قال الذي قاس من ماضي تجاريبـه=له مدةٍ صفحة الماضـي يراجعهـا
الوقـت مـادوم صافيـةٍ مشاريبـه=لابد من ساعـةٍ تشكـى مواجعهـا
الادمي ضيـف والدنيـا معازيبـه=والضيـف لازم معازيبـه يودعهـا
لو شاف من ثغرها بسمه وترحيبـه=لابد روحه ملاك المـوت نازعهـا
شيٍ كتب في سجلـه لازم يصيبـه=اقـدار الامـه مـوقـةٍ مدافعـهـا
واللي تذم البخت وانتـه تسابيبـه=مقياس جيد السلع جودة مصانعهـا
مـا كـل طيـرٍ يعشنـه مخاليبـه=ولا كل لقمه تسـد لجـوع جايعهـا
كم مستريبٍ ولا بانت بـه الريبـه=وكم من نزيهٍ عبات الشـك قنعهـا
السيل غير مساره عـن مساريبـه=روس الخليقه مشت مع درب تابعها
بيـت الشكـالات مرخـيٍ فطانيبـه=اهل الودايع تخلـت عـن ودايعهـا
ولاعاد للبعـض لاقيمـه ولاهيبـه=من يوم بعيونهـا بـادت طبايعهـا
وصار القياس الحقيقي للرجل جيبه=والناس شالت ضررها في منافعهـا
من زاد ماله لزوم تزيـد اصاحيبـه=لو صملته لا لفحها القيض ميعهـا
ومن قل ماله تبـا تكثـر عذاريبـه=لو كان لا كبرت الدعـوى يسنعهـا
يقل سعر الفشـق سبـت مكاذيبـه=وتوزن حمول الاصايل من تهجرعها
والرجل ما يشبل الا فـي ذواهيبـه=ماهو عصا للبشـر ويـرد تايعهـا
مايعترض كلمـةٍ ماطلعـت شيبـه=بضاعـةٍ بيـن سايمهـا وبايعهـا
من يعترض في نحاة السيل ينحيبـه=لو كان نفسه هواهـا مايزعزعهـا
رحاة جاشٍ برمها الوقـت ولهيبـه=وفاعت هجوس الفكر من حر لايعها
من صلوها قلط الكيـف لشواريبـه=فنجال من دلـةٍ مالوقـت طايعهـا
عقدٍ من اللول منظـوم اللواعيبـه=في جيد من ذيروها مـن مراتعهـا

المشاركة الأصلية كتبت بواسطة نايف صح الله لسانك ولسان الشاعر سعود ولاهنت على المشاركه الرائعه والاختيار الطيب تقبل تحياتي ,,,,

المشاركة الأصلية كتبت بواسطة يحيى الودعاني تسلم يمناك أخوي صالح وبيض الله وجهك وصح لسان الشاعر

المشاركة الأصلية كتبت بواسطة دغش البطي العزيز الغالي صالح الجعيدي تسلم والله يمناك ياذيبان على هذه القصيدة الرائعه وصح الله لسانك ولسان الشاعر سعود ولاهنت على المشاركه الرائعه والاختيار الطيب تقبل تحياتي ,,,,

المشاركة الأصلية كتبت بواسطة هايف العماني ابن العم الغالي صاحب الذوق الرفيق صالح الجعيدي صح الله لسانك ولسان الشاعر قصيدة رائعه تدل على ذوقك الشعري المميز والرائع وصح لسان شاعرها سعود تقبل تحياتي،،

المشاركة الأصلية كتبت بواسطة الصخيبري صح السانك والسان شاعرها

المشاركة الأصلية كتبت بواسطة عبدالله آل بريك صح الله لسانك ولسان الشاعر سعود ولاهنت على المشاركه الرائعه والاختيار الطيب تقبل تحياتي ,,,,

المشاركة الأصلية كتبت بواسطة الصقر الحر صح الله لسانك ولسان الشاعر سعود ولاهنت على المشاركه الرائعه والاختيار الطيب. أخوك الصقر الحر