هجننا من قطعهن الهوج عوج=من مطاواها تخاتيـخ الريـاد
كن مذارعها ملحـات الفنـود=يوم تاطا في رقاريق الحمـاد

ان دندنوا قمت انا العب لعب دندان=يوان غطرفوا بالقوارع قمت اقذيها

انا وين ادوّر لي معَ ذا اللسان لسـان=يعاون لسانـي لا يبيـن الخلـل فيّـه
كليت السما وارضه ولا وقّت اللحيـان=مع الكون كلّـه مـا يجـي لقمـةٍ ليّـه
شربت البحور وجيت متغانـمٍ ضميـان=جميع المشـارب ماتجـي رشفـةٍ ليّـه
سحنت الجبال دواً ولا تكحـل البرمـان=وجميع الشجر ما ميّـل العيـن هذيّـه
كليت القمر والشمس وامسيت انا جيعان=ولا عاد بـه شـي أكلـه عـزةً ليّـه
لبست النهار ثويب حامٍ علـى الامتـان=وسود الليالـي لـي بشـوتٍ شماليـه
وتراني دخيل الله ولييّ عظيـم الشـان=وباقي الخلايق مالهـم عنـدي ادعيّـه