::: مـنتدى قبيلـة الـدواسـر الـرسمي :::

كـــــلام بعـض النـــــاس
.................................
كـلام بعض البشر يـزعـج ويحـرجنـي = وانا على شــان بعض الناس طنشـته
هرجـه يســمّ الضمـايـر ثـم يخــــرجي =عـن طور صبري وانا طنشت دردشته
بعض الحكي يزعل ويجرح ويحرجني = وجـرح الكرامـه انا مـا يــوم عايشـته
هـذا الذي عن بعض الازوال هججني = ولـو كان منـهم غـزيــر الرزق فنشـته
شـوفة ردي النســـب مايـوم تبهجنـي = واكره حضور اـرلدي واكره مناقشـته
ما ابيه لو هـو على الغارب يحججني = الخيـر من ذا الردي ما يـوم انا حشـته
مـا ابيـه انا حـزة اســــقامي يعالجني = ولا اذكـــر انــي مـــع الايــام بـلشــتـه
النفس عيّــت معه تمشي وتدمجنـي = هذا الـوكـاد اللـي بالاشـعـار كيّشتـه
ورزقي علــى الله ولاشـــكً يخالجنـي = هــذا هــو الـواقـــع ولايــوم همشــتـه
كلام بعض البشر يـجـرح ويـزعجنـي = وانـا على شـان بعـض الناس طنشـته

بقلمي : محمد بن سوعان الربيّع ........