|
شاعر رنيه يفحم الشاعر الكبير محسن الهزاني بقصيدة على وزن (رنيه)
أرسل الشاعر المعروف محسن الهزاني قصيدة لرجل من اهل رنيه ويسمى (عبد رنيه) كلنا عبيد الله . هو بريك بن عذاب ال عذاب من موالي الوداعين من الدواسر حيث سمع عنه انه شاعر حيث قال احد الاشخاص للهزاني : يا محسن انا لقيت واحد اشعر منك وكان محسن من اشعر اهل وقته الم يكن هو الاول. فقال محسن: انا سوف ارى صحت ماقلت ان كنت صادق اوكاذب فارسل إليه هذه القصيدة. يقول محسن الهزاني:
ياشين ماعينت لي داعج العين= قلبي عليها بالهوى زاد طنيَه الى ضحك في مبسمه طقني بين= لجت محاحيل الحشا واقرشنيَه ساره وزعبيه ونصرة غدت وين= خواتم باصباع سارة زهنيه سارة حلاهن مير نصرة حلا العين= وسط كما الخاتم على ضو ضحنيَه ان كان عندك وحدة عندنا الفين= حتى الرخيصه مانبيعه برنيَه أمك ذلول بالخلا تردف اثنين=واختك تخرّف كنها المقفزنيه فرد عليه عبد رنيه بقصيدة طويله علما بانها 90 بيت حسب قول العلامه بن خميس ولم يجمع منها الا القليل منها:
قال الذي يبدع من القاف تسعين=تسعين قاف كلبوهن علنيه ياركب من فوق سمح الذراعين= فوقه غلام لاندبته شفنيَه الميركه ماهود وشدادها زين=وخرج العقيلي والسفايف زهنيه يطوي مسير العشر في ظرف ليلين =والليل الآخر بالحريق أمرحنيه وصبح أربعٍ تلفي بيوت الهزازين =ولا جيتهم اعقل ذلولك بثنيه يلفي الهزازنة القروم المسمين= من سمعني في مدحهم ماكذبنيَه ذباحةٍ للحيل ومهبشٍ زين=وماكولهم يركد على الكبد هنيه لا جيت مجلسهم ويلاهو يطرب العين=سيف الحرار سيوفهم يرهبنيه واخص محسن شوق ضافي الجديلين= لولاه قال كليمة وازعلنيه لومي عل اللي سامعه من زمانين= وراه ماقاضاه ولاعلمنيه البارحه يقولون ليلة أثنين=أحس عيوني من الدمع حرقنيه بكيت ولا بكان همٍ ولا دين=ولا لي غريم يذبحنيــه أبكي على من له على المتن قرنين=سبيب شقراء عندما فزعنيه ولا همني كود أنت يا مغيزل العين=يا بو قرون فوق متنه كسنيه رقدت أنا واياه بالفراش نيمين=إلين حس الناس يوم أقعدنيه أسقي من ريقه طعم سكرٍ زين=والله وقى ولا بغى يشرقنيه يامحسن لوانك تشوف اريش العين= عفت الحريق وجيتنا صوب رنيه لوشفت سعديه وثنوى وثنتين= في روشنن ماحلى حمامه وبنيه ذرعان سعديه سواة العراجين =ومشرمخات بالذهب يلبسنيه ولاشفت سعديه يجي القرن باعين= شروى حبال شفتهن يفتلنيه وجسمه كما الدهدار والين من اللين=وخصره كما الفتخا بضبضاب حنيه والعنق عنق الريم بين الشعيبين=لا شاف قناص الضحى واجفلنيه وسنونها يا خوي بيض الفناجين=غزلان صيف عندما وضحنيه وسعديه أزين مار نصره حلا عين=خواتمٍ بيدين نصره زهنيه يا محسن قلبي تدالاه رمحين =وإلا حنيشٍ بالعقب ينهشنيه لا تلومني يا خوي قلببي غدا وين=ولو شفتهن تعاف قصرك وبنيه ان قلت لي قين فانا قين ابن قين= وان قلت انا شين فانا عبد رنيه امي خلوج بالخلا تردف اثنين =واختي تهرول كنها المقفزنيه والاانت شيخ من رجال عريبين =ارفع مقامك عن صرات الركنيه مار أنت يلي شوفتك تطرب العين=رجليك بالمغراب لا تزلقنيه ولقد تفاجأ محسن الهزاني بعد هذه القصيدة،واعترف انه اشعر منه ولم يستطع الرد خوف من عبد رنيه وتهديده في اخر القصيدة. تقبلوا تحياتي،، |
