اقول الشعرهاجـوس وقريحـه=يعافكلك ونـوب يهـب ريحـه
ليا صادفك موضـوع يحسّـك=تقوله وانت نفسـك مستريحـه
وتقطف من زهوره كـل ورده=وتستانس مع الـورد ونفيحـه
تصوغ القاف وتصوغ المعاني=تخيّـر فيـه وتقـد ّم مليحـه
ونوب الشعر عنك يصك بابـه=ولذ ّاته على الشاعر شحيحـه
ياكود اللي يخبطه خبط عشوى=ولايفرق مليحـه مـن قبيحـه
أحد شعره كما الحسو المرفّـا=مجمّه دوب يملا لـه صفيحـه
وأحد شعره كما هـد ّاج تيمـا=ماينقص ماه لو كـل ّ ٍ يميحـه
وزمان اليوم شعّـاره كثيـره=يخلطون العسل فـوق اللتيحـه
دخل شعر النبط شعر الحداثـه=ودخل كلّه على شعر الفصيحه
وكل ّ ٍ قـام يرسـل للمجلـه=ومحررها يسوي لـه شريحـه
ولو إنّه عارضه قـد ّام ينشـر=على عر ّاف وعقول ٍ رجيحه
يدلّونـه ليـا غـوي الدلايـل=لاصار انّه يبا درب المديحـه
يبا من شعره المنشور عـز ّه=وشعر ٍ قد ّّمه راس الفضيحـه
ليا منّـك قريتـه سـد نفسـك=وودنّك من الصفحـه تزيحـه
يعاتبـك القلـم ياللـي كتبتـه=وتعاتبـك المعانـي والقريحـه
وأنا ماودّي أجرح لك مشاعـر=وعرض اللي غفل مانستبيحـه
لكن أنصحك من باب المـود ّه=و لعلّك تستفيد مـن النصيحـه
تريّث فالقصيـد إليـا نظمتـه=وتنق إلنا معانيـه الصحيحـه
ولاتزعل على اللي ينصحونك=دخيلـك لاتولعـهـا قديـحـه
وأنا ماأقول أنا أعرف من يقوله=خذها كلمة ٍ منـي صريحـه
وخلـق الله طبايعهـا تفـاوت=وكل ّ ٍ فيه ميزه وإلـه ليحـه
أحد مثل الذهب وأثقل بوزنـه=وأحد مترديّه مـدري نطيحـه
وأحد رجال تنعم فـي جنابـه=وأحد قربه يشادي شوق شيحه
ولوّ آعـد ّهـم يامـا ويامـا=لكن الرجل يعرف من نضيحه

المشاركة الأصلية كتبت بواسطة دغش البطي العزيز الغالي : أبو زابن سلمت يمناك على نقل هذه الرائعة جداً قصيدة في غاية الجمال والروعة صح الله لسانك ولسان الشاعر تقبل ودي وتقديري محبك ومحب الجميع : دغش البطي

المشاركة الأصلية كتبت بواسطة عبدالكريم البليهي لاهنت يالقرم على هذه القصيده صح السانك ملايين

المشاركة الأصلية كتبت بواسطة عبدالرحمن الشرافي الاخ العزيز ابو زابن لاهنت على نقل هذه القصيدة الجزلة وصح لسان قايلها وننتظر جديدك القيم يالقرم تحياتي

المشاركة الأصلية كتبت بواسطة فهد الغريري وعليكم السلام عليكم ورحمة الله وبركاته الاخ العزيز الفاضل : ابو زابن ارررررررررحب تراحيب المطر ياكحيلان وابيض وجه على هذى النقل المميز وهذى عوايدك نقل الموضيع الي اطيب الخاطر والله يصح السانك على نقل هذي القصيده الجزله التي تجبر الواحد لتوقف بين اسطرها لكي يتمعن بالجزاله الي تحتويها والله يصح السان قايله وتقبل تقديري واحترامي اخوك / فهد الغريري,,