::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم قصايد مدح وفخـر في الــدواسـر :: (http://alduwaser.org/vb/forumdisplay.php?f=37)
-   -   رفيقك اللي كل ما خلّقت شاكاك(مبارك ابن مويم آل راكان الخماسين الودعاني ) (http://alduwaser.org/vb/showthread.php?t=66535)

محبكم الدوسري 17-08-2013 08:36 PM

رفيقك اللي كل ما خلّقت شاكاك(مبارك ابن مويم آل راكان الخماسين الودعاني )
 


بسم الله الرحمن الرحيم
قصيدة ابن مويم الودعاني
رفيقك اللي كل ماخلّقت شاكاك
جمع وتحرير د.بتال عبيد الدوسري


الشاعر هو المرحوم مبارك ابن مويم آل راكان الخماسين الودعاني .
وهو من فطاحل شعراء الدواسر عامة.
وكانت له قصائد متبادلة مع الشيخ جريس بن جلبان العجمي , وشيخ قحطان محمد بن هادي بن قرمله . وغيرهم .
وهذه القصيده من درر الشعراء الكبار.

رفيقـــك اللي كـل ما خلــّقتْ شـــاكـــاك
لاتنحســه لو شفــــت منْـــه الــخــمالـي
اصــبر عليــه وغـــمْ به جملـــة عــداك
فلا حــــدٍ مـــن هــم بقــــعـــا بســـالــي
حتــى الآ جــات الخــطــايا تنصّـــــــاك
يجيـــك عَجـــلٍ حــاذفٍ بالجِـــــلالــــي
ياخـــــوي انا بوصيــك والـــديــن ويّاك
منهــا تهــاب ولا تـــــعبــدْ الــرجــالــي
ولاتخلي الــصــــــاحب الشــره يـــالاك
رده مـن الــعيـــــلات رد الــنهـــالــــي
اشرب معه من ماك لاجا يبي مــــــــاك
ليـــن الدلى اتصـــك به كــل جــالـــــي
بنـــت الردي لآكان بالمـــال ترفـــــــاك
ترى نســـبهــم مثل جـــرفٍ هــــيالـــي
دوّر لبنــتْ مجــربٍ واخــت شــــرواك
لوكان مايعجبـــــك فيـــهـــــا جمـــالــي
ياتي ولـــدها كنــــّه النمــــــر يبــــراك
يقــدم اذا شـــاف الخطـــــا ما يمـــالــي

مبارك ابن مويم

وسلامتكم
جمع وتحرير
د.بتال الدوسري


راشد المسعري 18-08-2013 09:27 AM

رد: رفيقك اللي كل ما خلّقت شاكاك(مبارك ابن مويم آل راكان الخماسين الودعاني )
 
الله يرحم ابن مويم شاعر علم من شعراء الدواسر وله مواقف وقصص مع شعراء وكبار القبائل
لاهنت يابو محمد ولك ودي وتقديري ،،،،


محبكم الدوسري 22-10-2018 03:43 PM

رد: رفيقك اللي كل ما خلّقت شاكاك(مبارك ابن مويم آل راكان الخماسين الودعاني )
 
السلام عليكم ورحمة الله وبركاته
يبدو ان هناك خطأ في المصدر وهو كتاب ابن مشعي حيث ذكر الخماسين
واحب التصحيح في حق المرحوم الامير الشاعر مبارك بن مويم حيث كان في الفرعة ثم مع التوسع ذهب الامير ناصر بن سالم ال راكان وكون قرية تضم عشيرته وهي الحزم. واشكر اخي الدكتور نواف بن عبدالرحمن ال راكان على التوضيح. وبدوري انقلها للأمانة . محبكم الدوسري


الساعة الآن 03:56 PM

Powered by vBulletin® Copyright ©2000 - 2024, Jelsoft Enterprises Ltd.
---