في ذمتك من شم عطرك وغرّك=من أسهرك من ضحّكك من هو أبكاك
من علقك في الغيم من يوم مرّك=في شمسك نجوم الضحى تركن هناك
لله درالي سكن في مقرّك=ماتحترين سهيل في ليل ظلماك
ماترقبين النجم يكفيه شرك=ويكفيك شره لو تجينه او إن جاك
من علمك يا زين تزبن مقرّك=بيخضب الحنا على كف يمناك
من ورطّك لامن مشيتي تحرّك=بياطا على ظلك اليا مال ممشاك
أنا بغيت بقاف شعري أسرّك=مابي أضرّك واعشقك كذب واهواك
ماجيت أبيعك عشق ماجيت أطرّك=جيت أشتري قلبِ خذنّه ولا أبغاك
من علمك ياورد لله درك=لله در النجم مر او تعداك