيل ترانا متحمسين. اللييييييييييييييل |
هلا بو عبدالمحسن
ارحب يابو عبدالمحسن المسعري صح بدنك وابشر باللي يفرحك ان شاء الله ومانحتاج توصية يالذيب وشكرن لك
|
لاهنت يابن وتيد ولا هان ماجد الدوسري . محاوره قويه هجوميه من البدايه . تابعوا ونحن معكم . الليل الليل |
نرحب بالصفوف المتابعين
واستلم يالقرم:
لا مت ياصاحبي كم مبلغ الديه=ادفعه كاش ولاباقي اقصادي محدن بناشد عنك لامت فالهيه=ياكثر من مات من هجمات بغدادي |
ابناء العم / ابن وتيد & ماجد الدوسري الله عليكم الله انا من ضمن المتابعين سجلوني لا هنتوا وسام العصا |
إليا التفتنا ليا الدعوى سعودية = واليا سكتنا فرح بالعلم (نجادي) واحلام بعض العرب ياناس وردية = نوبن تصدّر ونوب تجيه ورّادي |
متابع
. . . . . . . . واصلوا |
ارحبوا جميعا مواصلتكم معنا شرف
استلم يالقرم:
شفي معا ماجد اشرب كل بريه=وشفه معي بس يشرب كاس برادي ارسلتك في معاني الشعر برقيه=من عقبها لاتقول الوضع بالعادي |
الاولة طيبة لكــن مقفيـة = والثانية عدها من هرجـة الرااادي ترى آل مرة مع العجمان يامية = اشارتن واضحة لقروم الالادي |
استلم يالقرم:
ياليت ابو محسن الي قال مخفيه=كبر عليك العلوم وزاد الاعدادي جيتك وقصدي اخطب البنت بدريه=ورحت منك بلا شربه ولا زادي |
الشعار المميزيين=ابن وتيد--ماجد الدوسري
الله لايهينكم واصلوا وحنا متابعين الابيات بشغف تحياتي للجميع-- |
أشوف بعض العرب كثرت طواريّه = شين قديمن وشين توه جدادي والبنت عشّاقها مافيه مــاويّة = كم واحدن قبلكم حاول ولا فاااادي |
الشعار
ماجد الدوسري المشرف ابن وتيد واصلوا وازهلوا الصفوف |
هلا يالواضح
الواضح حياك وبياك ومتابعتك مهمة يالقرم وشكرن لك |
ارحبواااااااااا يالنشامااااااااااا
استلم يالقرم: مانيب قايل تراها لي حصريه=لكن ماني مربطها بالقيادي العرس ياصاحبي ماهوب جبريه=ترى البنيه تحب الي لها صادي |
ترى البحر ياولد مافيه ردمية = كم صايدن راح له ثم صار منصادي خلك شقردي من عيالن شقردية = ترى الريادة تبي فالناس روّادي |
اشكر الشاعر الكبير/ماجد الدوسري
على المحاوره الجزله بكل مقياس وانا اتشرف باللعب مع شاعر بحجمه اشكره كل الشكر واتمنى له التوفيق في المنتدى لاهنت ياماجد وعساك على القوه لك خالص الود وفائق الاحترام اخوك/ابن وتيد |
المشرف و الشاعر الفذ ابن وتيد وأنا بدوري أشكرك على هذه المحاورة الشيقة والتي
استفدت منها من الاحتكاك بشاعريتك شاكر ومقدر لك وللاخوان المتابعين وأتمنى لي ولك ولجميع الاخوان التوفيق والسلام عليكم. |
الساعة الآن 02:40 PM
 |
Powered by vBulletin® Copyright ©2000 - 2026, Jelsoft Enterprises Ltd.
---