ان قلت لي قين فانا قين ابـن قيـن= وان قلت انا شين فانا عبـد رنيـه امي خلوج بالخـلا تـردف اثنيـن= واختـي تهـرول كنهـا المقفزنيـه جاه اللي يرد عليه لاهنت بو مبارك |
والاانت شيخ من رجـال عريبيـن=ارفع مقامك عن صـرات الركنيـه مار أنت يلي شوفتك تطرب العيـن=رجليـك بالمـغـراب لا تزلقنـيـه صح لسانك يالعماني ولاهنت يالغالي ،،، ،، ،،، |
ماقصرت يالعماني والله لايهينك على المجهود......
|
|
يلفي الهزازنـة القـروم المسميـن = من سمعني في مدحهـم ماكذبنيَـه ذباحـةٍ للحيـل ومهـبـشٍ زيــن = وماكولهم يركد علـى الكبـد هنيـه بيض الله وجهك يابومبارك على الموضوع الاكثر من رائع اخوك في الله محمد الغريري |
لاهنتوا جميع على المروور والردود الطيبه
تقبلوا تحياتي،، |
حياكم الله جميع وتسلمون على المرور
|
أبو مبارك لاعدمنا وجودك يالسنافي الحقيقه تخيرت يوم نقلت جعل يمناك مايجيها العطب وعزالله إن عبد رنيه رد مردٍ طيب وكلهم شعار لاهو ولاالهزاني تحياتي القلبية لمقامك العالي ومجهوداتك الكبيره مغليك ومحبك : دغش البطي |
امش ياعبد رنيه مهب هين
ورد اقوى صحيح الي قال اقوى القصيد للعبد والحرمه تقبل تحياتي،،،،،،،،،،،، |
اشهد ان العبد عطاه بالصميم
لاهنت يالعماني |
لاهنت اخويالعماني علي القصيد الجميل.......
ما قصر ويااااه عطاه بصميم |
الشاعر محسن الهزاني
لا زلت ابحث في منتدانا الرائع عن المواضيع الجميلة التي لم أشارك بها فوجدت هذا الموضوع بريشة الخال الغالي هايف العماني عن شاعر نجد في عصره الشاعر محسن الهزاني و عبد رنية أعجبتني الأبيات جدا والقافية التي و ضعها الهزاني و اعجبني اكثر قصيدة العبد في رده عليه ، و قد كان الهزاني كأمرؤ القيس في زمانه و قد كانت له مغامرات كثيرة و قصائد جميلة وهذة احدى قصائده في امراة جميلة اسمها هيا
أخوكم في الله العرابي |
يامال طولة العمر ياأبومبارك
السالفة ذي سمعتها من مبطي لكن ماسمعت من القصيدة وهي الأهم ألا بيتين وكنت متشوق أني أسمعها كاملة أو على الأقل جزء معقول منها ولاعينتناها وااليوم مايتبارك ألا المبارك ياأبومبارك وجبت ماكنت أبحث عنه مساجلة قوية جداً خصوصاً رد راعي رنية مع تحفظي على بعض الأبيات الإباحية:) ولكن الشعراء يقولون مالايفعلون:) خالص الشكر والتقدير لجنابك الغالي |
حياكم الله جميعا وتسلمون على المرور
|
الساعة الآن 03:08 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
