بسم الله الرحمن الرحيم


السلام عليكم ورحمة الله وبركاته
هذي القصيده منقوله من منتدي محافظه وادي الدواسر وحبيت ان انقلها في هذا الموقع الرائع وهي قصيده
لـ مصيبيح بن متعب بن قويد


وادي الدواسر جوّهـا دوم تعبـان
شوفوا مداخلهـا وهـذي سككهـا
ياهـام تحويلـه وياهـام بلشـان
مطبّة(ن) تـوّك والأخـرى بعدهـا
الخط مرصوف (ن)علي غير سيسان
تهربـدت مواتـر النـاس منـهـا
حتي الاناره والشجـر زود خربـان
وايضا ولا تنسون كيف أرصفتهـا
تخطيطها داثر من اعصور وزمـان
عيّت تواكب في التطـوّر خططهـا
قالوا تطوّر مـاش مابـان مابـان
شفت التطوّر قاصـر(ن) ماوصلهـا
والكهرباء في كل يوم(ن)لها شـان
مدري نلاحي الصيـف ولا عطلهـا
النـاس زهقانـه ولاترفـع الشـان
الا لـرب البيـت يبـدي فرجـهـا
امـا بزيـن الحـال ولا بسلطـان
يعـرف يديـر المنطقـه ويعدلهـا
والتاليـه رحنـا ضحيّـه فلتـان
امن الموطـن يـا خسـاره فقدهـا
عصابه الترويج ناهـب وسكـران
شفنـا عباطتهـا وشفنـا سطرهـا
كم حادثه صارت من اسباب فسقان
والتاليه راحوا علـى طـول يدهـا
خطين في الوادي ظهر صيتها بـان
كـل(ن) دري بعلومهـا وحركتهـا
وختامهـا ماقـل ياعيـن نيشـان
أخير من طول السوالـف قصرهـا
أرجومن الاخوه القراء تعديل
سياق القصيده وشكرآ